body86love

:Mazakonia (92): وفاة ابى بكر 1 وفاة ابى بكر الصديق 2 عذاب القبر ونعيمه مكانة الشهيد 1 مكانة الشهيد 2 محاكمة ابليس 1 محاكمة ابليس 2 ماهــــى الســـــــــاعة؟ومتى؟ من اهوال يوم القيامة ذكر الموت

:Mazakonia (92): ادعيه الشيخ محمد متولى الشعراوى

تسلم الايادي موضوع هائل ومجهود جميل جزاك الله كل خير شكرا يا جميل

الحلقة الحادية عشر سعيد بعد التعديل بعد 15 يوم تذهب ماجده لعيادة الدكتور زواوى لإستلام سعيد بعد عملية الفرمته للمخ ..وتقوم بتقديم إيصال الإستلام للموظف المختص الموظف ينظر فى الإيصال ثم يهز رأسه : مستر سعيد حاليا على الشاحن ولما يخلص حيخش على التست يعنى قدامك ساعتين على ما يخلص لو مستعجله عدى علينا آخر النهار تقدرى تستلميه ماجده: أنا مش عارفه دى عياده ولا دراى كلين أنا عايزه أشوف جوزى وأطمن عليه الموظف : ممنوع يامدام ماجده : شوف بقا .. ما تخلنيش أطلع زرابينى عليك ..حشوفه يعنى حشوفه لصورلكم قتيل هنا الموظف: طب أهدى يامدام أنا ماليش ذنب إدخلى للدكتور زكى اللى ماسك الورشه وإتفاهمى معاه يمكن يقدر يسلمهولك ماجده : فين الأسطى زكى ده .. الموظف :عندك فى آخر الطرقه على اليمين ماجده تدخل الغرفه فتجد سعيد ممدد على السرير ومتصل براسه عدة أسلاك تنتهى بجهاز الشحن والدكتور زكى منهمك فى عمله ماجده: سعيد حبيبى عملوا فيك أيه ولاد الـ... زكى : إنتى تانى إيه اللى دخلك هنا..يا حمير يا بتوع الأمن تعالوا أرموا الست دى بره العيان جات له جومه لما شافها ماجده : ورحمة أمى ما نا طالعه إلا لما أطمن عليه قولت إيه بقا فى يومكم المقندل ده زكى : طيب سيبى رقبتى حتخنق وأقعدى بعيد على الكرسى اللى هناك ماجده : وآدى قاعده زكى : الحمد لله اللمبه الخضراء ولعت أبتدى الشحن مش عايز منك ولا كلمه مفهوم ماجده : هو ماله عمال يبربش كده زكى : أبتدت عملية الشحن يا جاهله كلها نص ساعة ويشتغل بعد نصف ساعه يفوق سعيد ويجلس ويرطن باللغه الإنجليزيه ماجده : يانهار أسود وحتفاهم معاه إزاى ده زكى : أصبرى وياريتك تقعدى بره علشان نعرف ننزل النسخه العربى بعد ساعتين تدخل ماجده لمشاهدة سعيد بعد التعديل الفرنكو أراب سعيد : من هذه ( الوومن ) woman زكى : إنها يور ويف يا سعيد your wife سعيد : أوكيه ..لكن شكلها ليس جيدا أنها تشبه (المونكى ) monkey زكى : حاول مرة أخرى التعرف عليها( رفرش آجين بليز ) refresh سعيد : أنا أحاول (ريسرش)..نتيجة البحث زيرو Research زكى : حاول مرة أخرى فى ملفات الصور سعيد : فضلا إنتظر ..نتيجة البحث صفر ماجده : مسحتونى من ذاكرته ..أنا حوديكم فى داهيه ياولاد ...........أنا عايزه الدكتور زواوى ييجى هنا حالا يشوف النصيبه السودا اللى عمالها فى الراجل..يا أنا يا أنتم فى القسم يا نصابين يانورر..أنا أدفع دم قلبى علشان تنظفوا مخه تقوموا شايلنى من ذاكرته ..طب آخده أعمل بيه إيه أعيش مع راجل غريب وكمان خواجه ده حتى يبقا حرام ..فين زواوى هاتوه سعيد : بليز دكتور زكى أخرجوا هذه المرأة الشرشوحه زكى : فرى جود ملف الشتيمه أشتغل..يارب عقبال الباقى ماجده : فرحان قوى أن ملف الشتيمه أشتغل يا أهبل يا ابن الهبله طب فين الملف اللى فيه صورتى الراجل مش عارفنى يادى النصيبه زكى : لما ييجى دكتور زواوى حيفهمك على كل حاجه سعيد : إنتى ست مقرفه لا أريد سماع صوتك من فضلك أخرجى (أوت ) أننى لا أحب الإزعاج زكى ماجده I am)ماجده يا سعيد( يور ويف) ماجده : الراجل مش عارفنى يادكتور أعيش معاه إزاى زواوى : ده من حظك يا ماجده..دماغه دلوقتى صفحه بيضاء وجميع بلاويكى أتمسحت تماما من ذاكرته إبدأى حياتك من جديد سعيد : (وت زا ميننج أوف) ماجده دكتور زكى ماجده : يالهوى ..يالهووووى ...ياخراشى ما كنش يومك يامستر سعيد مع أرق تحياتي body86love

شكر ا ع الموضوع حقيقي جميل وبنقاش فكره ليه في اول الكلام بنقول الو ومش بنقول السلام عليكم ومع انها تحيه الاسلام ولازم نمشي عليها شكرا يا جميل

تسلم ايدكي يا قمر قصه حلوه شكرا يا جميل يارب في تميز علي طووول شكرا

تسلم ايدك يا قمر حقيقي فكره الموضوع كويسه وهائله شكرا ويارب تكوني في تميز اكتر واكتر شكرا مع ارقي تحياتي body86love

الحلقة العاشرة من مجلد الأيام السوداء عيد ميلاد ماجده ماجده : النهارده إيه يا سعيد سعيد : النهارده الخميس يا ماجده ماجده : قصدى كام فى الشهر يا سعيد سعيد :28 من أغسطس يا ماجده كلها كام يوم ونقبض أحسن بقينا على الحديده ماجده : 28 أغسطس ده مابيفكركش بحاجه يا سعيد سعيد : لأ مش فاكر قولى إنتى ماجده : إصحى يا سعيد مش عايزه إستهبال ..النهارده عيد ميلادى ياحبى سعيد : كل سنه وإنتى طيبه ماجده : مالك بتقولها من غير نفس كده وماتنفعش كده حاف سعيد : وآدى بوسه ياستى كل سنه وإنتى طيبه .. ماجده وهى تبعده عنها :إنت حتسوق فيها وتكمل الإستهبال ..عيد ميلاد معناه هديه يا فالح أنا مش عايزه حاجه معينه حسيبك تجيب حاجه على ذوقك يا سعيد يحضر سعيد فى المساء ومعه صحبة ورد صغيره بها خمس وردات وملفوفه فى ورقة سلوفان ويقبل ماجده وهو يقول سعيد : مالقتش أحسن من الورد أقدر أأقدمه ليكى ياحياتى ماجده تأخذ منه والورد وتطوحه من البلكونه فيقع داخل سرادق العزاء المنصوب أمام البيت ماجده : جايب لى ورد يا سعيد فاكر نفسك طالع التورب..الرجاله تجيب فستان ..جزمه ..شنطه ..حتتين دهب يحطهم فى إيد مراته جايب لى ورد ياراجل يا أيحه يا بخيل سعيد : أنا أيحه وبخيل يا ماجده ..أعملك إيه إذاكانت أمك ولداكى آخر الشهر أجيبلك منين ..عنك ماخدتيه..خساره فيكى أنت كنت عايزه كلابشين لأديكى يا مفتريه وتتصاعد حدة الخناقه بينهم ويرن جرس الباب فيفتح سعيد فيجد الأستاذ عاشور جاره وبعض المعزيين وعبده البواب وهو يمسك باقة الورد التى طوحتها ماجده من البلكونه عاشور : الورد ده بتاعك عبده : أيوه بتاعه ياعاشور بيه حتى كمان مالوش ريحه خخخخخخخخ سعيد :بس أنا ما أقصدش أحدفه عليكم ده وقع من المدام وهى بتنشر عاشور : طب أمسك كده الورد ..وخد دى علشانك ويتلقى سعيد لكمه قويه فى فكه ترميه فى وسط الصاله وتقف ماجده فوق رأسه وهى تعد ..1234 وينتهى الفايل و سعيد يقف فى بلكونة منزله والفجر يؤذن الله أكبر وهو يبتهل إلى الله إن ربنا ياخد ماجده ويريحه منها ماجده : إخص عليك يا سعيد بتدعى عليا يامجرم ياظالم ربنا يورينى فيك يوم ...وأنا حموت نفسى عشان تخف إن شالله تموت أنت زواوى : ده كويس إن الراجل ده عايش..إنتى ست مفتريه فيه فولدر أهوه مكتوب عليه اللحظات السعيده نفتحه ونشوف فيه إيه Folder is empty يانهار أبيض مفيش ولا لحظه حلوة فى حياته لالالالا ويظل زواوى يفتح ويغلق ملفات وسجلات سعيد ويؤنب فى ماجده ماجده وهى تبكى : طب والعمل يادكتور حنسيبه كده زواوى : مفيش قدامنا غير العمليه ماجده : يالهوى عمليه..عمليه إيه يادكتور زواوى : عمليه إسمها Formatting نمسح فيها دماغه بالكامل ونخليها على الزيرو يعنى يرجع بحالة المصنع وبعدين نرجع له الملفات الضروريه أللى تخليه يعرف يكمل حياته الطبيعيه بس على الله نلاقى السوفت وير بتاعه فى السوق...يادكتور زكى شوف كده رقم السوفت وير بتاع الأستاذ سعيد موجود ولا لأ .. د. زكى : رقم السوفت وير ده مصرى ومن النوع القديم قوى ومفيش زيه فى السوق..فيه صينى وتيوانى وإيطالى وفيه إنجليزى أصلى ماجده : بلاش صينى يادكتور أنا مش فاضيه أعمله سوفت وير كل شويه زواوى : الإنجليزى حراق شويه بس إيه أضمنه برقبتى وحنحاول نعربه عشان يعرف يتفاهم معاكم ماجده : أجيبه من سوق العصر بتاع الكمبيوتر ولا إيه زواوى : لا ياماما لا إحنا نبعت نستورده من بره أورجينال نسخه أصليه..ماتشليش هم حنحجز الأستاذ سعيد عندنا 15 يوم تيجى بعديها تستلميه ماجده : وعليه ضمان قد إيه ؟؟ زواوى : العمليه مضمونه 10 سنين إنما السوفت وير لمدة سنه لو ماعجبكيش ممكن تغيريه بأى نوع يعجبك هاه موافقه شاورى نفسك ماجده: موافقه ياخويا موافقه إنجليزى إنجليزى أهو ينفع يذاكر للعيال زواوى : أوكى ماتنسيش تاخدى الوصل علشان تعرفى تستلميه بيه ماجده وهى خارجه :مع السلامه يامستر سعيد باى باى ..My love مع أرق تحياتي body86love

الحلقة التاسعة الفايل رقم ( 85 )من مجلد الأيام السوداء أدخل وحمل المنظر:ماجده تقف فى البلكونه وتنادى على سعيد ماجده : أطلع بسرعه عايزاك فى حاجه مهمه..أجرى ..خف نفسك شويه سعيد : خير فيه حاجه ماجده : لما تطلع حتعرف سعيد يأخذ الست أدوار قزح ليصل إلى باب الشقه وهو قاطع النفس:إيه اللى حصل ياساتر أستر يارب ماجده : تعال ورايا ..بص ماشلتش ليه الأطباق بعد ما فطرت وإيه بنطلون البيجامه ده اللى رميه فى الأرض..أنت بتستهبل يا سعيد مش شايفنى حامل وعلى آخرى حمشى ألّم وراك أتفضل شيل الحاجات دى وأغسل الطبقين اللى أكلت فيهم سعيد : أنتى بتطلعينى الست أدوار على ملا وشى عشان الكلام الفارغ ده طب مش حشيل حاجه بقا فى يومك الأسود ده يا مجنونه يا بنت المجانين ماجده : أنا مجنونه وبنت مجانين..أنت بقا ما شفتش الجنان اللى على أصله.. تحب أفرجهولك طب هه ( تقوم بقذف الأطباق والبيجامه من البلكونه )صوت أحد الماره : ياعالم يابهايم يا ولاد ........ عبده البواب : الحاجات دى يابيه بتاعة واحد ساكن فوق أسمه الأستاذ سعيد ساكن فى الدور السادس.. أطلع له وريله شغله بس هات البيجامه دى تنفع الواحد ينام فيها وتستمر الخناقه بين سعيد و ماجده والجيران والبواب حتى يغلق الفايل و سعيد بايت على القهوة والجرسون يصحيه ليدفع الحساب وصوت الفجر يقول الله أكبر و سعيد يرفع يده مبتهلا ليرفع عنه هذا البلاء زواوى : دى نصيبه وبلوى من بلاويكى الراجل محتفظ بها فى الذاكره ومش عارف يعملها Delete ماجده : أخص عليك يا سعيد ده أنت قلبك أسود قوى زواوى : نشوف الفايل ده رقم 1720..قيسوا درجة حرارة المريض ياجماعه شغلى المراوح يانجاة المريض حيهنج كده ..3..2..1أكشن مــــــع أرق تحياتي body86love

موضوع هائل وجميل تسلم الايادي بجد شكرا

أحلام سعيد وماجده الحلقه الثامنة زواوى الطبيب المداوى تحجز ماجده عند الدكتور زواوى طبيب المخ والأعصاب المشهور القادم حديثا من أمريكا ليعالج سعيد بأحدث طرق العلاج فى العالم د. زواوى : نام بليز مستر سعيد ..شت يور أيز سعيد : دكتور أنا مش شايف شريط الترجمه لو سمحت أنزل بالعربى زواوى : أوكى ..أنت بتشتكى من الحاله دى بقالك قد إيه سعيد : من سبع تمن تشهر يادكتور زواوى : بتحس بصداع ولا ألم فى الراس سعيد : بحس بصداع من بعض البرامج ..خاصة من معلقين الكورة والزمالكويه زواوى: حنشوف وبعدين نحكم..ينادى على الممرضه والمساعدين جهزوا الأستاذ على جهاز الفوتيك الممرضه: الفوتيك ما أتحرق منك أمبارح وأنت بتكشف على الأستاذ مرتضى منصور زوواى : خلاص حطيه على جهاز البيانوتيك وأربطى أيديه ورجليه كوويس وشربيه أى عصير أوحاجه ساقعه على مانخلص يجلس زواوى أمام شاشة الكمبيوتر المتصله بالجهاز ..نبتدى يابنتى أبتدى يادكتور.. أقعدى جانبى هنا يامدام ماجده عشان عايزك تجاوبينى على بعض الأسئله والأستفسارات وأنا شغال...جاهزين ياولاد .. جاهزين يادكتور أبعدو عنه وأقفلوا الستاره عليه..بسم الله الرحمن الرحيم ربنا يصبرك على ما بالك فوووووووم ماجده : إيه ياعم إنت بتدبح فرخه زواوى : شت آب كريزى وومن shut up crazy woman ماجده :بلاش شت آب ..هات لى سفن آب وسندوتش همبروجر والحساب يجمع .. هسسسسسسس.أسكتى خالص يسمع صوت سعيد وهو يصرخ ويضحك فى نفس واحد آى أه أههههههه يوووووووههه ماجده : كفايه يادكتور الراجل حيفطس زواوى : هششش أبتدى مخه يعمل up Load..كويس حيفتح أهه..ماشاء الله..جوزك يامدام مرتب دماغه كويس قوى فى ملفات Files And Folder…very good ماجده : من ناحية هو منظم هو منظم بس أتعلم النظام على إيدى زواوى : أيه الفولدر الكبير ده ..مكتوب عليه الأيام السوده..Black Days ياها ده فيه أكتر من عشرتلاف خناقه فى عشر سنين كتير قوى يامدام هو أزيد من المعدل العالمى بكتيييير ويعتبر عادى بالنسبه للمعدل المصرى حنفتح كام فايل كده عشان نقدر نعرف عقدته فين الغلبان ده يضغط عل الفايل رقم 85 فيفتح الفايل على Windows Player ليعرض الخناقه .. تظهر ماجده فى البلكونه قبل ماتتخن وهى تنادى على سعيد ( أنا أهه قبل ماخلف الواد تامر أخص عليك يا سعيد ما فرجتنيش على الشريط ده .. زواوى يوقف العرض: هششششش أسكتى خالص ده مش فيلم دى البلاوى اللى متخزنه فى مخه وملخبطاه مش عايز أسمع صوتك خالص حنبتدى تانى ياجماعه كلاكيت تانى مره : بسم الله الرحمن الرحيم ربنا يصبرك على ما بلاك فووووووووووووووم سعيد يصرخ بصوت عالى ويضحك فى نفس الوقت أأأههه خخخخخخ ماجده: فيه إيه تانى زواوى : بيعمل( أب لود) من تانى عشان خاطرك ..مسكين الراجل ده أستحملك كتير قوى ماجده : بس جه فى الآخر كان بيهنج وتقل قوى ..جتكم نصيبه دكاتره فقر واحد يطلعهولى تليفزيون والتانى قلبهولى كمبيوتر بكره تعملوه كيتشن ماشين..ربنا يستر أستمر يادكتور أنا حسكت خالص أهه زواوى : سوفاج ماجده : أهى الكلمه دى عارفاها بتقولها مدام ريتا لما بهزأها..حسابنا بعدين يازواوى زواوى : أكتمى خالص العرض حيبتدى مع أرق تحياتي body86love

Thanks Ya Yogioh

الجــــــــــزء السابع من المسلسل الكوميدى احـــلام سعيد و ماجده *** الحلقة السابعة قطيعه هانم ماجده : شوفتى يا قطيعه ياختى حظى المقندل الراجل الدكاتره لعبوا فى دماغه لحد ما بقى سته سيستم قطيعه : والنبى زى العسل ..فين ياختى الدكتور ده أخد له( براوى) جوزى بدل ماهو قاعد لى فى البيت زى قرد قطع..على كده بيجيب مسلسل (نور) ماجده : بيجيب كله كله حتى ماتشات الكورة المتشفره ولو الكهربا قطعت يقعد يوش ....شششششش قطيعه : طب ركبيله حجرين قلم .ههههههه ماجده : جتك إيه يا قطيعه قطيعه : هو المرض بتاعه قال لك الدكتور إسمه إيه ماجده : بيقول اسمه ( تلى سيكوو ) قطيعه : هو سى (سيكوو )ده مرض معدى يا حبيبتى ماجده : بيقول الدكتور ممكن يعدى لو قعدتى قدامه فتره كبيره قطيعه: خدى بالك من روحك أحسن يوديكى المورستان ..عارفه عفيفه مرات حسنين الضبش..جوزها بعيد عن السامعين..صبحت الصبح لقته عمال يدى أمبليهات وكلاكسات وبيقول عنعنعنعنن ويلف فى الشقه وأفتكر نفسه موتسكيل وهاتك يارمح طول النهار قالوا لها سبيه فى المستشفى وهو يبقى كويس قالت أومال مين أللى يقضى الطلبات ويودى العيال المدرسه ما فاتش شهر وتشم منه وتتعدى ويجالها بسم الله الحفيظ نفس المرض ووقفت فى أول الشارع توصل الناس وعامله فيها توكتوك.. وهما الأتنين مشرفين دلوقتى فى السرايا الصفرا ماجده : وأنا فاكره أن سعيد بيعرف ستات من ورايا ..ياعينى عليك يا سعيد آدى اللى نابك من القاعده قدام التليفزيون..بس وحياتك يا قطيعه يابنت خالتى مانا ساكته لازم أوديه لأحسن دكاتره وأعالجه وأخليه زى الفل..بيقولوا أن فيه دكتور مخ وأعصاب لسه جاى من أمريكا الكل بيتشكروا فيه وحياتك لأحجزله وأصرف عليه اللى قدامى واللى ورايا قطيعه : بس خلى بالك يا ماجده تتعدى منه ماجده : الحقيقه سعيد بينام بره فى الصاله على ترابيزة التليفزيون ولما يحب يروح الحمام يضرب موسيقى ويقول شوية أعلانات وهوماشى ولما يخلص يقول عدنا قطيعه: والنبى عسل أهو بيسلى مش أحسن من الموتسكل والتوكتوك ماجده : مانتى قاعده ياقطيعة لحد ماييجى سعيد من عند الكهربائى حيظبط له لمبة الصوت وجاى على طول قطيعه : معلش أصلى راكنه( براوى) تحت فى الممنوع بعدين الونش يشيله أو يكلبشوه..باى ياحبيبتى ماجده : أهلا..خلى بالك أنتى من نفسك لاتبقى ميكروباص قطيعه : عتبه عتبه عتبه..عرابى عرابى عرابى عنعنعنعن بييب ماجده : سكتك خضراء يا أسطى قطيعه مـــع أرق تحيـــاتي body86love

الجــــــــــزء الســـادس من المسلسل الكوميدى احـــلام سعيد و ماجده *** الحلقة السادسة بسيونى : هشششش إسكتى ياست إنتى.. خلينا نشوف شغلنا هو النصيبه اللى فيها جوزك دى مش شويه وأن مخه يتلغبط من تحت راسك ويستقبل الأرسال التليفزيونى..قوم يا سعيد ماجده : إنت تفهمنى براحه كده وبشويش إيه اللى حصله لو مابتعرفش تعالجه قول وريحنى وأنا أخده على كهربائى تليفزيونات فى شارعنا ..هو بيأخر الحاجه عنده شويه وبيسرق منها قطع غيارها الأصليه بس فى الآخر بتتصلح ...أن شالله يقعد عنده شهرين تلاته ويسرق القولون بتاعه المهم فى الآخر حيبقا كويس بسيونى : ياسلام عليكى يامدام الطب النفسى إتقدم كتير قووى ولو فشلنا فيه ممكن نسفره كوريا أو اليابان عندهم حالات كتير مشابهه لحالة سعيد غير القطع الغيار الأوريجينال إطمنى يامدام وإستريحى ماجده : إنت لازم تفهمنى المرض ده جاله من أيه وهو معدى ولا مش معدى بسيونى ينجعص فى مكتبه : شوفى يامدام مرض جوزك ده مرض نادر بيصيب 10 فى كل مليون وده يرجع للحرمان العاطفى والقلق النفسى ماجده : عندك إعمل ستوب.. حرمان عاطفى إيه وقلق نفسى إيه ..(ثم توجه كلامها لسعيد المنكمش فى الكرسى) ..أنا مقصره معاك فى حاجه يا سعيد سعيد يهز رأسه بالموافقه ويرفع الأبهام عاليا ..إنتى كده زى الفل كمل يادكتور أما أشوف نهايتك إيه إنت والتليفزيون اللى قاعد قدامى يكمل بسيونى : لو سمحتى يامدام ما تقاطعنيش أنا مش فاضى ورايا أجهزه قصدى عيانين قاعدين بره ماجده : أتلهى دى العياده بتنش كمل وبلاش لاماضه وإلا حطير مناخيرك والله؟؟ بسيونى يتحسس مناخيره: نتيجة هذا الحرمان حدث عنده إنبعاج شريانى فى المخيخ أدى إلى تحوصل متعدد بكومبنيشن المخ وإنحوار فى ملفات الدماغ وسكسكه متقطعه لعمود الكامات وإنزواء فى ليفة المخ المبطنه لفروة الراس أدى إلى تأخير فى الشراره وأستقبال ترددات عاليه لموجات الديش ولاسلكى الأمن المركزى ماجده :عليا النعمه ما فاهمه حاجه إنت دكتور ولا ميكانيكى ولا سباك الله يخرب بيتك لعبكت دماغ الراجل إن ما أشتكيتك فى النقابه ودفعتك دم قلبك وطالبت بتعويض يقطم وسطك بسيونى : تعويض ههههه ده بكتيره ياخدوه منك ويدولك مكانه رسيفر صينى أو مروحه ماجده : قوم يا سعيد قبل ما خلص على ابن المجنونه ده بسيونى : شرفتى يامدام ولو أحتجتى أى حاجه فى فترة الصبح أبقى عدى عليا فى المحل فى العتبه يمكن نقدر نظبطهولك ويجيب الأيه أر تى والشوتايم ماجده تسحب بسيونى من الكرافته وترقعه بالروسيه فيقع على كرسى المكتب وهو يضحك قبل أن يغمى عليه : كده أنا شايف 16 قمر والنجوم خخخخخخخخخخ نراكم مع الجزء السابع مـــع أرق تحيـــاتي body86love

تسلم ايدك يا غالي شعر جامد طحن شكرا يا عسليه

:Mazakonia (92): Download link Download link Download link Download link Download link Download link Download link Download link

الجزء الخامس من المسلسل الكوميدى احلام سعيد و ماجده ************************************************** :Mazakonia (92): فى العياده يدخل سعيد و ماجده العياده فيجدوا (حسنيه ) الممرضه ناكشه شعرها وتجلس على المكتب وهى تبرد فى أظافرها و لا تعيرهم أدنى أهتمام ماجده : الدكتور موجود يا مدام حسنيه : آنسه من فضلك .. ماجده : بلاش يا مدام ..الدكتور موجود يا نسناسه حسنيه : إترزعوا أقعدوا على ماديله خبر ..قرفتونا بجنانكم مفيش حد عاقل ييجى العياده ماتتحركوش من مكانكم لحد ماجى سامعين ماجده : طب خلصى فى يومك المقندل ده سعيد ينظر بإستغراب للشنطه التى تحملها ماجده : هى مال الشنطه بتاعتك منفوخه كده هى فيها إيه ماجده : مالكش دعوه يا سعيد دى عدة الشغل سعيد يتحسس الشنطه : يا نهار أسود إنت جايبه السكاكين والساطور معاكى عايزه تموتينا أنا والدكتور ماجدة : حشرب من دمكم أنت والدكتور والنسناسه اللى جوه بعد ماسلخها حسنيه: أتفضلوا خشوا للدكتور..عالم ------------ --------- --------- ----- ماجده : ماشى رجعالك ياذوق عشان أظبطك حسنيه : مرسي يا أبله .. الدكتور بسيونى : أهلا وسهلا سعيد بيه ..أكيد دى المدام ..أهلا يا مدام ..هيه أنا شايفك كده بقيت أحسن من الأول كتييييييييير ماجده : زفت وهباب وحالته بقت أصعب على إيديك بسيونى : أهدى شويه يامدام ريلكس ولو سمحتى أطلعى بره عشان أكشف عليه ماجده تخرج الساطور من الشنطه : شوف شغلك وألا حقطعك جزل جزل وعايزه أشوف النتيجه ويبقى سليم.. ياحشيت وسطك بسيونى وهو خائف: أوكيه بس لو سمحتى أبعدى الساطور ده ماجده : عارف لو ماتعدلتش وقولت لى الراجل ده عنده إيه حيبقى النهارده آخر يوم من عمرك أكشف وخلصنى ورايا شغل بره مع الممرضه بتاعتك الدكتور: بلاش وحياتك دى خطيبتى و ما صدقت لقيتها ماجده : يعنى لقيت حاجه عدله جتك القرف فيك وفى ذوقك الدكتور وهو يرتعش : نام يا أستاذ سعيد ..هيه إيه أخبار الأحلام دلوقتى لسه بتشوف ستات وتكلمهم ويكلموك سعيد وهو خايف يتكلم وينظر إلى ماجده الواقفه فوق رأسه وفى يدها الساطور ويهز راسه بالموافقه دون أن يتكلم الدكتور يحتد : ما ينفعش الكلام ده يامدام شيلى الساطور وأقعدى خلينى أعرف أكشف على المريض إحنا فى سلخانه ماجده : إنت بتزعقلى !!! حسابك بعد الكشف.. أكلم يا سعيد ما تخفش أنا شلت الساطور قول للدكتور على كل حاجه ما تخبيش أى شيئ سعيد: أقول يعنى ومفيش زعل ...قول وخلصنى أنا يادكتور كنت بشوف الأحلام الأول أبيض وأسود وكانت بتاع عشر دقايق أو ربع ساعه بالكتير وبعدين تقطع دلوقتى بشوفها ألوان وبتاخد ساعه وربع ويوم الخميس تستمر ساعتين تلاته أربعه الدكتور يصفق وهو سعيد : سهره يعنى هايل يا سعيد إنت كده سيبت المحلى ودخلت على الفضائيات ..أنما عامله أيه معاك محطة ميلودى تون سعيد : يعنى مش واضحه قوى بس بتيجى فى الفاصل قويه جدا بين كل حلم وحلم بسيونى : إعدل دماغك كده نام على جنبك الشمال غمض عينيك هيه إسراااح وخد نفس عميق هيه شايف إيه نراكم مع الجزء السادس مـــع أرق تحيـــاتي body86love

هلا بيكو يا اصدقائي الاعزاء طبعا انا مش عندي غير كلمه شكرا علي شعورك النبيل ده ويارب كده اقدر اوصل الضحك لقلوبكم شكرا بوسي شكرا حازم منورين يا جماعه

هلا يا احلي اعضاء الجزء الرابع بناء علي طلب الاعضاء هنزل الجزء الرابع شكرا للكل من ساهمه في العمل ده bosylove hazem88love الجزء الرابع من المسلسل الكوميدى احلام سعيد و ماجده *********************************************************** فى عيادة الدكتور بسيونى سعيد : نقعد نتفاهم يا ماجده وبلاش الساطور والسكاكين وحياة أبوكى ماجده : أنت خليت فيه مخ وعلى كل نتفاهم عايز تقول ايه سعيد وهو يتغلبن : أنا مريض يا ماجده ماجده : إن مابطلتش حكاية أنا مريض دى مش حيحصلك طيب سعيد : بلاش ماتتعصبيش فى عرضك..أحنا عايشين مع بعض بقالنا كام سنه ..عشر سنين..أنا كنت لما بنام كنت بقول أسامى أو كلام أوحتى يطلع لى نفس ماجده : كنت بتشخر يا سعيد وصوت شخيرك كان بيصحى العيال والجيران وكنا بنقفل عليك الأوضه ونحط فوق راسك ثلاث مخدات وفوطه نقفل بيها بوقك سعيد : وبعدين ودتينى لدكتور أنف وأذن وشالى اللحميه وكتب لى على دواء باخده قبل النوم وضاع الشخير وبقيت أنام طبيعى ماجده : راح الشخير وطلعت لى بالأحلام الهلس بتاعة كل ليله أللى بتحرق دمى بيها ..الشخير كان أرحم يا سعيد سعيد: بطلت الدواء بتاع الشخير ..إيه اللى حصل ماجده : وزادت الأحلام ..قلت لى حاله نفسيه فروحنا للدكتور بسيونى ..كتب لك على دواء ..حالتك أتنيلت أكتر بدل ما كنت تقول كلمتين تلاته وأنت نايم بقيت بتحكى الحلم كأنك صاحى وتقعد تبوس فى المخده وأنا قاعده حولع جانبك ..جننتنى معاك أنا مش عارفه أعمل فيك أيه سعيد : نروح تانى وتالت للدكتور بسيونى أو حد تانى غيره يشوف لينا حل ونرجع سمنه على عسل أسود زى زمان ماجده : هو ما فيش غيره دكتور المجانين اللى بوظ دماغك قوم ألبس نروح نشوفه وحدخل معاك المره دى وأشوف أيه حكايتكم أنتم الأتنين ياعالجك كويس ياخلصت عليكم أنتم الأتنين وأرتاح وأريح الناس من خلقتكم جاتكم القرف نراكم مع الجزء الخامس مــــــع أرق تحيــاتــي body86love

الجزء الثالث من المسلسل الكوميدى احلام سعيد و ماجده ************************************************* :Mazakonia (92): ماجده تقابل رامبو ماجده تلطخ يديها وملابسها والسكاكين بصلصة الطماطم وتجلس فى أنتظار وصول نصحى يرن جرس الباب فتفتح ماجده الباب وهى تمسك سكين طويله فى يد وساطور فى اليد الأخرى وعليهم أثار الجريمه الحمراء وهى رابطه رأسها بمنديل أبيض وعليه بقع الصلصه ومنديل آخر تربطه على فمها وأنفها يشبه الكمامه نصحى يشاهد منظرها فيخاف ويرجع للخلف ماجده : كويس أنك جيت يانصحى تعالى أمسك معايا نصحى : أمسك إيه يا مدام ماجده : رجلين الراجل الميت علشان أشفيها نصحى : راجل ميت مين يامدام ( يتكلم وهو يتراجع للخلف ) ماجده : سعيد جوزى ..تعالى قرب أنا حطه الجثه فى البانيو نصحى يبعد أكثر ويستعد للهرب : جثه ورجلين وحتشفى وأمسك معايا ..أنتى دبحتى جوزك ياست ماجده ماجده : أيووه.. يستاهل كل شويه يحدف جزمته من البلكونه طهقت منه قلت أخلص عليه ..ماتيجى تمسك معايا وأنت واقف زى الهلف كده أتحرك ياجدع لغزك وأنزل كرشك المدلدل ده على الأرض إنما إنت كنت عايز أيه وبتخبط علينا ليه ؟؟ نصحى : مش عايز حاجه ..مفيش ..سعيد وحشنى جيت أشوفه ماجده تكبس عليه أكتر وهى تضع السكينه بين عينيه..هيه عايز تشوفه نصحى : بلاش وقت تانى متشكر متشكر أعدى فى وقت تانى صوت سعيد وهو ينادى على ماجدة : ماجدة مااااجده مين معاكى بره ماجده (فى سرها..الله ياخرب بيتك يا سعيد حتبوظ الشغل ) حاضر ياحبيبى أخلص من الحته الملظلظه دى وآجى أشفيك نصحى ينظر بأستغراب : ده سعيد لسه عايش ماجده : غريبه رغم أنى دبحاه وشاربه من دمه كبيتين من ساعه عفريته يلحق يطلع ..تعال معايا نشوف الحكايه دى وتمسك قصادى العفريت عشان ندبحه هو كمان يضع نصحى ديله فى أسنانه وهويجرى يااااامه إلحقونى إلحقونى مجنونه مجنونه إلحقوووونى ماجده تطل من على السلم وهى تنادى : أطلع يانصحى ياخواف ياجبان بس عاملى غضنفر على الفاضى..بتجرى ياجبان اخص عليك راجل خسع تدخل ماجده وتغلق الباب وتكشف الغطاء عن سعيد فتجده يغط فى النوم ماجده : ماشى يا سعيد يعنى مش حتصحى وتستدير لتخرج من الغرفه فتسمع صوت سعيد وهو يحلم وينادى : سميره ..سميررره تعالى ياحبيبتى تصرخ ماجده وتقفز فوق سعيد وتخنقه بيديها مــــــع أرق تحيــاتــي body86love

*تانى حلقه من المسلسل الكوميدى * احلام سعيد و ماجده ************** مدام ميمى يصعد سعيد السلم للدور الثالث حيث شقة الأستاذ نصحى ويرن الجرس ويرجع بسرعه للخلف وهو يضع يده على وجهه أتقاء لأى لكمه مفاجأة ينفتح الباب ويسمع صوت حريمى كله دلع ميمى : ميييين أستاذ سعيد أتفضل سعيد: شكرا يامدام ميمى أصلى مستعجل وعايز أروح الشغل ..لا مؤأخذه فردة جزمتى وقعت عندكم فى البلكونه ميمى :طب أدخل خودها ياروحى أحسن أيديا مش فاضيه سعيد : لا بلاش وحياتك تجيبيها إنتى ميمى : أنت حر تبقى تعدى فى وقت تانى يكون نصحى جه من البيت التانى يدهالك بنفسه ( وهى تشاور على أنفه بالبوكس لتذكره بالعقاب ) سعيد : هو نصحى بيه مش هنا ميمى : لأ ياروحى لأ يا حبوب ..أخلص أدخل خد جزمتك وخلصنا ( تقوم ميمى بجذبه من ذراعه وتدخله الشقه وتغلق الباب) :عندك تلات بلكونات فى التلات أوض أدخل دور على جزمتك وخدها وغور قبل ما نصحى ييجى يطين عشتك..حاضر ياستى ميمى يدخل البلكونه فيجد فردة الجزمه معلقه على فرع الشجره القريبه من البلكونه يحاول أن ينط ليصل إليها ولكن هيهات فينادى على مدام ميمى لتحضر له سلم ميمى: أخلص نزل جزمتك دى فى يومك اللى مش معدى سعيد :لو سمحتى ياست ميمى أمسكى لى السلم أحسن أقع فى الشارع ميمى : بسرعه خلصنى الله يخرب بيتك الراجل ممكن ييجى فى أى وقت سعيد وهو يتراقص فوق السلم ويقفز للوصول لفردة الجزمه فيختل توازنه وينقلب فوق ميمى ليفترشا الأرض ...يغمى على ميمى من قوة إرتطام جسم سعيد بها ولاتضع منطق ..يقف سعيد فى ذهول فقد أعتقد بأنها ماتت فيجرى فى أتجاه الباب عدة مرات ثم يعود وهو يلطم يالهوتى يالهوتى منك لله يا ماجده يامفتريه أعمل إيه فى النصيبه دى أعمل إيه يارب أسترها معايا ..يقوم بسحب جسد ميمى من البلكونه ليدخلها غرفة النوم ويرفعها بصعوبه ليضعها على السرير ويغطيها ويهم بالخروج فيسمع جرس الباب فيقوم بغلق الباب من الداخل يستمر الجرس فى الرنين بعنف والخبط بقوة ثم يسمع صوت نصحى وهو ينادى أفتحى ياميمى أفتحى ياحبيبتى ..ميمى ..ميمييييييييى يختبئ سعيد وراء ستارة فى المدخل ..بوم بوم بوم طااااخ وأنفتح الباب على مصراعيه ويجرى نصحى فى أتجاه الغرفه التى ترقد فيها ميمى ويستغل سعيد فرصة إنشغال نصحى بأفاقة زوجته ويتسلل خارجا من باب الشقه ويجرى بأقصى سرعة إلى الطابق السادس ويفتح الباب ويغلقه بالترابيس ويجلس على أقرب مقعد وهو يلتقط أنفاسه اللاهثه وهو يحمد ربنا أن نجاه من هذا الموقف وهو يتخيل نفسه ونصحى يفصص جسده ويكيل له اللكمات القاتله وهو فى ذهوله وأعيائه يجد يد تقبض عليه بعنف من الخلف فيقفز مذعورا ليجد ماجده واقفه أمامه وهى تضحك .. سعيد يتنبه انه بفردة جزمه وحيده فيصرخ: .الجزمه ..الجزمه ..ميمى الجزمه ..نصحى حيموتنى يا ماجده ( ويلطم على وجهه ) تضحك ماجده : ياريت عشان أخلص من أحلامك السافله ..ما تخفش فردة الجازمه رماها(نصحى) فى الشارع أنزل جبها سعيد : مش عايزها وآدى الفرده التانيه ( يقذفها من البلكونه فتسقط هى الأخرى فى بلكونة الأستاذ نصحى )ويسمع صوته وهو يشتم ويتوعد بالويل والثبور وعظائم الأمور للجيران الحثالة الذين يقذفونه بالجزم نصحى ينادى على البواب : عبده عبدوووه أصحى ياراجل ياتنبل ..الجزم دى بتاعة مين عبده يبرم شاربه ويضحك ضحكه خبيثه فتظهر سنته الوحيده :الدزمه دى مجاس 42 بتاعة الأستاذ سعيد اللى فى الدور السادس كل يوم بنطلع له واحده ولا أتنين ..مفيش غيره يا نصحى بيه أطلع له نصحى : متأكد يا عبده عبده : ألا متأكد هى دزمة الأستاذ سعيد أنا حتوه عنها ده يامه وقعت على دماغى يابوى..أطلع له ياراجل وأنا حا تصل بالأسعاف نصحى : بلاش أسعاف أتصل بمشرحة زينهم ياعبده عبده : هع أهو كده الرداله..بس لوسمحت يانصحى بيه وحياة أبوك خلص عليه دوه فى شجته علشان أنا لسه ماسح السلم..هع خخخخخخخخخ تابعونا لمعرفه باقى الاجزاء مــــــع أرق تحيــاتــي body86love

انا عيني ليكي يا قمر وان شاء الله الباقيه قريبا منوره يا بدر البدورر تحياتي ليكي شكرا يا عسل :Mazakonia (81):

u r welcome wait elba2y :):):)

هلا حازم كويس ان المسلسل عجبك واستنه مني باقي الجزاء بس واحده واحده تنوت يا مان تسلم يا غالي شكرا

هنقدم لكم المسلسل الكوميدى *احلام سعيد و ماجده * على اجزاء*** أحلام سعيد وماجده ( مسلسل كوميدى جدا ) أحلام سعيد وماجده الحلقة الأولى سعيد : آى آى فيه إيه يا ماجده ماجده : إصحى يا فالح مين( فاتن ) اللى عمال تنادى عليها وأنت نايم بتحب عليا يا سعيد ..يالهوى .. يالهوى ..بعد ده كله نايم بتحلم لى بالستات قوم قول لى مين فاتن دى ..عارف لو ما قلتش حيجرالك أيه ..حخنقك وأكتم نفسك بالمخده وأخلص منك سعيد : إبعدى ياوليه المخده دى عن وشى حتخنق يا بنت المجنونه ماجده : إتعدل كده وإحكى لى مين فاتن دى أن ما سميتك وخلصت منك ما بقاش أنا ماجده ..كل يوم عمال تحلم لى بإسم شكل إمبارح كانت سعاد وأول كانت ثناء وأول أول كانت سميره وغيرها وغيرها ..هو فيه ايه ياراجل كل الستات دى بتعرفها امتى وفين ؟ إررر.. وإعترف يا فلاتى ياراجل ياهلس قول سعيد :إبعدى إيديكى عنى وخلينى أروح الحمام الأول ماجده : مفيش مرواح الحمام ألا لما تحكى لى مين فاتن دى سعيد : مش قادر يا ماجده حرام عليكى أنا على آخريى ماجده : برضه مش حسيبك إلا لما تقول سعيد وهو يفلفص من إيدين ماجده التى كبست بكل وزنها على صدره حقول كل حاجه بس سيبينى يجرى سعيد على الحمام ويغلق الباب خلفه..ووقفت ماجده على الباب فى إنتظاره ماجده : أنت فاكرك أنك هربت أن شالله تقعد جوه لحد بالليل أنا قاعدالك ..وأحضرت كرسى وجلست أمام باب الحمام وهى تسن السكاكين سعيد : إيه الصوت ده يا ماجده ماجده من الخارج : أنا بسن السكاكين والساطور ياحبيبى سعيد : ليه يا ماجده إحنا ماعندناش لحمه فى التلاجه ماجده : بس عندنا لحمه فى الحمام أن ما قطعتك كباب حلة وشويت ريشك وفرمتك سعيد : السلاح يطول يا ماجده ..حتودى نفسك فى داهيه عشان حتة حلم ماجده : هو حلم واحد يامجرم ده أنت شغال أحلام بقالك أكتر من ست أشهر وكل يوم تنادى على واحده شكل..أن ماوريتك يا سعيد بس أطلع سعيد من الداخل : أنا مريض يا ماجده حتى أسألى الدكتور(بسيونى ) ماجده : بسيونى..آلهى يولع بجاز هو كمان ..أنا مش عارفه الدواء اللى كاتبهولك خلاك زيدت فيها بدل ماكان حلم واحد فى الليله أصبح حلمين تلاته وأنا بتفرس جنبك ..شهل أطلع أحسن لك سعيد : حرام عليكى يا ماجده عايز أروح الشغل بقالى يومين غايب وحيخصموا من الماهيه وقليل ما كان فيها تحقيق ماجده: إن شالله يخصموا الماهيه كلها ويحولوا أوراقك على المفتى قادر ياكريم..كفايه مستحملاك ومستحمله قرف عيالك وعماله كل يوم أغير فى شكلى وفى لبسى زى ما قالى صخام البرك دكتور الهم والغم بتاعك.. أنك فى يوم ياندل تحلم وتنادى أسم ماجده..مفيش فايده أطلع بره أحسن لك (سعيد يفتح الباب قليلا وهو يقف خلفه) ماجده :أطلع يا سعيد ماتخلنيش أتهور وأهد الحمام على دماغك سعيد : أهدى بس يا ماجده وأنا حقول لك كل حاجه ماجده : طب أطلع خلصنى عشان عايزه الحمام تدخل ماجده الحمام ويسرع سعيد إلى غرفة النوم ليأخذ ملابسه(فينسى جزمته وينزل وهو لابس الشبشب) ويفر خارج الشقه ليكمل أرتدائها على السلم فيصادف خروج مدام صفاء من شقتها لتفرغ ال------------ --------- --------- ----- فتجد سعيد يحاول أن يلبس البنطلون وهو واقف بملابسه الداخليه مسندا ظهره على باب شقتها فتفتح فيقع سعيد أمامها فتفزع وترقع بالصوت فيجرى سعيد على السلم ليكمل ملابسه فى الشارع ماجده تنادى على سعيد من البلكونه : خد الجزمه يا سعيد( طراخ بوم تسقط فردة جزمه فى الشارع والفرده التانيه فى بلكونة الأستاذ نصحى (الذى يغار على عروسته الجديده ويشاكل دبان وشه لمن يجرأ أن ينظر لها فيكون مصيره لكمه قويه تطيح بصف أسنانه) سعيد من تحت : يامفتريه مالقتيش إلا البلكونه دى ترمى فيه فردة الجزمه ماجده من فوق : أحسن.. أطلع لنصحى بقا وأستلقى وعدك سعيد يكلم نفسه: النهار باين من أوله خلصنا من ماجده نلاقى نصحى يامنجى من المهالك يارب أعمل أيه لازم أجيب فردة الجازمه عشان أروح الشغل لو ماكنتش ماجده سنّه السكاكين كان الواحد طلع لبس جزمه تانيه وما يصطبحش بوش نصحى (ماجده من أمامكم ونصحى خلفكم فأين المفر) أستعنا على الشقا بالله. تابعونا لمعرفه باقى الاجزاء و لمتابعه باقى المسلسل فى المنتدى مع ارقي تحياتي . body86love