!! Vampire !! قام بنشر December 31, 2010 Share قام بنشر December 31, 2010 باذن الله هختار كل اسبوع عضو و موضوع او قضية عامة نتناقش فيها مع العضو اللى هيتم اختياره و نتكلم عن وجهات نظرنا فيها معاه مثلا موضوع عن الكورة موضوع عن السياسة موضوع عن العادات و السلوك موضوع عن الهوايات موضوع عن المعاملات موضوع عن الحياة العامة و هكذا المختلف ان الموضوع هيكون من صنعنا احنا و بس مش منقول هيكون بيضم موضوعات متجمعة من افكارنا تجاربنا مشاكلنا اللى واجهتنا من طباعنا و اسلوبنا 1 Game Over Mubarak Democracy Now رابط هذا التعليق شارك More sharing options...
'' MEGO '' قام بنشر December 31, 2010 Share قام بنشر December 31, 2010 تانكس فامبير تسلم ايدك كالعاده افكارك رائعه ودي مش جديده ويارب كل الناس تشارك ويكون في تفاعل ونفيد ونستفيد بجد تانكس مره تانيه رابط هذا التعليق شارك More sharing options...
!! Vampire !! قام بنشر December 31, 2010 الكاتب Share قام بنشر December 31, 2010 العادات والتقاليد مع مـــوؤا من أحد الأشياء المؤلمة في مجتمعنا العربي .. إننا نسير تبعا لعادات وتقاليد ما أنزل الله بها من سلطان ، رغم أن الحق سبحانه وتعالى دعانا في كتابه ، للبعد عنها وعدم إتباعها خاصة إذا كانت تتعارض مع منطق الدين وشريعته . ومن المؤلم أيضا أن لا نعيش عصرنا الذي نحيا فيه بكل معطياته الإنسانية وثقافته المعاصرة وأن نتمسك بثقافات فكر أجدادنا التي كانت تناسب عصرهم، وأيامهم غير أيامنا وعصرنا غير عصرهم فكيف كانوا رواد عصرهم بوعيهم لمعطيات العصر الذي عاشوه هل نكون بكل الغباء نعيش ثقافة عصرهم ؟ ام انه من ليس له قديم ليس له جديد؟ هل الحفاظ على العادات ضرورة ام لكل زمان وقته وعاداته نتناقش فى هذا الموضوع مع العضوة مــــوؤا Game Over Mubarak Democracy Now رابط هذا التعليق شارك More sharing options...
refai قام بنشر December 31, 2010 Share قام بنشر December 31, 2010 تسلم ايدك يا كبير R a m d a n K a r e e m رابط هذا التعليق شارك More sharing options...
mo2aaa قام بنشر January 1, 2011 Share قام بنشر January 1, 2011 بسم الله الرحمن الرحيم بجد موضوع مش سهل وبشكرك يا فامبير لانه من المواضيع المهمه جدا اللى مش كتير بياخدو بالهم منها وبشكرك مره تانيه انى اول حد يشارك فى التوبيك والله العادات والتقاليد اكيد فى منها الكويس وفى منها اللى لا يمكن فى كتير عادات لسه متمسكين بيها من ايام اجدادنا وفى اللى اتخلينا عنه بمنتهى السهوله فى منها السلبى وفى منها الايجابى كتير بنعمل احتفالات لاعياد مش اعيادنا اصلا اعتقد ان دى من العادات اللى مش من الدين بتاعنا كمان امور الزواج من زمان وتقريبا المراسم هى هى مش اتغيرت الا ان فى دلوقتى ناس بدات تقلد الغرب ومش بس فى الزواج بدا التقليد لا كتير حاجات تانيه اللى عاوزه اقوله ان ممكن نمشى على عادات اجدادنا بس نغير فيها على اساس اللى يوافق ويتماشى مع مجتمعنا السلبى منها نحاول نتجنبه والايجابىى نتمسك بيه ونطوره مش عارفه الموضوع كبير والله ومش قادره اجمع فيه اكتر من كده بس ياريت اسمع منكم ومش هسيبكم هنتناقش فى كل حاجه صغيره وكبيره وفى الاخر تسلم ايدك فامبير وتسلم افكارك الروعه بجد عندما لا نبكى فهذا لا يعنى أننا فقدنا الإحساس بل أحزاننا كثرت علينا فلم نجد دموعاً تعادلها فإكتفينا بالصمت رابط هذا التعليق شارك More sharing options...
!! Vampire !! قام بنشر January 1, 2011 الكاتب Share قام بنشر January 1, 2011 منوره يا مــؤا كالعاده بآرائك الجميله وزى ما قلتى الموضوع فعلا كبير وصعب اننا نعرف نلمه فى مشاركه ورد واحد ياريت كل الاعضاء يشاركونا ويقولوا رأيهم واحب انى اوجهلك سؤالين بخصوص الموضوع دا ما اهي اكثر العادات والتقاليد سلبية في مجتمنا ؟ ما هو الحل للتخلص من عاداتنا السيئة داخل المجتمع المصري بكل فئاتة ؟ منتظر اجابتك واتمنى تفاعل اكتر من الاعضاء Game Over Mubarak Democracy Now رابط هذا التعليق شارك More sharing options...
'' MEGO '' قام بنشر January 2, 2011 Share قام بنشر January 2, 2011 تانكس يا فامبير مره تانيه تسلمي يا مؤتي يا حبي بصي يا قلبي انا معاكي انو العادات فيها الحلو والوحش اوك بس بجد احنا بقينا بنقلد الغرب تقليد اعمي وكمان عاده بتغيظني مووووووت ده فلان قال ده فلان عاد بجد شعبنا بيحب الرغي موووت عالفاضي والمليان اه ومتعملوش كذا علشان عيب طيب علي اساس ايه بنختار العيب والصح والغلط ؟؟؟؟ وياريت ناخد الحلو ونسيب الوحش او نحاول بجد علي قد ما نقدر لان فيه حاجات بتشدنا للغلط غصب عنا صح كلامي ولا ايه؟؟ رابط هذا التعليق شارك More sharing options...
salumy قام بنشر January 3, 2011 Share قام بنشر January 3, 2011 مساء الخير طبعا الموضوع وفكرتة و اختيارك للموضيع حاجة جميلة ودة طبعا مش جديد عليك موضوع العادات والتقاليد واية الصح واية الغلط فيها بجد موئة قالت مضمون الموضوع كلة بس احنا اساسا كا جيل من وقت ما نتولد ما بنبقاش عارفين ولا فاهمين اى حاجة بنتربى ونكبر على عادات وتقاليد اللى اهلنا بردو اتربو عليها وهما شايفين ان اللى ربونا علية هو الصح وبعد التوسع اللى الكل بقى فى بقينا نحس اننا عايزين نتوسع ونغير فى بعض الحاجات اللى اترينا عليها فى حاجات دلوقتى اهلينا لسة بيعملوها ومتمسكين بيها من وجهة نظرنا احنا رجعيا وتخلف ونعمل احنا حاجات دلوقت احنا شايفنها حاجة عادية جدا وفى وجهة نظر الاهل انها عيب يتقال ان مش دى عادتنا وتقالدنا مبقاش فى ملائمة اسمها ملائمة بردو مش كدة مش عارفة اية الللغة العربية الجميلة اللى انا بتكلم بيها دى المهم بين جيل زمان وجيل دلوقتى مبقاش فى تلائم ينهم مع انى والله من وجهة نظرى ان احنا كاجيل وخدين الصح من عادتنا وتقالدنا واكيد مش غلط ان الواحد يطور من نفسة يارب اكون عرفت اوضح حاجة رابط هذا التعليق شارك More sharing options...
mo2aaa قام بنشر January 3, 2011 Share قام بنشر January 3, 2011 الاول طبعا فامبير منور كالعاده بوجودك ومتميز دايما حتى فى اسئلتك الصعبه دى :Mazakonia (92): ربنا يقدرنى واقدر اوصل وجهه نظرى ثانيا سلمى منوره والله بآرائك يا قلبى وفعلا كلامك مظبوط ووجهه نظرك وصلت وواضحه جداا وعلى فكره يا جماعه انا مقتنعه جدا ان معظم العادات اللى اهالينا بيعملوها صح ومش غلط يمكن فى حاجات غلط بس احنا دلوقتى بنعدل فيها بالنسبه لاسئله فامبير....اكتر العادات السلبيه فى مجتمعنا من وجهه نظرى انا كتير من الناس يقولى مثلا ممنوع جواز البنت الصغيره قبل الكبيره يعنى الكبيره لو فضلت قاعده الباقى يونسوها مثلا ولا ايه يعنى ؟؟؟؟؟ كمان حاجه شعبنا متعود عليه تسال الواحد فين المكان الفلانى يرد بكل ثقه وهو مش عارف فين المكان امشى على طول واكسر يمين هتلاقيه فى وشك وهو اصلا ولا عمره سمع عن المكان دا قبل كده كمان تلاقى اى حد بيتكلم فى الدين وهو مش فاهم اى حاجه مجرد كلمتين سمعهم من اى مكان تلاقيه عمل عليها فتاوى كمان اخر حاجه اى حد فى ايده حاجه منديل مثلا اوى كده تلاقيه يرميه فى الشارع تقول ما هى الباسكت يقولك هو انا لسه هروح لحد الباسكت ما انت شايف الارض مليانه اهى الحل يا فامبير ان كل واحد لازم يبدا بتغيير نفسه قبل ما يفكر يغير غيره ياريت اكون قدرت ارد بقدر كافى وفى انتظار اى عضو تانى وياريت اللى شايف انى قصرت فى اى جزء يفهمنى ياجماعه علشان اخد بالى عندما لا نبكى فهذا لا يعنى أننا فقدنا الإحساس بل أحزاننا كثرت علينا فلم نجد دموعاً تعادلها فإكتفينا بالصمت رابط هذا التعليق شارك More sharing options...
ahmedbondok قام بنشر January 4, 2011 Share قام بنشر January 4, 2011 تسلم يا خالد موضوعك جميل بس على الله يكمل بس خليك ماشى كدا زى ما انت ► Play The Moments ▌▌ Pause The Memories ■ Stop The pain ◄ Rewind The Happiness LoAdInG FaNs.... ████████████████ 1OO% CoMpLeTe █║▌│█│║▌║││█║▌│║▌║ © ORIGINAL Wєℓ©øмє ♥ رابط هذا التعليق شارك More sharing options...
!! Vampire !! قام بنشر January 5, 2011 الكاتب Share قام بنشر January 5, 2011 mo2aaa كالعاده آرائك دايما متميزه واجاباتك على الاسئله كانت ممتازه وقدرتى انك تتكلمى على الموضوع بشكل جميل والحل الى قدمتيه بجد حل مناسب جدا وياريت كل واحد يبتدى يغير من نفسه قبل ما يحاول يغير الغير وبالنسبه للعادات والتقاليد مش عيب ان احنا نغير منها بما يتماشى مع التطور الى حصل فى حياتنا ahmedbondok منور التوبيك يا صحبى والى يستاهل الشكر مـــؤا وكل الى رد فى التوبيك مش انا انا مجرد عملت فكره وهما الى نفذوها واتمنى ان الموضوع يستمر ودا هيكون بفضل الاعضاء وتفاعلهم معايا 1 Game Over Mubarak Democracy Now رابط هذا التعليق شارك More sharing options...
!! Vampire !! قام بنشر January 6, 2011 الكاتب Share قام بنشر January 6, 2011 الــتعــصـب الــكــروى .. ونظرية المؤامره الزمالكويه !! مــع كلا من احــمــدبـنـدق الزمالكاوى رونـــــى الاهلاوى طول عمرنا ومن قديم الأذل بنحب الكوره وبنشجعها وكل واحد فينا ليه انتمائه سواء كان اهلاوى او زمالكاوى ودايما تلاقى بين الصحاب افيهات تريقه على الفريق المهزوم لو كان اهلاوى وفريقه كسب بيهزر مع صحابه الزمالكويه والعكس لما الزمالك بيكسب تلاقى الزمالكاوى بيتريق على الاهلويه صحابه وكل دا فى اطار من الود والحب بس الجديد بقى على مجتمعنا هو التعصب الاعمى .. وبقينا نلاقى الزمالكويه عايشين فى نظرية المؤامره والبلد كلها حمرا حكام حمر واتحاد كوره حمر وبيعلقوا سبب اى فشل بيواجهم على ان فى مؤامره وفى ايد خفيه بتسعدى دايما لتدمير الكيان الابيض وفى المقابل نلاقى كتير من الاهلاويه معندهمش استعداد يسمعوا اى نقد لفريقهم او ادارتهم وماشين ورا شعار الاهلى فوق الجميع ونلاقى الالتراس الاهلاوى بيكتب لافتات تسيئ للكيان الابيض وتاريخه ويهتفوا ضد موهبه عظيمه زى ( شيكابالا ) ومتناسيين ان الموهبه دى فى الاول وفى الاخر مصريه وياريتها هتافات عاديه لا دا بيسبوه بامه وبلونه الاسمرانى الأمر الى خلى مشاحنات كتير تحصل بين الجمهورين ومعارك وكوارث بيكون ضحيتها ناس ابرياء ملهمش ذنب ويمكن اصلا ميكونوش من مشجعى الكوره وللأسف الموضوع دا انتشر فى الألعاب التانيه كمان زى السله واليد والطائره وبقينا بنسمع عن كوارث بتحصل مجموعات الألتراس هو عشان الواحد يكون زمالكاوى لازم يشتم فى كل حاجه تنتمى لقلعة الجزيره ؟ ولازم يحس بالاضطهاد وان فى مؤامره ضده وضد الفريق الى بيشجعه ؟؟ وعشان الواحد يكون اهلاوى لازم اشتم فى شيكابالا ؟؟ واشتم فى التوأم الى محدش ينكر مجهوده ودوره فى كتير من بطولات الاهلى ؟؟ مين السبب فى نشر التعصب دا ؟؟ وازاى نقدر كشباب نواجه التعصب دا وننمى الروح الرياضيه فيما بينا ؟؟ نتناقش فى هذا الموضوع مع العضوين احمد بندق و رونى Game Over Mubarak Democracy Now رابط هذا التعليق شارك More sharing options...
