[يوميات سائق تاكسي]

السلام عليكم ورحمه الله وبركاته

 

ههههههههههههههههههههه

ايون انا تانى وتالت وعاشر

انا مقرره فى كل السنوات

ههههههههههههههههه

حرمت والله اجيب اجزاء هاخد هدنه شويه

بس قلت اجيب حاجه تفرفشكو شويه

تسلم يا حماده على ردك ومرورك

نورت الجزء الاول

[يوميات سائق تاكسي]

 

يوميات سائق تاكسى

 

 

أصدقائي الكرام ..لاشك أن لكل واحد فينا

 

لحظات وذكريات

.

والمعروف أن الإنسان عندما يقضي وقته في العمل تكون لديه فرصة لمعرفة ماهو

 

جديدمما يحدث حوله من مشاكل وأفكار يكتسبها ممن حوله....

 

أحبائي..قصتي التي جئت إليكم بها هي عبارة عن حكايات أو مشاكل أو نوادر في

 

بعض الأحيان وربما تكون محزنة في أحيان أخرى ...

 

هذه الحكايات القصيرة ربما تكون إحدي المشاكل التي يتعرض لها فئة من الناس

 

وأيضا الشباب ..لأنها كما قلت لكم قصص واقعية مأخوذة من أحد السائقين

 

( تاكسي )...( ؟؟؟؟..)

 

وطبعاً في أحداث كان يعلق عليها السائق لما أحد الركاب يأخذ رأيه أو يسأله عن أي

 

شيء

 

وأعتقد أن اسم السائق أو هويته ليس مهماً أن يعرفها أحد

 

منكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

سأحكي لكم اليوميات كما سمعتها أو حكيت لي مع تصوري لها طبعا وبالسيناريو

 

والحوار حتى تكون بسيطة وخفيفة لمن يقرؤها.

 

 

اليوم الأول..أو الراكب الأول

 

الراكب: السلام عليكم ورحمة الله

 

السائق:وعليكم السلام ورحمة الله وبركاته...على فين إن شاء الله؟؟؟؟؟

 

الراكب:يذكر المكان (؟؟؟؟؟؟؟؟؟؟؟)

 

الراكب: والله دي حاجة مقرفة كل شوية تزعل وأروح أجبها

 

من عند أمها وتقعد تتحكم

 

فيا ..اوفففففففففففف يا ساتر امتى الواحد ربنا يتوب عليه بقى؟؟؟؟؟

 

السائق:هدي نفسك بس كده وصليي ع النبي كل مشكلة وليها حل

 

الراكب:همسا . . . أنا مشكلتي مالهاش حل أبداً !!!!!!!!!

 

السائق:بس متاخذنيش برضه أنت لازم تكون شديد معاها أكتر

 

من كده عشان متسؤش

 

فيها !!

 

 

الراكب:يلا خليها على الله ...أيوه هنا يا سطى ..الله ينور..شكرا

 

السائق:العفو أي خدمة...مع السلامة (وهو مستغرب من حال الراكب)

 

ويمضى السائق في طريقه حتى يأتي إليه راكب آخر

 

الراكبة:تاكس...تاكس ثم تذكر المكان ( ؟؟؟؟؟؟؟)

 

السائق: أيوه اتفضلي

 

الراكبة:مساء الخير يا أسطى

..

السائق:مساء النور..

 

الراكبة:تخرج التليفون المحمول من حقيبتها ثم تتحدث ..( أيوه يا ماما أنا حبيت

 

أطمنك عليا عشان هتأخر في الدرس شوية ..أصل إحنا بنراجع...أيوه أيوه أنا بكلمك

 

من عند هبة والأستاذ موجود!!!!!!!!!!!!؟؟؟؟؟

 

بتقولى إيه يا ماما؟؟؟ إيه صوت العربيات ده؟؟؟ أيوه أيوه أصل احنا قاعدين في

 

البلكونة!!!!!أصل الدنيا حر اوى …أوكي يا ماما مع السلامة..

 

ثم تخلع الراكبة الجاكيت الذى ترتديه وتظل بالبدي!!!!؟؟؟؟؟؟

 

أيوه هنا لو سمحت … ميرسى . . . ثم تتوجه الى صالة دسكو

 

السائق:لا حول ولا قوة الا بالله....ربنا يهدي

 

ثم يمضى السائق في طريقه مرة أخرى

 

…

الراكب:تاكس....ثم يذكر المكان المتوجه اليه

….

السائق:أيوه اتفضل

 

الراكب: السلام عليكم ورحمة الله وبركاته

 

السائق:يرد السلام

 

الراكب:حضرتك بتصلي؟؟؟؟

 

السائق:الحمد لله

 

الراكب:أصل كل شباب اليومين دول مبيصلوش وتحس أن الناس الكبيرة هى بس اللى

 

بتصلي ...سبحان الله يا أخي ده أنا عندي شاب في كلية الهندسة كل ماقوله صلى

 

يقولى دي حاجة خاصة بيا أنا بس ومحدش له دعوة ويرفع صوته على ولدته ويخرج

 

من البيت من غير ميقول هو رايح فين !!!

 

ونفضل أنا وولدته قلقانين عليه لحد مايرجع .....وعلى كده كل يوم لما الواحد خلاص

 

زهق؟؟؟؟؟؟؟؟؟

 

السائق:يا حاج دي مشكلة كل الشباب مش بس ابنك كل اللى همه السهر والهزار

 

وتلاقيه من جواه فاضى ومعندوش أي طموح ويقولك ( أنا يعني لما أتخرج هعمل إيه

 

منا هقعد ع القهوة ) يعنى هى هى..........ربنا يهديهم

 

الراكب:ربنا يسمع منك يا بنى .....أيوه هنزل هنا ألف شكر

 

***************************

 

 

 

اليوم الثاني

 

وده يوم جديد من يوميات عمنا السواق إياه!!

 

يلا نشوف مين اللى هيركب معاه النهاردة ويا ترى ركاب ظراف ولاااااااااااااااااااااااااااااااااااا؟؟؟

 

 

أنا شايفة واحدة بتشاور عليه من بعيد ..تعالوا نعرف إيه حكايتها؟؟

 

الراكبة: تاكسي...تاكسي ثم تذكر المكان

 

السائق: أيوه اتفضلي

..

الراكبة: تتوجه الى التاكس وتحمل في يديها قفص به عصفور

 

شكله غريب وصغير جداً.

 

لحظة صمت؟؟ ثم تقول للسائق..ياه ع الحر والله أنا نازله غصب عني ؟؟؟

!!!

السائق: مش خير إن شاء الله يا مدام؟؟؟؟؟

 

الراكبة: أصل عربيتي عطلانة وميشو ابني فضل يعيط ومش عاوز يتغدا

!!!

السائق: ليه سلامته هو عيان ولا إيه؟؟؟

 

الراكبة : لا أبداً أصل العصفور بتاعه مات وصمم إني لازم أنزل وأشتري واحد شكله

 

بالظبط !!!!!!!أعمل إيه بس ؟؟؟

 

السائق: وده بكام يا مدام ده شكله غريب اوى؟؟

 

الراكبة: حاجة مش مستهلة الدوشة اللي عاملها

 

180 جنيه!!!

 

السائق: بالقفص؟؟؟؟؟؟؟؟؟؟؟؟؟؟؟؟؟

!!!!

 

الراكبة: تبتسم في استغراب

 

السائق: والله يا مدام أنا لو ابنى وعمل كده وهو طبعا ميقدرش يعمل كده.. وغضب ع

 

الأكل أنا امسكوا ارميه من الشباك!!!وإن شا الله عنه ما طفح

 

الراكبة: وهى مندهشة..أيوه هنزل هنا ..ميرسى يا أسطى

 

السائق: العفو... وسلامى لميشو

 

وينصرف السائق وهو يردد((اللى يعيش ياما يشوف في الدنيا دي).

 

[حاجة تفقع المرارة]

السلام عليكم ورحمه الله وبركاته

 

ههههههههههههههههههههه

ايون كده عشان فى ناس مبتمشيش الا بالافترا ده

هقولك على معاد ومكان اول اجتماع للرابطه :Mazakonia (81):

[حاجة تفقع المرارة]

السلام عليكم ورحمه الله وبركاته

 

تسلمى يا انجولتى على ردك ومرورك

نورتى القصه

عايزين نعمل رابطه للستات المفتريه دى :Mazakonia (81):

ايه رأيك؟ ونوسع نشاطهم

[أول يوم فى الجامعه]

السلام عليكم ورحمه الله وبركاته

 

تسلمى يا انجولتى على ردك ومرورك

نورتى القصه ربنا يخليكى

وتنورينى دايما :Mazakonia (81):

[أول يوم فى الجامعه]

السلام عليكم ورحمه الله وبركاته

 

العفو يا علياء ربنا يخليكى

تسلمى على ردك ومرورك

نورتى القصه والقسم كله

[إهداء إلى الحبيب يوم مولده]

السلام عليكم ورحمه الله وبركاته

 

جزانا واياكم كل خير انشاء الله

تسلمى يا نومو على ردك ومرورك

نورتى التوبيك يا قمر

[محمد صلى الله عليه وسلم]

السلام عليكم ورحمه الله وبركاته

 

عليه افضل الصلاه والسلام

جزانا واياكم كل خير انشاء الله

تسلم يا تامر على ردك ومرورك

نورت التوبيك

[أول يوم فى الجامعه]

السلام عليكم ورحمه الله وبركاته

 

تسلمى يا منه على ردك ومرورك

نورتى القصه

دايما منورانى يا قمر

[أول يوم فى الجامعه]

اول يوم فى الجامعه

 

اليوم الأول.. في الحرم الجامعي

 

"ما أجمل هذه الفتاة".. حدثت وسام نفسها..

 

*بماذا تفكرين*.. قالت علا..

 

نظرت وسام إلى علا.. ثم قالت *لا شيء*

 

علا *هل تفكرين في هلا؟؟ لا تظني أنك من الممكن أن تكوني صديقة لها*

 

استغربت وسام.. وقالت *ولم لا؟؟*

 

علا بثقة *لأنك مختلفة تماماً عنها.. إنها فتاة مش كويسة*

 

لم تفهم وسام معنى " مش كويسة " ولم تعر كلام صديقتها اهتماماً أصلاً.. إنها تحب أن تكون

 

علاقتها بالجميع جيدة.. فكرت وسام "إذا أتيحت لي الفرصة للتعرف عليها.. سأفعل بالتأكيد"..

 

وسام وعلا..في مكتبة الجامعة..

 

تغيب الأستاذ عن المحاضرة.. فكان لديهم الوقت للاطلاع حتى يحين موعد المحاضرة التالية..

 

أمسكت وسام بأحد الكتب تقرؤه.. بعد فترة رفعت عينيها عن الكتاب.. وقعت عينيها على هلا

 

تجلس بمفردها.. أمامها مباشرة.. رفعت هلا رأسها عن الكتاب.. ابتسمت وسام في ود وقالت

 

*كيف حالك يا هلا؟*

 

نظرت هلا إلى وسام ثم قالت *الحمد لله.. هو أنا أعرفك؟!*

 

وسام *اسمي وسام.. معك في الدفعة.. أحببت التعرف إليك*

 

هلا *أهلا بك.. عن إذنك*..

