! Sweet Girl قام بنشر February 11, 2006 Share قام بنشر February 11, 2006 عجبى عليك يازمن مالكش عزيز ولا غالى كيف شفت قلبى والنبى يا طبيب هَمَد ومات والا سامع له دبيب قاللى لقيته مختنق بالدموع ومالوش دوا غير لمسه من إيد حبيب عجبى دخل الربيع يضحك لقانى حزين نده الربيع على إسمى لم قلت مين حط الربيع أزهاره جنبى وراح وإيش تعمل الأزهار للمَيتين عجبى الدنيا من غير الربيع ميّته ورقة شجر ضعفانة ومفتته - لأ يا جدع غلطان تأمّل وشوف زهر الشتا طالع فى عز الشتا عجبى غمض عينيك وارقص بخفة ودلع الدنيا هى الشابّة وانت الجدع تشوف رشاقة خطوتك تعبدك لكن انت لو بصيت لرجليك .. تقع عجبى علم الَلَوع أضخم كتاب فى الأرض يس اللى يغلط فيه يجيبه الأرض أما الصراحة فأمرها ساهل لكن لا تجلب مال ولاتصون عرض عجبى ورد ف ورق سلوفان يا حلوة اهديلك ؟ والاّ انقله بالطين فى شتلة واجيلك ؟ الأولانى لــو وحـــا بحنـانـى عجبى على التانى بإيه يوحيلك ؟ عجبى نظرت فى الملكوت كتير وانشغلت وبكل كلمة ( ليه ؟) و ( عشانيه ) سألت اسأل سؤال ... الرد يرجع سؤال واخرج وحيرتى أشد مما دخلت عجبى لا تجبر الإنسان ولا تخيّره يكفيه ما فيه من عقل بيحيَّره اللى النهارده بيطلبه ويشتهيه هو اللى بكره ح يشتهى يغيّره عجبى قالوا الشقيق بيمص دم الشقيق والناس ما هيَّاش ناس بحق وحقيق قلبى رميته وجبت غيره حجر داب الحجر .. ورجعت قلبى رقيق عجبى ليه يا حبيبتى ما بيننا دايماً سفر ده البعد ذنب كبير لا يغتفر ليه يا حبيبتى ما بيننا دايماً بحور أعدى بحر ألاقى غيره اتحفر عجبى الفيلسوف قاعد يفكر سِيبوه لا تعملوه سلطان ولا تصلبوه ما تعرفوش إن الفلاسفة ياهوه اللى يقولوه بيرجعوا يكدّبوه ؟ عجبى أهوى الهوى وهمس الهوى فى العيون وبسمة المغرم . ودمعة الحنون وزلزلات الحب نهـد الصبـا أكون أنا المحبوب . أو لا أكون عجبى بين موت وموت ... بين النيران والنيران ع الحبل ماشيين الشجاع والجبان عجبى عَلادى حياة .. وياللعجب إزاى أنا ـ يا تخين ـ بقيت بهلوان عجبى السم لو كان فى الدوا .. منين يضر ؟ والموت .. ولو لعدونا .. منين يُسرّ ؟ حُط القلم فى الحبر واكتب كمان .. والعبد للشهوات .. منين هو حُرّ وعجبى عينى رأَت مولود على كتف أُمه يصرُخ تهنِّن فيه يصرخ تضمُّه يصرخ تقول يا بْنى ما تنطق كلام ده اللى ما يتكلمش يا كتر همُّه عجبى بلياتشو قال إيه بس فايدة فنونى ؟ وتلات وقق مساحيق بيلوّنونى والطبل والمزمامير وكتر الجعير إذا كان جنون زبونى زاد عن جنونى عجبى حتة محارة وجدتها فى يوم لقيةّ قالت لى شوف كيف الطبيعة شقية ؟ نظرت للكهف اللى فيها ولقيت إن الطبيعة كمان .. لا أخلاقية عجبى عيد والعيال اتنططوا ع القبور لعبوا استغماية . ولعبوا بابور وباللونات . ونايلونات شفتسى والحزن ح يروح فين جنب السرور عجبى قالوا السياسة مهلكة بشكل عام وبحورها يا بنى خشنة مش ريش نعام غوص فيها تلقى الغرقانين كلهم شايلين غنايم . والخفيف اللى عام عجبى قطى العزيز راقد على الكنبات فى نوم لذيذ .. وبيلحس الشنبات وانا كلّ عين فنجان مدلدق قلق صدق اللى قال إن الحياة منابات عجبى ولدى إليك بدل البالون ميت بالون انفخ وطرقع فيه على كل لون عساك تشوف بعنيك مصير الرجال المنفوخين فى السترة والبنطلون عجبى زحام وأبواق سيارات مزعجة إللى يطول له رصيف .. يبقى نجا لو كنت جنبى يا حبيبى أنا مش كنت أشوف إن الحياة مُبهجة ؟ عجبى حدوته عن جعران وعن خُنفسه اتقابلوا حَبّوا بعض ساعة مِسَا ولا قالهم حد اختشوا عيب حرام ولا حد قال دى علاقة متدنسة عجبى ياللى انت بيتك قش مفروش بريش تقوى عليه الريح . يصبح مفيش عجبى عليك حواليك مخالب كبار وما لكش غير منقار وقادر تعيش عجبى ولدى نصحتك لما صوت اتَنَبح ما تخافش من جِنِّى ولا من شَبَح وإن هبّ فيك عفريت قتيل إسأَله ما دافعش ليه عن نفسه يوم ما اندبح ؟ عجبى كان فيه زمان سِحليَّة طول فَرْسَخين كهفين عيونها وخَشْمَها بَربخين ماتت .. لكين الرعب لم عمره مات مع إنه فات بدل التاريخ تاريخين عجبى مع إن كل الخلق من أصل طين وكلهـم بينــزلوا مْغَمَّضـيـن بعد الدقايق والشهور والسنين تلاقى ناس أَشرار وناس طيبين عجبى رابط هذا التعليق شارك More sharing options...
anteeme_el7ozn قام بنشر February 22, 2006 Share قام بنشر February 22, 2006 nice words he's anice poemer thak u sweet AhMeD_mAhMoUd رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان