princess_of_chocolate قام بنشر June 17, 2007 Share قام بنشر June 17, 2007 يمكن اسم الموضوع مش لايق مع القصيدة خالص بس احب برضو اهدى القصيدة دى لية سيادة الرئيس أنا بنت مصرية بيقولوا طيبة وشقية لونى من سماها وذنبى أنى بهواها دايما حلمى فى قلبى ليها ومعاها وبسألك يا مسئول عنى وحاكم عليها بسألك يا أب ليا وابن ليها أنا حلمى صغير ليه أسيت عليه لحق مين تضيعنى وأنا قلت لك يابا لحق مين تدبحنى وتبكى منى الناي والربابا أنت مصري ؟!! عايش فى عصري ؟ أنت قائد قاد البطل والشهيد ؟ أنت ابن مد لامه ساعة الزنقة أيد ؟ تقول ذنبي أنى بستهلك السكر فى الشاي كتير والاقى الأزمة مش فى معلقة ولا أتنين وألاقيها حرب على النيل ..على الميه والهوا وحلمي اللي عشناه أنا وأنت سوا وقلت لى انك ملكتهولى بضربة جوية وعيشتنى فى الشموخ وده بقى حقك فيا دلوقت بتاخده منى لمين ولفين ؟؟؟ وبكام بتبيع كرامة السنين ؟؟ وبكام دم الشهيد ولوعة الأم وحسرة الأرملة والحنين ؟؟ احلم ببكره معاك قولى ازاى ؟؟ وازاى اعشق ترابها وأنا مليانه أنين ؟؟؟ يابا بسألك افقد أسمى وأنساه ولا أبكى عليه ؟؟؟ اعشق رسمى وأملى ولا احلم بيه ؟؟ قالوا لى إن إحنا شعب يكره الموت ويعشق الحياه بصيت حوليا صرخت فى قلبى الآه دورت على لحن قلبى لقيت الأسى والحزن ملاه صدام وقلنا غلطه وغباء إنسان فى زمن الخيانة والهوان عينى جت على سوريا وخفت على لبنان ودمعة بغداد على الخد سايله.. لهفة قلبى عليك يا سودان حتقولى مصر مالهاش عدو واتفاقية وسلام وأمان حقولك المشكلة عندهم مش حرية وحقوق إنسان الهدف البترول وأنت عارف وعدوهم الحقيقى إحنا والإسلام باقولك إيه بلاش تخاف عليا خاف على جمال من المسئولية بتورثه ليه ؟؟بتورثه إيه ؟؟ دى كلها منهية لغيت كلمتى وصوتى وبتقول وهبتها الحرية كنت مستحمله تسرقوا لقمتى وخروجى فقيرة من بلدي والغربة فى بلاد الناس واللى يسوى واللى ما يسواش وقلت أبويا بيحمى حدودى ووجودى ويحمى أرضى وعرضى واهو برضه ليا بيت ارجع واحتمى فيه وسقف أحس بالأمان تحتيه لقيتنى غريبة حتى فى بيتى اللي ما بقاش بيتى وقالوا بعتيه !!!! أنا بسألك لو جه العدو وإحنا حاسين بالغربة فيه ؟؟؟ لو جه العدو والأرض غريبة عننا من غضبها مننا نكون صفوفك ازاى وأنت اللي بعتها وبعتنا ؟؟؟ جاوبنى يا رئيس المصريين ده حقى فى صوتى بصرخ بيه ولو كان التمن موتى وفى احساسى انك مصرى ومسئول عنى فى عصرى ازاى تكون موجود وأنا بحلم بصلاح الدين ازاى تكون موجود وأنا بابكى على قبر الريس بانين ازاى تكون موجود وأنا بيتخنق جوايا الحنين خصخصتها ما اتكلمناش وقلنا حيعيش ناس ويموت ناس إنما لما تبيعها يبقى مات كل الناس وماعدش فيها ناس رابط هذا التعليق شارك More sharing options...
ThE.jAgUaR قام بنشر June 17, 2007 Share قام بنشر June 17, 2007 ماشي يا ست الاصيلة تسلم ايديكي رابط هذا التعليق شارك More sharing options...
princess_of_chocolate قام بنشر June 17, 2007 الكاتب Share قام بنشر June 17, 2007 يعنى اية اصيلة ل انت فهمت غلط اقرى القصيدة وانت تعرف انا اقصد اية رابط هذا التعليق شارك More sharing options...
Princess Of Sensation قام بنشر June 17, 2007 Share قام بنشر June 17, 2007 مسخره موووت بجد حلوه تسلم ايديك يارودى رابط هذا التعليق شارك More sharing options...
CRAZY GURL قام بنشر July 7, 2007 Share قام بنشر July 7, 2007 تسلم ايديك بجد جامدة مووووووووووووووووووووت Signature Deleted By Broken_Heart ! رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان