body86love قام بنشر February 26, 2009 Share قام بنشر February 26, 2009 الحلقة العاشرة من مجلد الأيام السوداء عيد ميلاد ماجده ماجده : النهارده إيه يا سعيد سعيد : النهارده الخميس يا ماجده ماجده : قصدى كام فى الشهر يا سعيد سعيد :28 من أغسطس يا ماجده كلها كام يوم ونقبض أحسن بقينا على الحديده ماجده : 28 أغسطس ده مابيفكركش بحاجه يا سعيد سعيد : لأ مش فاكر قولى إنتى ماجده : إصحى يا سعيد مش عايزه إستهبال ..النهارده عيد ميلادى ياحبى سعيد : كل سنه وإنتى طيبه ماجده : مالك بتقولها من غير نفس كده وماتنفعش كده حاف سعيد : وآدى بوسه ياستى كل سنه وإنتى طيبه .. ماجده وهى تبعده عنها :إنت حتسوق فيها وتكمل الإستهبال ..عيد ميلاد معناه هديه يا فالح أنا مش عايزه حاجه معينه حسيبك تجيب حاجه على ذوقك يا سعيد يحضر سعيد فى المساء ومعه صحبة ورد صغيره بها خمس وردات وملفوفه فى ورقة سلوفان ويقبل ماجده وهو يقول سعيد : مالقتش أحسن من الورد أقدر أأقدمه ليكى ياحياتى ماجده تأخذ منه والورد وتطوحه من البلكونه فيقع داخل سرادق العزاء المنصوب أمام البيت ماجده : جايب لى ورد يا سعيد فاكر نفسك طالع التورب..الرجاله تجيب فستان ..جزمه ..شنطه ..حتتين دهب يحطهم فى إيد مراته جايب لى ورد ياراجل يا أيحه يا بخيل سعيد : أنا أيحه وبخيل يا ماجده ..أعملك إيه إذاكانت أمك ولداكى آخر الشهر أجيبلك منين ..عنك ماخدتيه..خساره فيكى أنت كنت عايزه كلابشين لأديكى يا مفتريه وتتصاعد حدة الخناقه بينهم ويرن جرس الباب فيفتح سعيد فيجد الأستاذ عاشور جاره وبعض المعزيين وعبده البواب وهو يمسك باقة الورد التى طوحتها ماجده من البلكونه عاشور : الورد ده بتاعك عبده : أيوه بتاعه ياعاشور بيه حتى كمان مالوش ريحه خخخخخخخخ سعيد :بس أنا ما أقصدش أحدفه عليكم ده وقع من المدام وهى بتنشر عاشور : طب أمسك كده الورد ..وخد دى علشانك ويتلقى سعيد لكمه قويه فى فكه ترميه فى وسط الصاله وتقف ماجده فوق رأسه وهى تعد ..1234 وينتهى الفايل و سعيد يقف فى بلكونة منزله والفجر يؤذن الله أكبر وهو يبتهل إلى الله إن ربنا ياخد ماجده ويريحه منها ماجده : إخص عليك يا سعيد بتدعى عليا يامجرم ياظالم ربنا يورينى فيك يوم ...وأنا حموت نفسى عشان تخف إن شالله تموت أنت زواوى : ده كويس إن الراجل ده عايش..إنتى ست مفتريه فيه فولدر أهوه مكتوب عليه اللحظات السعيده نفتحه ونشوف فيه إيه Folder is empty يانهار أبيض مفيش ولا لحظه حلوة فى حياته لالالالا ويظل زواوى يفتح ويغلق ملفات وسجلات سعيد ويؤنب فى ماجده ماجده وهى تبكى : طب والعمل يادكتور حنسيبه كده زواوى : مفيش قدامنا غير العمليه ماجده : يالهوى عمليه..عمليه إيه يادكتور زواوى : عمليه إسمها Formatting نمسح فيها دماغه بالكامل ونخليها على الزيرو يعنى يرجع بحالة المصنع وبعدين نرجع له الملفات الضروريه أللى تخليه يعرف يكمل حياته الطبيعيه بس على الله نلاقى السوفت وير بتاعه فى السوق...يادكتور زكى شوف كده رقم السوفت وير بتاع الأستاذ سعيد موجود ولا لأ .. د. زكى : رقم السوفت وير ده مصرى ومن النوع القديم قوى ومفيش زيه فى السوق..فيه صينى وتيوانى وإيطالى وفيه إنجليزى أصلى ماجده : بلاش صينى يادكتور أنا مش فاضيه أعمله سوفت وير كل شويه زواوى : الإنجليزى حراق شويه بس إيه أضمنه برقبتى وحنحاول نعربه عشان يعرف يتفاهم معاكم ماجده : أجيبه من سوق العصر بتاع الكمبيوتر ولا إيه زواوى : لا ياماما لا إحنا نبعت نستورده من بره أورجينال نسخه أصليه..ماتشليش هم حنحجز الأستاذ سعيد عندنا 15 يوم تيجى بعديها تستلميه ماجده : وعليه ضمان قد إيه ؟؟ زواوى : العمليه مضمونه 10 سنين إنما السوفت وير لمدة سنه لو ماعجبكيش ممكن تغيريه بأى نوع يعجبك هاه موافقه شاورى نفسك ماجده: موافقه ياخويا موافقه إنجليزى إنجليزى أهو ينفع يذاكر للعيال زواوى : أوكى ماتنسيش تاخدى الوصل علشان تعرفى تستلميه بيه ماجده وهى خارجه :مع السلامه يامستر سعيد باى باى ..My love مع أرق تحياتي body86love رمضان كريم كل عام وأنتم بخير رابط هذا التعليق شارك More sharing options...
hazem88love قام بنشر February 27, 2009 Share قام بنشر February 27, 2009 تسلم ايدك يا باشا مستنين من باقى الحلقات بس بسرعه شوقتنا كتير رابط هذا التعليق شارك More sharing options...
Sir Mody قام بنشر July 29, 2009 Share قام بنشر July 29, 2009 teslm ya man بسرح بخيالى وبروح لبعيد والقانى فى حضنك طول لياليا بسهر لعينك وبطول بعينيا القمر العالى .. يا حبيبى هواك بقى بالنسبالى بجد حياة ρяόùđ тό вε εģчρţίόη Echo Of Love !! .. MoOoDy رابط هذا التعليق شارك More sharing options...
Recommended Posts