2المشتاقون ل رضوان الله

[virus_dead_5]

بسم الله الرحمن الرحيم

 

بسم الله والصلاه والسلام على شفيعنا وحبيبنا وقائدنا محمد بن عبد الله ثم اما بعد هنتكلم النهارده عن التوبه ....يا ترى كام واحد بيصلى ويزكى فى رمضان بس؟ وياترى كام واحد سب صاحبه النهارده ؟وياترى كام واحد مش صلى الفجر النهارده؟ يا جماعه والله فى ناس مش صلت الفجر بقلها 20 سنه ؟وياترى كام واحده خرجت فى الشارع بزينتها وعمله make up وتفتن الناس ؟ويا ترى كام واحد مارس الفحشاء ؟ وكام وكام وكام ؟؟؟؟؟اه احنا لازم نتوب ..فعلا عندنا كبائر فى حياتنا ومش بنحس بيها ولو بنحس بيها بنقول اهو اكيد هيجى علينا وقت وهنتوب وبنستمر فى المعصيه ..لا يا جماعه احنا لازم نتوب ..لازم نتوب قبل ما يخبّط ملك الموت على بابنا ..لازم نتوب ..هو ده الوقت الى لازم نتوب فيه ..مش هاينفع اى وقت بعد كده ..كفايه كفايه كده معصيه وكفايه كده توهان ..طيب بلاش الكبائر الى فى حياتنا ..عندنا صغائر كتييير اوى ..ياترى انتى اغتبتى كام واحده فى التليفون ؟وانت نمّيت على كام واحد النهارده؟ وتخيل عينيك دى شافت كام نظره حرام!! ياترى لما نيجى بالليل كده ونعد ذنوبنا هيطلعوا كام ذنب..جربوها كده ..هات كراسه واكتب فيها كام ذنب انت عملتوا النهارده ..انا مش جاى النهارده اعكنن عليكوا و اقول لكم انتوا وحشين وضايعين ..لا..ولا أبرؤ نفسى ..ده بس تمهيد عشان لما تشوف اد ايه التوبه دى حلوه..تقول الله ..يا سلام ..بقه انا بعمل كده وربنا بيغفر كده وبيعمل معايا كده...سفيان الثورى ده احد التابعين من جيل الصحابه رضى الله عنهم قال كلمه جميله اوى قال ((جلست يوم اعد ذنوبى))شايفين يا جماعه الراجل الى مهتم بمستقبله ..المستقبل يا جماعه مش فلوس ومناصب ..لا..المستقبل جنه ونار..قال((فعددتها فاذا هى بواحد وعشرين الف ذنب 21000 ذنب))خلى بالكوا ده واحد من التابعين..قال((فقلت لنفسى اتلقى الله يا سفيان بواحد وعشرين الف ذنب ويسألك الله عن ذنب ذنب)) تخيل انت واقف امام امك او ابوك وماسك كراسه فيها الاساءه الى انت عملتها معاهم وعمّال تقول عملت فيكوا كذا وشوّحتلكوا يوم كذا ونفخت فى وشكوا يوم كذا..وشوف ايه الى هيحصلك بعديها ..بالك انت بقه واقف اما الله مالك الملك الجبار القهار من رفع السماء بلا عمد ...انتوا مقدّرين الموقف عامل ازاى ..احنا عندنا ذنوب كتير اوى ..لازم نتوب يا جماعه ..الذنب ده مقداره كارثه ممكن تصيبك ممكن فى مالك ممكن فى نفسك فى امك فى امتك ...كارثه ...لا ده احنا عايزين نتوب على حاجه كمان ..عايزين نتوب على نعم بتنزل علينا ومش بنحمد ربنا عليها ..واحد قاعد فى البيت وامامه التلفزيون والتكييف شغال وجنبه اكله حلوه ..هل فكرت فى اخوك فى الدين الى مش لاقى بيت من الخوص ينام فيه ..هل فكرت فى اخوك فى الدين الى مش لاقى رغيف عيش حاف ياكله ..هل فكرت فى اخوك فى الدين الى مش عنده ملابس حتى لو اديمه يستر بيها نفسه ..هل فكرتى فى اختك فى الدين الى مش لاقيه حذاء تلبسه وانتى عمّاله تحطى فى مكياج وتتشرطى لا الجذمه دى مش على الموضه لا الجيبه دى مش حلوه..نعم احنا فيها يا جماعه ومش بنحمد الذى يعطى بغير حساب ...واعلموا ان النعمه لاتدوم الا بالشكر ..اهو عدم شكر النعمه ده محتاج توبه ..لا ومحتاجين نتوب على حاجات اكتر من كده اشد بقه من كل الى فات..محتاجين نتوب عن غفلتنا ..واحده هتسال يعنى ايه غفلتنا ..فى ناس يا جماعه تايهه عن ربنا ..فى ناسيا جماعه بقالها عشرين سنه مش بتصلى ومش عارفه ربنا ده ايه وتايهين كده ..اهو الغافل ده اشد عند ربنا من الى بيعمل معاصى واشد من العاصى..طيب ايه الحل ..شوفتوا اد ايه احنا وحشين ..شوف بقه الغفور الرحيم بيعمل معانا ايه..قال تعالى "قل يا عبادى الذين اسرفواعلى انفسهم لا تقنطوا من رحمه الله إن الله يغفر الذنوب جميعا إنه هو الغفور الرحيم وانيبوا الى ربكم واسلموا له " واحد يقولى من الاخر كده هو ربنا عايز مننا ايه عايز تعرف ربنا عايز منك ايه اسمع الايه دى وانت او انتى تعرفى "والله يريدأن يتوب عليكم" ياااااه .زعايز ايه يا رب ..عايز اتوب عليكم..والآيه الى بعدها"يريد الله ان يخفف عنكم " لانك او متبتش الوقفه هتكون صعبه اوى يوم القيامه..وشوف الجمال قال تعالى " ويبدل الله سيئاتهم حسنات " واحد يقولى ازاى تيجى ازاى..يعنى انا لو مش بصلى 5 سنين وتوبت ورجعت اصلى..ربنا هيغفر لى ؟..اقوله مش بس كده ده كمان لو عملت شويه سنن فى الصلاه ذنب ال5 سنين ده هيتحول الى حسنات ..والله سبحان الله .شوفتوا ربنا غفور تواب ازاى يا جماعه..لدرجه ان النبى صلى الله عليه وسلم بيحكى قصه رجل يوم القيامه واقف اما الله ..ويقول الله له ((اقرا كتابك يا عبد))فيقرا كتابه فيسود وجهه من كتر السيئات الى مكتوبه فيقول الحق تبارك وتعالى ((اقرا كتابك مره اخرى يا عبد ألم تكن قد تبت)) مش هو انت تبت فيقول الرجل ((بلا يا رب قد تبت قد تبت)) فيقرا كتابه فإذا بالسيئات تتحول الى حسنات كل ما يقرا سيئه تتحول الى حسنه وهكذا..ف العبد يلاقىها حاجه حلوه اوى ..فيسكت كده ويفكر ويقول الله طيب ما هو لو كانت ذنوبى كتير شويه كانت تحولت الى حسنات وبقت الحسنات اكتر فيقول العبد ((يا رب إن لى ذنوب اخرى قد نست الملائكه ان تكتبها )) فضحك النبى حتى ظهرت نواجزه..النبى ضحك كتير ..شوفتوا اد ايه التوبه جميله وحلوه ..يا جماعه الدين ده عايز واحد ذواقه ..عايز واحد كده يسطعمه كده ويحسه..طيب هقولكوا على حاجه حلوه ..عارفين النبى عليه افضل الصلاه وازكى السلام بيتوب فى اليوم كام مره..اكثر من 100 مره توبه واستغفار وروايه اخرى اكثر من 70 مره..شايفين النبى المعصوم بيتوب كام مره..بالك احنا بفه الى شغلتنا الدنيا الفلوس وده وده ..قال النبى "يتنزل ربنا الى السماء الدنيا فى الثلث الخير من الليل وينادى ((هل من تائب فاتوب عليه )) وهل من مستغفر فاغفر له ))الثلث الخيو الى هو قبل الفجر ب3 ساعات ونصف.. يا جماعه ربنا بيعرض علينا ..بالعقل كده هو مين محتاج لمين هل ربنا محتاج لينا ولا احنا الى محتاجين له ..اكيد احنا الى محتاجين ورغم ذلك بيعرض علينا التوبه..والله مشكله ناس كتير ..ان العاصر ربنا بقاله 20 سنه ده مش مدرك ان ربنا يغفر له فى لحظه توبه و ثانيه ندم ..تعاله بقه لاهم جزء انا عنل ايه عشان اتوب؟؟ ايه هى شروط التوبه

 

 

1 -

ندمان(لازم تندم ندم شديد اوى على الى انت او انتى عملتيه )

 

2 -

اوقف الذنب (لازم اوقف الذنب)

 

3-

العزم على عدم فعل المعصيه دى ابدا(والعزم يكون بيقين وتصاحبه اراده قويه)

 

عملت ال3 حاجات دى خلاص اتغفر الذنب والحياه بقت اليسطه وفل الفل ..واحد يقولى ده انا بعصر ربنا بقالى 10 سنين فى لحظه نفذت ال3 شروط دى خلاص كده اتغفرلى ؟؟ اقوله ايوه ..يا عم انت مالك ربنا غفور رحيم ..يبقى نطلع من الحلقه بدعوه(عزمت ان اتوب توبه نصوحه)..................يا جماعه انا آسف على التاخير بس كنت مسافر والسلام عليكم ورحمه الله

[BasBosa_Rk]

حمد الله على سلامتك يا فيرس منور والله القسم تانى

 

 

 

بصراحه موضوعك شدنى جدا وانا عن نفسى عاوزه اوقف واقفه بجد مع نفسى لانى داخله على حياه جديده وناويه اغير فى حياتى كل حاجه بأذن الله وفعلا موضوعك متميز وكمان كلامك بيشد الواحد ويخليه غصب عنوا لو هيعمل حاجه غلط عمروا ما هيعمل حاجه غلط ابدا ابدا وميرسى ليك على كلامك وعلى الموضوع الاكتر من رائع ده

[LorDawY]

بجد يا فيرس موضوع جميل اوى وجزاك الله كل خير

واحنا لازم نقف وقفة مع نفسنا قبل ما يجى اجلنا ,,,

[JOeEe]

rabna ygzek kol 5er 3la el modo3 da walahy

[Muslim_Soldier]

kalam 7elw awy ya virus we ya rab a22adar anafezo .. we gazak allah kol 5er 3ala el mawedo3 dah