ahmedbondok قام بنشر January 8, 2011 Share قام بنشر January 8, 2011 صباح الخير على اجمل شباب مزاكونى بص يا عم خالد بقى انا هجيبلك الموضوع بتلخيصه بجد انا راجل زملكاوى مش بس كدا لا دا انا مجنون زمالك كمان القصة بقى بتاعتت انا الاهلاوية يشتموا فى الزملكوية والعكس دي قصة مفروغ منها لا انا ولا انت ولا رئيس الجمهورية بتاعت نفسه هيعرف يعملها اول حاجة بالنسبة للنادى الاهلى عمركم فكرته ولو لدقيقة واحده ليه النادى الاهلى مكره من جميع فرق الدورى عارفيين ليه عشان الاهلى ماشى بسياسة اللى معاه فلوس يدوس والله بتكلم بجد طول عمر النادى الاهلى كده بيعصى لاعبية الاندية التانية على انديتهم عشان يجوا الاهلىالخطيب ياخد اللعيب من دول على مدينة الرحاب ويرسملو مستقبلو الجديد طبعا وسط الاغراءات دى كلها مش عايزنهم يوافقوا ده غير ثغرات العقود اللى الاهلى بيلعب عليها وغيرو وغيرو عشان كده النادى الاهلى مكوره بجد فى مصر من غير الاهلاوية يعني الاهلوى بس هو اللى بيحب الاهلى غير كده استحالة غير بقى الكلمة الشهيرة اللى معناها كبييييييير اوى ( الاهلى فوق الجميع ) انا بس عاوز افهم حاجة فوق مين بالظبط هل فوق ربنا هل فوق مصر هل فوق هل فوق هل فوق معناها ايه اما بالنسبة للألتراس بقى يا عم خالد تعالى شوف دلوقتى سن التشجيع فى المدرجات بقى قد ايه معدل اعمار اللى بيروح يشجع فى المبارايات هتلاقيه 17 سنه يعني سن الشباب الى هو شايف نفسه اكيد انتو فاهميين احنا فى السن ده كنا بنعمل ايه انا وصلت وجهة نظر الزملكاوية كلهم فى الموضوع ده اتمنى انى مكنش نسيت حاجة ► Play The Moments ▌▌ Pause The Memories ■ Stop The pain ◄ Rewind The Happiness LoAdInG FaNs.... ████████████████ 1OO% CoMpLeTe █║▌│█│║▌║││█║▌│║▌║ © ORIGINAL Wєℓ©øмє ♥ رابط هذا التعليق شارك More sharing options...
ROONEY قام بنشر January 10, 2011 Share قام بنشر January 10, 2011 بعتذرلكم فى الاول على التأخير فى الرد بس فى شوية ظروف كدة كانت مأخرانى المهم بقى .. عايز بس اقول حاجة ابدأ بيها .. التعصب طول عمرة موجود .. بس اليومين دول زاد اوى اوى .. والسبب فى دة كلة الاعلام .. للأسف الاعلام بتاعنا رغم انة المفروض يبقى هادف .. يوجه الناس .. عشان يمنع التعصب الاعمى اللى بقينا فية .. ووصلنا لية .. شىء طبيعى لما تلاقى واحد زملكاوى يشتم فى الاهلى والعكس .. بحكم انى اهلاوى .. اة انا اشجع فريقى زى ما انا عايز .. لكن مغلطش فى الفريق المنافس حتى لو كان الزمالك .. معلش يعنى عايز افهم حاجة من الناس اللى بتعمل كدة .. اية اللى انت هتستفيدة من التعصب بتاعك .. الكرة او الرياضة عموما اتوجدت عشان احنا نتمتع واحنا بنتفرج عليها ليس الا .. انما بقى تتحول انها تبقى شتيمة من دة ل دة وخناق بين دة و دة .. معلش هرجع اول تانى وتالت وعاشر .. الاعلام بتاعنا دة .. اعلام على ما تفرج .. رغم اننا متقدمين اوى اعلاميا وثقافيا وفنيا .. على المستوى العربى .. الا ان الاعلام الرياضى .. فعلا اعلام على ما تفرج .. يعنى اية يطلع واحد فى برنامج ويغلط فى التانى من الفريق المنافس .. ما دة اللى بيشحن الجماهير وبيخلق التعصب .. معلش تعالى معايا نبص كدة على الدورى الاسبانى .. اكيد مش هقارن بية وبينا .. لا بس عايز بس نشوف الحاجات الاجابية .. رغم انة كلة ايجابيات .. ونتعلمها ونعمل زيها .. ولا عمرنا شوفنا حد بيغلط فى حد .. اقربها ماتش الديربى ريال مدريد وبرشلونة والماتش خلص 5 صفر .. فى نهاية الماتش الجماهير كلها بتسقف ومبسوطة ومستمتعة وهى بتتفرج على كرة .. هو دة المطلوب من الرياضة .. انما بقى هتبص لأنك تغلط فى المنافس والغلط يوصلك انك تتخانق معاة .. طيب واخرة دة كلة اية .. ولا انت هتستفيد اية ..؟؟ الرياضة موجودة للترفية والاستمتاع ليس الا .. الكسبان نقولة مبروك والخسران نقولة هارد لك ... اكيد بزعل لما الاهلى بيخسر ماتش مثلا .. بس مبزعلش لما الاهلى بيخسر لما يكون هو فعلا يستاهل انة يخسر .. اقربها ماتش زى الاسماعيلى .. ملعبناش فية بربع جنية .. وخسرنا ... مزعلتش لأننا كنا فعلا وحشين والاسماعيلى استحق الفوز .. لكن ازعل لما نخسر ماتش او نتعادل ماتش واحنا نبقى بنلعب حلو طول الماتش كفاية كدة عشان انا طولت كتير ... بس والله المشكلة فى الاول والاخر .. فى الاعلام .. لأن الاعلام هو اللى بيقود الرياضة فى مصر .. سواء لاعبين .. مدربين .. اداريين .. جمهور وبشكــرك يا خالد على مواضيعك الجامدة وفى انتظار المزيد منك يا غالى واسف مرة تانية على التأخير ارضى بما اعطاه الله لك تكن اغنى الناس وارضى لنفسك التواضع تكن اعز الناس رابط هذا التعليق شارك More sharing options...
!! Vampire !! قام بنشر January 10, 2011 الكاتب Share قام بنشر January 10, 2011 نورتونى بآراكم الجميله ومعاك يا رونى ان الاعلام بتاعنا هو السبب فى الى وصلناله من تعصب اعمى خاصة البرامج زى اهلاوى وزمالكاوى واسماعيلاوى بحس ان الغرض منها هو الشتيمه فى الفرق المنافسه مش اكتر وبالنسبه ليك يا بندق انا ليا بس تعقيب عليك .. من ردك حسيت انك مؤمن بردو بنظرية المؤامره الى اغلب الزمالكويه عايشين فيها انا معاك ان الاهلى بيفاوض لعيبه كتير وبيستغل الثغرات الى موجوده فى عقودهم بس دا نظام احتراف وماشى على الكل وممكن الزمالك او نادى غيره يستفيد منه وهضربلك امثله صغيره شريف اشرف مهاجم فريق الشباب فى الاهلى .. الزمالك اخده واستغل ثغره موجوده فى عقده حسين ياسر المحمدى .. الزمالك بردو استغل ثغره موجوده فى عقده ودفع الشرط الجزائى واتعاقد معاه صدقنى يا صحبى سبب فشل الزمالك حاجات كتييييير اوى غير النادى الاهلى لو الاداره البيضاء فكروا فيها ولقوا حلول ليها هتلاقى الزمالك دا حاجه تانيه وبالنسبة لشعار الاهلى فوق الجميع فالمقصود بيه ان النادى الاهلى فوق كل الاهلويه ومصالحهم وصاجب الشعار دا المرحوم المايسترو صالح سليم والى كان عندة مصلحة النادى الاهلى فوق مصالحه هو شخصيا من رأيي انا شايف ان مشكلة الزمالكويه انهم بيفكروا وبيتابعوا النادى الاهلى اكتر ما بيتابعوا فريقهم Game Over Mubarak Democracy Now رابط هذا التعليق شارك More sharing options...
Recommended Posts