body86love قام بنشر February 4, 2009 قام بنشر February 4, 2009 الجــــــــــزء الســـادس من المسلسل الكوميدى احـــلام سعيد و ماجده *** الحلقة السادسة بسيونى : هشششش إسكتى ياست إنتى.. خلينا نشوف شغلنا هو النصيبه اللى فيها جوزك دى مش شويه وأن مخه يتلغبط من تحت راسك ويستقبل الأرسال التليفزيونى..قوم يا سعيد ماجده : إنت تفهمنى براحه كده وبشويش إيه اللى حصله لو مابتعرفش تعالجه قول وريحنى وأنا أخده على كهربائى تليفزيونات فى شارعنا ..هو بيأخر الحاجه عنده شويه وبيسرق منها قطع غيارها الأصليه بس فى الآخر بتتصلح ...أن شالله يقعد عنده شهرين تلاته ويسرق القولون بتاعه المهم فى الآخر حيبقا كويس بسيونى : ياسلام عليكى يامدام الطب النفسى إتقدم كتير قووى ولو فشلنا فيه ممكن نسفره كوريا أو اليابان عندهم حالات كتير مشابهه لحالة سعيد غير القطع الغيار الأوريجينال إطمنى يامدام وإستريحى ماجده : إنت لازم تفهمنى المرض ده جاله من أيه وهو معدى ولا مش معدى بسيونى ينجعص فى مكتبه : شوفى يامدام مرض جوزك ده مرض نادر بيصيب 10 فى كل مليون وده يرجع للحرمان العاطفى والقلق النفسى ماجده : عندك إعمل ستوب.. حرمان عاطفى إيه وقلق نفسى إيه ..(ثم توجه كلامها لسعيد المنكمش فى الكرسى) ..أنا مقصره معاك فى حاجه يا سعيد سعيد يهز رأسه بالموافقه ويرفع الأبهام عاليا ..إنتى كده زى الفل كمل يادكتور أما أشوف نهايتك إيه إنت والتليفزيون اللى قاعد قدامى يكمل بسيونى : لو سمحتى يامدام ما تقاطعنيش أنا مش فاضى ورايا أجهزه قصدى عيانين قاعدين بره ماجده : أتلهى دى العياده بتنش كمل وبلاش لاماضه وإلا حطير مناخيرك والله؟؟ بسيونى يتحسس مناخيره: نتيجة هذا الحرمان حدث عنده إنبعاج شريانى فى المخيخ أدى إلى تحوصل متعدد بكومبنيشن المخ وإنحوار فى ملفات الدماغ وسكسكه متقطعه لعمود الكامات وإنزواء فى ليفة المخ المبطنه لفروة الراس أدى إلى تأخير فى الشراره وأستقبال ترددات عاليه لموجات الديش ولاسلكى الأمن المركزى ماجده :عليا النعمه ما فاهمه حاجه إنت دكتور ولا ميكانيكى ولا سباك الله يخرب بيتك لعبكت دماغ الراجل إن ما أشتكيتك فى النقابه ودفعتك دم قلبك وطالبت بتعويض يقطم وسطك بسيونى : تعويض ههههه ده بكتيره ياخدوه منك ويدولك مكانه رسيفر صينى أو مروحه ماجده : قوم يا سعيد قبل ما خلص على ابن المجنونه ده بسيونى : شرفتى يامدام ولو أحتجتى أى حاجه فى فترة الصبح أبقى عدى عليا فى المحل فى العتبه يمكن نقدر نظبطهولك ويجيب الأيه أر تى والشوتايم ماجده تسحب بسيونى من الكرافته وترقعه بالروسيه فيقع على كرسى المكتب وهو يضحك قبل أن يغمى عليه : كده أنا شايف 16 قمر والنجوم خخخخخخخخخخ نراكم مع الجزء السابع مـــع أرق تحيـــاتي body86love رمضان كريم كل عام وأنتم بخير
hazem88love قام بنشر February 4, 2009 قام بنشر February 4, 2009 تسلم ايدك يا بودى ومستنين ال باقى قريب يا رب شكرا على مجهودك الرئع بودى :Mazakonia (92):
BOSYLOVE قام بنشر February 4, 2009 قام بنشر February 4, 2009 تسلم ايدك يابودى كل حلقة اجمل من اللى قبليها فى انتظار المزيد :Mazakonia (92):
el 3omda قام بنشر February 4, 2009 قام بنشر February 4, 2009 تسلم ايدك ياواد جلقات زى الفل وفى انتظار المزيد
hazem88love قام بنشر February 8, 2009 قام بنشر February 8, 2009 يا بودى يا رب ما تتاخر وحشتنا وعوزين الجزء السابع بقى وحشتان كتير
Sir Mody قام بنشر July 29, 2009 قام بنشر July 29, 2009 teslm ya man بسرح بخيالى وبروح لبعيد والقانى فى حضنك طول لياليا بسهر لعينك وبطول بعينيا القمر العالى .. يا حبيبى هواك بقى بالنسبالى بجد حياة ρяόùđ тό вε εģчρţίόη Echo Of Love !! .. MoOoDy
Recommended Posts