المشتاقون ل رضوان الله 3

[virus_dead_5]

بسم الله الرحمن الرحمن

 

 

 

بسم الله والصلاه والسلام على اشرف الخلق محمد صلى عليه الله..ثم اما بعد ..اريد فى البدايه ان اذكركم ان احنا فى شهر رجب وده من الاشهر الحرم الذى يستحب فيه كثره الصيام وبعدين اهو منو ثواب وتدريب على رمضان نشاء الله عشان ندخل على رمضان كده واحنا جاهزينيبقى انشاء الله نتفق مع بعض كلنا ونصوم فى يوم موافقين؟؟ وبعدين عايزين بقه لما نيجى نفطر كده ندعى لاخواننا فى فلسطين ولبنان وندعى ان ربنا ينصرهم انشاء الله ونجمع بقه ادعيه جميله كده وندعيها عشان حال الامه مش هينصلح الا بينا وبعدين لازم يبقى عندنا كده غيره على الدين والامه..ده بس كان تذكير..نيجى بقه لموضوع اليوم وهو موضوع مهم جدا فى

حياتنا وهو

 

 

 

(الصلاه والخشوع فيها)

 

....الصلاه دى لما اكلمكوا عنها هتلاقوها حاجه يعنى عظمه على عظمه حاجه جميله جدا بس زى ما قولت قبل كده عايزه واحد ذوّاقه واحد كده يستطعمها ويحس بحلاوتها فى قلبه ...الموضوع ده شاغل ناس كتيره اوى ازاى اخشع فى الصلاه ..ناس تقولك انا نفسى اخشع فى الصلاه بس مش عارف...انا بسرح فى الصلاه ..انا مش فاهم الناس الى بتصلى وتبكى دى بتبكى ليه!!..احنا الاول هنتكلم عن الناس الى مش بتخشع الصلاه ..طيب ليه هنتكلم عنهم الاول ..عشان تعرف ان الموضوع صعب اوى ..وتشوف انها وحشه اوى انك مش بتخشع..فمثلا بينما كان النبى صلى الله عليه وسلم فى المسجد فدخل اعرابى فصلى انتهى من الصلاه وراح يسلم على النبى صلى الله عليه وسلم فقال له النبى اذهب فصلى فإنك لم تصلى...فقام صلى ورجع تانى للنبى وسلم على النبى فقال له النبى اذهب فصلى فإنك لم تصلى..فقام صلى ورجع تانى للنبى صلى الله عليه وسلم فقال النبى له اذهب فصلى فإنك لم تصلى..فقال الاعرابى فو الذى بعثك بالحق انا لا احسن افضل من ذلك فعلمنّى..فقال له الحبيب(إذا قمت للصلاه فكبّر ثم اقرا ما تيسر معك من القران ثم اركع ختى تطمئن الراكعه) شايفين كلمه تطمئن دى ..هل احنا بنفذها فى الصلاه؟؟...لازم تطمئن ..واحد يقولى ازاى يعنى؟..جوارحك كده تطمئن وتحس ان الدم الى فى القلب سكن ..فقال النبى(ثم ترفع حتى حتى تعتدل قائما ثم تسجد حتى تطمئن ساجدا ثم تجلس حتى تطمئن جالسا ثم تسجد مره اخرى حتى تطمئن ساجدا وتعيد ذلك فى صلاتك كلها)واخدين بالكوا ..شوفتوا كلمه تطمئن اتكررت اد ايه ...شايفيين كلمه تطمئن مشيت معانا ازاى...ست وهى بتصلى ابنها يعمل حاجه غلط تقوم تبصلوا اوى كده وهى بتصلى وتقول الله واكبر عشان الولد يخاف يعنى ..وواحد بيصلى وهو وساجد يسمع جوووون فا يقوم من الجده يبص على التلفزيون بين السجدتين ويسجد تانى..شاب بيصلى عايز يخلص باقصى سرعه عشان عنده خروجه النهارده ولا عايز يلحق الاكل ..البنت تكون بتصلى عايزه تخلص بسرعه عشان فى جزء من الفيلم جامد عايزه تلحقه ..لذلك مش تستغرب لما تسمع قول عمربن الخطاب لما قال((إن الرجل ليصلى 60 عاما وماتقبل الله منه صلاه))فقالوا له كيف فقال(( لاركع ولاسجد))حاجه كده عامله زى السسته عمال يخبط فى الارض ويطلع وعمال يبص يمين وشمال ولا هو هنا خالص..مش هى دى الصلاه الى هتنجيك من يوم القيامه ..لا لا مش هى دى.. المام احمد بن حنبل يقول ((سيأتى على الناس زمان يصلون وهم لا يصلون وإانى لاخشى ان يكون زمانى هذا هو هذا الزمان))..لا تعالى يا امام وشوف الصلاه دلوقتى عامله ازاى ...لا اله الا الله ..فين الخشوع يا جماعه ؟؟؟..والله فى ناس تصلى وربنا يقبل منها نص صلاه وناس ربع وناس ثلث وناس ثمن صلاه..طيب..عمركوا شوفتوا فى القران حاجه اسمها ((صلّوا)) ولا وبتشوفوا ((واقيموا الصلاه)) عارفين يعنى ايه اقيموا دى ..فى اللغه العربيه(اقام البناء)يعنى جمّله وحسنه وظبته مش مجرد حط طوب على اسمنت وقال انا بنيت لا مش هو ده ...اقام الصلاه يعنى ايه ..يعنى اتمّها واكملها وحسّنها وجمّلها..ربنا مش عايزك تصلى ..ربنا عايزك تحسن الصلاه وتجملها..تعرفوا ان الحاجه الوحيده الى الرسول عليه الصلاه والسلام قال فيها (افعلوا كما رائتمونى افعل ) هى الصلاه..مافيش حاجه قال عليها كده ابدا لا زكى ولا صوم ولا حاجه..قال((صلّوا كما رائيتمونى اصلّى))..طيب نروح بقه للعكس..ونشوف نماذج الخاشعين..سيد الخاشعين محمد عليه الصلاه والسلام..شوفوا كده وهو واقف بين يدى الله تبارك وتعالى..شوف الصحابه قالوا ايه ..حد فيكوا يعرف يجيب الى هقولها دى ((كنا نسمع لجوف النبى وهو يصلى اذيذا كاذيذ المجن من البكاء)) عارفين صوت الماء المغلى اهو ده نفس الصوت ..النبى كان يقول ((أرحنا بها يا بلال ))عارفين هى ايه ..الصلاه طبعا..يعنى راحه النبى فى الصلاه..قال ايضا ((وجعلت قره عينى فى الصلاه))شايفين ..ايه الى بيملئ عينك يا رسول الله ..يقولك الصلاه ..تسال واحده تقولها ايه الى يملئ عينك تقولك ابنى والى تقولك حبيبى والى تقولك مجوهراتى وتسألى واحد ايه الى يملئ عينك يقولك وظيفتى ولاى يقولك فلوسى وهكذا وهكذا...لاكن النبى قره عينه الصلاه..ربيعه بن كعب بيقول انا كنت جالس عند باب بيت النبى فسمعته وهو راكع يقول ((يا رب خشع لك سمعى وبصرى ومخى وعظمى وعصبى))شوفوا ختى الاعصاب خاشعه .مثال كده بص على اى واحد عاصى كده..تلاقيه دايما عصبى ومتشنج كده..يقولون عن سفيان الثورى((لو نظرت الى سفيان الثورى وهو يصلى لقلت سيموت الان)) شايفين الخشوع ..عمرك صلّيت صلاه مودع..حاتم الاصم ده واحد من العلماء الكبار فقالوا له .كيف تخشع فى الصلاه..شوفوا الراجل الجميل ده قال ايه والله الجزء ده جميل جداا..فقال((اصلّى وكأن الكعبه بين عينى وكأن الصراط تحت قدمى وكأن الجنه عن يمينى وكان النار عن شمالى وكأن ملك الموت خلفى وكأن رسول الله يتاملنى وأكبر بتعظيم واقرا بتدبرواركع بتواضع واسجد بمذله واجمع فى صلاتى بين الخوف من الله والرجاء فى رحمه الله ثم اسلّم ولا ادرى اقبل الله صلاتى ام لا؟))..ناس تقولك ايه الراجل ده عامل الحاجات دى كلها ده هوكده مش مركز فى الصلاه..لا ده هو التركيز فى الصلاه وبالطريقه دى هوبيركز..يجى يسرح..اه..يفتكر ان ملك الوت خلفه والجنه عن يمينه ..طيب نشوف مراتب الناس فى الصلاه ..الناس فى الصلاه خمسه انواع يا جماعه......

1_واحد مضيع وقتها ووضؤها واركانها الظاهره وخشوعها(مضيع اركانها الظاهره يعنى شويه يهرش وشويه يبص فى الساعه وشويه يبص فين وشويه يعمل ايه )(مضيع الوضوء يعنى مش هو ده الى النبى علمهولنا..وهذا يعاقبه الله على تقصيره وعدم ادبه مع الله عز وجل

2_واحد محافظ على الوقت والوضوء والاركان الظاهره ومضيع الخشوع(يعنى قلبه مش هنا خالص)..وده حسابه هيكوون طووووووووووول اوى

3_واحد محافظ على الوقت والوضوء و الاركان الظاهرهوشويه يخشع وشويه الشيطان يسرق من صلاته يقوم يدفع الشيطان ويخشعتانى يقوم الشيطان سارق من صلاته ويدفع الشيطان..وهذا له اجران لانه يجمع بين صلاه وجهاد

4_واحد محافظ على الوقت والوضوء والاركان الظاهره وخاشع(مركز..انا معاك يارب ..يقول الله واكبر وحاسس بها )..وهذا حبيب الرحمن ..واحد يقولى كده اربعه وخلاص اقوله لا فى نوع خامس ايه هو ؟؟

5_واحد محافظ على الوقت والوضوء والاركان الظاهره مش خاشع بقه لا ..ده اخرج قلبه ووضعه بين يدى الله فخرج من الدنيا وما فيها ..لو حصل فى المكان الى بيصلى فيه اى كارثه ولا هو وهنا هو مع ربنا مش ليه دعوه..يا ترى بنجيب نمره 4او 5 دى كام مره فى اليوم والله الى مش بيجيب نمره 4 دى مره فى اليوم والله مسكين وغلبان ومش بيدوق حلاوه الصلاه الى فرضها المولى علينا..لازم تخشع ياترى عمرك جبت نمره خمسه قبل كده..نيجى بقه للجزئيه الى بندور عليها ..ازاى اجيب نمره 5 ؟؟ازاى اخشع؟؟

1_اياك والمعاصى(عايز تخشع جرب الدواء)بلاش ذنوب

2_اكتر جزء من القران انت بتحبه اوى احفظه وروح لاى كتاب تفسير بيسيط اوى ..خلاص حفظت وفهمت ..اقرا بقه بالجزء ده فى الصلاه وشوف

3_صلّى جماعه ممش تصلى لوحدك..ممكن تصلى جماعه فى بيتك لان نص الخشوع هو صلاه الجماعه

4_جميله اوى الرابعه دى وهى انك تفهم يعنى ايه صلاه(خلىبالكوا يا جماعه كل حركه انت بتعملها فى الصلاه لها انعكاس على قلبك)(ها فنقوم نصلى اول حاجه هتعملها انك هتتوضأ..اهو الوضوء ده بيجيب خشوع فتقول ازاىيعنى..اسمعوا الحديث ده وانتوا تعرفوا قال عليه الصلاه والسلام ((إذا قام العبد فتوضأ فغسل يديه خرجت الخطايا حتى تخرج من تحت اظافر يده فإذا مضمض خرجت الخطايا من فمه حتى تخرج من تحت لسانه فإذا غسل الوجه خرجت الخطايامن وجهه حتى تخرج من اشفار عينيه فإذا مسح الراس خرجت الخطايا من راسه حتى تخرج من اذنيه فإذا غسل قدميه خرجت الخطايا من تحت قدميه حتى تخرج من تحت اظافر قدميه))يعنى كل الذنوب الى عملتها بيدك تخرج منها وكل الكلام الحرام الى انتى قولتيه يخرج من لسانك وكل النظرات الحرام الى انت عملتها تخرج من عينيك وهكذا وهكذا بيحصل بين كل صلاه وصلاه ..شايفين يا جماعه ..طيب بالله عليكوا تكونوا خارجين من الحمام عاملين ازاى ..بس انت لما تيجى تتوضا افتكر الحديث ده وتوضأ ها خلاص اتوضيت..هنصلى بقه .اول حاجه القبله تقعد بقه فين القبله لا يمين شويه لا شمال شويه طيب انت بتعمل كده بجسمك طيب وقلبك مش معقوله تبص للقبله بجدسك وقلبك يبص الناحيه التانيه ..لو سمحت وانت بتبص للقبله خلّى قلبك كمان يبص للقبله..ها هنقول الله اكبر (تعرفوا ان دى اسمها تكبيره الاحرام) يعنى التكبيره دى بتحرم عليك الانشغال بسوى الله ..طيب ليه الله اكبر ليه مش سبحان الله..عشان وانت داخل الصلاه مافيش فى قلبك حاجه او حد اكبر من ربنا انت داخل الصلاه وربنا هو اكبر من اى شيئ فى حياتك.خلى بالك اوعى تقول الله اكبر بلسانك وقلبك كداب اياك والكدب...قولنا الله واكبر ..انت عارف انت فين ؟؟؟انت فى مقابله مع الله انت واقف بين يدى الله..لذلك انت واقف امام ربك ربع ايدك كده والنظر محل السجود عارفين ليه لان انت مؤدب واقف امام ربك مش معقوله تبص جنبك ولا فوق ..واوعى تلتفت لان انت امامه..ماشى هنقول الفاتحه قولها بجد مش اى كلام وتقولها فى اق من الثانيه كده لا لازم يكون فى تأنّى فى صلاتك(تعرفوا ان الفاتحه دى انت كده بتخاطب ربنا وكل ايه بتقولها ربنا بيرد عليك وسنّه عن النبى انك تقف على رأس كل آيه..خلّصنا الفاتحه نقرا بقه جزء من القران ولازم قلبك يسمع الاول ويقول للسانك انه يتكلم ..وبعد كده كبّرواركع وقول سبحان ربى العظيم وحس بعظمته كده وانت مطاطى لله عز وجل وكبّر واحمد ربنا وقول ربنا ولك الحمد طيب احنا بنحمد ربنا على ايه هنا (ربنا خلى الحيوانات باربع رجول وزى ما يكونوا كده راكعين هما مش راكعين ولا حاجه لكن تشابه فى الهيئه لكن انت ربنا انعم عليك وفردلك ظهرك وعمله مستقيم فلازم تحمد ربنا على النعنه دى) وتسجد وتضع وجهك فى الارض وقول لربنا انا جتلك يا اعلى مش ليّا حد سواك وقول وانت ذليل لله عز وجل سبحان ربى الاعلى اهو لو مش تذللت وتمسكنت لله وانت ساجد يبقى انت مش صلّيت وقوم واسجد تانى لان انت فى حاجه الى انك تذلل نفسك لله تانى.وبعد كده التشهد ..قول التحيات لله والصلوات الطيبات (انت كده بتسلم على ربنا)وبعد كده سلم على النبى(السلام عليك يا ايها النبى ورحمه الله وبركاته ) وبعد كده سلم على نفسك انت عليت اوى ومكانتك كبيره(السلام علينا وعلى عباد الله الصالحين ) وبعد كده ارفع صباعك وقول فى عزه (اشهد ان لا اله الا الله وان محمد عبده ورسوله)وصلى على النبى وسلم ...يبقى الحلقه دى هنخرج منها بدعوهالصلاه يا امه الحبيب!!!)اقول قولى هذا واستغفر الله

[BasBosa_Rk]

فعلا والله يا فيرس موضوع مهم جدا جدا

 

 

بصراحه والمفروض مننا كلنا اننا واحنا بنصلى المفروض يكون عندنا خشوع لان دى اللحظات الوحيد الىل بنكون قريبين جدا من ربنا فيها ولو ان الواحد بيصلى من غير خشوع يبقى ايه لزمه صلاتك حرام عليك تكون بتصلى والصلاه دى كلها متكونش محسوبه ليك يا جماعه عاوزين كلنا نقرب من ربنا فى ابسط حقوق الله علينا فى الصلاه لازم نكون خاشعين وتقبل الله منا منكم

 

 

 

ميرسى جدا على الموضوع المهم اوى اوى ده وتسلم ايدك