! M O K A !

المنظر فظيع اوى يا سكريت ايه البشاعة ديه بس ليها عمر تعيش وربنا يسامحك يا سكريت انا بطنى وجعتنى من الصور

مافيش كلام ممكن يتقال الا حسبى الله ونعم الوكيل فعلا ايه الناس هتاكل لحم بعض لا حول ولا قوة الا بالله

[/size]تسلم ايدك على الموضوع بس كل واحد هيجاوب على الجزء المخصص ليه بصراحه كدا مين فى رأيكم أكتر مشرف بيتعب في القسم بتاعه وأيه أكتر قسم محتاج شغل جامد ومتابعه علطول ؟ اكتر مشرف بيتعب فى القسم هو احمد مجاهد بصراحة والقسم المحتاج شغل هو افتح قلبك مين المشرف اللى بجد يستحق أنه يفضل مشرف أو يطلع لسوبر ومين المشرف اللي يطلع باره ؟ المشرف الى يفضل هو المشرف الشغال الى بيشارك وكل الى مالوش تاثير المفروض يطلع برة ومين السوبر اللى فعلا شايف شغله تمام وبيتعب فى السايت ومين اللى مكسل ومكبر دماغه ومش يستحق أنه يبقا سوبر أصلا ؟ جاجور انا شايف انه بيتعب اوى خصوصا انه بيشتغل فى كل الاماكن فى السايت اما الى يطلع برة فمعرفش بس مين السوبر فيزر اللى برده شايف شغله كويس ومين اللى عادى ساعات كدا بنشوفه وخلاص وطبعا ياجماعه من غير أحراج من السؤال ده بذات علشان طبعا مش فيه فى السايت كله غير أتنين سوبر فيزر بس ومش عايزه احراج ؟ خالد فامبير يستحق اكتر بصراحة لانه بيخاف اوى على السايت مين أكتر عضو أو مشرف أو سوبر مود أو سوبر فيزر قريب من قلوبكم وقادر يثبت نفسه فى السايت وشغله واضح لينا كلنا ؟ خالد فمبير ورونى وسكريت لاف الأسئله دى للمشرفين اللى المفروض أنهم واخدين بالهم من الأقسام بتاعتهم مين العضو النشيط أوي فى القسم عندك وحاسه أنه يقدر يقدم حاجات مفيده للقسم بتاعك وأذا كان يستحق يبقا مشرف معاك أو لأ ؟ سالومى نشيطة جدا جدا هى وعبدالله ياترى أنت شايف أنك تستحق تبقا مشرف وشايف أنك قد المسئولية الأشرف وقادر تقدم أكتر للسايت ؟ والله مش عارف ده الناس هى الى تحكم بيه

لا مش هى ديه المفاجاة المفاجاة هتعرفيها لما تنتهى القصة وبرده مش هقولك عليها دلوقتى

يـوميّات اتنين مخطوبين الجـزء العـاشر قـال عمــر: الساعة 6 وانا عند الكوافير الرجالي.. خلاص خلّصت كل شىء.. واديتها جل على شعري والبرفان الجامد جدا ولبست البدلة وكله تمام ايه الشياكة دي يا واد يا عمر؟ صديقي ذهب يزيّن العربية وسيأتي بعد نصف ساعة كي نأخذ سارة من الكوافير الساعة 7 تماما مش عاوز أتأخر عليها أحسن تزعل مني *********** قـالت ســارة: ياستي انا ميعادي كمان ساعة ولسه ما عملتش حاجة خالص قلتها للكوافيرة وانا أكاد أبكي.. ردت عليّ ببرود كبير معتادة عليه: لسه 3 عرايس وبعدين انتي!! ما تقلقيش ياعروسة يالهوي.. 3 عرايس ؟!!!!!!!!!!!.. ده انا ح أخلص الساعة 12 ان شاء الله !! وصوت الموبيل لا يتوقف عن الرنين من عمر وماما الكل بيستعجلني وكأن الذنب ذنبي.. ارتديت الفستان ومن عصبيتي جزء صغير منه اتقطع من الذيل؟.. آه فعلاً هذا ما ينقصني الآن انطلقت صديقتى تبحث فى المحلات المجاورة عن ابرة وخيط بلون الفستان كأنها تبحث عن ابرة فى كوم قش.. وأخيرا جاءت وحاولنا محاولات مستميتة ألا يظهر هذا العيب.. يارب استر يارب *********** قــال عمــر : الساعة 8 ونصف وانا واقف أمام مركز التجميل انا وأصدقائي وبعض من أهل سارة همّ بيعملوا ايه جوة بالضبط ؟ ولاحظت وجود عدة سيارات مزينة وعرسان مثلي والجميع منتظر الفرج وكأننا فى كرنفال وكل ما تخرج عروسة من الكوافير الجميع يجري عليها.. ثم يفوز واحد بها ويتنفس الصعداء والباقي يعودون يجرون أذيال الخيبة !!! وسارة لا ترد على الموبيل ابداً *********** قــالت ســارة : أخيرا حنّت على الكوافيرة وبدأتْ في تجهيزي والغريب اني لم استغرق معها نصف ساعة والساعة أصبحت 9 ونصف.. ونظرت الى وجهي فى المراة بعد كل هذا التعب.. وجدت الفستان أنيق للغاية.. ووجهي لم أره بهذا الصفاء من قبل خلاص بقيت عروسة ؟؟ يارب أعجب عمر وكل الناس.. بس عمر أهم من كل الدنيا طبعاً *********** قــال عمــر : تسمّرت من مكاني عندما رأيت سارة تخرج من مركز التجميل.. ونسيت الانتظار الطويل والمكالمات الغاضبة من أهلي وأهلها على كل هذا التأخير نسيت الدنيا كلها عندما رأيتها تتألق فى فستان رائع من اللون الأزرق الصافي المشغول برقة بخيوط فضية خلابة..ووجهها لم أرْ أجمل منه فى حياتي وكأن كل نساء الدنيا تجمعت فى امرأة واحدة جريت عليها وهمست لها: بحبك يا سارة *********** حفلـة الخطوبـة قــالت ســارة : جالسة انا بجوار عمر وأشعر بمشاعر غريبة كلها متناقضة فرحة وخوف وقلق وترقب اول مرة اكون محط انظار الجميع لدرجة التحديق فى كل تفاصيل مظهري هو شعور جميل ولكنه يدعو للقلق.. ولكن لا يهم المهم اني أعجبت عمر وانه سعيد بي جداً وحماني من نظرات الغضب التى هاجمتني عتاباً لي على تأخيري المنزل مزيّن بزينات واضواء رقيقة.. متى زينوه هكذا ؟ وافراد الأسرتين موجودين والجميع سعيد والزغاريد لا تتوقف ماعدا حماتي العزيزة بالطبع قبّلتني ببرود ولامتني على تأخري ولاحظت انها طوال الوقت تهمس فى أذن ماما بكلمات غريبة آه لا اريد ما يعكر صفوي الآن فلتقل ما تريد انا وعمر معا والدنيا كلها ملكنا وحدنا *********** قــال عمــر : سارة فاتنة هذه الليلة كم احب هذه البنت الجميلة الشقية التي دخلت حياتي فجأة بدون سابق انذار فقلبتها رأساً على عقب.. وفى اسابيع قليلة أصبحت تملك مفاتيح القلب وتطرق أبواب الروح وتتسلل الى أركان عقلي فتحتله كما يتسرب الماء الصافي الى الأرض الجافة فيرويها أصبحتْ أهم انسانة لي فى هذه الدنيا هل سنعيش معا سويا للأبد ؟ آه كم اتمنى هذا وهل ممكن ان يتحول هذا الحب الى مشاعر الملل والرتابة فى الزواج ؟ وكيف يقرر الانسان فجأة ان يكمّل حياته كلها مع انسان واحد لم يعرفه الا منذ ايام قليلة؟ انه أمر صعب لو كان بيد الانسان من المؤكد أن مباركة الله للزواج هى ما تيسر هذا وانه سبحانه وتعالى هو من يؤلف بين القلوب فيجعل الغريب حبيباً *********** قــالت ســارة : الحمد لله انى أصريت على تأجيل كتب الكتاب لفترة.. لا أتخيّل ان يعقد قراني اليوم على انسان لم اره سوى من اسابيع قليلة صحيح اني أحببت عمر ومقتنعة به ولكن لا أستطيع حاليا تقبل فكرة الارتباط الأبدي بهذه السرعة الموسيقى تنساب بقوة والزغاريد تحيط بنا من كل مكان.. شعوري لا أعرف كيف أصفه فعلا البنت لا تكتمل وترتوي الا فى وجود رجل يحبها حانت لحظة شرب الشربات.. يارب عمر لا يسكب على فستاني منه كما أسمع كثيرا الحمد لله سقاني بسلام.. حان دوري لأسقيه انا الاخرى أخ وقعت قطرات على قميصه الناصع ورمقني بغضب شديد وصرخ فيّ: مش تخلّي بالك يا سارة؟ *********** قــال عمــر : أخخخ.. ماذا فعلت ؟ الجو تكهرب فجأة من صرختى الغاضبة فى سارة والجميع صمت ونظر لسارة التى تكاد تبكي من شدة الخجل والاحراج لماذا تهوّرت هكذا ؟ أكيد سارة ح تزعل وعندها حق انا آسف يا سارة.. بجد آسف سارة لا ترد عليّ وتتظاهر بالتشاغل مع صديقاتها اللاتي أدركن الموقف وتجمعن حولها يضحكون كي يخففوا عنها الاحراج لازم ابطل العصبية والتهور.. أصبح لي شريك فى حياتي الان قد لا يتقبل كل تصرفاتى خلاص يا سارة انا اسف بقى *********** قــالت ســارة: انا آسف يا سارة !!؟ - يا سلام بعد ما أهنتني أمام الناس؟ لماذا لم تمسك أعصابك أمام هذا الخطأ الغير مقصود؟ هل هذا هو طبعك؟ لا يمكن ان أتحمله ولابد أن تكون خلافتنا بيننا وحدنا لا أن يكون الجميع طرف بها.. بجد يا عمر لن أتنازل عن هذا أبدا قلت هذا كله لعمر وانا ارسم ابتسامة زائفة أمام الناس كي لا يلاحظوا الخناقة الدائرة بيننا وبادرني عمر بالاعتذار وعدم تكرار هذا.. وأخذت وقت كي أظهر طبيعية.. وحان وقت ارتداء الشبكة وأصريت ان تلبسني اياها والدة عمر.. من ناحية هو لم يصبح زوجي ومن ناحية أخرى انا لسه زعلانة منه *********** قــال عمــر : يا سلام ماما هيّ اللي ح تلبّس سارة الشبكة ؟ ايه الهنا ده ؟ يالا يبقى القميص والشبكة طب مين ح يلبّسني الدبلة بتاعتي؟.. البوّاب؟ ألبست ماما سارة الطقم الذهبي ثم أوقفْتها باشارة من يدي وأخذت دبلة سارة واقتربت منها ورجوتها وهمست لها: علشان خاطري يا سارة انا نفسي أظل أتذكر هذه اللحظة وانا أضع اسمي حول أصبعك للأبد.. أرجوكي علشان خاطري.. لن ألمس يدك أساساً.. ألف مبروك يا حبيبتي *********** قــالت ســارة : حبيبتي؟ اول مرة أسمعها منك يا عمر ....والله انت اللي الله الدبلة شكلها جميل جدا فى اصبعي.. أجمل من ايّ خاتم امتلكته فى حياتي.. وكفاية ان عليها اسم عمر كي تكون أغلى دبلة فى الوجود ألبسته بدوري دبلته المحفور عليها اسمي ونحن نطير سوياً فى دنيا خاصة بنا.. ونسمع موسيقى تعزفها قلوبنا ونخطو خطواتنا الاولى نحو دنيانا الجديدة دنيا محفور على بابها.. اسمينا فقط سارة وعمر *********** يـ تـ بـ ـع..

اولا تسلم ايدك يا دكتور على الموضوع الجامد ده تانى حاجة زى ما انت قولت ان مش كل البنات لازم تمر بعملية الختان ديه والناس الى بتقارن وبتقول ان بنات الرسول (عليه الصلاة والسلام ) مكانوش بيتختنوا انا معاهم بس هل انتى زى بنت الرسول فيكى ايه منها وهل باباكى ومامتك زى الرسول اكيد طبعا لا علشان كده المقارنة مش معقولة تالت حاجة الغرض من العملية ديه على حد علمى هو الحد من شهوة المراة بس مش كل البنات لازم تتعمل ليها العملية ديه بس هو الموضوع اتقلب طمع من ةالدكاترة على توصية من بره علشان بناتنا تنحرف زى بناتهم انا مش عارف ما طول عمر مصر بتعمل العملية ديه ايه سبب الهوجة الى حصلت

ههه لا يا go3lesa بس صدقينى المفاجاة جامدة ليكى بس مش هقولك عليها بكرة لسه بدرى يعنى قدامك اسبوع وهتعرفى المفاجاة انا قولت بس اصبرك تدفعى كام رشوة وانا برده مش هقولك عليها الا بعد اسبوع

نورتوا ويارب تكون القصة عجبتكم وفيه مفاجاة علشانك يا go3lsa بس مش هقولك عليها دلوقتى

يوميّـات اتنين مخطـوبين الجـزء التاســع قــالت ســارة: آدي آخرة اللي يسمع كلام العيال.. معقول نلحق نجهّز كل حاجة في الكام يوم دول؟ الله يسامحك يا سارة هذه كانت عينة صغيرة من القذائف التى تنهال على رأسي كل دقيقة من أمي وابي بعد ما أقنعتهم بكل وسائل الزنّ والالحاح المعروفة عند البنات ان تكون حفلة خطوبتنا انا وعمر بعد اسبوعين.. يعنى أكسر كلام سى السيد؟ وبعد صاعقة المفاجأة التي هبطت على رأس أمي وأبي من الميعاد المفاجيء العيالي على حد وصفهم وبعد الرجاء المتواصل من جانبي وافقوا على مضض على ان تكون الحفلة في بيتنا على الضيق تجمع الأسرتين فقط.. وأعجبني الحل ده جدا لأني أصلاً لا أحب حفلات الخطوبة في الأماكن العامة لأن العروسين لا يكونوا يربطهم شيء وفي بداية التعارف..يبقى ليه نفرّج الدنيا كلها علينا؟.. مش يمكن ما يحصلش نصيب ؟؟؟ *********** قــال عمــر: الخطوبة فى البيت؟.. ليه بقى ان شاء الله هو احنا عندنا كام عمر؟.. ما ينفعش الكلام ده أبدا هذه كانت عينة صغيرة من القنابل التى كانت تلقيها أمي على أذني عندما علمت بموضوع حفلة الخطوبة المنزلية.. ولما كنت لا أريد ان تتكرر مأساة الشبكة مرة أخرى أخبرت أمي اني انا وسارة متفقين على هذا ولا داعي أبدا ان تفتح هذا الموضوع معهم.. وبعد الحاح كبير جداً وافقت على مضض مشيرة الى اني من دلوقتي ح امشى ورا كلام الست هانم طبعا عملت نفسي مش سامع ولا عارف مين هيّ الست هانم المذكورة *********** قــالت ســارة : بجد انا مجنونة اني وافقت عمر.. طب هو ح يشتري بدلة فى نص ساعة طب وانا ح اعمل ايه فى الفستان ؟ ده حدوتة كبيرة جدا وللأسف لم اجد في الجاهز شيء يناسبني بعدما تطوعت صديقة مقاتلة لي ان تلف معي على المحلات.. وبعد 3 أيام متواصلة من اللف المتواصل وبعد ما أصابنا كساح وشلل رباعي من كتر المشي توصلنا الى نتيجة رائعة مفادها ان كل ملابس السواريهات الآن مصممة للسباحة وليس للحفلات ما شاء الله كله عريان جداً جداً وكأن الطبيعي جداً ان البنات تلبس الكوارث دي !!!.. وكل ما كنت أسأل على شىء يصلح للمحجبات كانت البائعة تخرج لي شىء ملائم تماماً لماما أو لحماتي العزيزة لكن شيء شبابى محتشم لاااا يمكن.. ليييييه مااااعرفش ؟ *********** قــال عمــر: والله وبقيت عريس يا واد يا عمر - قالها صديقى وانا اقيس البدلة الفاخرة التى اشتريتها بتحويشة العمر وجدناها في المحل الذى اتعامل معه دوماً.. بس لسه الكرافتة.. قال البائع انها موجودة فى الدور التاني من المحل.. ياااه لسه ح اطلع؟.. ده مفيش اسانسير الظاهر الجواز ده كله ارهاااااااق *********** قــالت ســارة : خلاص بقى كفاية عياط موتّي نفسك يا بنتي خلاص فصّلي الفستان ويارب صاحبة الاتيليية ترضى تخلّصه بسرعة قالتها لي ماما بعد ساعتين من البكاء المتواصل وانا احكي لها رحلتى الفاشلة اليومية بين المحلات وقد تورمت أصابع قدمي واصبحت فى حجم الكورة الشراب.. واكيد صديقتي ح تقطع علاقتها بيّ بعد العذاب اللي وريتهولها والكساح الذي أصابها.. لا و ح اتفرس اني اتصلت بعمر لقيته صاحي من النوم تعبان علشان نزل اشترى البدلة فى نص ساعة زي ماتوقعت لا صحيح بجد الرجالة دول بيتعبوا *********** قــال عمــر : انا مش عارف سارة مكبّرة موضوع الفستان ليه؟.. ما أي حاجة وخلاص.. صحيح البنات دول فاضيين ورايقين اوي.. وبعدين ح تفصله اخيراً وما رضيتش تقولّي لونه ايه علشان المفاجأة ربنا يستر ويليق على البدلة أحسن يبقى شكلنا آخر بيئة بجد البنات دول عليهم تقاليع عجب *********** قــالت ســارة: أمامى ألف مجلة أختار منها الموديل وفي الآخر رميت كل المجلات وأخرجت قلم وورقة وقعدت أرسم مليون تصميم وكلهم طلعوا وحشين جدا.. ياربي ليه البنات على طول تعبانين فى كل حاجة من الصغيرة للكبيرة؟ انا ح اسيب صاحبة الاتيلييه تختار حاجة مناسبة ليّ وخلاص.. هو يعني فرح الأميرة ديانا ؟؟ قلتها فى سري وهي تجلس أمامي من عشر ساعات تنتظر اختيارى النهائي وهي ح تطقّ مني وبعد طول عذاب "اختارَنا" الموديل انا وهي وتنفستْ الصعداء وهى تكاد تطردني من المحل وتقول بابتسامة طهقانة: والفرح امتى ان شاء الله يا عروسة؟ رديت وانا اكاد اجري من أمامها من رد فعلها المتوقع: بعد عشر أيام وكان الرد: اييييييه مووووش مممكن ابداااا *********** قــال عمــر : ح اضطر أسيب ذقني ما احلقهاش اليومين دول ولا شعري كمان حسب تعليمات الكوافير واستحمل التريقة من اصحابي والعيلة عندنا يالاّ اهو الواحد لازم يضحّي ويتعب علشان يتجوّز *********** قــالت ســارة : خلّصت كل انواع الماسكات والسنفرة والكريمات المعروفة والمجهولة وأي واحدة كانت بتقترح عليّا وصفة للبشرة او الايدين اجرّبها فورا.. واصبحت غرفتي مطبخ به أعاجيب الدنيا السبعتاشر من قشر خوخ.. بياض بيض.. جلسرين وليمون.. زبادي وعسل واي شىء أجده فى التلاجة عند ماما انقض عليه فوراً واجري عليه تجاربي الجهنمية انا عاوزة اعرف كل البنات بيتعذبوا العذاب ده ولاّ انا بس اللي لاسعة؟ بس كله يهون علشان خاطر عيونك يا عمر *********** ترتيبات يوم الخطوبة قــالت ســارة: أكاد افتح عيوني بالعافية وأغالب النوم بقوة وانا جالسة عند الكوافيرة امبارح سهرت فى الاتيليه علشان أخلّص الفستان.. وكانت خناقة كبيرة بيني وبين عمر على الموبيل لما لقاني الساعة 11 لسه مارجعتش البيت رغم ان ماما كانت معايا وبابا وصلنا بالعربية الساعة 12 ونصف بعد ما خلص الفستان اخيييييييرا ورغم كده عمر كان بيتخانق بمعدل كل ربع ساعة.. ويقولّي خلاص اللي خلص من الفستان كفاية ومش مهم الباقي وكفاية تأخير يعنى اخده بكم آه وكم لأ ؟ يالاّ أهو تغيير برضه طب أنا ذنبي ايه في كل الدوشة دي ؟ هو زعلان منى ليه؟ وعلشان اليوم ما يقلبش نكد أرسلت له رسالة قبل ما أروح للكوافير قلتله: انا آسفة على تأخير امبارح.. انا نفسي أكون جميلة علشان أليق بيك النهاردة وطبعا اتصل بي فورا وكان فى منتهى الرقة آه من عقل الرجالة .. *********** قــال عمــر: رسالة سارة الجميلة امتصت كل غضبي.. فعلاً سارة ذكية جداً وبتعرف امتى توقف المشكلة بيني وبينها انا مش مصدق ان النهاردة ح ابقى عريس بجد!!.. أصحابي كل شوية يكلموني و يبعتولي مسجات ملخصها كلها: بكرة تندم يا جميل معقول الجواز يبقى خنقة وجحيم زي ما بيقولوا ؟ لا أعتقد.. لأن أنا وسارة متوافقين فى الشخصية وطريقة التفكير و.. والمشاعر كمان.. يبقى الفشل ح ييجي منين ؟ قمت توضئت وصليت ركعتين قضاء حاجة ان يوفقنا الله انا وسارة طول العمر *********** قــال ســارة: انا بجد خلاص ح انفجر.. من 4 ساعات وانا عند الكوافيرة ولا أفعل شىء.. المحل فيه 7 عرايس غيري !!.. بجد كأننا في سيرك الحرارة عالية جدا.. والعرايس كلهم متوترين وخايفين يتأخروا عن ميعادهم وكلهم بيتحايلوا على الكوافيرة علشان تخلّصهم كلهم مع بعض.. ازاي ما أعرفش عملتْ لي ماسك اول ما جيت الصبح وعملت شعري رغم اني ح أغطيه!!.. يعني باختصار لسه ما عملتش حاجة خالص والساعة 4 وعمر حييجى الساعة 7 كلمني عمر وسألني: عملتي ايه؟ قلت له: ولا حاجة خالص.. وصوتي مخنوق بالبكاء قال لي: ولا يهمك انتي قمر من غير حاجة.. طيب أكلتي حاجة ياسارة ؟ رديت باستغراب: أكل؟!.. يعنى ايه الكلمة الغريبة دي ؟ *********** قــال عمــر : سارة عاملة زي الأطفال.. لازم حد يتحايل عليها علشان تاكل اتصلتْ بمطعم بيتزا وأعطيته عنوان الكوافيرة كي يرسل لها طعام.. ورأتني أمى وأنا أرتب هذا وكادت ان تنطق بعصبية جملة بها: ...ست الحسن... كالمعتاد ولأول مرة أرى فى عينيها نظرة تشبه الغيرة وبدل ان أعاتبها وتقلب نكد كالعادة أخذتها فى حضني وقلتلها: عارفة ياماما انا باحب سارة ليه؟.. علشان نسخة منك.. بس انتي الأصل يا جميل والباقى تقليد فوجئت بضحكتها الصافية وهي تضمنى لها وتدعو لي بالسعادة مع سارة ياااااخبر.. ماما بتغير عليّ ؟؟؟ *********** قــالت ســارة : بيتزا للانسة سارة.. العريس باعتهالك - دوت الجملة فى مركز التجميل كالرصاصة وصاحبَتها همسات وضحكات مكتومة من بقية العرايس معناها: شايفة عريسها بيحبها ازاي؟ غرقت فى الخجل من نظرات الجميع.. وفتحتها وانا اتذوق أغلى وألذ بيتزا أكلتها فى حياتي بجد من يقول ان الحب أهم ما في الحياة.. لا يعرفون شيئاً أهم ما فيها هو الحنان *********** يـ تـ بـ ـع..

يارب القصة تكون عجبتك وخلاص هانت قربت تتنتهى

tslm ya basha

nawrt ya hesham w yarb tkon 3agbtk

بص يا تيتو مش عارف هو ممكن الواحد كان يعيش فى اى عصر بس بصراحة انا كان نفسى اعيش فى العصر الاسلامى يعنى علشان اشوف عمر بن العاص والناس الى خدموا الاسلام وباعوه الدنيا علشان الاخرة وكمان كان نفسى اشوف الحضارة الى بناها المسلمين فى الوقت ده

يوميّـات اتنين مخطـوبين الجـزء الثــامن يوم شراء الشبكة قـالت ســارة: يارب اليوم ده يعدّي على خير !! امبارح زارنا عمر ووالده ووالدته وكانت زيارة جميلة أهل عمر فرحانين بيّا جداً وقعدوا مع ماما وبابا وهات يا كلام.. وانا وعمر انتهزناها فرصة طبعا وأخدنا جنب بعيد و اديناها رغي وتهريج لحد ما لقينا صوت الكلام بين الآباء انخفض والوجوه اتوترت شوية وواضح ان فيه مشكلة فى الجو وكل اللى سمعناه انا وعمر شوية كلمات زي: لا لا ده قليل اوى !..و: لا ده كده حرام!.. وحاجات زي كده حاولنا نفهم فيه ايه مفيش فايدة لحد ما والد عمر ووالدته استأذنوا فجأة بدون سابق انذار !! وعمر حصّلهم بسرعة وانا واقفة فاتحة بقّي ومش فاهمة حاجة خالص سألت ماما عن اللى حصل ماردتش على وسمعتها بتقول وهى ماشية: ابتدينا بقى النكد ده ايه وجع القلب ده ما شاء الله ربنا يستر *********** قــال عمــر: أنا مش فاهم حاجة خالص أقدر أعرف فيه ايه ؟ قلتها لأمي وأبي واحنا فى العربية اعتراضا منى على نزولهم المفاجىء من بيت سارة ردت على ماما وقالت لي: مش عاجبهم يا سيدى اننا نجيب شبكة بـ 7 تلاف جنيه قال عاوزين شبكة بـ 10 تلاف.. قال هو حد لاقي عرسان فى الزمن ده ؟ رد عليها بابا: انتى كبّرتي الموضوع وقلبتيه فصال وأحرجتينا مع الناس ليه كده ؟ حسيت بخجل وارتباك كبير.. يا خبر ابيض دلوقتي سارة تقول علينا ايه ؟ قلتها فى سرّي ولم استطع نطق كلمة لأنى لا أجرؤ حتى على الاعتراض لأنهم هم من سيدفعون ثمن الشبكة.. اه ياربى لو كان المال مالي كنت جبت لها كنوز الدنيا يا ترى يا سارة بتفكرى فى إيه دلوقت ؟؟؟ *********** قــالت ســارة : النهاردة رايحين نشتري الشبكة..ربنا يستر.. البداية لا تبشّر بخير انا عن نفسي مش مشكلة عندي الشبكة وأصلاً لا أحب الذهب وافضّل عليه الفضة لكن المشكلة الحقيقية ان يكون الناس دي بخلاء.. دي تبقى كارثة طب وعمر رد فعله ح يكون ايه ؟ يا ترى حيفضل ساكت ؟ وح يوافق على كلام أهله بدون اعتراض ؟ أفقت من أفكارى وماما بتفتح لى باب العربية وبتصرخ فيّ وتقولّي: يالاّ يا بنتي محل الجواهرجي اهه والناس مستنيانا جوه *********** قــال عمــر : ياااه.. أول مرّة أبقى خايف وانا باشوف سارة أنا بجد خايف أحسن تحصل مشكلة وأنا مش في ايدي حاجة اصلاً مديت ايدي وسلّمت على الجميع.. سارة شكلها لم تنم جيداً.. وواضح على وجهها الارهاق وفى عينيها نظرة تساؤل وانتظار ولاحظت علامات تحفز وعصبية على وجه حمايا وحماتي ومثلهم على وجه ابي وامي.. دي الحرب العالمية التالتة ح تقوم ربنا يستر.. ياااااااارب *********** قــالت ســارة: انا مش عاوزة دهب ولا مشاكل.. انا عاوزة الموقف ده يعدّي واروّح وخلاص ده الجواز ده كله توتر وحواديت حمايا قال لي: اختارى ياعروسة الى يعجبك.. وانا اصلا مش باعرف اقدّر قيمة الدهب كويس وخصوصاً انه نار الايام دي مددت يدي على طقم دهب ابيض على شكل ضفيرة وفيه فصوص كثيرة وقلت حلو ده.. امتعضت حماتي وقالت: لالالا.. الدهب الابيض مصنعيته غالية اوي والفصوص بتخسر لما تحبّي تبيعيه بصيت لعمر لقيته ساكت تماماً.. اتضايقت بس قلت عندها حق اشوف حاجة تانية اختارت لي ماما طقم آخر وقبل ما ألمسه حماتي العزيزة قالت: لا لا لا ده شكله تقيل وغالي جداً احنا ما اتفقناش على كده.. وعمر لا ينطق بكلمة اتضايقت جداً.. كان نفسي يقول لها سيبيها تختار اللي هيّ عاوزاه لكنه صامت تماما همّت ماما بالكلام لكن بابا منعها كي لا يزيد الجو اشتعالاً وقال لي اختاري حاجة تانية ياسارة اخترت واحد تاني لم يعجبنى لكن علشان أخلص وخلاص وبعد معرفة ثمنه اعترضَت وقالت: لا برضه غالي انت رأيك ايه يا عمر ؟ قلتها له وكلّي ترقّب لما سيقول.. رد عليّ وهو يتحاشى النظر اليّ: اللي تتفقوا عليه انا موافق عليه ياااه هو ده اللى ربنا قدّرك عليه ؟ امال امتى ح تدافع عني ؟ قلتها فى سرى وكى لا أبكي او انفجر فى وجهه قلت لحماتي اختاري انتى يا طنط اللي يعجبك وبالفعل اختارت طقم يناسب المبلغ المقدس تماماً ووافقت ماما تحت ضغط نظرات بابا النارية.. ولم أنظر الى الطقم وتركتهم يكتبون الفاتورة وجلست فى صالون بعيد فى المحل وأنا أقاوم البكاء والانفجار من موقف عمر السلبي فى اول احتكاك حقيقي ورأيته قادم يبتسم ويقول لي: مبروك عليكي الشبكة ياعروسة ردّيت عليه والكلمات تخرج من فمى مثل الرصاص: مبروك عليك انت انا مش عاوزاها ولا عاوزاك !!!! *********** في اليــوم التــالي قــالت ســارة: لم أردّ على مكالمات عمر المستمرة وجعلت الموبيل سايلنت وجلست فى غرفتي أبكى باستمرار من موقف عمر السلبي هل سأتزوج رجل بدون شخصية؟ هل حماتي العزيزة هي من ستتحكم فى حياتي؟ ومن يجبرني على هذا؟ هل هذا موقف عارض ام ان هذه هى الحياة المنتظرة معه؟ يارب انا فى حيرة دلّني ماذا أفعل.. ومسحت دموعي عندما نادت عليّ ماما: يا سارة عمر هنا تعالى بسرعة *********** قــال عمــر : جلست فى الصالون فى انتظار سارة وانا لا أجد كلام أقوله لها.. شكلي بجد وحش جداً هي عندها حق.. لكن لمّا في أول مشكلة بيننا تقول لي انا مش عاوزاك ازاي الحياة ح تستمر بعد كده؟؟ كان ممكن تعاتبنساو حتى تتخانق معايا بيني وبينها لكن تبيعني كده على طول؟كده برضه يا سارة تتخلى عنى علشان الفلوس؟ *********** قــالت ســارة: دخلت على عمر وسلمت عليه فى فتور وطلبت من ماما وبابا انهم يتركوني اتحدث معه بدون مقاطعة علشان ماما كانت ناوية تطلّع كل غضبها فيه دخلتُ الصالون بدون ولا كلمة وتوقعت ان يعتذر لي عمّا حدث فوجئت به يقول لي بغضب: انتي مش بتردّي على تليفوناتي ليه وكمان تقوليلي انا مش عاوزاك كل ده علشان الفلوس ياسارة ؟ فوجئت برد فعله الغاضب.. هوّ كمان اللي زعلان؟!.. ده بدل ما يصالحني ؟ فلوس ايه اللى بتتكلم عليها يا عمر؟.. انت حتى مش حاسس انا زعلانة من ايه ؟.. انا زعلانة لأني كنت راسمة لك صورة جميلة في خيالي وفجأة لقيت واحد تاني انا ما اعرفوش انسان مش بيدافع عني فى وقت انا محتاجالك فيه لقيتك خايف تقول ولا كلمة ولو حتى انك تراضيني والسلام.. وكل ده وتقولّي فلوس ؟ رد بغضب أشد وعصبية مخيفة : برضه ده مش مبرّر انك تقولي انك مش عاوزة الشبكة ومش عاوزاني فوجئت بغضبه الشديد وعصبيته الكبيرة وأحسست بخوف منه لأول مرة ولم أجد ما أقوله فانفجرت فى بكاء مرير فوجدته يخفض من صوته وتلين ملامحه وتتحول الى رقة شديدة وحنان كبير وكأنه اب يخاطب طفلته الصغيرة الباكية: انا اسف جدا ياسارة.. ارجوكي ما تبكيش.. دموعك غالية عليّ جداً.. خلاص بقى انا غلطان.. أرجوكي كفاية انا مش قادر استحمل.. أنا فعلا جرحتك ووضعتك فى موقف محرج بس والله غصب عني.. أرجوكي ياسارة عاقبيني بأي عقاب الا انك تبكي أنا ضعيف جداً امام دموعك.. خلاص بقى انا آسف آسف آسف.. مليون آسف هدئت قليلا من كلماته الرقيقة واحساسه بالذنب وشعرت بحنانه الكبير الذى احاطنى بدفئه وقلت له بصوت متقطع: كان ممكن يا عمر تنبهني قبل ما نشتري حاجة بالموقف وانا عمري ما كنت ح احرجك واختار حاجة غالية ابداً لكن لما الاقيك حتى مش بتتكلم ده فعلا صعب عليّ.. انا طول عمرى راسمة فى خيالي صورة للرجل انه حنان واحتواء وقوة شخصية انا ممكن اتنازل عن اي ماديات لكن الصفات دي لا يمكن اقدر رد عمر وقال: انا اسف جداً.. بس بجد ما تظلمِنيش.. انا عمر شخصيتي ما كانت ضعيفة وعمر والدتي ما اتحكمت فيّ ابداً.. انا كمان فوجئت بموقفها وعاتبتها عليه في البيت لكن انا مفيش في ايدي حاجة هم من سيشترون وأخجل ان اطلب المزيد وأخجل ايضا ان احرج امي امام الناس.. لكن أوعدك الف وعد اننا سنتشارك ونتفق على كل خطوة انا وانتي بس قبل تدخل الأهل وعمرى ما ح اتخلى عنك ولا ازعلك ابدا ابدا خلاص اتفقنا ؟ ابتسمت من رقته وصراحته وقلت من بين دموعي: خلاص اتفقنا وانا اسفة انا كمان لو كنت جرحتك نظر عمر الى عينيّ مباشرة وقال: لما قلتيلي انا مش عاوزاك حسّيت ان الدنيا خلاص انتهت واني معقول ح اعيش من غيرك؟ واني مش قادر افكر ولا اتكلم ولا انام.. ارجوكي يا سارة اوعي تقوليها تاني ولا حتى وانتي زعلانة.. وان كان على الشبكة يا ستي انا لو كانت دي فلوسي كنت جبت لك جواهر الدنيا كلها ورميتها تحت ايديكي ولا انى اشوف دموعك الغالية دى تاني أنا: خلاص ياعمر انا بجد مقدرة موقفك ومفيش مشكلة خلاص عمـر: لا يا ستي فيه مشكلة ومشكلة كبيرة كمان أنا: إييييييييييييييييه تاااااااااااني ؟؟؟؟؟؟؟؟ عمـر: المشكلة دلوقتي يا ستي اني لاحظت انك بتبقي زي القمر بعد البكاء فأنا ح اضطر – غصب عني والله – اني انكد عليكي يومياً.. حالياً وبعد ما نتجوز يمكن نوصل للقسم علشان أشوف عنيكي الجميلة دي بالصفاء والجمال ده أنا: يا خبر إيه ده كله ؟لا انت أسهل تقول لي أعيّط امتى وانا اعيّط من غير نكد ولا اقسام عمـر: لسه فيه مشكلة كمان أنا: يارب استر ايه كمان ؟؟؟؟؟؟؟؟؟ عمـر: بصي بقى يا ستي انا اتخذت قرار لا رجعة فيه ولا جدال ولا حتى استعطافات.. إن حفلة خطوبتنا تكون بعد اسبوعين علشان تلبسي دبلتي للأبد واقول لكل الناس القمر ده ملكي انا.. واكتب على قلبي لوحة مكتوب فيها قلب مسكون بأجمل ملاك للأبد.. قلتي ايه يا حبيبتي؟ أنا: موافقة يا سى السيد *********** يـ تـ بـ ـع..

انا بقى شايف نفسى انسان الدنيا بتفرحه كتير وبتخليه يحزن اكتر يمكن اكون ظلمت حد بس اتظلمت برده بحاول اعمل الى انا عايزه بس من غير ما يضر حد او يكون غلط

القصة جامدة اوى وهقولك حاجة انا بستحقر الاب او الام الى بتضرب ابنها لان الضرب ده اسلوب الحيوانات وساعات بيخلى الطفل بيعند فيه طرق كتير غير الطريقة المتخلفة ديه بجد تسلم ايدك جامدة اوى

والله الموضوع جامد اوى بس هقولك حاجة موضوع التلاعب بالمشاعر ده بقى سمة عند الولاد والبنات يعنى البنت تكون مصاحبة واحد وتلاقى واحد احسن من صاحبها تسيب صاحبها وتروح للجديد يعنى وفيه الى بيكونوا مرتبطين ويجى واحد يخطبها تنسى الى فات عادى يعنى اما الولاد فعنده شعار ان لكل مكان بنت يعنى بنت يخرج معاها وبنت يروح البحر وبنت للجامعة طبعا مش الكل بس ديه بقت السمة الموجود مافيش حب بجد مافيش اى ثقة بين اتنين انهم ممكن يكملوا لحد النهاية معلش انا طولت عليكى بس الموضوع جامد تسلم ايدك

والله يارب يكرمنى بواحدة زيها ويكرمك انتى بواحد زى عمر على العموم القصة ديه لازم الكل يستفيد منها

ميرسى يا جميل على اهتمامك بالقصة والله اجمل ما فى القصة انك مهتمية بالموضوع وان شاء الله الاجزاء الجاية احلى