 

وسام *تفضلي*

 

*كانت تعاملك بتجاهل تام*.. قالت علا موجهه الكلام إلى وسام

 

التي أجابت بدهشة *حقاً!! لم

 

ألحظ ذلك*.. قالت علا في ضيق *أنت طيبة جداً وسام.. بلاش تكلميها أحسن*..

 

بعد عودتها إلى المنزل.. فكرت وسام أن هلا كانت بالفعل تتحدث إليها بتعالٍ وتجاهل.. وقررت

 

ألا تتحدث إليها مرة أخرى.. لكن هذه ليست طبيعة وسام.. لذا فإنها ما إن أتيحت لها الفرصة

 

للحديث مرة أخرى مع هلا حتى تحدثت إليها بلطف.. وللمرة الثانية ترد عليها هلا بردود

 

مقتضبة متعالية.. وتعود وسام للمنزل وتقرر مرة أخرى ألا تتعامل مع هلا أو تتحدث إليها..

 

ويتكرر هذا المشهد مرات عديدة.. ولا تلحظ وسام الكلمات الجافة المتعالية التي تخرج من هلا

 

إلا بعد أن تتركها أو بعد عودتها إلى المنزل..

 

وتمضي سنوات الدراسة.. ولا تزال وسام تعامل الجميع بلطف وود.. حتى هلا.. ولكن هلا التي

 

اقتصرت علاقاتها على صداقات محدودة.. ورغم جفائها مع الغير.. ورغم جفائها مع وسام

 

والذي تقابله وسام بالود والبشاشة وتجاهل لكلماتها الجافة المتعالية.. وجدت نفسها رغماً

 

عنها تشعر بحب لهذه الفتاة.. وصارت تبتسم لها وترد عليها بلطف.. كيف لها أن تجافي فتاة

 

تبتسم لها كلما رأتها..

 

"ادفع بالتي هي أحسن فإذا الذي بينك وبينه عداوة كأنه ولي حميم"

 

ربما شعرت وسام أنها غبية لأنها تتصرف بطبيعتها.. لكن مع مرور الأيام.. أدركت أن هذا

 

هو الصواب.. إذا ترك الإنسان ليتصرف بفطرته سيتجه إلى الاتجاه الصحيح.. إياك أن تترك

 

خصلة حسنة لمجرد أنها تبدو لا تصلح في هذا الزمن..

 

فالصواب.. هو الصواب.. في كل وقت.. وفي كل زمن..

[إهداء إلى الحبيب يوم مولده]

السلام عليكم ورحمه الله وبركاته

 

جزانا واياكم خير انشاء الله

تسلمى يا انجولتى على ردك ومرورك

نورتى التوبيك

 

 

 

جزانا واياكم خير انشاء الله

تسلمى يا نور على ردك ومرورك

نورتى التوبيك يا قمر

[ياسر والأنبوبة]

السلام عليكم ورحمه الله وبركاته

 

تسلمى يا سلمى على ردك ومرورك

نورتى القسم والقصه

الله يكون فى عون الكل

[قصة اب وابنته]

السلام عليكم ورحمه الله وبركاته

 

انا مش عارفه اقولك ايه تسلم ايديكى بجد

تسلمى يا انجولتى قصه روعه

 

 

اسالك تبارك وتعالى ان ترزقنا التوبه لااله الا انت سبحانك ..اني كنت

من الظالمين

 

 

اللهم اجعلني من سكان الجنه ولا تجعلني من سكان النار

 

يارب كل المسلمين يارب

 

شكرا ليكى

[الله يسامحك يا ستي]

السلام عليكم ورحمه الله وبركاته

 

هههههههههههههههههههههههه

والله انتى عثل وثكر

تيتا دى عسسسسسسسسسسسل

تسلمى يا انجولتى يا قمر

تسلم ايديكى

دبلون اه الواد له حق ينسى اسمه :Mazakonia (95):

شكرا يا حبى ليكى

[ياسر والأنبوبة]

السلام عليكم ورحمه الله وبركاته

تسلمى يا منه على ردك ومرورك

نورتى القصه يا قمر

الله يكون فى عونه فعلا

صعبان عليا والله

[القطة والزواج العرفي]

السلام عليكم ورحمه الله وبركاته

 

تسلمى يا منه على ردك ومرورك

ودايما منوره القسم

ربنا يخليكى يا قمر

[إهداء إلى الحبيب يوم مولده]

<div align="center">إهداء إلى الحبيب يوم مولده

 

 

هيا بنا نعرف نسب الحبيب صلّى الله عليه وسلم بطريقة سهلة!!

 

النسب الشريف: "محمد بن عبد الله

 

بن عبد الطلب بن هاشم بن عبد مناف بن قصى بن كلاب بن مرة بن

 

كعب بن لؤى بن غالب بن فهر بن مالك بن النضر بن كنانة بن خزيمة

 

بن مدركة بن إلياس بن مضر بن نزار بن معد بن عدنان"[1]

 

1_ هو خير خلق الله - هو محمد بن عبد الله

 

2_ هو النبى لا كذب – هو بن عبد الطلب

 

3_ هو الأعظم لا خلاف - هو بن هاشم بن عبد مناف

 

4_ فتح للخير كل باب - هو بن قصى بن كلاب

 

5_ يسر للأمة كل صعب - هو بن مرة بن كعب

 

6_ قد أجاب كل طالب - هو بن لؤى بن غالب

 

7_ من دونه الكل هالك - هو بن فُهر بن مالك

 

8_ وتزوج من أرض الكنانة - هو بن النضر بن كنانة

 

9_ كان القائد فى المعركة - هو بن خزيمة بن مدركة

 

10_هو رحمة لكل الناس – هو بن إلياس

 

11_كان يتعبد بالغار – هو بن مضر بن نزار

 

12_هو الرسول الإنسان – هو بن معد بن عدنان

 

 

(م) محمد

 

 

 

(هـ) هاشم

 

 

(ق) قصى

 

(ك) كلاب

 

(م) مرة

 

(ك) كعب

 

(ل) لؤى

 

(غ) غالب

 

(ف) فهر

 

(م) مالك

 

(ال) النضر

 

(ك) كنانة

 

(خ) خزيمة

 

(م) مدركة

 

(إ) إلياس

 

(م) مضر

 

(ن) نزار

 

(م) معد

 

 

 

من عاش عمره هزرمة – عمله قليل كلوم

 

ما كسب لا غنم – فر من الجنة

 

كسب خسرانا مبينا – إلا من ندم مااقترف وعاد

 

احفظ تلك الجمل

 

خذ أول حرف من كل كلمة

 

وستحفظ ترتيب الأسماء (النسب) إن شاء الله

 

 

لم أحفظ تلك الصفحة؟ أرأيت هى مجرد صفحة!

 

تخيل .. أغمض عينيك .. حاول أن تتخيل أول لقاء مع الحبيب صلّى

 

الله عليه وسلم .. تقف أمامه .. تنظر إليه بكل شوق وبكل حب ..

 

تجرى نحوه .. يبتسم فى وجهك .. تقترب منه .. كى ترتمى بين

 

ذراعيه .. تخيل هذا المشهد العظيم .. وتسلم عليه وتقول له "السلام

 

عليك يا رسول الله يا خير خلق الله يا حبيب الرحمن .. سيدى محمد بن

 

عبد الله بن عبد المطلب بن هاشم بن عبد مناف بن قصى بن كلاب بن

 

مرة بن كعب بن لؤى بن غالب بن فُهر بن مالك بن النضر بن كنانة

 

بن خزيمة بن مدركة بن إلياس بن مضر بن نزار بن معد بن عدنان".

 

تخيل فرحته بك .. تخيل هذا المشهد جيدا، ثم حاول جاهدا .. أن تتعرف

 

عليه .. تعرف اسمه ونسبه .. تقرأ سيرته وتقتدى بسنته .. وتفكر فى

 

حال أمته .. وتبحث عن دورك الفعّال والعبرة بالأفعال .. ليفتخر بك

 

الحبيب .. فتكون منه قريب .. ويرضى عنك الرحمن الرحيم .. وذاك

 

هو عين النعيم.

 

</div>

[حاجة تفقع المرارة]

حاجه تفقع المراره

 

كنت أقف على محطة المترو أنتظر كغيري من الناس وصول البيه المترو..

 

ولفت انتباهي فتاتان تتحدثان من خلفي بصوت يشبه الهمس ..إلا أني أسمعه لقربهما الشديد

 

منى.. ولإصرار إحديهما على توجيه فمها نحو أذني..

 

ليس لتهمس إلىّ بشيء.. ولكن لتقذف من فمها الغادر هذا قذائف من قشر اللب الذي قزقزته

 

وهى مستمتعة متحمسة بالحوار..

 

الأولى: والله منا عارفة الرجالة دول عايزين ايه مننا..

 

الثانية: يا حبيبتي دى كائنات مفترية عايزة تستعبدنا..

 

الأولى: وقال إيه ياختي.. إتفوووووو(قذيفة قشر لب) بيقولوا إنهم أقوى مننا عشان كده يبقوا

 

هما قوامين علينا..

 

الثانية: باستنكار عجيب.. قواميـــــــــــــــــن!! .. داحنا قدّهم وقدود يا حبيبتي..

 

الأولى: منا عارفة.. دنا كل يوم بصبّح حمدي بشبشبين وامسّيه بعصايتين..

 

فهمت أن حمدي هذا هو الرجل المسكين الذي يظنه الناس زوجها.. ولكنه في الحقيقة أسير

 

سجين عندها..

 

الثانية: يا ختى انتى أدرى .. أنا لسة متجوزتش .. بس انا متأكدة إني قد عشر رجالة..

 

الأولى: خللى بالك يا بِتْ .. لازم لمّا تتجوزى تثبتي له إنك أفوى منه..

 

الثانية: إزاى يعنى.. انتى عندك طريقة؟ ..

 

الأولى: عيـــــــــــــــــــب.. دنا دَبَحْتِلُه القطة ليلة الدخلة ..!!

 

التانية: قطةايه ياختى متقولى على طول من غير أمثال ..

 

الأولى: أول ما اتقفل علينا الباب كان فاكرني من اللى بيتكسفوا يا ختى..

 

بس انا ايه فاجئته.. قلت له كده بدَلَع الأول..يا حمدي.. يا ميدو يا حبيبي..

 

وهو الأهبل فاكرني بتدلّع عليه..

 

قلتله نفسي تلاعبني رست يا حياتي..

 

التانية: ورضي يلاعبك؟!! (الرست لمن لا يعرف هي رياضة يقوم فيها يقوم فيها كل لاعب

 

بإمساك كف زميله.. والفائز هو من يستطيع إنزال كف الأخر على الطاولة أو على السطح

 

الذي يلعبان عليه)

 

الأولى: كان فاكرني مش قده .. بس على مين!! ..غلبته وحياتك ..ومن يومها وهو آخر احترام

 

معايا

 

التانية: والله وأنا حاسة انى برضه عندي القدرة انى اعمل كده.. فتحتي نفسي للجواز يا شيخة..

الأولى: يابت ما تستعجليش هتشوفى كتير من ده لما تتجوزى.. هما الرجالة كده منظر وبس..

 

المهم دلوقتى خللين افى اللى احنا فيه..

 

التانية: طيب .. بس الاجتماع عن إيه النهارده في الجمعية؟

 

الأولى: عن المساواة المُطْلَقة في جميع الحقوق بين الراجل والست..

 

التانية: يادى وجع القلب .. آدى اللى جايلنا من ورا الرجالة .. تعب وبس ياختى..

 

وأخيرا جـــــــــــــــــــــــــــاء المترو

 

جاء ليرحمني من اللب وقشر السوداني.. وحتى تنتهي قصة أم زيد الهلالية هذه

 

كنت أتحسّر على هذا المسكين الذي انخدع واتضح أنه متزوج من الشحات مبروك (بطل العالم

 

لكمال الأجسام أكثر من مرة)..

 

وفى نفس الوقت .. عرفت مايدور في أذهان النساء هذه الأيام .. وأيضا.. راجعت نفسي في

 

موضوع الارتباط ببنت الحلال.. وقلت أَصْبِرُ قليلا حتى لا أشرب مثل هذا المقلب الساخن..

 

المهم كنت حريصا بالطبع على أن أرى وجهَيْ هاتين البطلتين اللتين أكلتا رأسي بحديثهما

 

الشيق الممتع ..

 

وجلسنا في المترو والحمد لله ووصلت بيت أقاربي الذين كنت قد نزلت عليهم أثناء تواجدي في

 

القاهرة..

 

وفى اليوم التالي..

 

ركبت المترو ووجدت فيه مكانا والحمد لله..

 

وبعد محطتين.. وقد ازدحم المترو بالركاب. وكدت أختنق من رائحة العرق المنبعث من الناس

 

فإذا بامرأة وفتاة تشقان الزحام متوجهتان إليّّ لكي تَتَسَمَّرا أمامي أنا بالذات..

 

وسمعتُ الصوت..هذا الصوت ليس غريبا.. بل ونبرته تذكرني بلسعة في أذني من جراء الإلقاء

 

بصندوق قمامة ملئ بقشر اللب فيها.. كانت تبتسم لي قائلة..

 

لو سمحت يا أستاذ ممكن أقعد مكان حضرتك..

 

إنها هي.. إنها أم زيد الهلالية زوجة حمدي المسكين.. زعيمة تنظيم المساواة الجائرة..

 

بصراحة لم أتمالك نفسي .. فرحت صارخا في وجهها..

 

ياسلام.. تقعدي مطرحى .. ونسيتى المساواة يا ولية يا مفترية !!

 

كنت أصيح فيها كالمجنون.. وأصرخ واُصَرِّح باسم حمدي والرست والشبشب..

 

كانت تنظر إلى ببرود عجيب وكأنها متأكدة من أنها ستحصل على المقعد ..

 

فقالت لي برقة عجيبة .. جعلتني أشك في أنها هي نفس المرأة.. أنا بستأذن حضرتك . عيب

 

قوى إنك تكسف واحدة ست مش قادرة تقف..

 

لكن لا .. على جثتي.. مش هتقعدى على الكرسي واللى عايزة تعمليه اعمليه..

 

كنت أعاني من صراع في أعماقي.. فأنا كرجل صعيدي وأزهري لا أستطيع أبدا رؤية امرأة

 

واقفة وأنا جالس.. لكن هذه بالذات .. لا وألف لا ..

 

أفقت من صراعي الداخلي لأجد كل من حولي من الركاب ينظرون إلىّ باشمئزاز.. ونطق أحدهم

 

من منخاره قائلا.

 

إيه قلة الذوق دى .. متقعّد الست يا بارد..

 

جعلتني الكلمة أغلى وأفور من الغيظ..

 

أنا بارد يا مصنع التلج انت.. ما قُمْتِشْ انت ليه لما انت محروق قوى كده..

 

رد علىّ بجملة واحدة كانت أبرد منه .. لو طلبت منى أنا كنت قمت.. بس هي طلبت منك انت..

 

فقلت وأنا أتمادى في إصراري مش ممكن .. اللى مش عاجبه بقعّدها مطرحه..

 

وساعتها ( لا أراكم الله شيئا كهذا) وجدتُ عربة المترو كلها تضيق من حولي .. والناس

 

يمسكون بي من كل مكان .. والحناجر تلتهب بالسباب .. والأيدي ليس لها شغل إلامصافحة

 

وجهي وأنحاء أخرى متفرقة من جسدي..

 

ورأيت ابتسامة صفراء على وجهها وهى......................

 

وهى جالسة على مقعدي..

 

وصرختُ بكل ما أملك من قوة.. الله يخرب بيت المســــــــاوااااااااااااااااااه..

 

حسبي الله ونعم الوكيل..

لاأعلم بصراحة كيف استطاعت هذه المرأة الظالمة أن تغير من مبادئها وتلعب على

 

وترالرجولة عند الرجال ..

 

تبا لهذه المساواة..

 

[ياسر والأنبوبة]

السلام عليكم ورحمه الله وبركاته

 

تسلم يا ميدو على ردك ومرورك

نورت القصه

[ياسر والأنبوبة]

السلام عليكم ورحمه الله وبركاته

 

تسلمى يا انجولتى على ردك ومرورك

نورتى القصه

دى مش رخامه يا حبى

الست قالت يعنى افسحه شويه عشان الملل :Mazakonia (81):

ده كويس اوى انه راح العباسيه بس

ربنا رحمه

تعيشى وتنورينى دايما يارب

[ياسر والأنبوبة]

ياسر والأنبوبة

 

 

أبو زعبل هو سجن مصري مشهور

 

العباسية هي مستشفي الأمراض النفسية والعقلية بالقاهرة

 

ومرادفها أيضا السرايا الصفرا وفي الاسكندرية المعمورة

 

-------------------------------------------------------------------------------

سلمى وياسر

 

مهندسان زراعيان حديثا التخرج

 

لم ينتظرا ضربة حظ أو ثروة تهبط عليهما من السماء ليحققا حلم الزواج

 

تقدما بطلب للحصول على أرض في النوبارية وحصلا عيها بعد صبر ومثابرة

 

الأرض في الكيلو 70 جنوب الإسكندرية وإلى الشرق 36 كيلو في عمق الصحراء بنيا

 

فيها بيتا

 

عبارة عن غرفة واحدة بمنافعها

 

 

وبمساعدة الأهل اشتريا سيارة نصف نقل قديمة تساعدهما في أعمال الزراعة

 

الكل ينظر لحياتهما على أنها منفى ولكنهما وبفضل الله يحققان النجاح فيها

 

فقط يفتقدان الولد بعد زواج لمدة عامين

 

يقوم ياسر وسلمى برحلة أسبوعية 106 كيلو إلى أطراف المدينة للتزود بالمؤن

 

الأساسية للمنزل

 

هذا الأسبوع سيذهب ياسر وحده لماذا ؟

 

سلمى تبدو عليها أعراض الحمل لم يتأكد الأمر بعد وقد نصحت بتجنب المشوار

 

الذي تتحمل فيه كثيرا من الهبد والرزع

 

بما يكفي لحدوث الإجهاض المتكرر .

 

حضرت سلمى لياسر لستة بالطلبات اللازمة راجعاها سويا

 

من حسن الحظ أن شبكة المحمول تعمل في بيتهما الصغير ولكنها لا تعمل في ال36

 

كيلو حتى الطريق الصحراوي

 

ياسر مشغول على سلمى لأنه سيتركها وحدها ولكن ربنا يستر لن يتأخر؟

 

ياسر الآن شخص آخر تائه نزيل العباسية عنبر 5 (عنبر الخطرين )

 

يا تري إيه السبب ؟؟؟؟؟؟؟؟؟؟؟؟

 

------------------------------------------------------------------------------------------------------------------------------------------------------------

 

إليكم ما حدث :

 

ودع ياسر سلمى وأوصاها على نفسها واستودعها الله وتوكل عليه

 

ما إن اقترب من الصحراوي واشتغلت شبكة المحمول إلا ورن هاتفه

 

أيوة يا روحي خير

ما فيش يا حياتي بس أنت نسيت تاخد الغسالة تتصلح

 

يااااااااااه نسيتها خالص

 

حاولت أفكرك بس كنت دخلت في الشبكة الواقعة

 

أنا راجع

 

وعاد ياسر تلك الكيلوات ال36 وأخد الغسالة

 

مش ناسية حاجة تاني ياسلمى

 

لا يا حياتي نسيت بس أبوسك

 

والله حاجة تستاهل الرجوع

خللي بالك من نفسك

 

ياسر إشترى الطلبات من المدينة وبعد أن انتهي من شراء الطلبات اتصل بسلمى

 

عاملة إيه ي اروحي

 

الحمد لله تمام

 

مش عاوزة حاجة ثانية قبل ما أرجع

 

كنت عاوزة كيوي واحدة بس

 

بس كده عشرة ولا يهمك

 

رجع ياسر اشتري الكيوي وقلبه يقفز من الفرحة سلمى بدأت تتوحم

 

وبدأ في رحلة العودة

 

الكيلو 20

 

تررررررررن

 

أيوة يا روحي

 

أنت وصلت لفين ياحياتي ؟

 

أنا في الكيلو 20

 

طيب ممكن يا عيوني ترجع تجيب لي تحليل حمل

 

من عينيا عاد وهو يطير من الفرحة

 

دخل الصيدلية سبع البرمبة وهو يطلب تحليل الحمل

 

وعاد إلى الطريق الصحراوي

 

الكيلو 30

 

ترررررررن

 

ايوة يا روحي خير

 

لا مافيش أنا بس نسيت اكتبلك شاي وسكر ياترى افتكرتهم

 

لا طبعا أنا باشتري المكتوب بس

 

خلاص أنا راجع تاني افتكري حاجة تانية (قالها بنفاد صبر)

 

لا يا روحي أنا آسفة مشورتك النهاردة

 

بسيطة

 

عاد ياسر واشتري الشاي والسكر

 

ورجع أدراجه إلى الطريق الصحراوي

 

الكيلو 50

تررررررن

 

تردد وهو يرد على الهاتف وقال في نفسه لن أعود مهما كان

 

حياتي الملح ما فيش في البيت ذرة ملح

 

مش هارجع

 

 

 

اوكي ياعمري أنا معاك مات رجعش بس فكر في أسبوع من غير ملح

 

وصل ياسر للكيلو 55 وهو عازم ألا يعود

 

فكر ياسر جيدا في طعم الكوسة بدون ملح وهي المحصول الذي طرح معهم هذه الأيام

 

كاد أن يتقيأ

 

عاد ياسر لشراء الملح لم يتصل مرة أخرى وعزم ألا يرد على الهاتف

 

وصل ياسر إلى البيت وهو مرهق جدا يحلم بكوباية شاي ساخنة ودش راااااااائع

 

استقبلته سلمى بالقبلات معتذرة عن المشورة ولكن كل هذا لم يفلح في فك البوز اللي

 

ياسر ضاربه

 

دخل ياسر ليأخذ الدش بينما تحضر سلمى الشاي

 

سلمىييييييييييي

 

السخان ماله مابيشتغلش ليييييييييييييه

 

الأنبوبة خلصت يا روحي

 

مانطقتيش ليه وأنا نازل

 

انا مكسووفة منك يا حياتي سامحني نسيت

 

إعملي الشاي بسرعة علشان انقل أنبوبة البوتاجاز في السخان

 

بخجل ردت سلمى حبيبي فيه خبر وحش

 

خييييييييييييير

 

أنبوبة البوتاجاز كمان خلصت من شوية

 

خيم الصمت على المنزل تماما

 

إختفت سلمى من أمام ياسر توقعا لرد فعله

 

بطريقة آلية لفع ياسر الأنبوبتين على أكتافه ورزعهم في العربية

 

وعاد ليبدل الأنبوبتين من المدينة

 

لن أصف لكم حاله عليكم أن تتخيلوا

 

عاد ياسر إلى البيت لم تحاول سلمى أن تريه نفسها فقط تركت له رسالة أنا حاسة بيك

 

يا يا حياتي

 

تركت له فرصة ليهدأ غضبه ودخلت من البلكونة محاولة الابتسام

 

دخل ياسر المطبخ هيعمل لنفسه شاي بنفسه بحث عن الكبريت إضطر أن يناديها

 

 

سلمىييييييييي حاطة الكبريت فين

أخخخخخخخخخخخخ الكبريت ما فيش كبريت خلص

 

خرج ياسر ولم يعد من ساعتها

 

حالة ياسر ميئوس منها تتلخص فيما يلي بدأت بأنه يدخل سوبر ماركت كبير ويشتري

 

من كل صنف عبوة حتى البامبرز

 

مع انه ليس لديه أطفال وبعد أن يضع الأغراض في العربة

 

يصرخ سلمىييييييييي ناسية إإإإإإإيه ثم يشتري كل الكبريت اللي في المحل ويولع في

 

البضاعة وكل من يقترب منه

 

 

 

الدروس المستفادة

 

. أول درس وهو مهم جدا

 

ما نتعلمه من بطلينا اللذان لم ينتظرا شقة بمنطقة راقية ووظيفة بمرتب مغري حتى

 

يتزوجا

 

تصرفا بطريقة عملية جدا وبثمن الشقة أو العفش تحولا إلى أعضاء منتجين في

 

المجتمع

 

وإستثمرا شبابهما بطريقة صحيحة

 

2. ثانيا نجد هنا التعاون والمشاركة في كل شيء فهي تشاركه الكفاح في كل شيء

 

ولولا خوفهما على الحمل لما تخلفت عن الرحلة الأسبوعية والتي ليست دائما ترفيهية

 

3. لو لاحظتم المقطع كتبت الطلبات وراجعاها سويا لعلمتم أنه الخطأ البشري موجود

 

ولكن لا يمكن أن نرمي اللوم على الزوجة فقط فالاثنان يعيشان في البيت واحتياجاتهما

 

واحدة

 

ولكن تأتي بعض الأولويات عند كل واحد هتلاقي مثلا ياسر يكتب

 

أمواس حلاقة –مفتاح 10 –لوسيون مش عارف إيه لمنع الصلع-بذور أي حاجة غير الكوسة

 

-سماد من أي نوع غير الحيواني-وهكذا بينما سلمى تكتب

 

قلم روج لون 36 –زراير قمصان-سكينة مطبخ حامية جدا أو ساطور وأكياس

 

بلاستيك مقاس كبير شديد التحمل

 

4. الحب والمودة بين الزوجين هو خايف عليها وهي لطيفة جداً في وداعه

 

بالتأكيد هذا يستمر في عدم وجود أطفال بس يا ريت يستمر بعد وجودهم

 

5. الاعتذار عند ارتكاب الخطأ وليس محاولة تبريره مهم جداً

 

فهي تعمل كل عملة اسخم من التانية وتعتذر برقة شديدة تنسي الواحد آلام الدنيا ودي

 

مهارة ليست سهلة

 

6. الصبر والصبر والصبر شفتوا ياسر صبور إزاي ومهذب إزاي

 

لفع الأنابيب على كتفه ياضنايا من غير ولا كلمة واحد غيره كان خبطها بيها على

 

نافوخها جابها الأرض

 

7. أنا حاسسة بيك ياحياتي ياسلام كلمة جميلة جداً لو كل واحد أحس بالتاني هتختفي

 

مشاكل كتير من حياتنا

 

--------------------------------------------------------------------------------------------------------------

 

الواجب العملي للزوجة

1. علقي في المطبخ وقرب باب البيت سبورة صغيرة أو بلوك نوت وقلم كلما قاربت

 

حاجة على الانتهاء أكتبيها بسرعة

 

مهما كانت الظروف (بقإلي 20 سنة نفسي أعمل كده )

 

2. راجعي ورقة الطلبات مرة واثنين وعشرة وتممي على الحاجة بنفسك خاصة لو أنت

 

في حتة مقطوعة زي سلمى

 

وحاولي دائما إشراك زوجك في كتابة الطلبات حتى يتفرق دمه بين القبائل .

 

3. إذا حدث المكروه ونسيت شيئاً فسارعي بإخبار زوجك

 

لأنك لما ترجعيه من الكيلو 20 أرحم ما ترجعيه من الكيلو 50 ده دم ولحم برضو

 

مش روبوت .

 

4. خللي طريقتك لطيفة في توصيل الأخبار السيئة واتركي له حرية الاختيار

 

زي مثلا لما طلبت منه الملح ما قالتش لازم ترجع سابته يتخذ بنفسه هذا القرار

 

وبكده تكونين بريئة براءة الذئب من دم يوسف.

 

5. المواد الأساسية اكتبيها سواء خلصت أو لا احتياطي زي الملح والسكر والشاي

 

والعيش ومياه الشرب

 

(في الدول اللي مابتشربش من الحنفية)عمار يامصر والبصل والثوم والكيوي كيف

 

نعيش بدون كيوي .

