Princess Of Sensation قام بنشر September 28, 2007 Share قام بنشر September 28, 2007 الشاعر/ عبد الوهاب محمد ------------------------ الدنيا بتضحك ليا الدنيا بتضحك ليا ومرح الدنيا بيلعب بيا من يوم ما عينيك بصولي بنظرة جديدة عليا وأما اتبسمت .. وجيت سلمت .. ولا اتكلمت الهنا وقفني مكاني ودمع الفرح رقص في عينيا حسيت إني لقيت روحي ولقيت قلبي معاك على طول وعشان اللقا كان صدفة أنا تفكيري حصل له ذهول ولقيتني في جو سعادة وفرحة ونشوة كأني بطير إكمني لأول مرة بحس إن أنا بحلم وبنول يا حبيبي حاقوللك إيه والاّ أعيد إيه هو ده معقول ؟ هو اللي سعيد بيفكر والاّ بيعرف حتى يقول ؟ إحساسي بحبك أكبر من اللي في كل قلوب الناس إحساس عمره مايتقال إنما يتحس معاك على طول ------------------------ انت تحير انت تحير وأنا ماقدرش أفضل أعيش في هواك بتحير انت انت انت .. تحير لو بالحب ماتتغيرش عمرك أبداً ما حتتغير انت انت انت .. تحير خوفي إن ماتغيرتش عمر هوانا حيبقى قصير وانت انت انت .. تحير كنت أشوف الناس أستغرب ع اللي يسلم روحه لقلب وأما هويتك عشت أجرب كل عذاب الناس في الحب وأنا مش بكتم زي زمان .. بس إن جيت للحق كمان انت تحير انت تحير وأنا بهوايا كنت بقول حنعدي الصعب أتاريك عندي حتى معايا أقول الشرق تقول الغرب وأنا مش بكتم زي زمان .. بس إن جيت للحق كمان انت تحير ------------------------ يا زمان يا زمان .. فين حبيبي بتاع زمان اللي حبه عندي هان يا زمان ياللي انت ماشي في إتجاه مالوش رجوع قلبي زيك في إتجاهه للي طفاله الشموع بس فاتلي نار عجيبة مش بتطفيها الدموع أشكي منه والاّ مني ؟ أشكي مني والاّ منه ؟ والاّ منك يا زمان يا زمان يا منسي غيري ليه مانستنيش هواه ليه مخليني أما أصادف حب غيره أقولله لا يا زمان مالكش غالي .. إيه مخبي تاني إيه ؟ ليه مخليني بحناني أبكي منه وأخاف عليه ------------------------ خليك جد خليك جد في حبك ليا .. خليك جد ماتوزعش عواطفك بيني ومابين حد ماتخليش الهوا يرتد .. واللي بنيته معاك يتهد أيوة أيوة خليك جد حدد كده قلبك مع مين أنا والاّ الناس التانيين كن يا حبيبي صريح مع قلبي لآخر حد وماتتركش سؤالي في بالي من غير رد اسمع صوت قلبي اللي شاريك أنا ماقبلش في حبي شريك زي انت ماتقبلش في حبي يشاركك حد لازم للحيرة اللي أنا فيها توضع حد ------------------------ انت مسافر انت مسافر والاّ مهاجر والاّ معاشر ناس تانيين عايش لينا وفي ليالينا والاّ ناسينا مش عارفين إنما حبك مالي قلوبنا .. بعد سنين لسه مدوبنا شوق وحنين ولا عارفين ولا راسيين انت مسافر والاّ مهاجر قد غيابك حبك باقي وكأنه أقوى من الأيام لا بيتغير مهما نلاقي ألف بديل شاريينّا تمام شفت ازاي بنصون العشرة .. ونعيش بس يادوب ع الذكرى رغم إن انت في توهة سايبنا .. حتى مانعرفلك عناوين اشتاقنالك شوق خلاّنا نحلم بيك والدنيا نهار وبنتصور في اللي معانا صورتك انت ونبقى في نار شفت ازاي بنصون العشرة .. ونعيش بس يادوب ع الذكرى رغم إن انت في توهة سايبنا .. حتى مانعرفلك عناوين ------------------------ مش بالبساطة مش بالبساطة دي .. حتعوض حب قلبي ولو تحب مية .. أتحدى تنسى حبي قصتنا العاطفية شكلاً تبان عادية بس الحقيقة هي مش بالبساطة دي لما تروح لغيري حتروحله ذكرياتك جوه نفسك وذاتك ماتتغيرش مهما تغير حياتك وهي دي القضية جرب تعيش لغيري والاّ اعمل مابدالك واللي يخطر في بالك ماتتصورش انك حتنول اللي في خيالك وتنسى ذكرى ليا رابط هذا التعليق شارك More sharing options...
Nanossa قام بنشر September 29, 2007 Share قام بنشر September 29, 2007 thanks tslam edeky ya sokar رابط هذا التعليق شارك More sharing options...
Admin Yogioh قام بنشر October 22, 2007 Admin Share قام بنشر October 22, 2007 Thank's I Believe In My Power رابط هذا التعليق شارك More sharing options...
Princess Of Sensation قام بنشر October 30, 2007 الكاتب Share قام بنشر October 30, 2007 thx alot all urw nanosty and yogioh رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان