go3lesa قام بنشر April 26, 2007 Share قام بنشر April 26, 2007 طلقها يا كريم روان وكريم زوجان منذ سنتين تقريباً كان الزواج كما يقولون تقليدياً وتم بسرعة روان ابنة لأحد الناشطين فى مجال الدعوة إلى الله توفي منذ 5سنوات ووالدتها متوفية قبله ب7 سنوات تربت فى بيت خالها والذي أحسن تربيتها حتى أتمت تعليمها الجامعي كريم ابن وحيد لأسرة ميسورة الحال التزم حديثاً على يد خال روان ووجد فى هذا البيت المسلم زوجة تعينه على إكمال طريق إلتزامه روان وكريم من أوساط اجتماعية مختلفة حيث كريم ينتمي إلى ما يطلق عليه الطبقة الراقية والده فى السلك الدبلوماسي بينما روان تنتمي إلى الطبقة المتوسطة والتى أفرزها الهرم المقلوب الأهل المستورون ذوو التعليم العالي من جذور ريفية لهذه المقدمة هدف ستعرفونه بعدين رزق كريم وروان بتوأم بعد الزواج بعام تقريباً وبالطبع اتلخمت روان لخمة مايعلم بها إلا الله وفى صباح أحد الأيام حدث التالي استيقظ كريم متعجلاً للذهاب لعمله بينما روان محتاسة مع التوأم سهرانة بهم طول الليل حيث كانت حرارتهما مرتفعة نتيجة للتطعيم ياروااااااااان فين فردة الشراب البني متطبقة معاها ياحياتي لأ الفردة البني معاها فردة كحلي إنت عندك عمى ألوان جرت روان إلى البلكونة أهي الفردة البنى آسفة يا روحي إتلخبطت ناولته القميص بينما علا صراخ أحد الرضيعين روحى سكتي السارينة دي حاضر ياعيوني عاوز حاجة تاني لأ فجأة علا كلامه بزعيق وشخط عيشة هباب عيشة تقرف عمرك ما هتعرفي تبقى ست ولا تبقي أم أنا مش عارف إيه الجوازة المهببة دي كلهم نصحوني مش هتنفعك يابنى لكن الله يسامحه خالك قرطسنيأتت روان مسرعة تبتلع دموعها فيه إيه بس لازمته إيه الكلام ده لازمته إن مافيش قميص زرايره كاملة ياست هانم بصي كده في المراية ده منظر ست الواحد يصطبح بيه على الصبح والله لو خدامه هيبقى شكلها أحسن من كده إنتى آخرك زريبة تحلبي فيها كل هذا وروان مصدومة مما تسمع ولا تمتلك غير الدموع نزل كريم رازعاً الباب بعد أن أمطرها بكل ما تفتقت عنه قريحته الجاهلية عن الفلاحين والأصل الواطي وخلافه مما لا يمكن ذكره وصل كريم لعمله يبدو عليه علامات العصبية والقرف معه فى المكتب 4 مهندسين غيره بعضهم أكبر منه سناً وبعضهم من سنه سامي :فيه إيه بس ياكريم مالك مافيش مشاكل بس فى البيت عيشة بقت تطهق الواحد ولا كأنه متجوز الهانم مع العيال طول الليل والنهار وأنا هلب يور سلف يعنى قلتها أحسن سامى: ماهو طبيعي إنها تحتاس مع التوأم ده أنا يادوب عيل واحد وساكن فى نفس العمارة مع حماتي اللي علطول شايلة عننا الولد ومع ذلك مراتى محتاسة برضو فمابالك مراتك برضو مافيش حد بيساعدها الله يكون فى عونها لم يعلق كريم ولكنه هدأ قليلاً أومال فين باسم بقاله كام يوم مش باين (باسم زميل دراسة لكريم ووالده زميل والد كريم ولكنهما مختلفان فى الالتزام بالدين فباسم متحرر قليلا ) سامي :باسم ياسيدي محتاس حوسة مالهاش حل ليه سامي :مراته سابت البيت وطفشت بقالها أسبوع ليه بس سامي :أبدا عملت شوبنج ب5000 جنيه بالكارت بتاعه وهو من غير رصيد ولما رفض يسددهم وقال لها ترجعهم قامت اختفت لا هي في بيت أهلها ولا يعرف لها طريق وسابت الولد الصغير الرضيع فى البيت لوحده واضطر ياخد عارضة ويقعد بيه وبعد 3 أيام إتصلت بأهلها قالت لهم إنها في الساحل الشمالي مع صاحباتها بتريح أعصابها ياسلام وهو سكت على كده سامي :ما هي دي مش أول مرة يعني إيه دي بهدلة سامي :آه طبعا بهدلة كل ماتعمل عملة منيلة يإما يبلعها ويسكت ياإما تطفش وتسيب له الولد دي آخرة الجري وراء ملكات الجمال راح إتجوز ملكة جمال النادي أم إستريتش وشورت لادين ولا حتى دنيا يشرب بقى تكلم هشام والذى كان صامتا طول الوقت موجها كلامه لكريم هشام :عشان تحمد ربنا على النعمة اللي إنت فيها نعمة إيه بس تعددت الأسباب والنكد واحد هشام :لأطبعا إنت فى نعمة مراتك دى جوهرة بس إنت اللي مش مقدر قيمتها جوهرة إيه بس دى مقلب كبير انبهرت بس بالتدين والعيلة المتدينة بس فى التنفيذ ولا حاجة هو الدين صلاة وصوم وحجاب وبس فين حقوق الزوج وبعدين أنا حاسس إن إختلاف المستوى الاجتماعي عامل حاجز بينناتكلم هشام بحدة لم يعتدها كريم هشام :مستوى إجتماعى إيه اللي بتتكلم عنه مشكلتك إنك مش عارف مراتك كويس أبوها الأستاذ عابد من خيرة الناس كان أستاذنا كلنا حارب مع الإخوان فى فلسطين سنة 48 وإعتقل ليلة عقد زواجه وصبرت زوجته ووقفت جنبه لغاية ماخرج من المعتقل سنة 72 خرج وعمره قرب ال 50 سنة وزوجته قربت سن اليأس مافكرش يتجوز عليها وصبرو وإعتبر كل تلامذته أبناؤه يوم ماحد فينا بيركع ركعة بيفتكره هو اللى علمنا ويوم مارزق بروان كنا كلنا فرحانين لفرحته اتربت فى وسطنا نفرح بيها وهى واقفة تصلى معانا وهى بتسمع كتاب الله أمها ست أصيلة ولا كل الستات –هو ده الأصل والمستوى الإجتماعي الحقيقي مش الشوكة والسكينة والنادي واللبس واللغات بدأ كريم يغار من كلام هشام عن زوجته بالراحة عليا ما أنا عارف كل ده بس برضو هشام :مافيش بس زوجتك دي كلنا كنا بنبصلها على إنها أخت لينا ومن بعد وفاة والدها وأمها وأى واحد فينا يتمناها زوجة كأنها نجمة عالية فى السماء ولولا فارق السن بينها وبين تلامذة أبوها لكانت اتجوزت اللي يقدرها ويعرف قيمتها خلاص ياسيدي عرفت غلطي ناقص تعلق لى المشنقة هشام :أنا آسف ياكريم بس بأزعل لما أسمع على لسانك كلام فيه جاهلية زى اللى بتقوله إوعى تكون قلتلها الكلام ده بتأثر آه والله قلته وأكتر منه كمان هشام :يانهار مش فايت حرام عليك طيب البنية دلوقتي زمانها شكلها إيه ليه كده بس سامى :مافيش مشكله هتسيبلك البيت وتمشى بسيطة هشام :لا طبعا روان عاقلة وبتخاف ربنا عمرها ماتعمل كده كريم بغيرة ومالك متأكد كده هي وكلتك محامي عنها هشام :لا بس هي من وهي لسه بنت نصحت أختي لما سابت البيت لجوزها وقالت لها إن اللى تخرج من بيت زوجها من غير رضاه تلعنها الملائكة حتى ترجع ومن ساعتها وهى عمرها ماتسيب البيت بس بتغير كالون الباب وتمنعه من الدخول الله ينور المهم نكد والسلام هشام: بص يا كريم صالح مراتك وكفر عن كلامك اللى قلته ده إنت طعنتها وجرحتها خلاص هأصالحها آلو روان أنا عارف إنك زعلانه روان أنا هآخد إذن بدري من الشغل وهأجيب معايا غدا من بره ماتطبخيش بس روقي المسائل كده وإستنيني سامى: هيييييييه إيه الأخبار لا تعليق مابتردش يظهر إنى زودتها حبتين سامى: شوف هو النتائج حاجة من تلاتة ياإما هتسيبلك البيت وتمشى وده مستبعد حسب رأى هشام ياإما هتغير كالون الباب وفي الحالة دي روح على بيت أهلك من الآخر كده بكرامتك لا لا روان عاقلة وبعدين أنا صالحتها فى التلفون إيه رأيك بقى إن ربنا هيخلف ظنك وهأروح ألاقيها على سنجة عشرة ونتغدى سوا وكله يبقى أخر تمام عاد كريم وقد شعر بذنبه وإحتار فى كلمات تعبر عن إعتذاره تليق بروان روان الجوهرة التى لم يقدرها ياسلام من هنا ورايح هأتغير وهأشيلها فوق رأسي وفى الطريق أخذ يتذكر الأيام الجميلة قبل ما تتلخم روان بالتوأم ويحلم بحياة مختلفة مع روان وصل كريم لشقته وهو يضع المفتاح فى الباب دق قلبه وهو يتذكر الزوجة اللى غيرت كالون الباب ولكن المفتاح دار وانفتح الباب حالة من الهدوء تخيم على المنزل تكون تركت البيت؟؟؟؟؟ دخل مسرعا هاهي جالسة في سريرها وقد دفنت رأسها فى وسادتها تبكي إستجمع قوته ولملم كلماته سأعتذر ليس عيباً سأقبل يديها ورأسها سأضمها و.......... .قبل أن يصل إليها حدث مالم يتوقعه كريم فى حالة ذهال فقد الذاكره راسه كتلفزيون إنقطع ارساله لماذا ما الذى أوصله لهذه الحالة ----------------------------------------------------------------------------------------------- شعر كريم بظل وراءه ويد توضع على كتفه أهلا إنت هنا ياخالو خال روان سلم عليه وأخذه بحنان مغاضب ودخل معه إلى الصالون فى الصالون وجد 3 أشخاص عم روان بملابسه الريفية الوقورة وجمال أخ لهم فى حلقة القرآن ومن تلامذة والد روان وشخص ثالث يتذكر أنه رآه من قبل ولكن أين لايعرف بدأ خال روان بالكلام كريم إنت عارف إنك أعز عليّ من ولدي عارف يا خال بس فيه إيه :هأسألك بالله عليك تجاوبني بصراحة :إيه الموضوع بس أنا إتحايلت عليك تتجوز روان :لأ أنا طلبتها منك وألحيت فى الطلب كام مرة والدتك أساءت إليها :أطرق كريم خجلا كتير :وكام مرة روان ردت عليها ولا مرة هل منعتك من برها لأ أبداً بالعكس كانت تسابقنى إلى البر بها كام مرة روان رفعت صوتها عليك ولا مرة كام مرة أهانتك إنت أو أهلك ولا مرة كام مرة رجعت مالقيتش غداك جاهز ومتحضر على السفرة بخجل ولا مرة نمت يوم من غير عشاء لأ ماحصلش كام مرة سهرت معاها بعيل من عيالك ولا مرة كام مرة الأطفال صحوك من النوم ولا مرة رحت بيهم معاها للدكتور كام مرة ولا مرة تعرف إيه عنهم عيانين واللا سلام وللا سخنين ماهو أنا مش فاضي ودي مش شغلتي طيب روان قصرت فى إيه علشان تسمعها ماتكره على الصبح مش فاضية لي خالص ولا مهتمة بي الأطفال وبس وهم عيالك واللا عيال الجيران واللا عيالها من واحد غيرك لاسمح الله عيالى بس برضو أنا لي حقوق والمفروض تراعينى صلي على النبي عليه أفضل الصلاة والسلام سيدك النبي عليه الصلاة والسلام مات عن كام زوجة تسعة الله يفتح عليك كان يخصف نعله ويرتق ثوبه وكان فى مهنة أهله ليه نظر كريم فى الأرض خجلا وقال علشان يعلمنا آه يعلمنا إن مافيش حاجة إسمها شغلتي وشغلتها ولما حدث ما تسميه تقصير اعتذرت واللا إتلامضت معاك وسمعتك ماتكره سكت كريم ولم يجد ردا شوف ياكريم يابنى أنا بأقولك الكلام ده علشان لما تتجوز مرة تانية ماتكررش الغلط ده مش فاهم ياخالو أخرج الشخص الثالث دفتر وأدرك ساعتها كريم أين رآه إنه المأذون الذى عقد زواجه فيه إيه فيه إنك كسرت اللي بينك وبين روان وأخرجت مابداخلك من جاهلية مالهاش حل واللى مايصونش النعمة اللى بإيده ربنا يحرمه منها يعنى إيه خلاص - أنا أبوس راسك وراس عمي وأعتذر وخلاص لأ ياكريم إنت هتطلق روان وإحنا يا بني لا بتوع محاكم ولا نتحاكم لقوانين وضعية وإن كان على العيال عاوزهم خدهم عاوزنا نربيهم مش هنغلب بيهم ويا سيدي يا دار ما دخلك شر ما فيش حاجة تجبرك على عشرة الفلاحين ولا الناس البيئة اللى زينا مضي يا كريم طيب سيبولي فرصة أتكلم معاها لأ مش هيحصل الغلط خرج من بينك وبينها الغلط طال العيلة كلها أمسك كريم بالقلم ولم ير شيئا فى الورقة وتحول دماغه إلى تلفزيون انقطع إرساله وهو الآن نزيل العباسية عنبر واحد أول أوضة على الشمال 1- خير متاع الدنيا المرأة الصالحة فإذا أردت أن تثبت على طريق الله فعليك بزوجة تعينك على ذلك وبالنسبة للخيبة المنزلية فهى فى كل هذا الجيل بس المتدينة هتخاف فيك الله على الأقل 2- الموروث الثقافي الجاهلي مازال يسكن فى كثير منا متأصلاً فى نخاشيش الأمخاخ المعوجة فنقيس الناس بمقاييس جاهلية نابعة من أفكار عنصرية كبلد المنشأ ده منوفى وده دمياطى وده فلاح وده صعيدى وده طبقة مش عارف إيه ونتناسى أن أكرمنا عند الله أتقانا 3-الأب الصالح والأم الصالحة يخلف الله بالخير فى أبنائهم بصلاحهم (وكان أبوهما صالحا ) فقد وجدت روان خالها يربيها ويحميها كابنته 4-لا يعرف الإنسان قيمة النعمة التى فى يده إلا بعد أن يوشك أن يفقدها فكريم ولأنه لم يتأخر فى الخلفة لا يشعر بطفليه ولأنه وحيد ومدلل لم يعرف قيمة زوجته 5- ما اجتمع رجل وإمرأة إلا وكان ثالثهما الشيطان -وهنا برضو الشيطان موجود بس بشكل آخر بدل مايغريه بها لأ يوقع بينهما العداوة والبغضاء ويسعى للتفريق بينهما 6- إذا غضب المرء لم يعد هو من يتكلم بل شيطانه فإياكم والغضب وعلينا بكظم الغيظ والعفو والإحسان 7- حكمة جميلة جداً (من أراد الجنة فلا يرى لنفسه حقاً على أحد ) لو عملنا بها فلن ننتظر من الطرف الآخر شيئاً نعرف واجباتنا قبل حقوقنا هنريح ونستريح 8- الكلمة الطيبة صدقة حبيبي- روحي- عيوني- إسم الدلع -كلها كلمات لو سبقت أي مصيبة تعمليها تهون من أثرها 9-جوهر الموضوع والكلام اللى يتوزن بالذهب أي مشكلة تخرج عن نطاق الزوجين تخرب البيت وتحدث شرخا فى بنيانه مالوش حل ونقل الكلام الذى يقوله الزوج عن أهلك هو نميمة ليس إلا واللي بينك وبين زوجك ممكن يتصلح لكن يظل ما وصل إليهم فى حقهم غصة توغر الصدور إلى الأبد 10 – البيت المسلم لا تصل به الأمور إلى التحاكم للقوانين الوضعية ولا للصراخ الذى يصل إلى الجيران ولا المحاضر فى الأقسام وكل واحد منه لله كفاية تكشفي راسك وتدعي دعوة وليه في ساعة مغربية وربنا ياخد لك حقك منه يا حبيبتشي – واتق دعوة المظلوم فإنه ليس بينها وبين الله حجاب ----------------------------------------------------------------------------------------------------- الواجب العملى للزوجة 1- إذا تقدم إليك إثنان واحد بيحبك ويقدرك وهيموت نفسه عشانك وواحد الأمر بالنسبة له سيان زيك زى غيرك ولكنك تميلين إليه أكثر فتزوجى التاني– صبرك عليا بس –ليه –علشان أي واحد بيحبك بعد شهر من الجواز هيكرهك فتبقو إنتو الإتنين بتكرهو بعض تولع الدنيا وماتستحمليش منه كلمة لكن التاني إنت اللي بتحبيه والحب بهدلة هتستحملى منه أكل الزلط وهتعرفي تخليه يحبك والأولاني أهو موجود إستبن يدافع عنك ويعرفه غلطه هذا والله أعلم 2- مهما حصل من زوجك ومهما قال صوتك مايطلعش ولا تردي عليه بكلمة ولا تتحدثي معه وهو غضبان ليس لك إلا كلمة حاضر وآسفة وإبقى حسبني عليه فى سرك 3- خليك لماحة لطلبات زوجك معظم المشاكل تحدث بسبب أنه لا يجدك فى الأوقات اللى بيكون فيها مزاجه عالى وعاوزك رايقة له فإذا لم تفهميه وتحققي له الغرض الأصلي من الزواج وهو الإحصان والإعفاف يتلكك فى أى حاجة فخللي بالك من النقطة دي وما تسيبيش مزاجه يعلى نكدي عليه أول بأول 4- كلنا بنتلخم بعد الخلفة وتأخذنا مشاعر الأمومة بعيدا عن أزواجنا والزوج يشعر بالغيرة والوحدة لا بد من الإهتمام به بزيادة -جوابات- تلفونات- مسجات -ميسدات -أشعريه إنه بيوحشك مسافة مايروح الشغل ويرجع ودعيه وداعاً حاراً واستقبليه استقبالا حارا وفى النص نكدي ما فيش مانع 5- بعضنا يتفانى فى عدم إشعار الزوج بأى مشكلة تخص الأطفال وكأنهم مش عياله لأ ماتبقيش زوجة نقاقة تشغليه فى الهايفة والمليانة دول عيطو دول سكتو ده ماعملهاش بقاله يومين ده مش عارفة إيه وبرضو ماتبقيش شايلة كل حاجة على دماغك بحيث ينتظر منك أكتر مما تتحملين مثلا إديله فكره إنهم مرضى وتحتاجينه معك للذهاب للدكتور سيعتذر بعمله قومى بهذا العمل وحدك بس يعرف إن العيال دي بتعيا وبتروح للدكتور وتحتاج للرعاية 6- مهما فعلت والدة زوجك أو أخته لا تقابلى الإساءة بالإساءة ولا تردى ولا تمنعيه من البر بهم وصلة أرحامه واحتسبي عند الله فإذا الذي بينك وبينه عداوة كأنه ولى حميم 7- التدين ليس صلاة وصوم وحجاب بل تفاني في إسعاد الزوج فحسن تبعلك لزوجك هو مفتاح جنتك 8- الزوجة المسلمة ماتعملش زى الخيط الرفيع وتقطع حاجة الراجل لأن ماله حتى وإن كان هدوم فهو حرام (كل المسلم على المسلم حرام دمه وماله وعرضه ) فلا تقطعيه فى أكياس بلاستيك ولا تقطعى هدومه ولا تسبيه ولو الزوج مش مسلم بوذي مثلا واللا هندوسي خدي راحتك 9- الزوجة الصالحة لا تترك بيت زوجها بدون إذنه وإلا لعنتها الملائكة