(*§ اللحـظة الأخــيـرة §*)

[ThE.jAgUaR]

~*¤®§(*§ اللحـظة الأخــيـرة §*)§®¤*~

 

كانت اللحظة الأخيرة .. وسكنت فيني العواصف ..

كنت أحس الدنيا صفرا .. تنتحر فيها العواطف ..

يعني راحل ..؟؟

كان سؤال رحيلك يحتويني .. يرتمي داخل دموعي ..

يعني راحل ..؟؟

عن حياتي ..

عن عيوني وذكرياتي ..

وتارك احساسي وحيد ..

بين هم وبين دمعة .. وبين صورة وألف شمعة ..

تحترق فيني حبيبي .. وأحترق فيها أكيد ..

كانت اللحظة الأخيرة .. وكنت أحس العتمة كون ..

وغرقت في العتمة ديرة ..

وفي الصدر أنهار دمع .. متشعبة حيل وكثيرة ..

وينها كلمة أحـــبـــك ..؟؟

وين عهدك ..؟؟ دايما ً راح أبقى قربك ..

بعد تذكر وإلا ناسي ..؟؟

لا تعيشني في متاهات ومآسي ..

كل ما الماضي طرا لي ..

انتشى سرب الحمام .. وفي شفاهي تذبل أزهار الكلام ..

لو أقول إني أحبك وش يفيد .. وإنت راحل ..؟؟

من حكى للورد سيرة .. عن صباحات اللقا ..

وإلا عن طير يغني في السما ..

وكل ما رددت أحبك .. فك من شعري ضفيرة ..

وكنت أشوف هالكلمة أسطورة .. وأنا فيها أميرة ..

وما دريت إنها قصة قصيرة ..

كنت أشوف بقربك الأحلام تحلم ..

وكانت الدنيا بعيني واجد أجمل ..

كم سوالف عشق فيني حكت ..

وبعدك أنت ..

ذكرياتي كلها صارت حطام ..

كانت اللحظة الأخيرة .. وضاقت الدنيا الكبيرة ..

وانتهينا بس بقت في الصدر جملة ..

كانت الجملة الأخيرة ..

ليت لما قلت راحل ..

صرت أنا طفلة صغيرة ما تعرف الحب كـلـه ..

[الروش]

thanxx

[ThE.jAgUaR]

العفو يا جميل