the_night_light قام بنشر February 24, 2006 Share قام بنشر February 24, 2006 صباح الخير صباح الخير علي الورد اللي فتح في جناين مصر صباح العندليب يشدي بألحان السبوع يا مصر صباح الدايه واللفه ورش الملح في الزفه صباح يطلع بأعلامنا من القلعه لباب النصر سلامتك يامه يا مهره يا حباله يا ولاده يا ست الكل يا طاهره سلامتك من آلام الحيض من الحرمان من القهره سلامة نهدك المرضع سلامة بطنك الخضرا هناكي وفرحة الوالدة تضمي الولد يا والده يصونهم لك ويحميهم يكترهم يخليهم يجمع شملهم بيكي يتمم فرحتك بيهم صباح الخير علي ولادك صباح الياسمين والفل تعيشي ويفنوا حسادك ويسقوهم كاسات الذل وبلغ يا سمير غطاس يا ضيف المعتقل سنوي بصوتك دا اللي كله نحاس صباح الخير على الثانوي وأهلا بيكو في القلعه وباللي في الطريق جايين ما دامت مصر ولاده وفيها الطلق والعاده حتفضل شمسها طالعه برغم القلعه والزنازين رابط هذا التعليق شارك More sharing options...
! Sweet Girl قام بنشر February 24, 2006 Share قام بنشر February 24, 2006 السلام عليكم مرسى ليك يانايت بجد تسلم ايدك وهو فى احلى من مصر ام الدنيا بنحبك يامصر مهما حصل وكان رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان