nor_el3omr قام بنشر June 24, 2007 Share قام بنشر June 24, 2007 كان في في يوم ورده============ كان ياما كان...في يوم من الايام ...كان في بذره لورده...ورده بلدي كانت البذره موجوده جوا بستان جميل كله ورد بلدي اصيل...ولعطره وجماله القلب يميل البذره رغم كل الجمال والحب اللي حواليها الا انه ماكانش بيأثر فيها لانها وحيده وميته في الاساس...لسه مابقتش ورده او ليها احساس نهاية الكلام ... ماكانش فارق معاها حكايات الحب والغرام وفي يوم وليله صحيت البذره لقيت نفسها جوا صحرا....صحراااا كبيييره..!!! زعلت شويه البذره....وبعدين قالت ... ايه يعني صحرا كبييره....!!! مانا كده كده ميته...يبقي ليه الزعل والحيره....!!! يوم والتاني عدوا عليها... وافتكرت خلاص ان الامل مابقاش ليها ... وان الموت خلاص بقي مصيرها اللي اتحكم بيه عليها وبدون ماتتوقع البذره ... ربنا بعتلها اللي يحييها لقيت البذره...ان في بحيره صغيره طلعت جمبيها استعجبت البذره....وقالت ... ازاي في ممكن ميه تعيش وتطلع هناا... دي حاجه صحيح مش ممكنه... ردت البحيره وقالت...انا قدرك يا بذره... ربنا بعتني بس ليكي... عشان من الموت والوحده احميكي... فرحت اوي البذره ماهي لقت خلاص الميه..اللي هاتخلليها كلها خضره وبارادة ربنا ...نبتت البذره.... وخلاص البذره مابقتش بذره... بقت ورده...ورده بلدي ...من جمالها القلب همومه ينسي ... حمرا...جميله...ماهي بلدي بقي!!! فضلت الورده عايشه...ايام جمب البحيره... الورده حبت البحيره...والبحيره حبتها الاتنين عايشين اجمل ايام مع بعض عاشقين بعض فضلو فتره كبيره علي الحال ده ايامهم كلها حب في حب كل كلامهم طالع من القلب للقلب حب حقيقي ..حب بصدق وكل ده وسط الصحرااا....سبحان الله...خالق الخلق...!!! ولكن دوام الحال من المحال في يوم من الايام... قامت الورده...وكعادتها...لازم علي البحيره تصبح...وبميتها تتروي وتصحصح لكن المره دي لقيت البحيره...ميتها قلت...قلت شويه عن كل يوم!! سالت الورده البحيره....مااالك يا بحيرتي؟؟؟....ايه حصلك؟؟؟ ترد البحيره وتقول...مفيش يا ورده...انا زي مانا تقول الورده ..ازاي بس...انا حاسه بيكي ... انتي اتغيرتي...وفي ميتك قللتي ترد برده وتقول...انا زي مانا يا ورده!!! من هنا ...زاد في قلب الورده خوفها...وحست ان البحيره غيرت معاها اسلوبها اخفت الورده احساسها ده جوا قلبها وكل يوم تصحي برده ووعليها تصبح وتقولها.... ازيك يا بحيرتي...!!! والورده احساسها في قلبها يزيد...وبقي خوفها وقلقها...شئ اكيييد ماهي شايفه كل يوم تقل البحيره شويه ومابقتش زي ماهي بتقول ... "لسه زي ماهي" صممت الورده تسال البحيره وتعرف ايه السبب...وفعلا راحت وسألت ردت البحيره...وقالت معلش بقي.. انا والله بحبك اوي يا ورده...وشعوري واحساسي بيكي لسه زي ما هو لسه بس الظروف بقي..مانتي عارفه يا ورده الشمس عليا حاميه..والصحرا كمان حواليا قاسيه وعشان كده الميه فيا لازم هاتقل شويه شويه بس اطمني يا ورده نصيبك مني محفوظ عندي....مش هاسيبك في يوم تموتي في بعدي هزت الورده راسها وقالت..ربنا يخللييكي ليا يا بحيرتي وانا برده مش هاسيبك في يوم تنشفي...وهاضلل عليكي بورقي كله ولا في يوم تتجففي وانتهي الحوار بينهم المره دي وفعلا كل يوم تقوم الورده وتصحي تضلل علي بحيرتها وتحميها ومن حر الشمس تخبيها لكن كل يوم الورده تزعل اكتر واكتر تعمل ايه بس...ماهي شايفه رغم كل ده... بحيرتها اللي هي حياتها كل يوم بتقل وشويه شويه نصيبها من الميه يبقي اقل قلقت تاني الورده...حست باحساس غريب من البحيره...سالتها تاني ماااااااااالك يا بحيرتي؟؟؟ ردت وقالت.... ماتخافيش يا ورده....ماتخافيش حبك في قلبي اكيد هايعيش...ونصيبك من ميتي اكيد ما هاينتهيش... ماتخافيش سكتت الورده ...ومفيش كلمه بيها نطقت...ولا رد فعل حتي عملت بس قالت في نفسها "مش هاسيبك برده يا بحيره....انتي كل حياتي لو سيبتيني اكيد هموت اكييييد!!!" عدت الايام...وللاسف..لسه البحيره بتقل اتنرفزت الورده....ماهي مش تشوف حياتها بتضيع قدامها وتقف كده ساكته راحت للبحيره وسالتها قوليلي بصراحه يا بحيرتي... انتي صحيح مش عايزاني...وانا بقيت تقيله عليكي ومش طايقاني..؟؟ لو مش عايزاني قولي وانا هاسيبك في الحال وايه يعني اموت بعدك...ماهو الموت علينا حق وفي بعدك مش محال عندي افضل اني اموووت ولا اني اشوف بعد جمال حبنا جمال زعلت البحيره من كلام الورده وقالت.. بقي كده يا ورده وكلامك ده عليا يقسي!!! بس مسير الايام هاتثبتلك حبي ليكي....