يوميّـات اتنين مخطـوبين الجـزء السـابع قــالت ســارة: ازيك يا سارة.. ياه ماشاء الله - قالها عمر بتلقائية كبيرة وهو يسلم على جعلت اخوتى يبتسمون وانا وجهى احمر من الخجل وفوجئت ان يمدحنى هكذا أمام الجميع !! لكني كنت سعيدة جدا بهذه الجرأة أو التلقائية لا أدرى ! ومددت يدى أسلم عليه وأكيد لاحظ ارتعاش يدى وارتباكى ياااه فعلا التليفون أرحم من اللخبطة دى *********** قــال عمــر: بجد فوجئت بجمال سارة اليوم وجهها نضر وملامحها تنطق بالجاذبية والجمال رغم انها لا تضع ماكياج والحمد لله.. لم استطع ان أخفى سعادتى عندما رأيت وجهها مرة ثانية والمرة دى أشعر انها ملكى فازدادت جمالا فى عينى.. لكن أكيد والدتها وأخواتها بيقولوا على مدلوق جدا لأ.. امسك نفسك شوية يا سى عمر ما تكسفناش *********** قــالت ســارة : الله عمر بجد رقيق جدا جايب ورد معاه كنت خايفة يجيب فاكهة بقى وبطيخة والفيلم ده ونظرت الى الهدية الكبيرة فى ورقها اللامع وفرحت انه فكر يشترى لى هدية ده يدل انه انسان كريم ورقيق .. الحمد لله يارب تفضل كده يا عمر ياترى ح نقعد فين؟ أكيد مش لوحدنا طبعا طيب أقعد فى الكرسى اللى جنبه ولا بعيد طب بابا موجود ازاى أقعد جنب عمر فى وجود بابا؟ ياسلام على الهنا.. بابا حسم الحدوتة وقال: تعالى أقعد جنبى هنا يا عمر *********** قــال عمــر : يا سلام على الهنا ح أقعد جنب حمايا العزيز اهي دي فيها ساعتين قناة الجزيرة وساعتين عن مستوى الزمالك المنحدر وبعدها أكيد ح اكون استأذنت وروّحت.. يا خسارة الورد والهدية الحمد لله سارة قعدت فى الكرسى المقابل لنا أنا وعمى لا أدرى هل حمايا لاحظ انى أختلس النظرات الى وجهها؟ بجد وجهها يحمل ملامح طفولية تنم عن الشقاوة وخفة الدم وايضا جاذبية كبيرة تجعلك لا تمل النظر لها.. وكنت غير منتبه الى كلام حمايا المطول غصب عنى وأرد فقط بـ: طبعا طبعا يا عمي.. فعلا فعلا يا عمي.. ايوة فعلا يا سارة وانتبهت الى خطأي واحمر وجهى من الخجل ولاحظ عمى هذا وضحك وقال لى: ده انت مش معايا انا يا سيدى طب لما أسيبكم تتكلموا شوية وأقوم اتكلم فى التليفون *********** قــالت ســارة: ضحكت جدا على عمر وفرحت بصراحة ان بابا قام وقعدت جنب عمر ولاحظت سعادته بهذا وقال لى مباشرة: ازيك يا سارة افتقدتك جدا من المرة اللى فاتت يااه.. كلمة الافتقاد دى كبيرة اوى احلى بكتير من وحشتينى.. كان نفسى أقول له وانا كمان لكن اتكسفت جدا.. أول مرة أحس انى بنوتة بقى وبتكسف.. دول كانوا مسمينى فى العيلة الكابتن من كتر تهريجي الظاهر انى ح أكتشف سارة جديدة خالص ما عرفتهاش قبل كده *********** قــال عمــر : أنا جبت لك هدية يا سارة يارب تعجبك.. بتحبي الدباديب ؟ فوجئت ان سارة نطت من مكانها وحضنت الدبدوب وقبلته ونيمته فى حضنها وقالت بسعاد طفولية: الله ده تحفة يا عمر بجد يجنن فرحت جدا برد فعلها الطفولى الجميل ورغم ان الجميع كانوا حولنا الا انى كنت لا أشعر الا بى وبها فقط يارب ما تتغيريش ياسارة وتفضلى لذيذة كده على طول.. مش عارف ليه ساعتها كنت عاوز أقول لكل العالم ان هذه الطفلة الجميلة طفلتى أنا *********** قــالت ســارة : ايه الجنان ده؟ أكيد ح يقول عليّ عيّلة دلوقتي طب ماهو اللى غلطان كان لازم يجيب دبدوب يعني ؟ ده أنا باموت فيهم.. يوووووه هو أنا لازم أفضل محتارة على طول؟ لازم يتعود على زى ما أنا !! بس كل صديقاتي قالوا لى اتقلي واعملي فيها الراسية العاقلة.. وماما بتبص لى من بعيد نفسها تقتلني !! بس عمر فيه فى عينيه نظرة حنان جميلة بتخلينى أطلّع كل اللى جوايا بدون اى تصنّع وده اللى مخلينى معجبه بيه *********** قــال عمــر : ياااه انا نسيت كل الموجودين ونسيت الوقت معقول بقى لنا ساعتين بنتكلم؟ انا نسيت انى ضيف ولازم ما أقعدش كتير اوى كده !!! بجد كلام سارة لذيذ جدا وحبل الكلام بيننا ممتد الى مالا نهاية بدون أى تكلف ولاحظت انها قارئة جيدة مش روشة طحن زى بقية البنات ومخها أبيض ودى حاجة عاجبانى فيها جدا بتحسسنى انى قاعد مع الف بنت: صديقة وأخت وزميلة وطفلة وأنثى وقريبة ووووو حبيبة *********** قــالت ســارة : عمر مشي من شوية وبجد انا مرتاحة جدا دلوقتي حسيت انى سعيدة لأننا على درجة كبيرة من التفاهم او على الأقل فيه ناس باحس انى مخنوقة منهم بسرعة لكن مع عمر لأ دايما باحس انى على طبيعتى وعاوزة اقول له كل اللى جوايا بدون زواق ومش محتاجة اتكلف اى حاجة علشان أعجبه ومتهيألى دى حاجة كبيرة ووو قطع تفكيرى صوت أختى: أبيه عمر على التليفون.. هوّ لحق وصل نطيت رفعت السماعة وانا طايرة من الفرح : الو ايوة يا عمر انت وصلت ؟ عمر: لا باتكلم من عند البقال ايوة وصلت طبعا انا كنت سايق على 120 علشان أوصل بسرعة وأكمل كلامى معاكى دى ماما اتخضت وانا باجرى على اودتى علشان أكلمك أنا: ممممممم عمر: ساكتة ليه ؟ أنا: مش عارفة أقول ايه ؟ انا بجد فرحانة وقلقانة ومبسوطة وخايفة وووو عمر: ايه الكوكتيل الجامد ده ؟ طب فرحانة ومبسوطة علشان انا شبه أحمد السقا ماشى.. لكن أنا: ياعم قول ياباسط أحمد السقا ههههههههههه عمر: كده ياسارة الله يسامحك طب ادينى ضحكتك ياستى قولى لى خايفة من ايه ؟ أنا: خايفة اننا بنقرب لبعض بسرعة أوى وانا ماليش تجارب قبل كده.. فخايفة أكون فرحانة بس بفكرة الحب والارتباط ومش قادرة أقيّم الموضوع صح واطلع غلطانة فى الاخر عمر: ما تخافيش من أى حاجة فى الدنيا طول ما انا جنبك يا غالية أنا: ياااه يا عمر بجد انت اللى غالى..في سري طبعا عمر: سارة سامعانى ؟ أنا: ايوة عمر: بصي ياستي انتي بتعدي الشارع وفيه عربيات؟ أنا: طبعا عمر: بتدخلي مبنى ما دخلتهوش قبل كده علشان تخلصي مصلحة ليكي ؟ أنا: أكيد عمر: بتركبي تاكسي لوحدك ؟ أنا: ايوة ايوة.. ايه الأسئلة العجيبة دى كلها ؟ عمر: طب ليه مش خايفة وانتى بتعدى الشارع عربية تخبطك لا قدر الله يبقى نبطل نعدى شوارع أحسن..ولا وانتى داخلة مبنى غريب يحصل لك حاجة ولا فى التاكسى تتخطفى مثلا ؟ يا سارة لو خفنا من كل حاجة عمرنا ما ح نعمل حاجة ابدا وبعدين احنا واخدين الطريق الشرعى أمام الله وأمام الناس ونيتنا احنا الاتنين اننا نرضي الله فى الحلال يبقى الخوف والفشل ح ييجوا منين ؟ أنا: أنا خايفة من اختلاف الشخصيات يا عمر يكون سبب الفشل عمر: بصي ياسارة أكبر غلط كل البنات بترتكبه انها تتجوز واحد بشخصية معينة وتحلم انها تخلق منه شخصية مختلفة 180 درجة مفروض اننا نحب الانسان بمميزاته وعيوبه.. ونتقبله كما هو ونحبه زى ماهوّ أنا: مش بيقولوا مراية الحب عامية ؟ عمر: دى مراية الحب مفتّحة ولها عشر عيون بقى انا مش ح اشوف الانسان اللى باحبه ؟ امال ح اشوف مين يعنى ؟ يعنى انا دلوقتي مش شايفك ؟ أنا: ياااااااه أول مرة..يعنى انت بتحبنى يا عمر؟؟؟؟.. برضه فى سري عمر: سارة انتى فين ؟ أنا: انا سامعاك.. انت عارف يا عمر اكتر حاجة بتعجبنى فيك ايه ؟ عمر: غير انى شبه احمد السقا ؟ أنا: ههههه برضه مصمم ؟ ماشى يا سيدي.. لا بجد باحس انى باكلم حد من صديقاتي مش خطيبي يعني حاسة ان الصداقة بيننا بتكبر كل يوم ودى حاجة مفرحاني جدا عمر: على فكرة ده نفس احساسي انا كمان.. عارفة ياسارة مهم جدا ان الأزواج يكونوا اصدقاء ده بيخلى التفاهم بينهم كبير جدا أنا: انت عارف ياعمر الزواج عامل زى بيت من 3 ادوار الدور الاول الاعجاب والانبهار والرغبة الشديدة والدور التانى الحب والدور التالت الصداقة.. فلو غبار الزمن والتعود والمشاكل طمس الدورين الأول والتانى لا يمكن ح يوصل للتالت ابدا عمر: انا بجد لقيت كنز لما لقيتك يا سارة.. انتى بجد مليتى على الدنيا انا حاسس انى مش محتاج حد تانى من الدنيا.. الحمد لله يارب أنا: ربنا يخليك لى ياعمر عمر: انا لى عندك طلب ياسارة ياريت نخلى حفلة خطوبتنا والشبكة نكتب فيها الكتاب كمان ايه رأيك؟ أنا: كتب كتاب !!!! بسرعة كده عمر: بصي ياسارة ما تتخضيش..خدى وقتك وفكرى.. بس انا مش عاوز أغضب ربنا فى حاجة جوايا كلام كتير مش قادر أقوله ليكي.. ونفسي نخرج لوحدنا نشوف العالم مع بعض بعيونا احنا بس ونخلق ذكريات خاصة بينا احنا الاتنين.. وما تفتكريش انى كده بأقيّدك او بألزمك بحاجة لا يوم ما تحبى تبعدينى من حياتك ح ابعد بدون قيود أنا: ايوة بس عمر: بصي ياسارة ربنا هو اللى جمعنا و اعطانا نعمة كبيرة اننا قرّبنا لبعض بفضله وحده فمش معقول اننا نشكر النعمة دى بأننا نعمل معصية.. صدقينى لو أرضيناه ح يرضينا.. بصي فكري براحتك وردى عليّ.. معلش طولت عليكى انا بجد اسف الوقت معاكى بيعدى من غير ما احس.. حاسيبك ترتاحي دلوقتي.. خلي بالك من نفسك أنا: تصبح على خير عمر: تصبحي على خير يا ملاكي *********** يـ تـ بـ ـع..

*بتكره الريس؟ 2- لأ بالعكس ان بحبه وشايف انه احسن واحد مسك البلد *فى ايدك مسدس ونفس الريس قدامك وهيتعرض للاغتيال 1-تقتل اللى هيغتاله *كلنا بنكره امريكا ربنا يجحمها ...طيب جاتلك فيزا تشتغل هناك تعمل ايه؟ 1-تطير من الفرحه ..وتوافق بس انا مش بكره امريكا انا شايف ان احنا الى خليناها كده يعنى يا فرعون ايه فرعنك *جاتلك فرصه وسافرت تجاهد فى فلسطين .. واسافر ليه ما اجاهد فى بلدى بعلمى *الوحده الوطنيه شعار بلدك وقريب هيتكتب على الجنيه , انتا بقى راكب فى مركب والمركب بيغرق اخدت انتا شمبر وفلت . .وممكن تشتال معاك واحد وفيه اتنين بيستغيثوا.وانتا عارفهم اساسا لما كنت ع المركب شيخ باكستانى ..وشاب مصرى شاكك كده الله واعلم انه مسيحى " او مسلم لو انتا مسيحى " 2 -تنقفذ الشاب كلنا بشرسوا كنا مسلمين او مسحين او يهود والرسول كان بيسال على جاره اليهودى وبعدين ملك الحبشة هو الى حمى المسلمين فى الهجرة الاول وكان مسيحى تتوقع الرئيس المصرى القادم يبقى لا مش هيكون جمال عدد االاحزاب المعارضه فى مصر ولا حزب كلهم زى قلتهم طول عمرنا بنسمع عن القراءة لل جميع بصراحه ..قريت كام كتاب عن طريقهم 2- قريت كتير والكتب فيها مفيدة جدا ورخيصة برده بنفس الصراحه تفتكر مين اول واحد مسؤل عن كارثه العباره 2- الحكومة ..وتوابعها لو ربنا كرمك واتجوزت ..وخلفت ولد ولازم تسميه باسم من دول...... تختارله اسم ايه 1- جمال علشان ده اسم بابا الدلع بكل صراحه جاتلك فرصه عمل فى السعوديه هتشتغل بواب .وانتا خريج جامعه ..احتمال تنضف العماره كل يوم ..واحتمال تتشتم وتنضرب ..ومحدش هيعرف حاجه ..والمرتب 2000 ريال . 2- انا مصرى يابيه وبعدين معلش مافيش شعب عربى فيه ناس علماء زى مصر والسعودين بالذات مع احترامى ليهم بحس انهم مش بيفهموا انا عاشرتهم سنة وديه حقيقة طلب منك راجل كبير متعرفهوش تساعده فى مشوار هياخد منك تقريبا ساعه وقت ومجهود مش قليل .. 1- هتساعده طلب منك نفس المشوار ..بنت كده شكلها فى جامعه ..وبرده احتمال تكون حلوه شويه .. 1- فين المشوار . . ايه احتمال انك تكون وزير او رئيس فى يوم 1- - ممكن ..مش ممكن ليه وده حلم وان شاء الله هحققه وهكون رئيس مش وزير فيه امل نبقى زى سنغافورة اقتصاديا مثلا 1- سنغافوره!! واحسن كمان من سنغافورة تفتكر انه فعلا فيه اخوه بين العرب واشقاء زى ما بيقولوا 2- اكيد فيه اخوه بس كلام وبس بس عايز اقولك ان فيه بس مش هنا هو لما بيكونوا كلهم خارج بلادهم - كعربى او كمصرى اذكر موقف يدل على الوحده العربيه 3- حبهم للاتنين كمواطن شريف يعيش فى بلد ربع شريف ونص حرامى تخاف اكتر من الله عندك حد احسن منه واقوى منه اخافه ايه اكتر انجاز حسيته وتفتخر بيه فى اخر 30 سنه 1- الانجازات كتير .. وكداب الواحد الى يقول ان مافيش انجازات حصلت تفتكر الوزرا اللى ودونا فى داهيه من اول التعليم مرورا بالصناعه وانتا معدى على الزراعه 1- مسؤليتهم هما واللى عينوهم ثورة 52 كانت يوم 23 يولو واتوضع ليها 6 مبادىء تعرف كام مبدا منهم؟ 1- اعرفهم السته اذكرهم ليك تفتكر لما سعد زغلول اتنفى وقامت الثورة ..الشعب اللى كان موجود فى مصر وقتها اللى قامو بقا بالثورة كانوا 3- اكيد مصريين لما ايمن نور دخل السجن وطلعت السادات دخل السجن تفتكر الشعب اللى كان عايش فى مصر وقتها مصرى بس بيجرى وراء اكل عيشه تفتكر فى فرح جمال مبارك ...كان فيه نقطه"للى من فرنسا وتوابعها ظرف كده فيه مبلغ محترم ومكتوب عليه الف مبروك للعروسين ..واسم صاحب الظرف" هما نقطوه وباعوه ليه بنكين علشان مصاريف الفرح شعورك كان ايه لما فاروق حسنى اترشح لمنصب فى اليونيسكو 3- يابخت وزراة الثقافه ..هتترحم . تفتكر لو السادات مكنش مات ..كانت مصر بقت فين ن 3- فى المعتقل. فى موريتنا قامت ثورة زى بتاعتنا كده ..وبعديها سلم الراجل اللى قام بالثورة الحكم للمدنيين وراح يرعى قطيع غنم فى الصحرا...تفتكر الريس جمال معملش ليه كده 2- يمكن اللى عمله الصح بمناسبه الغنم ..فيه اشاعه بتقول ان انفلونزا الطيور فى مصر من 97 ولو منظمه الصحه العالميه قالت انها دخلت مصر خلاص ..مكنش حد اتكلم ..ممكن يكون الكلام دا صحيح؟؟ 1- مليون الميه فزروه:تفتكر الحكومه عملت ايه فى الطياره اللى انفجرت فى امريكا بصاروخ وكان فيها خيره شباب مصر وراجيعن بلدهم عملت فهمى علشان المعونة يا عم الحاج

هل انت تفعل ما تقوله من نصائح هنا بالمنتدى ؟ بحاول والله بس الحمد لله فيه حاجات بدات فى تنفيذها زى المشاركة والمناقشة وبحاول ابعد عن النت على قد ما اقدر اعتذار تريد ان تقدمه لمن؟ لاى انسان جرحته من غير قصد ماذا ستكتب لنا لتعبر عن حياتك التي عشتها الى الان في كلمات قليله ؟ بحاول اعيش شبابى دون ان اغضب الله اذا اردت ان تبكي الان , فعلى من تبكي؟ ابكى على موت اعز انسانة فى الدنيا (خالتو) من ستختار ليمسح دموعك ؟ امى & احمد ابن خالتى وانتيمى لو خيروك بين حبيبك وبين اعز صديق فمن تختار ؟ حبيبتى عن اقتناع هل تعتقد ان حظك سيئ؟ لا انا مش مؤمن بموضوع الحظ فلكل مجتهد نصيب هل انت مدمن الشات ؟ مش اوى والله هل هزمك حزنك في يوما من الايام؟ اه يوم نتيجة الثانوية العامية ((مستحيل انساك)) لمن تقولها ؟ بابا ربنا يجيبوا بالسلامة واول حب فى حياتى (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟ بلاش تزعل على حد او شئ فاتك انتبه لنفسك الى جاى احلى واحسن متى اخر مره بكيت؟ والله لو بكاء فا انا على طول عينى بدمع اما المرة الى بكيت فيها بحرقة يوم موت خالتى الله يرحمها هل انت راضي عن نفسك ؟ الحمد لله اغمض عينيك دقيقه لو سمحت, ماذا خطر على بالك وانت مغمض العينين ؟ خطر على بالى شكلى انا وخطيبتى هل تؤيد الزواج العاطفي ام الزواج التقليدي ؟ ولماذا ؟ بؤيد الزاوج العاطفى ومش هتجوز غيره والسبب ان الانسانة ديه انا هكون عارف عنها كل حاجة قبل ما اروح البيت علشان اطلبها وكمان هكون عارف كل طبعاها والاهم انى هكون واثق انها بتحبنى ومش بتحب حد غير وانا رايح اخطفها منه هل تعترف بشيء اسمه الصداقه بين الرجل والمرأة ؟ اه وبتكون مفيدة بس لما تكون صداقة فى حدود هل كنت السبب في يوما من الايام ان تدمر حياة شخص سواء العمليه او الاجتماعية او العاطفيه؟ لا الحمد لله هل انت مدمن تفكير؟ اه وممكن مش انام بسببه هل تكره شخص بشده في حياتك ؟ شخص كاسم لا بس بكره الانسان الى ممكن يستغلنى اوى وكمان الانسان الانانى ما هو اقتراحك الذي تتمنى ان يحدث في هذا المنتدى ولم يحدث الى الان ؟ هو بيحدث هو ان الناس تشارك برايها فى كل حاجة ماالذي يلفت انتباهك بسرعه في الشخص لكي تعجب به ؟ من غير تريقة الهدوء وجمال العيون حكمة تؤمن بها جدا؟؟ كما تدين تدان ماهو اجمل اسم لولد واجمل اسم لبنت من وجهة نظرك؟ فارس وسيف هل انت من لديهم رغبة حب التملك واذا تملك الشيء اصابه الملل منه ؟ لا الحمد لله

بصى هقولك حاجة يمكن مصر الدولة الوحيدة الى مافيش مشكلة اقتصادية مش بتعانى منها يعنى رفعوامثلا اجور المواظفين اتوماتيك تلاقى الحاجة ارتفع سعرها مع ان الحاجة ديه بتتزرع فى مصر وبتتصدر من مصر بس متعرفيش العيب فين اما بخصوص موضوع الرشوة ده فهو منتشر فى كل مكان فى العالم يمكن منتشر فى مصر اوى علشان مافيش حاجة بتخلص غير بيه وانا لو مكان الراجل ده هخطف واجرى علشان اعيش ولادى الناس دلوقتى مش بتبص حرام ده ولا حلال المهم بقى عند الناس يعملوا فلوس للدنيا ونسوا انهم هيسيبوا الفلوس ديه وهيمشوا من غيرها بس يالا ربنا يصلح احوال الكل

يوميّات اتنين مخطوبين الجــزء الســادس قــالت ســارة: مكالمة أخرى مع عمر على تليفون البيت هذه المرة اتصل أثناء مشاهدتي لمسلسل الرعب الأجنبي الذي أتابعه بشغف, ما علينا سأشاهده في الإعادة وجدته طبيعيا... أعني ليس حالما غارقا في الرومانسية كما أوحت لي الرسائل.. ارتاح قلبي لذلك, فأنا لا أحب الرجال معسولي اللسان.. حدثته عن مشاكل في عملي وأسداني بعض النصائح المفيدة بجانب بعض النصائح غير المفيدة -ولكني لم أخبره بذلك بالطبع- إلا أنني ذهلت وزاد إعجابي به عندما حدثني حول الاحتلال في العراق ووضع الانتخابات الفلسطينية.. إنه يعرف ما يتحدث عنه وله أراء خاصة رائعة ولا يدعي معرفته بكل شيء, مثل الذين يتحدثون وكأنهم كانوا مع بوش لحظة إعلان الحرب أعجبتني سعة اطلاعه، وإن كنت أحبطت قليلا عندما عرفت أنه لا يهتم بالكرة, وأنا التي كنت أحلم بأن أذهب أخيرا للاستاد لأشاهد المباريات من هناك بعد زواجي. إلا أني –للحق- احترمته فأنا لا أتخيله يجلس مثلي أمام التليفزيون يكيل السباب للاعبي الفريق المنافس والحكم الظالم دائما في وسط الحديث تطرقتُ إلى موضوع الرسائل.. فسكت قليلا ثم قال بلهجة شديدة الرقة والعذوبة :زودتها شوية... مش كده؟ ولم أتمالك نفسي من الضحك أحيانا ينتاب الشخص نوبة غباء يندم عليها كثيرا فيما بعد... وكانت هذه إحدى نوبات غبائي كيف يكون هذا هو رد فعلي على هذه الرقة؟.. بالتأكيد سيظن أني بليدة المشاعر ارتبك قليلا بعد ضحكتي الغبية ثم تجنب الحديث عن رسائله وشكرني على رسالتي وأثنى على خفة دمي الذي كان يغلي في هذه اللحظة من شدة غيظي من نفسي ومن ردود فعلي الغبية انا ح اجى لكم بكرة شوية يا سارة - قالها عمر لى فى التليفون فرديت باستغراب: ليه ؟ وطبعا كان رد غريب جدا فقلت له بسرعة: تشرف طبعاً وقفلت التليفون وانا سعيدة جدا انى ح اشوف عمر بكرة لأول مرة من قراءة الفاتحة الظاهر انه واحشنى لا الحقيقة مش الظاهر انا فعلا نفسى أشوفه *********** قــال عمــر : رد فعل سارة غريب جدا ياترى هى مش عاوزة تشوفنى فعلا علشان كده اتخضت؟ ممكن تكون حست انها اتسرعت فى الخطوبة مثلا طب ايه المطب ده ؟ دى هى واحشانى فعلا ج يبقى شكلى ايه لو قابلتنى ببرود ؟ بس هى كانت طول المكالمة سعيدة اوِوف.. البنات دي عاوزة خريطة علشان الواحد يفهمهم.. احسن أصلى ركعتين وانام علشان عندى شغل بدرى *********** قــالت ســارة: عملت ماسك زبادى بالعسل قبل ما انام مع ان بشرتى مش محتاجة بس استعداد نفسى للقاء عمر المنتظر ماما دخلت لقتنى ملزقة كده قالت لى مالك يا سارة قلت لها: اصل عمر جاى بكرة يا ماما خرجتْ من الاودة وهى بتقول لا حول الله يارب غسلت وشى من الماسك وغمضت عينى وطفيت النور بس ما جاليش نوم خالص.. ايه القلق ده ؟ احاسيس ملخبطة جدا جوايا فرحانة انى ح اشوفه وفى نفس الوقت سؤال بيزنّ فى عقلى: خلاص هو ده الانسان اللى ح اكمل معاه حياتى كلها لحد ما اعجّز زى ماما وبابا ؟ ده انا تقريبا ما اعرفوش !! بس هو مؤدب وطيب ماهو كلهم بيكونوا كده فى الأول !!! على رأى صديقاتى ذوات الخبرة فى الارتباط حطيت المخدة على دماغى علشان اهرب من التفكير وانام *********** قــال عمــر : ياااااه ده انا تقريبا مانمتش خالص وحاسس بصداع رهيب وعندى شغل بعد نص ساعة آدى اللى خدناه من الخطوبة ما انا كنت حر نفسى وأخر رواقة كل القلق ده ولسه قراءة فاتحة امال لما أخلف 5 ولا 6 عيال ح اعمل ايه ؟ أكيد ح اكون مت من زمان *********** قــالت ســارة : قمت من النوم بعد ما صحيت ييجى ميت مرة وعندى حموضة كبيرة شربت سفن اب على الريق وطبعا كانت فاتتنى صلاة الفجر من النوم المتقطع اتوضيت وصليت شعرت بهدوء واستعدت فرحتى بلقاء عمر النهاردة يارب فرّحنى النهاردة يارب.. *********** قــال عمــر : تالت فنجان قهوة باشربه والصداع ابتدى يروح شوية اه لو سارة تدينى حتى رنة تعرفنى انها عاوزة تشوفنى هى كمان فضلت ماسك الموبيل وسرحان لحد ما فوقت على صوت زميلى بيقول : يابختك يا عم تلاقى العروسة صبّحت عليك ييجى ميت مرة.. تيجى مراتى تشوف عمرها ما بتتصل بى الا لو كارثة حصلت ده انا حاطط لها تون سرينة اسعاف.. ههههههه رميت الموبيل وقلت الصيت ولا الغنى !! يلاّ بقى يا سارة ربنا يهديكى *********** قــالت ســارة: الوقت بيعدى بسرعة كدة ليه ؟ الساعة 4 وعمر جاى الساعة 8 طب ح البس ايه ؟ وح نقعد فين ؟ مش معقول نقعد لوحدنا فى الصالون حرام طبعا وكمان انا اتكسف جدا لا أكيد كل العيلة ح تقعد على قلبنا طب حنتكلم فى ايه ؟ التليفون بيسهّل الموضوع لكن وجها لوجه دى صعبة شوية ياااه ايه القلق ده كله ؟ ماما بتبص لى من بعيد و عينيها بتضحك على وبتقول فى سرها البنت اتجننت قمت استحميت واسترخيت شوية وقعدت أنشف شعرى بالسشوار وأعمله كذا تسريحة مع انه مش ح يشوفه لأنى ح اكون لابسة الحجاب طبعا بس عاوزة أحس انى جميلة النهاردة ونفسى أشوف ده فى عينيه *********** قــال عمــر: ياترى ح أجيب ايه معايا وانا رايح ؟ آخد شيكولاتة ؟ ولا أبقى رومانسى واخد ورد طب أنا نفسى أشترى هدية لسارة تفكرنا دايما باليوم ده أشترى لها ايه ؟ قعدت أفكر وانا فى العربية وراجع من شغلى لحد ما لقيت محل هدايا دخلت و جبت بوكية ورد أنيق ودورت على هدية سارة احترت شوية وبعدين لقيت دبدوب ضخم أبيض حاضن قلب أحمر كان ضخم جدا وغالى جدا كمان !!! لكن تخيلت فرحتها بيه يارب يعجبك ياسارة.. *********** قــالت ســارة: ارتديت عباءة مغربى جميلة مطرّزة بالقصب أهداها لى خالى من الخليج لم أرتدى تايير أو ما شابه مش عارفة ليه يمكن كنت عاوزة أحس أنى لا أستقبل ضيف غريب بل من أهل البيت وضعت مكياج خفيف جدا مجرد انه يظهر وجهى نضر لا أكثر ولفّيت الطرحة بطريقة جديدة زادتنى أناقة ونظرت فى المراية ووجدت بريق جميل فى عينى لم أره من قبل يارب اسعد كل البنات زيي وأفقت من سرحانى على صوت جرس الباب وصوت أمى بيقول : ..عمر جه يا سارة *********** يـ تـ بـ ـع..

nawrty ya gamel