 

6. إذا عندك خبر حلو وخبر سيء قدمي الحلو الأول وخلي السيء بعدين

 

مثلا هي لو كانت أخبرته إن تحليل الحمل إيجابي قبل ما تقول له إن الكبريت خلص

 

كان الموضوع انتهى نهاية سعيدة بس هي إتصرفت غلط ماتعمليش زيها

 

(طبعا ده في حالة الحمل الأول بس وبعد تأخير غير كده هتاخدي على دماغك )

 

7. كلمة آسفة مش عيب ولا هتنقص من قيمتك قوليها دائما سواء غلطانة أو مش

 

غلطانة فهي تفعل مفعول السحر

 

8. يفضل أن يكون بيتكما به مكان تختفي فيه في مثل هذه المواقف

 

فهو لو غرفة واحدة يفتح يلاقيك أمامه ويفش غله فيك هتبقى ليلة مش فايتة

 

ولكن إختفي في البلكونة أو الحمام حتى يهدأ قليلا

 

9. دائما إشعري بزوجك وضعي نفسك مكانه في كل شيء

 

روي أن زوجة إستحقت الجنة لأنها كانت تبرد الماء لزوجها وتتهيأله وتهيء له البيت

 

مستشعرة القيظ الذي يعانيه والشقاء الذي يشقاه من أجلها فاتخذيها قدوة

 

(ياسلام لو ييجي يلاقيك حاطة الميه في الفريزر وكلها متجمدة وما فيش نقطة سائلة

 

يشربها

 

والمكيف عإلي على الآخر وييجي من الحر ياخد نزلة شعبية مين فيكم اللي له الجنة )

 

10. وأخيرا ابنتي الزوجة الصالحة الإحساس بالمسؤولية المشترك بين الزوجين

 

هو أعلى مراتب الحب في الحياة الزوجية أدام الله المودة بينكما . ووقاكما شر محاكم

 

الأحوال الشخصية

 

ماما

 

---------------------------------------------------------------------------------------------------

 

الواجب العملي للزوج

 

 

1. لا تنتظر من زوجتك أن يكون عقلها دفتر وتوقع الخطأ وشاركها في كتابة الطلبات

 

وتمم على كل حاجة بنفسك

 

واغفر الخطأ والنسيان فالله قد غفرهما فما بالك أنت .

 

2. الأفضل طبعاً أن تسكن في وسط المدينة في مكان تتوفر فيه جميع الطلبات

 

وياريت لو عندكم بواب إبن حلال المدام تبهدل في كرامة أهله وتمشوره وتخلع أنت

 

من الرواية كلها

 

3. أو تسكن في منطقة راقية ما فيهاش بقالات ولكن يمكن فيها توصيل الطلبات للمنازل

 

وإدفع وأنت ضميرك مستريح

 

4. إستجب لنداءات المرأة بالمساواة بالرجل وتقليد المجتمع الغربي وإرم لها مفاتيح

 

العربيه

واللي عاوز حاجة يروح يجيبها

 

5- طبعا المشكلة دي يواجهها بكثرة قاطنوالدول التي يكتب على أبواب السوبر ماركت

 

ولا يسمح بخروج النساء وحدهم ولو وافد جديد غلط ودخل بزوجته السوبر

 

لأقبلوا إليه يزفون كله عاوز يتأكد دي حرمة بحقيقي واللا بلاستيك

 

ولذلك أنصحك في مثل هذه الحالة إنك تختار أشد الأيام قيظاً وتنزل بالمدام تتركها

 

بالسيارة

 

وتاخد لستة الطلبات تدخل تجيبها طبعا أنت جوه في التكييف وهي بره هتسيح من

 

الحر

 

هتلاقي ربنا فتح عليها فجأة بكل ما هي ناسياه لأنها لا تريد أن يتكرر هذا الموقف

 

وبكده هيتحقق حاجتين هتختصر الطلبات للضروري فقط ومش هتنسي حاجة تاني

 

بس خللي بالك لو زودتها ممكن تنزل أول أجازة لبلدها وما ترجعش

 

6- الصبر ثم الصبر ثم الصبر وهو من أهم أركان حسن العشرة.

 

7- مش مطلوب منك إنك تتحمل فوق طاقتك لغاية ماتتجنن فضفض

 

إبني لنفسك غرفة منفصله تزعق فيها وتخبط راسك في الحيط

 

أو خلفلك عيلين تلطشهم في مثل هذه الأحوال ولكن إياك والكلام مع زوجتك وأنت

 

غضبان

 

8- بالطبع لو كنت تعرضت مرة للإعتقال فهذا أفضل لأنك ستتحمل طعم الكوسة بدون

 

ملح

 

وإن لم تكن من هواة المعتقلات فحاول تعود نفسك على تحمل جميع الأحوال

 

الدوش المثلج في عز البرد وتوليع النار بحك خشبتين في بعض

 

(راجع مجلد ميكي رقم 13 لمعرفة الطريقة ) وهكذا لن تضطر لان تتمشور كل هذه

 

المشاوير .

 

وأخيرا خد النصيحة ممن سبقوك وتحمل فالجواز للجدعان

 

 

هاااااااااااااا ايه الاخبار؟

انا عن نفسى اتفقعت :Mazakonia (81):

[قصة موت سلمان الفارسي]

السلام عليكم ورحمه الله وبركاته

 

جزاكى الله كل خير يا نور

بجد قصه وموضوع روعه

تسلم ايديكى يا قمر انك وصلتيها لنا

شكرا ليكى :Mazakonia (81):

[أول ميعاد(9)]

السلام عليكم ورحمه الله وبركاته

 

حمدلله عالسلامه يا منه

وصلتى اخيرا للنهايه

اه هى النهايه مش متوقعه خالص

 

تسلمى يا منه على ردك ومرورك

نورتى القصه

[أول ميعاد(8)]

السلام عليكم ورحمه الله وبركاته

 

تسلمى يا قمر على ردك ومرورك

نورتى القصه

[أول ميعاد(7)]

السلام عليكم ورحمه الله وبركاته

 

والله الاجزاء كلها عندك

والنهايه سعيده ان شاء الله

 

تسلمى يا منه على ردك ومرورك

نورتى القصه