!!!NOUR!!! قام بنشر January 27, 2008 Share قام بنشر January 27, 2008 (معدل) السلام عليكم ورحمته الله و بركاته ~~~~~~~~~~~~~~~~~~~~ خايف أصحى مالاقيش مصر ----------------------------- ساعات بقلق بالليل يعني بالليل شوية كده قبل الفجر حسب الظروف كده بعد العصر خايف يوم أصحي.. وأفتح الشباك.. مالاقيش مصر ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها مصر البنوتةالحلوة اللي زي القمر بقت عجوزة وشايبة وبان عليها الكبر خايف يوم أصحي.. وأفتح الشباك.. مالاقيش مصر تم تعديل December 14, 2008 بواسطه ahmedbondok قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 بص .. حا أقولك ... م الأخر ... أنا عندي عربيه ... مركبتهاش … ومعايا فلوس ... مكسبتهاش …. وجوزوني بنت حلوة ... محبتهاش …. وإشتريت بدلة جديدة ... ملبستهاش …. كسرت الحمام وغيرتة محستش بأي إنتعاش .. خدت بعضي علي جنب ... وكان يوم حر ... رطوبة ... وقولت لروحي .... إيه ياعم ... إنت طوبة ..... قاللي لأ .... يا صحبي دي حسبة ... ومحسوبة … أنا أصلي زمان ..... لمست قلبي .. غنوة حب جميلة ... جميلة لكن يا خسارة ... محضنتهاش قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 مــــــــــــــــــرايا قلت أبص ف المرايا .. يمكن أكون إحلويت .. فضلت داير أبص .. مخلتش ولا مرايا ف البيت .. في الحمام ف الأودة ف دولاب .. أو متعلقة ع الحيط .. شوفت .. سكت شويه .. وبعدين إتخضيت .. معقول أنا قضيت العمر ده كله .. وزي ما روحت زي ما جيت .. معقول أنا عمري مافكرت ولا إتغيرت ولا حبيت .. وإزاي ساكت علي روحي ده كله .. وليه إستنيت ... ! يا ريتني ما كان عندي مرايا .. وياريتني ما بصيت .. قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 بقول لهم مين اللى بيعيط بحرقة دة ؟ قالو ا لى مواطن اتصور وهو بينضرب قلت لهم ومين الأمور اللى بيضحك دة ؟ قالو ا لى دة واحد عمل شوية كوارث وهرب قلت لهم والدنيا عتمة هناك كدة لية قالوا لى دى حتة جديدة بتتخرب قلت لهم ومين الحاوى اللى بيتكلم دة ؟ قالو ا لى دة الوضع بيتقلب واية الهيصة اللى فى الساحل الشمالى دي ؟ قالو ا لى دى البقرة بتتحلب قلت لهم وانتم قلقانين كة لية ؟ قالو الى اصل بنلاعب الكاميرون وخايفين نتغلب قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 مش أنا امبارح رحت من بيتنا في السيدة للشغل في حلون في سبع دقايق لا شوفت حد زعلان ولا حد متضايق والورد إنسان والنخل متعايق والناس جميلة مؤدبة والجو رايق والدنيا ماشية لوحدها ولا حد سايق ومش انا امبارح برضه رجعت من الشغل في حلوان لبيتنا في السيدة في خمس دقايق لا حاسس بغربة ولا شايف غريب وقلبي ابيض حليب عندليب كروان فرحان شايل ف قلبي وف جيوبي الفرح أشكال وألوان وزعت ع الشوارع والبيوت والجيران وطلعت البيت ضربت الجرس فتحت مراتي وبالأحضان والعيال كمان فرحانين ناجحين وجايبين الدرجات النهائية من غير دروس خصوصية قمنا رقصنا وغنينا واحتفلنا واتغدينا فضلة خيرك سمك واستاكوزا وجمبري م الكبير وحلينا ب مهلبية وشربنا الشاي كمان وفجأة لقيتني بردان بردان بصيت لقيت الشباك مفتوح ومفيش بطانية ومراتي جنبي وزي ما هيه لسة بتعاني من آلام المفاصل وده اللي حاصل والحمد لله على كل شيء قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 الواد ابنى ابو لسان طويل قالى يعنى سافرت يا بابا واتغربت مشوار طويل وف الاخر راجع.. ف شارع متفرع من شارع وشقه فى الدور الرابع.. ودولار نزل طالع... وشويا حاجات.. دكان مستنى التراخيص.. ومكنسه على خلاط وكمبيوتر مش نافع... من الاخر معرفتش تتصرف.. مقدرتش تقول لاء مش مسافر... ..... منين الكحه دى يا بابا... دى عمر..!! ولابرد... ولا سجاير..! ..... انت عارف يا بابا انا بقالى اد ايه بستناك؟؟ ايه يا بابا انت هاتعيط .... ده انا كنت بهزر معاك... كنت بهزر معاك مش دى .. بطاقتى وده .. رقمى القومى ودى .. الحقيقة .. وده الخيال .... ومش دي الخريطة .. ودي المدينة .. وده المحور .. وده المترو .. وكده يمين .. وكده شمال .. مش ده ظابط .. وده عسكرى .. وده طبيب .. وده كمسرى .. وده منجد .. وده بقال .. مش ده جامع .. ودى مدرسة وده بيت دعارة .. وده سمسار .. وده شيال ..... مش ده فستان .. ودى جلابيه وده شورت .. وده مفيش .. وده شال .... مش ده اتوبيس .. ودى عجلة ودول حمير .... ودولا جمال ..... مش ده عمى .. ودى أختى و دول صحابى .. وده كمال .... مش ده شارعنا .. وده بيتنا .. ودى مراتى .. ودولا العيال ... مش ده الوطن .. وده المواطن ... وده التاريخ .. اللى إتقال ... أمال ليه .. كل ما اروح فى حته و أسأل سوأل .... يقولولي .. جايز ... يمكن .... إحتمال قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 كتاب القراءة بمنتهي البراءة ... سأليتني … بنتي نور .... ف أربع خمس .. أمور … مش ف كتاب القراءة .... قالتلي .. بابا بابا .. مش إنت .. يا بابا .. بتكتب أغاني .. وتقول أشعار .. أنا سمعت .. الشيخ يا بابا ... بيقول إنك يا بابا … ها تروح النار ... زي الوحشين يا بابا ... الحراميين الكفار .... قوللي يا بابا .... يعني إيه إستعمار .... يعني إيه نيل ... يعني إيه هرم .. ومين اللي حط ... النسر فوق العلم ... يعني إيه يا بابا ... إستفتاء …. و يعني إيه إنتخاب ... ويعني إيه حر ... ويعني إيه نصاب…. يعني إيه إختلاس .. ويعني إيه هجاص .. ويعني إيه خصخصة .. يعني إيه يا بابا .... دستور …. يعني إيه معارضة .. ويعني إيه مظاهرة .. وليه النهاردة ... خدنا أجازة ... م المدرسة ..... قوللي يا بابا .... يعني إيه قهر .. وفين … خط الفقر ... ويعني إيه حظ .. ويعني إيه زهر ... يعني إيه يا بابا ... حريه ….. يعني إيه إنسان .. ويعني إيه سرطان ... يعني إيه يا بابا ... خربوها …. ومين دول يا بابا .. ولاد القطقوطة ... ومين دي ... سمارة يا بابا .... وإزاي يا بابا ... ضاعت من قلبك ... يا بابا ..... إنت معايا .... فيه يا بابا ناس ... بتقول كفايه ... وفيه كمان عساكر ... مسكين عصايا ... وبنات متعورين ... وتانين … ماشين بيضحكوا ... هما دول إسرائلين .. يا بابا ..... ويعني إيه ... ويعني إيه ... قولتلها …. نور ….. ممكن أسألك سؤال قالتلي …. إتفضل يا بابا ... قلتلها …. هيه قناة Space toon ... رقم كام ….. وخدتها ..... عشان تنام قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 وإحنا لسه في إبتدائي .. وسط اوراقى القديمة .... اللى لسه منها باقى ... شوفت صورتى بين زميلى ... و احنا لسه فى إبتدائي ... الوشوش كانت بسيطة ... طاهرة لكن مش عبيطة .. نرسم الأحلام خريطة .... فى قلبها نقطة تلاقي .... هو صاحبى لما كان فى الدنيا صاحب اما دول كانوم جيرانى ..... كل واحد فينا حقق ... جزء من بعض الأمانى ... ا ما دى الشاطرة البليدة .... العنيدة أم الضفاير …. تبقى حبى الأولانى ..... أد ايه حزنت عليها ... لما راحت فصل تانى .... ما احنا كنا تخته واحده ... فى تانيه تالت ... مره قلت ... و هى قالت .. لما مدت ايدها شالت .. دمعة وقعت غصب عنى .... جوه كراسة الحساب .. كنا لسه صفحه بيضه فى الكتاب ... الوشوش كانت بسيطه .... طاهرة لكن مش عبيطه ... نرسم الأحلام خريطة ... فى قلبها نقطة تلاقى ... واحنا لسه فى أبتدائي قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 ميدان الجيزه ---------- ضيعت شوية سنين كده .. بحب من بعيد لبعيد .. والحكاية مقضياني .. ومبسوط وراضي وسعيد .. أفرح بأي حاجة .. وأستني هدوم العيد .. و بعدين ضيعت شوية سنين ... نفسي أبقي أشطر واحد في الكيميا .. مع إني مش فاهم ميدان الجيزة .. والحياة رغم قسوتها .. شايفها لذيذة .. وضيعت شوية سنين بقي .. نفسي أعدي أحتبارات الكورة .. في النادي الأهلي .. وأشتغل في وكالة ناسا .. وأبقي واحد م العلماء المهمين .. و بعدين ضيعت شوية سنين .. منتهي أملي كرسي فاضي .. في أتوبيس تلات خمسات .. عين الصيرة أم المصرين .. وضيعت شوية سنين .. عايز أفهم الفرق .. بين النكسة والهزيمة .. والأحترام وقلة القيمة .. و أبقي نجم سيما .. م المشهورين .. وبعدين ضيعت شوية سنين ... واقف عند نظرية المؤامرة .. لا عارف أعيش ف الزمالك .. ولا راضي أعيش ف غمرة .. ومش عارف ليه .. الحشيش ممنوع .. مدام مصرحين بالخمرة .. وياتري بقي أتجوز .. واحدة بيضة ولا سمرة .. ولا أسأل فيها .. رجال الفتوي والدين .. وضيعت شوية سنين .. مركز ف السيراميك والبيبان والشبابيك .. وألوان الحيطان .. وده بيج وده سن فيل .. والمودة الأصفر .. قشر الموزة .. وضيعت شوية سنين .. لا انا بحر ولا نيل .. حاجة كده بعيد عنك .. ملهاش عوزة .. ولما بقيت كام وخمسين ... لقيتني لسه .. بحب من بعيد لبعيد .. وبرضة مش فاهم .. ميدان الجيزة ... قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 بايظة ---- بايظة بايظة .. هي بايظة ... والنهاردة معدش حد… بيدي جايزة .. يبقي أحسن .. خللي بالك .. انسي همك .. ضغط دمك .. سيبها ماشية .. بدعوة امك .. مستحيل يقدر يضمك حضن خايف ... وأنت شايف ... ده اللي لاهي ... واللي ضايع ف الملاهي… واللي ساكت بس ساهي ... واللي حاله زي حالك .. يعني إيه .. يعني بايظة هي بايظة ... بايظة .. بايظة مرة حرة وبت جدعة.. ومرة يعني .. ومرة وقعة .. وبمزاجها .. يعنى لما بتبقي عايزة .. تبقي بايظة .. بتبقي بايظة قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 لب وسودانى --------- بقول لها .. ما تيجي نهزر .. نجري ونلعب .. ونكسر كل الحاجات .. ونجيب م اللي فات .. يومين حلوين .... قالتلي والنبي إنت فايق ورايق .. قولتلها ... طب وليه نتضايق .. إحنا لسه صغيرين .. وأكبر عيالنا .. يا دوب تسع سنين .. يعني لو بنحكم مصر .. تبقي يا دوب لفة ونص .. مش عشرين .. - وطي صوتك البت بتذاكر .. والواد مصدقت إنه نام ... إنما إيه اللي صحي ف قلبك .. من تاني الغرام .. قولتلها جوايا كلمتين غزل .. قالتلي والنبي إنت عسل .. بس الظروف .. - مالها الظروف .. فاكرة لما كنتي .. بتحوشي م المصروف .. جبتيلي ورد ف عيد ميلادي .. - وجبتلك بلوفر صوف .. - وجبتيلي بلوفر صوف .. - فاكر لما بوستني .. وإحنا لسه مخطوبين وأبويا لاحظ .. يالهوي كنت هموت م الكسوف - فاكرةأول مرة قلت لك بحبك .. وشك إحمر .. - إنت اللي وشك كان مخطوف .. - مش إنتي كنتي بترسمي زمان .. - وإنت كمان كنت بتكتب شعر .. - هو احنا بطلنا نحس .. - إحنا بطلنا نشوف ... وطلعنا اللب والسوداني .. وفتحنا التليفزيون .. وسكتنا تاني .. ولا زال السبب .. غير معروف .. غير معروف قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
!!!NOUR!!! قام بنشر January 27, 2008 الكاتب Share قام بنشر January 27, 2008 على باب السفاره ------------ ...على باب سفارة كندا ..لمحت ابليس و ف ايده استماره ..بقول له على فين ..قاللي بص ..يا هجره يا اعاره ..يا عم زهقت كفرت ..الاقيش معاك سيجاره ..انا انتهيت خلاص ..لا نافع وسواس ولا خناس ..ولا ليا عيش وسط الناس دي عالم مجرمين ..عندكوا فائض ف الفساد ..في كل البلاد ..ومش محتاجين شياطين ..مليش عيش ف البلد دي ....بقالي سنين عاطل ...و انتوا بتعرفوا ..تقلبوا الحق باطل ..و تسلكوا القاتل ..و تمشوا ف جنازة المقتول ..ومفيش مشاكل ..يا عم ده انا بقيت أوسوس بالمقلوب ...و أقول للحرامي كفايه بقى توب ..انت هاتعمل كل الذنوب لوحدك ...و أنا ابليس أشتغل واعظ ..ولا كمساري ف اتوبيس ..يا عم ده انا زمان ..كنت استنى حد ينسى يسمي ..وهو بياكل لقمته ..دلوقتي كل اكلكم ملوث ..و بصراحه الواحد خايف على صحته ...ده مفيش ضمير اساسا ..عشان اموته ..و كل واحد بمزاجه ..خربانه ذمته ...يا عم ده كل حاجه اتسرقت ..وكده الاجيال الجديده ..م الحراميه اتظلمت ..يا راجل ده من كتر ما لطشت معايا ..خرجت ف مظاهره ..مع الناس اللي بتقول كفايه ...و برضه مفيش فايده قالولي ليه راسك مرفوعه وعيونك قويه قولت العفو كلنا بشر لكن الجنسيه مصريه رابط هذا التعليق شارك More sharing options...
amr1965 قام بنشر March 29, 2008 Share قام بنشر March 29, 2008 البحث جارى و ينطبِق هذا الكلام على كثير من الأنام اللي واقف و اللي قاعد و اللي عايش و السلام فالبحث جارى عن بطوله استعراضيه أو رواية عاطفية أنت البطل و أنت البطولة و السيناريو و الموسيقى التصويرية و البحث جار عن لقمة العيش الحلال بدون مذلة أو سؤال أو انحلال أو ابتذال تفتكر؟؟ أعتقد تبقى محال و البحث جارى عن صبيه موش عاديه فيها الأمومة و الطفولة و البراءة و الجراءة تلبس الصبح الحجاب و في المسا تلبس غازيه و البحث جارى عن هٌوية موجودة لكن مِستحية وسط أكوام الحصار و الانكسار إسلامية مسيحية المهم تكون نقيه مش مجرد دق زار أو دموع نازله تهفهف ليل نهار تتباع شرائط للصغار ويا الكبار و البحث جارى في الأزقة و الحواري رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان