go3lesa

حكايات زينات وسنية ورجعت لكم سنية بحكاية جديدة .. بعد غيابها في الحلقة إللى فاتت .. بجد سنية في الحلقة دي هتتعب أوي .. خليكم معاها .. وما تفكروا تسيبوها .. أصلها بتغرق في شبر مية .. أحياناً دماغها بتقفل ومش بتعرف تفكر خالص .. ولازم يكون جنبها ناس تســاعدها .. ويفهموها .. فأكيد زينات صحبتها مش هتبخــل عليها بأي مساعدة .. وأحنا شفنا في الحلقة إللي فاتت زيـــنات عملت أيه .. عندنا في مصر كلمتين بيقولهم علشان يوضحوا أن فلان الفلاني متمسك بالحاجة الفلانية .. بيقولوا عليه .. ده ماسك فيها بأيده وسنانه .. وده فعلاً إللى بيعمله حنفي .. نسيت أقولكم أن حنفي ده يبقى .. متهيألي عرفتوا مش محتاجة تفكير .. حنفي ده بقى يبقي زوج سنية.. وتبدأ الحكايــــة .. يدخل حنفي غرفة النوم على زوجته سنية ليوقظها من نومها ليخبرها بالخبر التالي .. حنفي: سنية .. سنيــــة .. قومي يا سنية .. سنيـــــــــــــــة .. سنية: خخخخخخخخخخخخ حنفي : يا سيدي على الإيقـــاعات سيمفونية بيتهوفاين يا أخواتى .. يا سنية قومي .. (( قالها حنفي بعصبية شديدة .. )) سنية : أيه .. أيه .. فيه أيه .. أيه حصل .. حنفي : أنا نازل .. سنية : طيب مع السلامة .. وغطت وجهها بالبطانية مرة أخرى .. قام حنفـي وشد البطانيـة من على وجه سنية .. يا ستي فوقي لي شوية الله يكرمك .. مش ممكن الغيبوبة دي .. قامت سنية من نومها .. وجلست على السريــر .. وضعت يدها على خدها .. وقالت : نعم عايـز أيه .. أديني قمت أهوه .. (فركت عينيها بأيدها وقالت : الله .. الله .. الله .. الشياكة دي ونازل .. رايح على فين إن شــاء الله حنفي : نازل .. أشم هوا شوية .. بدل المستشفي إللى أنا فيها دي .. كل ده نوم .. سنية : برجع من الشغل هلكانة .. وشغل البيت .. بتعب .. بلاش أستريح شوية .. حنفي : هما دول شوية .. أنتِ مش بتحسي بنفسك من الساعة 9 لحد الساعة 6 الصبح شوية .. ( تسع ساعات شويه يا مفترية ) قالها في سره طبعاً .. سنية : بس خلاص .. أديني قمت أهوه ..(( حتى النوم مش متهنيه عليه .. طبعاً برضه في سرها )) حنفي : لا لا براحتك على الآخر .. أنا كده كده خارج .. سنية : يعني المكان إللي أنت رايحه مالوش أسم .. حنفي : هخرج مع أصحابي أشم هوا .. بدل الخنقة إللى أنا فيها دي .. سنية : طيب يا حبيبي مع السلامة ..( بعد الكلمة دي قالت في سرها أبقى خلي أصحابك ينفعوك .. إلهي وأنت نازل الأسانسير يعطل بيك .. إلهي وأنت ماشي في الشارع تتكعبل تقع علشــان تتهد في البيت شوية ) حنفي : هتعوزي حاجة من تحت ؟؟ سنية : بس برضة ما قلتليش الشياكة دي كلها ومطقم كده علشان أصحابك ..!! حنفي : يا ستي أنا شيك لنفسي .. (( والله أنا غلطان أني صحيتك .. يارب تنامي .. نوم الظالم راحه من شره )) سنيــة : بتكلم نفســك برضة ..؟؟ حنفـي : أه عندك مانع ..؟؟ سنية : ربنا يشفي .. حنفي : بتقولي حاجه يا نومة ..؟؟ سنية : نومة .. لا بقول تروح وترجع بالسلامة .. حنفي : كملي نوم بقى .. قبل ما تفوقي والنوم يطير من عينك .. وقبل ما حنفي يكمل كلامــه .. كانت سنيــة مستغطية بالبطانية .. وبدأت في عزف السيمفونية بتاعتها مرة أخرى .. حنفي : مش ممكن الست دي .. إيه السرعة دي .. دي بتنام أسرع ما بتأزأز اللب .. يا ستير يارب .. وخرج حنفي .. من باب البيت .. وقرر أنه ما ينزل في الأسانسير .. ونزل السلم على رجله .. لأنه رياضي بطبعه .. بيحب الرياضة بصفة عامة .. ويموت في كرة القدم بصفة خاصة .. وطبعاً مدام سنية .. كسولة جداً جداً .. وأقصى رياضة ممكن تعملها أنها تكنس البيت بالمكنسة رايح جاي .. خرج حنفي في منتهى الشياكة .. بيحب يلبس كويس ويحط برفان .. بجد علشان خاطر نفسه بس .. وراح القهوة .. أقصد الكافية إللى متعود يقعد فيه مع أصحابـــه .. وقعد معاهم من الساعة 9 مساء لحد الساعة 11 مساء .. في الفترة دي بقى مدام سنية .. الله يهديها قامت من نومها .. دخلت المطبخ تشرب .. وقعدت تدور في البيت على سي حنفي .. بس سي حنفي مالوش أي آثر .. يا ترى راح فين .. سنية : آه أفتكرت .. ده قالي نازل القهوة .. أقصد الكافية .. يا سلام هي فرقت ماهي القهوة هي هي الكافية بس الفرق أن الكافية الحيطان بتاعته متغطيـــة .. الرجاله دول عليهم حاجــات .. بس الوقت أتأخر الساعه بقت 12 كل ده في القهوة .. أسرعت سنية إلى غرفتها وأحضرت موبايلها .. وأتصلت بحنفي حنفي : إيه يا سنيــة .. أيه حصل ..؟؟ سنية : ولا حاجة .. وأنت مخضوض كده ليه .. أنت فين بالظبط ..؟؟ حنفي : بقى أنتِ بتتصلي علشان تسألي أنا فين .. ما أنا قلتلك .. سنية : كل ده بره البيت ؟؟ طيب ولما ياخدوك تحري ويرموك في البوكس ..؟؟ حنفي (في سره طبعاً ): بوكس أيه بس .. يارب يوعدك بحد يديكِ بوكس علشان يفوقك من الغيبوبة إللي إنتِ فيها دي .. سنية : أنت رحت فين ؟؟ حنفي : أنا معاكِ .. سنية : طيب هترجع أمته ..؟؟ حنفي : خلاص هرجع على طول .. سنية : طيب خد بالك من الطريق .. مع السلامة .. حنفي : سلام .. ورجع حنفي البيت وكان فاكر أن سنية هانم في شرف أنتظاره .. ولكن للأسف خاب أمله .. لأن البيت مظلم ومافيش إلا أضاءة بسيطه فعرف أنها رجعت تاني وراحت في غيبوبة ..

حكايات زينات وسنية أقرب طريق إلى قلب الرجل ؟؟ ... ما حدش يقول معدته .. قررت زينات أنها تنفذ وتأخذ بنصائح الشيخ بلحة .. فقررت من اليوم إللى رجعت فيه من عند الشيخ بلحة أنها تغير من معاملتها لزوجها .. يرجع حسني من عمله منهكاً .. ومن شدة تعبه لم يأخذ في باله أن أصبعه على جرس الباب .. زينات من داخل المنزل : حاضر حاضر يا إللى بتخبط .. هي الدنيا طارت ولا أيه .. تتجه نحو الصالة .. وتقول وهى متجهة لباب البيت : يا إللى على الباب شيل إيدك .. هتحرق جرس الباب . وتنظر من عين الباب السحرية لتجد أن من يطرق الباب هو زوجها الحبيب حسني .. تبادر بفتح الباب قائلة : حبيبي .. أنت جيت .. حمد الله على السلامة يرد حسني قائلاً: السلام عليكم ورحمة الله وبركاته ترد قائلة: وعليكم السلام ورحمة الله وبركاته .. نورت يا حبيبي بيتك .. يرد حسني بإستغراب : ده نور الكهرباء يا زينات .. تلاقيكي وإنتِ بتفتحى الباب شغلتى نور الصالة .. فده بقى نور الصالة . زينات بخيبة أمل : آه .. تصور فعلاً ده نور الصالة بس ده ما يمنعش أن نورك غطى على نور الصالة .. حسني : طيب يا زينات نورت نورت .. هتخليني واقف على الباب كتير .. روحى يلا حضري الغدا أنا جعان جداً . .زينات : حاضر حاضر .. ده أنا عمله لك حتى كل الأكل إللي أنت بتحبه .. حسني : الأكل إللى بحبه .. (ويتذكر كل تجارب زينات الفاشلة في إعداد الطعام لدرجة أنه ما بقى يفرق بين الفراخ والبطاطس .. ) .. ويستطرد قائلاً : ربنا يستر زينات : بتقول حاجه يا حبيبي حسني : وأنا أقدر .. يلا حضري الأكل .. زينات : دقايق ويكون الأكل جاهز .. وأسرعت زينات إلى مطبخها لتتأكد من أن الأكل أصبح جاهزاً تماماً .. وبعد ما تأكدت من نضجه .. ذهبت إلى حسني في غرفة النوم وقالت له : حسني إيه رأيك لو أخدت شاور قبل الغدا؟؟ حسني : شاور ..!! وكمان بقيتى تتكلمى لغات حية ؟؟ زينات : حية وميتة وكل حاجة يا حبيبي أهم حاجه أنت بس تكون مبسوط ينظر إليها حسني مستغرباً فلم تكن هذه زينات زوجته .. حسني: حاضر شاور شاور .. بس أنتِ بقى ياريت تحضري الغذاء أنا هلكان وجعان .. ويذهب حسني إلى الحمام وتتجه زينات إلى المطبخ لتعد الغذاء وفي خطوات سريعة جداً بين المطبخ والسفرة أعدت زينات الغذاء في الوقت إللى أخده حسني في الحمام .. وخرج حسني من الحمام إلى غرفة الطعام لتناول الغذاء وكانت المفاجأة .. سفرة هائلة إعداد وإخراج زوجته زينات .. تمتم في سره قائلاٍ : أكيد فيه سر في الموضوع .. ده إنقلاب فظيع كده بين يوم وليله .. يارب عدي اليوم ده على خير .. وأستعد حسني لتناول الغذاء .. وجلس مع زينات على السفرة .. زينات: ها إيه رأيك النهارده في الأكل .. حسني: مش بطال .. بس الأكل النهارده فيه حاجة غريبة غير كل يوم .. زينات : صنع إيديه وحياة عينية حسني في سره: صنع إيديكي؟؟ أمال هى الأول كانت بتطبخ بإيه ؟؟ زينات : إيه الأكل مش عاجبك .. حسني : لالالالا .. إزاي .. هو أنا أكلت في حياتي حاجه أحسن من كده .. زينات : بحسب .. حسني .. في خلال الفترة أثناء تناول الغذاء فكر في فكرة هائلة .. فأنه لم يعتاد على زينات زوجته هكذا من قبل .. وعلشان كده بقى قرر أستغلال الفرصة دى .. وزينات وديعة وهادية حسني : زينات إيه رأيك نخرج النهارده يا حبيبتي؟؟ زينات وهى لا تصدق نفسها : نخرج .. حبيبتي .. !! ده أنا من أيام الخطوبة ما سمعت الكلمتين دول .. أنا هيغمن عليه.. حد يسندنى .. (( قالت هذه الكلمات في سرها )) وأستطردت قائلة : يظهر أن الشيخ بلحة نصايحه جت بفايده .. وردت على حسني قائلة : أكيد طبعاً نخرج .. بس هتوديني فين؟؟ حسني: عند ماما طبعاً يا حبيبتى وهنا أصابت الصدمة زينات : بقى يوم ما يخرجني يوديني عند حماتي .. لا بجد خروجة ولا أروع من كده .. حسني: مالك يا زينات سكتي ليه ..؟؟ زينات: من الفرحة يا حبيبي من الفرحة .. ( تقولها وهى تجز على أسنانها ) حسني: طيب خلاص قومي بقى ألبسي ويلا نروح عند ماما .. زينات : طيب والأكل .. والتعب .. أنت مش من شوية كنت بتقول أنك هلكان وتعبان .. حسني : لالا .. أكل إيه وبتاع إيه .. ومن لهفة حسني على رؤية أمه أحست زينات بتقصيرها الفظيع في حق والداته .. فهى عادة ما تقول عنها ( حماتي قنبلة ذرية ) وعلى طول تناقر في حماتها الغلبانة أم زوجها الحبيب .. ودائماً معاملتها ليها معاملة الند بالند .. ودايما بقى تشكى لحسني من أمه (( أمك عملت كذا .. لالا دي كانت قاصدة تحرجني .. هو أحنا كل ما نروح عند أمك لازم نرجع بخناقة .. ويوم ما تكون عارفة وقت زيارة أم زوجها طول النهار ما يكون على لسانها غير هذه الأغنية .. بكرة النكد بكرة )) فكرت زينات كتير كتير ..وحدثت نفسها قائلة: أمال الناس إللى بتقول أقرب طريق لقلب الرجل معدته دول إيه .. ما أنا طبخت أهوه وعملت أكل وعملتله سفرة ما كان يحلم بيها .. وهو بياكل بيفكر في أمه .. )) لالا .. الحكمة دى غلط .. أقرب طريق لقلب الرجل مش معدته .. بس يا ترى إيه أقرب طريق لقلب الرجل .. ؟؟ حسني يقطع حبل أفكارها : زيناااااااااات .. أنتِ رحتي فين .. ياهووووووووووه .. زيناااااااااااات زينات : أيوة يا حسني .. معاك أهوه .. خلاص هتروح أمته عند ماما ؟؟ حسني : ماما ؟؟ لا أن عرضت عليكِ فكرة أننا نروح عند ماما أنا مش ماما أنتِ .. زينات : آه ما أنا عارفه .. ماهو الأتنين واحد .. حسني : الأتنين واحد ..؟؟ هى الست دي في أيامها الأخيرة ولا أيه .. ربنا يستر عليكِ يا زينات ويكملك بعقلك يارب (يحدث بها نفسه) زينات : ها هتروح أمته .. أقصد هنروح أمته حسني : دلوقتى .. إن شاء الله .. ولا أقولك خليها بعد المغرب .. ومرالوقت من بعد العصر لحد المغرب سريعاً سريعاً .. ولبس كل واحد فيهم هدومه .. أستعداداً للخناقة المرتقبة .. لالا أقصد أستعداد لزيارة والدة حسني .. ودخل حسني بيت أمه وسارع بتقبيل يدي والدته .. وزينات تنظر إليه نظرات غريبة جداً مليانه دهشة وأستغراب .. أد إيه كانت قبل كده ما بتاخد في بالها حب حسني لأمه .. وكانت تزود همومه .. وألف خناقة تحصل بعد زيارة أمه .. وكأن أم حسني زوجة حسني الأخري لدرجه أنها أوقات كتير كانت تغير جداً من علاقته بأمه .. سبحان الله .. وأسرعت زينات إلى حماتها قائلة : إزيك يا حماتي .. أقصد أزيك يا ماما ؟؟ ردت والدة حسني : أنا كويسة يا زينات .. خير يا ماما مالك هو أنتِ تعبانه ولا حاجة (( يوووووووه .. هو أنا كل ما هعمل حاجه ألاقيهم بيقولولى أنتِ تعبانة .. ما أنا زي الحصان أهوه .. وأخذت نفس عميق .. لازم أكون هاديه وما أتعصب .. يارب عديها على خير يارب )) ردت زينات : لا أبداً .. ده أنا كويسة خالص أهوه والدة حسنى : طيب الحمد لله وفي الفترة دي بقى قررت زينات أنها ما تخلي أم زوجها تقوم من مكانها كل طلباتها وطلبات حسني ووالده مجابة .. والدة حسني : أقوم أعملكم شاي ولا عصير زينات : لا لا يا ماما أرتاحي أنتِ أنا هعمل بدالك .. ها تشربوا شاي ولا عصير .. أنا بقول عصير .. خلاص هو عصير .. وأسرعت زينات إلى المطبخ من غير ما تستنى رد حد وأعدت للجميع العصير.. والدة حسني : خير يا حسونة .. هى مراتك مالها النهاردة .. أنا مش مطمنه فيه حاجه تقلق حسني : مش عارف والله يا ماما .. هى متغيرة كده من أمبارح .. بس بقت هادية ولطيفة كده .. ما يمكن تكون دي دعواتك ليه يا أمي أن ربنا يهديها والدة حسني: وأنا أكرهلك الخير يا حبيبي .. وأنك تكون مبسوط في حياتك .. ربنا يهديكم لبعض يارب حسني: يارب يا ماما يارب وأحضرت زينات العصير واستمرت على الوضع ده كل ما حد يطلب حاجة تجرى زينات وتعملها .. بس يا تري إيه سبب تغيير زينات ده .. هى ما كانت كده من قبل .. وحاولت النهارده أنها تجاهد نفسها .. يا ترى إيه السبب؟؟ أنا أقولكم أصل زينات عرفت أن زوجها عمره ما هيسيب أهله وهيعيش لها وحدها بس .. لا .. أهله في المقام الأول .. وبعدين كل الناس في مراتب أقل .. وأن حماتها مش زوجته الثانية .. لا دى أمه وأكتر حد بيحبه .. زي ما هى بتحب أمها وأمها بتحبها .. يعني زينات علشان تخلي زوجها يرضي عنها .. لازم تعامل أهله كويس جداً وتحبهم ويحبوها .. وكفايه عليه هم الشغل والعيشة والظروف .. ما تزود عليه هم خناقاتها مع أمه .. لذلك بقى زينات الذكية عرفت حاجه مهمة جداً وهى .. أن أقرب طريق لقلب الرجل .. هى حب زوجته لأهله وأنها تعاملهم معاملة طيبة .. بجد هتكسب حب أهل زوجها .. وحب زوجها وهتوفر عليه كتيرررر جداً .. ودى كانت حكايتنا التانية .. ويارب يو صلكم هدفي منها ..

السلام عليكم ورحمه الله وبركاته تسلم يا حماده على ردك ومرورك نورت القصه وعندك حق والله بيبقى الحل ادامنا وبنلف وندور حواليه رايحه تحايل قرد واسد طب ما تحايل جوزها شكرا ليك

السلام عليكم ورحمه الله وبركاته العفو اى خدمه :Mazakonia (92): تسلمى يا برنسيس على ردك ومرورك نورتى القصه

السلام عليكم ورحمه الله وبركاته تسلمى يا رودى على ردك ومرورك نورتى القصه وطبعا مش كل الستات مفتريه ولا كلهم ملايكه بس مين مدحت؟ :Mazakonia (92): وان شاء الله اللى هيتجوزك هتبقى امه دعياله عامليه بما يرضى الله وزى المعامله اللى تحبى يعاملك بيها شكرا ليكى

السلام عليكم ورحمه الله وبركاته تسلمى يا ميمو على ردك ومرورك نورتى القصه

السلام عليكم ورحمه الله وبركاته تسلمى يا ميمو على ردك ومرورك نورتى القصه يا قمر

السلام عليكم ورحمه الله وبركاته تسلمى يا جاليو على ردك ومرورك نورتى القصه يا قمر الدنيا فيها بلاوى

السلام عليكم ورحمه الله وبركاته تسلمى يا جاليو على ردك ومرورك نورتى القصه يا قمر اللى يعيش ياما يشوف السواقين دول بيشوفو ناس من كل صنف ولون شكرا ليكى

السلام عليكم ورحمه الله وبركاته العفو يا جاليو اى خدمه :Mazakonia (95): تسلم يا جاليو على ردك ومرورك نورت القصه

السلام عليكم ورحمه الله وبركاته تسلمى يا انجولتى على ردك ومرورك بس في حاجة بجد لما التفكير بالقلب مش نافع والتفكير بالعقل مش نافع اومال نفكر ازاي؟؟؟ هو الاكيد لازم نستخدم الاتنين سوا عشان مينفعش نعيش بقلبنا بس ولا ينفع نعيش بعقلنا بس مع الاخذ برأى الوالدين هذا والله اعلم ولكم جزيل الشكر :Mazakonia (100):

السلام عليكم ورحمه الله وبركاته تسلمى يا منه على ردك ومرورك نورتى القصه يا قمر والاهل اهم من اى شخص ورأيهم اكيد هيبقى صح حتى لو احنا مش شايفين كده فى ساعتها محدش بيعمل حاجه ضد مصلحه ولاده هما عندهم خبره وفاهمين الدنيا اكتر وربنا يهدى شكرا ليكى

السلام عليكم ورحمه الله وبركاته تسلمى يا جاليو على ردك ومرورك نورتى القصه يا قمر بس بصراحه انا معرفش كتاب خالد الخميسى بس ادينا اتعرفنا شكرا ليكى

السلام عليكم ورحمه الله وبركاته تسلمى يا جاليو على ردك ومرورك نورتى القصه والقسم كله

السلام عليكم ورحمه الله وبركاته تسلم بلاك على ردك ومرورك نورت القصه تسلمى يا منه على ردك ومرورك ربنا يكون فى عون الكل :Mazakonia (92): نورتى القصه

السلام عليكم ورحمه الله وبركاته لا كلمه اسف مبتمحيش الجرح هى بتبقى زى مسكن بنفتكر انها محت الجرح وبنحاول ننساه يعنى عمرها قصير يعنى ولما الشخص ده يعمل حاجه تأذينا تانى بنتأكد ان اسف دى ملهاش اى تأثير لاننا بنفتكر الجرح الاول اللى حاولنا نقنع نفسنا اننا نسناه وبنلقيه لسه بيوجع برضه تسلم ايديكى يا سلمى شكرا ليكى :Mazakonia (92):

السلام عليكم ورحمه الله وبركاته تسلم ايدك يا سلمى وبالنسبه لعواطف وراحت فين هى موجوده بس احنا بنحاول نموتها فينا بنكتم صوتها عشان متغلبناش ونبقى ضعفاء الحياه بقت صعبه وعشان متدوسناش لازم نبقى متبلدين عشان منحنش لاى حد ولا نحب حد ونخاف عليه ونساعده ويكبر ويبقى جمبنا واحنا اللى مساعدينه اكيد اكيد ده مش رأيى بس انا برد على سؤالك لان عواطف موجوده عندى الحمدلله وكل واحد فينا هو اللى بيتحكم فى وجودها او لا شكرا ليكى ونورتى القسم يا قمر :Mazakonia (92):

السلام عليكم ورحمه الله وبركاته تسلم ايدك بجد يا انجولتى قصه روعه روعه بجد بجد انا اتمنيت ابقى زيها كده ان شاء الله يارب يارب كلنا نبقى كده ان شاء الله وربنا يحسن ختامنا جميعا ونكون من اهل الجنه يارب عملنا فى الدنيا هو اللى بيحدد مكانا واحنا اللى بنحدد عملنا يبقى احنا اللى بنحدد مكانا يارب كلنا نبقى فى مكان واحد فى الجنه يارب بجد قصه مؤثره وجميله جدا شكرا ليكى :Mazakonia (92):

السلام عليكم ورحمه الله وبركاته تسلم ايدك يا سيكريت قصه جميله جدا اكيد الحب الاول عمره ما يتنسى وبالذات لو كان فيه ظلم بس الندم جه متأخر ربنا ما يكتبها على حد ابدا شكرا ليكى :Mazakonia (92):

السلام عليكم ورحمه الله وبركاته تسلم ايديك يا سيكريت بجد قصه روعه جدا وفيها افاده كبيره سبحان الله ابنه هو اللى يبقى طريق لهدايته ربنا يهدينا جميعا يارب فى ناس بجد ربنا بيبعت لها اللى يهديها ومبيخدوش بالهم منهم الا لما يضيعو منهم ويكون فات الاوان ربنا يرحمنا يارب شكرا ليكى :Mazakonia (92):

السلام عليكم ورحمه الله وبركاته تسلم ايدك يا anan بجد مؤثره جدا وجميله جدا دى تضحيه كبيره اوى انها تحتفظ بألمها لنفسها عشان اهلها ميحزنوش بجد حبها ليهم كبير اوى ربنا يرحمها يارب ويسكنها فسيح جناته شكرا ليكى نورتى القسم

السلام عليكم ورحمه الله وبركاته يعنى بجد والله قصه روعه وانا مستنيه باقى الاجزاء بفارغ الصبر لانها فعلا لذيذه جدا واكيد هيبقى فيها حاجات كتير نتعلمها تسلم ايدك يا موكا :Mazakonia (92): نورت القسم كله ومتتأخرش علينا

السلام عليكم ورحمه الله وبركاته تسلم يا ميدو على ردك ومرورك نورت التوبيك ويارب الناس تبقى كده فعلا

السلام عليكم ورحمه الله وبركاته تسلم ايديكى يا انجولتى قصه جميله ومعناها كبير من السبب الحقيقي الاب وابنائه ام الدكتور الغبي اللذي لم يقم بالتاكد واخذ التحاليل ؟؟؟؟؟؟؟؟؟؟ هو الدكتور غلط والاب غلط على غلط الدكتور هما الاتنين اكيد مذنبين فى حقها بس ده قدر ربنا فى الاخر وعندك حق مينفعش نحكم عالامور بسرعه ومينفعش ناخد قرار او نتصرف واحنا متنرفزين او غضبانين هنندم عليه اكيد بس فى ناس بتاخد قرارات بالراحه وبعدها بتندم انها اتأخرت هى دى الدنيا شكرا ليكى

السلام عليكم ورحمه الله وبركاته تسلم ايديكى يا انجولتى موضوع جميل ومفيد جدا رجعتينى لايام الكليه كنا بندرس كده واكتر بكتير شكرا ليكى يا حبى