salumy قام بنشر May 22, 2007 Share قام بنشر May 22, 2007 عواطف تـايهه يا ولاد الحـــلال ---------- النهارده هحكى لكم عن مدينه .. مدينه كبيره .. المدينه دى فيها كل حاجه جميله اهل المدينه ماكنوش بيبطلوا شغل .. وكانوا عايشين احسن عيشه .. و كان الحب والاحترام بينهم هو اساس التعامل المدينه دى كانت ساكناها عواطــــــــــــــــــــــــــــــف عواطف كانت جميله اوى و طيبه اوى وكانت كل الناس فى المدينه بتحبها كانوا بيشوفوا عواطف فى الصبح وبالليل وفى كل وقت .. كانت مخليه المدينه دى جنه كبيره عواطف كانت السبب فى كل حاجه كويسه بتحصل جوه المدينه دى .. هى اللى بتشجع الناس انهم يعملوا كل حاجه حلوه و فجـــــــــــــــــــــــــــــــــــــــأه فى يوم من الايام ... صحيوا الناس الصبح مالقوش عواطف قلبوا عليها المدينه .. و دوروا عليها فى كل حته مش لاقينها ..الناس حزنت جامد سنين بيدوروا على عواطف وبينادوا عليها .. ومش عرفين لسه هى راحت فين عارفين ايه اللى حصل بعد كده؟ الناس اتغيرت .. بقوا ناس غير الناس بقوا عايشين اسوأ عيشه .. معدل الجريمه زاد .. الناس بطلت شغل .. الاراده عندهم ماتت و الرغبه فى الحياه عند بعض الناس انعدمت مشاعر الناس اتغيرت ومابقتش حقيقيه .. القدره على الفعل عندهم مابقتش موجوده حاجه واحده بس اللى فضلت زى ما هى ماتغيرتش .. الاكل والشرب و الاستهلاك كل حاجه اتحولت فى المدينه لمسخ .. الحقيقه فى حياتهم بقت قليله شكلهم اتغير ... الاحترام بينهم مات .. بيضحكوا .. بس على اى حاجه وكل حاجه لدرجة انهم نسيوا هم مين .. و كانوا عايشين ازاى .. و ابتدوا كمان يضحكوا على نفسهم و نسيوا كمان عـــواطــــــــف عدم وجود عواطف فى وسطيهم سببلهم احباط طب يا ترى عواطف راحت فين ؟ مين اللى خطفها؟ .. مين اللى عايز حال المدينه دى يوصل لكده يا ترى ده مقصود ؟ .. فكر فيها واعقلها وبص حواليك و انت تعرف مين خطف عواطف و بيحاول يموتها جوا اهل المدينه كل يوم واهل المدينه غلابه .. مش واخدين بالهم لازم عواطف ترجع تانى .. لازم نفتكرها كويس ونعرفها زى زمان لازم نقف ضد حالة الاحباط دى .. لان الاحباط مرض .. وبيتحول لوباء مع الوقت نصحتى لاهل المدينه .. دوروا على عواطف جواكم احنا عايزين جيل بيحس .. جيل يعرف ازاى يحب جيل عارف هو عايز ايه دى قضيه و مستخبيه رابط هذا التعليق شارك More sharing options...
go3lesa قام بنشر June 3, 2007 Share قام بنشر June 3, 2007 السلام عليكم ورحمه الله وبركاته تسلم ايدك يا سلمى وبالنسبه لعواطف وراحت فين هى موجوده بس احنا بنحاول نموتها فينا بنكتم صوتها عشان متغلبناش ونبقى ضعفاء الحياه بقت صعبه وعشان متدوسناش لازم نبقى متبلدين عشان منحنش لاى حد ولا نحب حد ونخاف عليه ونساعده ويكبر ويبقى جمبنا واحنا اللى مساعدينه اكيد اكيد ده مش رأيى بس انا برد على سؤالك لان عواطف موجوده عندى الحمدلله وكل واحد فينا هو اللى بيتحكم فى وجودها او لا شكرا ليكى ونورتى القسم يا قمر :Mazakonia (92): كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
Recommended Posts