المشتاقون ل رضوان الله 4

[virus_dead_5]

بسم الله الرحمن الرحيم

 

 

بسم الله والصلاه والسلام على رسول الله محمد بن عبدالله ..ثم اما بعد ..هنتكلم النهارده عن موضوع جميل اوى وهيعجبكوا اوى..هل انت بتحب ربنا؟؟..طيب بالله عليكوا تكونوا صادقين ..حب ربنا ده ملئ كام فى المائه من قلبك..ياترى 50%ولا40%ولامفيش خالص ..عايش حياتك كده ولا بيهمك حاجه..ناس كتير تسألها انت اكتر واحد تحبه مين ..الى يقولك حبيبتى والى يقولك ابنى والى يقولك فلوسى ..قليل اوى لما تلاقى واحد يقولك انا بحب الغفور الرحيم قليل قوى لما تلاقى واحد يقولك انا بحب المنّان الواحد الاحد..هنتفق ان احنا نكون صادقين مع بعض فى الحلقه دى..يا ترى ربنا اغلى شئ فى قلبك؟..ولا فى اغلى منه؟.طيب هو ينفع يبقى فى اغلى منه؟.نتكلم بصراحه بقه..كل الناس بتدّعى حب الله تبارك وتعالى..يقوم ربنا يجيب آيه تمتحن صدقك فى حبه ويقول عزّ وجلّ((قل إن كان آباؤكم وأبناؤكم واخوانكم وازواجكم وعشيرتكم واموال اقترفتموها وتجاره تخشون كسادهاو مساكن ترضونها))اهو لو التمن حاجات دول وهما الاساسيين فى حياتك احب اليك من ربنا فبقولك ربناايه ف آخر الايه((فتربصوا حتى يأتى الله بامره والله لا يهدى القوم الفاسقين)) ياه جت الايه دى تفضح بقه كل الى بيدعى حب الله اهو لو الثمانيه دول احب اليك من الله ورسوله والجهاد فى سبيل الله ..اه..يبقى انت منافق فى حب ربنا..وخلّى بالك ده قالك ثمانيه اشياء من الحلال وامر بيه ..بالك انت بقه بالحرام...شوفوا بقه واحد حاطط مزاجه فى كفه واوامر الله فى كافه ودايما يرجح كفه مزاجه..شوف الايه تقولك الايه..((ارايت من اتخد إلاهه هواه افانت تكون عليه وكيلا))..انت ناسى ان انت اتخلقت عشان تعرفه وتحبه..هو الهدف من وجودك ايه..عايز تعرف ..قال الحق تبارك وتعالى ((وما خلقت الإنس والجن إلا ليعبدون))..الآيه الى جايه دى هتخليك تستعجب اوى..قال الله تعالى((ومن الناس من يتخذ من دون الله اندادا يحبونهم كحب الله والذين آمنوا اشد حبا لله))نشوف معنى الايه..الايه بتقولك ايه ؟.بتقولك اياك تحب حاجه اكتر من ربنا عشان بحبك ده وبطرقتك دى هتخليها ند لربنا..يعنى شاب متعلق ببنت وحبها فى قلبه ممكن يكون زى ربنا واكتر..وفى رجال متعلقين بالفلوس اكتر من ربنا..ارجع للايه تانى كده هتلاقى الناس دى اه بتحب ربنا ولكن تساوى حب حاجه تانيه فى حياتهم مع حب ربنا ..يعنى حب الله فى قلوبهم تساوى مع حب حاجه تانيه وده يا جماعه مش ينفع لازم الاولويه فى قلبك تكون لربنا. مينفعش زوجتى حبها اكتر ولا ابنى ولا فلوسى ولا منصبىمن ربنا .مينفعش.تعرفوا ان القلب ده لو ربنا مش رقم واحد فيه يبقى القلب ده مريض ..وعلاجك انت عرفوه ..طيب ايه قيمه انك عرفت كل حاجه فى الدنيا ومعرفتش ربنا؟..والله ما عرفت حاجه.وايه قيمه انك حصلت على كل حظوظ الدنيا وحصلتش على حلاوه مناجاه الله تبارك وتعالى.العلماء يقولوا ايه.."مساكين اهل الدنيا خرجوا منها وما زاقوا احلى ما فيها"قيل لهم وما احب ما فيها قالوا"محبه الله عزّوجلّ"..مسكين وغلبان يالّى طلعت من الدنيا وعرفتش ازاى تحب ربنا..ناس تقولك ايه فاتك نص عمرك ..تقول ليه؟.اصله فاتك الماتش ..ولو متفرجتش على الفيلم الى جاى ده بقه خلاص يبقى فاتك النص التانى..يبقى انت معشتش..انا بقه بقولك فاتك عمرك كله ياللى معرفتش ربك..فاتك عمرك كله يالّى متذوقتش حلاوه وجمال ركعتين وانت قريب من ربنا..اهو القلب وهو راضى عن ربنا كده وحاسس ان ربنا راضى عنه اهو دى تساوى آلاف الفسح والخروجات..إن فى الدنيا جنه من لم يدخلها فى الدنيا لا يدخلها فى الاخره..ايه هى جنه الدنيا ..الى هى انك قريب من ربنا وتحس بحلاوه قربه كده..شوف كده نماذج تعلقت بحب الله واعرضها على قلبك وقول انا ليه مش بحب ربنا كده؟..اسمع كده سيدنا موسى بيقول"وعجلت اليك ربى لترضى" انا يا رب جايلك بسرعه عشان ترضى..تيجوا نخلى دى شعارنا ..اسمع سيدنا إبراهيم بيقول"وقال إنى ذاهب لربى سيهدين"انا جايلك يارب مليش غيرك ...اسمه دعاء من اشرف الخلق سيدنا محمد عليه الصلاه والسلام"اللهم إنى اسألك الشوق الى لقائك ولذه النظر الى وجهك الكريم"ها شوفتوا ..لا ولسه الى جاى ..تحس ان حب الله كان محور حياه الرسول عليه الصلاه والسلام"اللهم إنى اسالك حبك وحب من احبك وحب عمل يقربنى الى حبك اللهم ما رزقتنى ممن احب فاجعله قوه لى فيما تحب اللهم ما زويت عنى مما احب فاجعله فراغالى فيما تحب "يعنى الرسول عايز حب ربنا وعايز يحب كل من حب الله وحب عمل صالح يخلّى ربنا يحبه وان كل الى ربنا اعطاه للنبى والنبى كان بيحب الحاجه دى فا عايز تكون قوه لى عشان يعمل اعمال تخلى ربنا يحبه وان كل الى ربنا اخذه من النبى عايز تكون ده فراغ له عشان يعمل اعمال تخلى ربنا يحبه تحس ان حب الله ده مركز والنبى كل حاجه عنده فى الدنيا تدور حولينه..فى رجاله مركزها فلوسها وستات مركزها ان الرجاله يعجبوا بها وكل حاجه فى الدنيا تدور حول المركز ده..احفظوا الدعاء ده وادعوا ربنا بيه كده واسال نفسك انا فين من الكلام ده ..شوف كده بيقول ايه وقول لنفسك انا ليه مش بحبه واعطيله الاولويه فى قلبىوازاى مش احبه بعد كل ده.((قل اللهم مالك الملك تعطلى الملك من تشاء وتنزع الملك ممن تشاءوتعزّ من تشاء وتذل من تشاء بيدك الخير إنك على كل شئ قدير تولج الليل فى النهار وتولج النهار فى الليل وتخرج الحى من الميت وتخرج الميت من الحى وترزق من تشاء بغير حساب))اتبع الله عشان يوضحلك الحب الصح من الغلط والكذب..عشان محدش يقول اه اصل دول انبياء دو مش زينا كده طيب تحبوا اقولكم على ناس عاديه.عبدالله بن جحش طالع غزوه احد وهتبتدى الغزوه والمسلمين قبليها شاعرين بالقلق من قله العدد 700 امام 3000من الكفار فا ليله المعركه كل صحابى بيدعى فا جه الدور على عبدالله.. بص هيقول ايه"اللهم إنى اسالك ان ترزقنى غدا رجل من الكفار شديد القوه اقاتله ويقاتلنى فاقتله ثم ترزقنى رجل من الكفار شديد القوه اقاتله ويقاتلنى فاقتله ثم ترزقنى رجل من الكفار اقاتله ويقاتلنى فيقتلنى ويبقر بطنى ويقطع اذنى ويجدع انفى فااتيك هكذا يوم القيامهفتقول لى لماذا حدث لك هكذا يا عبد الله فاقول من اجلك يا رب فتقول لى صدقت" ده انا بس يارب مش عايز اموت شهيد فى سيبلك وبس ده انا عايز اتقطع حتت عشانك..الله الله الله..معقوله بيحب ربنا كده .لا اله الا الله..انا مش عارف اقول ايه بعد النموذج ده بصراحه..ده اسمع التكمله فا سعد بن معاذ جالس جانبه فا من كتر ما الددعاء بتاعه حلو فا طول المعركه عايز يعرف ايه الى هيحصله ومتابعه وباصص عليه ..وفعلا قتل 2 وبقرت بطنه وقعت انفه واذنه ..فقال رسول الله صدق مع الله فصدق الله معه..يعنى والله والله لو صدقت فى حبك لله هيصدق معاك ويكرمك ويعطيك..طيب نقول بعض من سمات المحب لله غير الى قولناه..عبد ذاهب عن نفسه(و فى حته(مع الله) ونفسه دى فى حته تانيه).. متصل بربه..إن تكلم فعن الله وان سكت فمع الله وان تحرك فبامر الله فهو بالله ولله ومع الله ..حد يعرف يجيبها دى تعرف المصاحف الى مكتوب عليها وقف لله تعالى ...اعملها اقول انا وقف لله تعالى مش معنى كده انك مش هتروح الشغل ومش هتذاكر لا بس اما مع الله ولله وبالله طيب ايه الحاجات الى عندى واقول واستدل بيها ان ربنا هو اغلى واحد فى حياتى.

1_تحب تذكره كتير(او بتحب واحد هتجيب سيرته كتير ولا لا) ها وصلت

2_حب المؤمنين (اهو حب الى بيحب ربنا )

3_مشتاق للقاء الله (النظر ايه احب من دخول الجنه)

4_تانس به يالليل (تكلمه وتدعيه بالليل انت مع ربنا)

5_اتباع النبى عليه افضل الصلاه وازكى السلام( مش هو ده الى جاى من عند ربنا)

 

 

 

وبعدين الى بيحب حد بيسمع كلامه..طيب عايز تعرف مكانتك عند ربنا عمله ازاى اهو هتعرف ربنا بيحبك اد ايه..اكس كلوسف على مزكونى اعرف منزلتك عند ربنا عمله ازاى..ربنا بينزل كل واحد عنده وماكنتك عنده على اد مكانه ربنا ومنزلته فى قلبك ..يعنى ايه..انا بحب ربنا 50% اه ربنا بيحبنى 50% ولو انا بحب ربنا 100% يبقى ربنا بيحبنى 100% ومنزلتى عنده كبيره جداااااا بس ايه ..حب صادق يبقى دعوتنا اليوم (وعجلت اليك ربى لترضى)..وندعو الله ان ينصر اخواننا المستعفين فى كل مكان

[virus_dead_5]

الموضوع عجبكوا ولا

[LorDawY]

بجد والله موضوع هايل ومحتاج وقفة مع النفس ,,

 

مشكوور يا باشا ,,

[BasBosa_Rk]

موووووووووووووووووووووضوع فوق الرائــع تسلم ايدك يا فيرس والله الموضوع تحفه طبعا اكيد لانو منــك تسلم ايدك