واني مش بقدر اعيش من غير عينيكي ردت الورده بحزن وقالت.. اما اشوف....الايام بيننا يا بحيرتي....ولو بتحبيني اكيد هاتثبتيلي وتمر الايام... ويحصل عكس اللي وعدت بيه البحيره تمام...!!! البحيره قربت تنشف وتجف... والورده....كل يوم املها وزنه بيخف ويخف وفكرها يدوووور ويلف وتقول.. ليه بتعملي كده يا بحيره!!! والله بحبك من كل قلبي وكنت بحبك ليا طايره ليه كده بس يا بحيره!!! وخلاص خلاص جفت البحيره وفضلت الورده بفكرها حايره...ياتري ليه سابتني البحيره...رغم كل وعودها الورديه ليا!! ودبلت الورده....خلاص دبلت وراسها من الضعف هزلت ونزلت بس فضلت فيها الروح ...لسه مش ماتت الورده لسه عايشه .... علي امل رجوع البحيره....وتوفي بوعودها الهايله مش عايشه خلاص بالميه...الورده لسه حيه.... عايشه علي قطرات ندي باقيه من ذكري البحيره... وفضلت الورده...عايشه علي امل رجوع حبيبتها ... بحيرتها ورجعت تاني لسابق عهدها وحياتها لكن رجعت ورده... عرفت معني الحب...والحيره...والشوق ...وكمان القسوه... مكسبها ان الحب ...لمس قلبها لمسه وغيرها بيتمني انه بس يقرب و يسمع منه همسه وخلاص خلاص رجعت الورده ورده وحيييييييده وسط الصحراا ودي حكاية .... ورده بلـــدي منقول رابط هذا التعليق شارك More sharing options...
BeAuTy AnGel قام بنشر June 25, 2007 Share قام بنشر June 25, 2007 7eKaaaaaaaaaya Tganeeeeeeen Bgd gameeela mooot o mo2sera awy ro3'm Enha 5yaleya Teslam edek ya Nor Bgd Topic Faze3 Bs ana 7sa En Mknha Fel Stories رابط هذا التعليق شارك More sharing options...
nor_el3omr قام بنشر June 25, 2007 الكاتب Share قام بنشر June 25, 2007 3andek 7a2 heya el mafrod teb2a hena thx ya 2amar we nawrty el topic ya 3asla رابط هذا التعليق شارك More sharing options...
!! SiLeNcE !! قام بنشر June 28, 2007 Share قام بنشر June 28, 2007 بجد بجد انا مش عارف اقول إيه قصة مؤثرة قوي فعلا الحب بينهم حاجة جامده وياسلام لو في حد بيحب كده في الحقيقة تسلم إيديكي يا قمر تحفة تحفة رابط هذا التعليق شارك More sharing options...
CRAZY GURL قام بنشر June 28, 2007 Share قام بنشر June 28, 2007 TESLEM ETDIEK YA AMR KASA BAGD GAMADA MOOOOOOOOOOOOOOOOOOOOOOOOOOOT Signature Deleted By Broken_Heart ! رابط هذا التعليق شارك More sharing options...
nor_el3omr قام بنشر July 1, 2007 الكاتب Share قام بنشر July 1, 2007 thx silence 3ala el mror we nawrty el topic ya 2amar رابط هذا التعليق شارك More sharing options...
joliete قام بنشر July 2, 2007 Share قام بنشر July 2, 2007 wooooooooooooow 7elwa awy walahy bas feha shee2 men el 7'ayal ya3ne bas to7fa walahy teslam edek ya 2amar somebody is ME!! رابط هذا التعليق شارك More sharing options...
nor_el3omr قام بنشر July 2, 2007 الكاتب Share قام بنشر July 2, 2007 thx ya 2amar for ur replay رابط هذا التعليق شارك More sharing options...
~MIDOZ~ قام بنشر July 3, 2007 Share قام بنشر July 3, 2007 تسلم ايديك يانور قصة جامدة اوى رابط هذا التعليق شارك More sharing options...
nor_el3omr قام بنشر July 4, 2007 الكاتب Share قام بنشر July 4, 2007 thx for replay رابط هذا التعليق شارك More sharing options...
go3lesa قام بنشر July 9, 2007 Share قام بنشر July 9, 2007 السلام عليكم ورحمه الله وبركاته الله عليكى يا نور قصه بجد روعه واسلوبها جميل اوى ياريت يبقى فى حب كده الايام دى نورتى القسم يا قمر عايزينك علطول معانا يا جميله كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
nor_el3omr قام بنشر July 21, 2007 الكاتب Share قام بنشر July 21, 2007 thx ya 2amar 3ala mrorek we isa hafdal m3ako 3altol we ma3lesh 3ala enqta3y 3an el site fatra bas kant zrof we 3adet رابط هذا التعليق شارك More sharing options...
KinG Music قام بنشر July 21, 2007 Share قام بنشر July 21, 2007 Thnkosa Nice Story رابط هذا التعليق شارك More sharing options...
cutegirl_296 قام بنشر July 21, 2007 Share قام بنشر July 21, 2007 Very Nice Story Thnx Nor 3lomr رابط هذا التعليق شارك More sharing options...
nor_el3omr قام بنشر July 22, 2007 الكاتب Share قام بنشر July 22, 2007 thx medo for replay we merci ya 2amar 3ala mrorek رابط هذا التعليق شارك More sharing options...
Recommended Posts