body86love قام بنشر January 30, 2009 Share قام بنشر January 30, 2009 هنقدم لكم المسلسل الكوميدى *احلام سعيد و ماجده * على اجزاء*** أحلام سعيد وماجده ( مسلسل كوميدى جدا ) أحلام سعيد وماجده الحلقة الأولى سعيد : آى آى فيه إيه يا ماجده ماجده : إصحى يا فالح مين( فاتن ) اللى عمال تنادى عليها وأنت نايم بتحب عليا يا سعيد ..يالهوى .. يالهوى ..بعد ده كله نايم بتحلم لى بالستات قوم قول لى مين فاتن دى ..عارف لو ما قلتش حيجرالك أيه ..حخنقك وأكتم نفسك بالمخده وأخلص منك سعيد : إبعدى ياوليه المخده دى عن وشى حتخنق يا بنت المجنونه ماجده : إتعدل كده وإحكى لى مين فاتن دى أن ما سميتك وخلصت منك ما بقاش أنا ماجده ..كل يوم عمال تحلم لى بإسم شكل إمبارح كانت سعاد وأول كانت ثناء وأول أول كانت سميره وغيرها وغيرها ..هو فيه ايه ياراجل كل الستات دى بتعرفها امتى وفين ؟ إررر.. وإعترف يا فلاتى ياراجل ياهلس قول سعيد :إبعدى إيديكى عنى وخلينى أروح الحمام الأول ماجده : مفيش مرواح الحمام ألا لما تحكى لى مين فاتن دى سعيد : مش قادر يا ماجده حرام عليكى أنا على آخريى ماجده : برضه مش حسيبك إلا لما تقول سعيد وهو يفلفص من إيدين ماجده التى كبست بكل وزنها على صدره حقول كل حاجه بس سيبينى يجرى سعيد على الحمام ويغلق الباب خلفه..ووقفت ماجده على الباب فى إنتظاره ماجده : أنت فاكرك أنك هربت أن شالله تقعد جوه لحد بالليل أنا قاعدالك ..وأحضرت كرسى وجلست أمام باب الحمام وهى تسن السكاكين سعيد : إيه الصوت ده يا ماجده ماجده من الخارج : أنا بسن السكاكين والساطور ياحبيبى سعيد : ليه يا ماجده إحنا ماعندناش لحمه فى التلاجه ماجده : بس عندنا لحمه فى الحمام أن ما قطعتك كباب حلة وشويت ريشك وفرمتك سعيد : السلاح يطول يا ماجده ..حتودى نفسك فى داهيه عشان حتة حلم ماجده : هو حلم واحد يامجرم ده أنت شغال أحلام بقالك أكتر من ست أشهر وكل يوم تنادى على واحده شكل..أن ماوريتك يا سعيد بس أطلع سعيد من الداخل : أنا مريض يا ماجده حتى أسألى الدكتور(بسيونى ) ماجده : بسيونى..آلهى يولع بجاز هو كمان ..أنا مش عارفه الدواء اللى كاتبهولك خلاك زيدت فيها بدل ماكان حلم واحد فى الليله أصبح حلمين تلاته وأنا بتفرس جنبك ..شهل أطلع أحسن لك سعيد : حرام عليكى يا ماجده عايز أروح الشغل بقالى يومين غايب وحيخصموا من الماهيه وقليل ما كان فيها تحقيق ماجده: إن شالله يخصموا الماهيه كلها ويحولوا أوراقك على المفتى قادر ياكريم..كفايه مستحملاك ومستحمله قرف عيالك وعماله كل يوم أغير فى شكلى وفى لبسى زى ما قالى صخام البرك دكتور الهم والغم بتاعك.. أنك فى يوم ياندل تحلم وتنادى أسم ماجده..مفيش فايده أطلع بره أحسن لك (سعيد يفتح الباب قليلا وهو يقف خلفه) ماجده :أطلع يا سعيد ماتخلنيش أتهور وأهد الحمام على دماغك سعيد : أهدى بس يا ماجده وأنا حقول لك كل حاجه ماجده : طب أطلع خلصنى عشان عايزه الحمام تدخل ماجده الحمام ويسرع سعيد إلى غرفة النوم ليأخذ ملابسه(فينسى جزمته وينزل وهو لابس الشبشب) ويفر خارج الشقه ليكمل أرتدائها على السلم فيصادف خروج مدام صفاء من شقتها لتفرغ ال------------ --------- --------- ----- فتجد سعيد يحاول أن يلبس البنطلون وهو واقف بملابسه الداخليه مسندا ظهره على باب شقتها فتفتح فيقع سعيد أمامها فتفزع وترقع بالصوت فيجرى سعيد على السلم ليكمل ملابسه فى الشارع ماجده تنادى على سعيد من البلكونه : خد الجزمه يا سعيد( طراخ بوم تسقط فردة جزمه فى الشارع والفرده التانيه فى بلكونة الأستاذ نصحى (الذى يغار على عروسته الجديده ويشاكل دبان وشه لمن يجرأ أن ينظر لها فيكون مصيره لكمه قويه تطيح بصف أسنانه) سعيد من تحت : يامفتريه مالقتيش إلا البلكونه دى ترمى فيه فردة الجزمه ماجده من فوق : أحسن.. أطلع لنصحى بقا وأستلقى وعدك سعيد يكلم نفسه: النهار باين من أوله خلصنا من ماجده نلاقى نصحى يامنجى من المهالك يارب أعمل أيه لازم أجيب فردة الجازمه عشان أروح الشغل لو ماكنتش ماجده سنّه السكاكين كان الواحد طلع لبس جزمه تانيه وما يصطبحش بوش نصحى (ماجده من أمامكم ونصحى خلفكم فأين المفر) أستعنا على الشقا بالله. تابعونا لمعرفه باقى الاجزاء و لمتابعه باقى المسلسل فى المنتدى مع ارقي تحياتي . body86love رمضان كريم كل عام وأنتم بخير رابط هذا التعليق شارك More sharing options...
hazem88love قام بنشر January 30, 2009 Share قام بنشر January 30, 2009 بجد التوبك فى غاية الجمال والروعه وفكره لذيذه منك يا بودى وتسلم ايدك ومستنين بقيت الاجزااااء بس بسرعه عشان شوقتنا جدااااااااااااااااااااااااااا رابط هذا التعليق شارك More sharing options...
.MeRnA. قام بنشر January 30, 2009 Share قام بنشر January 30, 2009 hhhhhhhhhhhhhhhh nice topic ya body & gr8 work ya man mstanyen elba2yyyyyyyy :Mazakonia (92): رابط هذا التعليق شارك More sharing options...
body86love قام بنشر January 30, 2009 الكاتب Share قام بنشر January 30, 2009 بجد التوبك فى غاية الجمال والروعه وفكره لذيذه منك يا بودى وتسلم ايدك ومستنين بقيت الاجزااااء بس بسرعه عشان شوقتنا جدااااااااااااااااااااااااااا 666304[/snapback] هلا حازم كويس ان المسلسل عجبك واستنه مني باقي الجزاء بس واحده واحده تنوت يا مان تسلم يا غالي شكرا رمضان كريم كل عام وأنتم بخير رابط هذا التعليق شارك More sharing options...
BOSYLOVE قام بنشر January 30, 2009 Share قام بنشر January 30, 2009 برافو يابودى بجد المسلسل تحفة ودمة خفيف موت ان شاء الله مستنين منك الاجزاء الباقية احنا متابعينك ياجميل وميرسى اوى كمان مرة بجد ضحكتنا :Mazakonia (92): رابط هذا التعليق شارك More sharing options...
body86love قام بنشر January 30, 2009 الكاتب Share قام بنشر January 30, 2009 hhhhhhhhhhhhhhhh nice topic ya body & gr8 work ya man mstanyen elba2yyyyyyyy :Mazakonia (92): 666305[/snapback] u r welcome wait elba2y :):):) رمضان كريم كل عام وأنتم بخير رابط هذا التعليق شارك More sharing options...
body86love قام بنشر January 30, 2009 الكاتب Share قام بنشر January 30, 2009 برافو يابودى بجد المسلسل تحفة ودمة خفيف موت ان شاء الله مستنين منك الاجزاء الباقية احنا متابعينك ياجميل وميرسى اوى كمان مرة بجد ضحكتنا :Mazakonia (92): 666307[/snapback] انا عيني ليكي يا قمر وان شاء الله الباقيه قريبا منوره يا بدر البدورر تحياتي ليكي شكرا يا عسل :Mazakonia (81): رمضان كريم كل عام وأنتم بخير رابط هذا التعليق شارك More sharing options...
Recommended Posts