حتى ترجع ولم أجد نصا صريحا في تغيير كالون الباب 10- الرجل من الصعب جدا عليه أن يقول آسف أو يعتذر فلا تنتظرى ذلك منه فإن غلط فيك وفي أهلك وجدودك فصبرت واحتسبت وقلت له لا يغمض لي جفن حتى ترضى لم يكن لك جزاء عند الله إلا الجنه (اللهم لا تجعلنا مما يقولون مالا يفعلون سامحنى يارب ) 11- إياك ثم إياك والشكوى لأهلك بأقولها تاني هيتخرب البيت وهتندمي وعصفور يا أختي في اليد ولا عشرة على الشجرة حد لاقى عرسان الأيام دي 12- وأخيرا احتسبي طاعتك لزوجك وتربيتك لأولادك فليس لهذا جزاء إلا الجنة وأصلحي ما بينك وبين الله يصلح الله مابينك وبين العباد وإوعي ترضعي عيالك وأنت زعلانه لبنك متعكر يا حبيبتشي ولا تتخانقي معاه قدام العيال مهما كانو صغيرين وإن كان العيال مزعلينه قوليله خلاص هأطخهم ياحبيبي وأفضى لك وأنا ليا مين غيرك ساعتها هو اللى هيطلبلك مستشفى المجانين ------------------------------------------------------------------------------------------ الواجب العملي لأهل الزوج والزوجة 1. إختار لكريمتك من يكرمها ولا يغرك صلاته وصيامه المهم خلقه ومعاملاته لأن بعد الزواج وبين الزوجين وبطول العشرة تتضاءل المفاهيم المكتسبة ويتصرف المرء كما كان يتصرف أهله تماماً وبكل موروثاتهم الثقافية 2. وأنت تودع كريمتك أمانة فى يد زوجها فهمها كويس إنها خرجت ولن تعود إلى بيتك إلا زائرة مش كل حاجة تقول لها بيت أبوك أولى بك وتخرب عليها 3. لا تسمح لابنتك (سواء أب أو أم )أن يكثر من الشكوى ولا تنكشه وكذلك لا تنكشى ابنك كل ما تشوفيه بنت ال ........ عاملة معاك إيه شكلها مبهدلاك مالك ياحبة عيني وشك أصفر ليه طنشوا وإعملوا نفسكم مش واخدين بالكم وسيبوهم يحلو مشاكلكم مع بعض 4. لا تتدخل إلا إذا طلب منك الطرفان التدخل لا تكتفي بطلب طرف واحد 5. لا تسرفوا فى ادعاء المثالية أمام أبنائكم فتخربون عليهم مثلا لاتسرف يا وليّ الزوجة في إدعاء إنك عمرك مازعلت مراتك ولا رفضتلها طلب ولا بخلت عليها بحاجة وتحكي أساطير عن حالات الهيام والغرام اللى كنتم عايشنها فتنتظر ابنتك من زوجها هذا ويتخرب بيتها وكذلك لا تسرفي يا أم الزوج فى ادعاء التفاني إنك كنت بتغسلي لجوزك رجليه وتستنيه بالمية السخنة تدعكيها له وعمره ما سمع صوت عيل ولا درى بعيل ولا ذاكر لعيل ولا ولا فينتظر ذلك ولدك من زوجته وينكد عليها 6. الراجل ناوي يعتذر وهيبوس راسك وراس عمها تنشف دماغك ليه (ولا يجرمنكم شنئآن قوم على ألا تعدلو إعدلو هو أقرب للتقوى) لا تنتقم لنفسك فتخرب بيت بنتك 7. المأذون مرة واحدة ياراجل فيه كده مش المفروض فيه محاولة للإصلاح واللا إنت مرقدله ومبقوق منه للدرجة دى أهو الجدع إتجنن مبسوط إنت بقى إستفدت إيه وبعدين الغدا اللى دفع فيه دم قلبه مين له نفس ياكله هاته أنا مش طابخة النهاردة سديت نفسى ربنا يسامحك أو مال بس داعية هيه ونيلة إيه سبت إيه للناس اللى ماتعرفش ربنا ماتعملش كده تانى -------------------------------------------------------------------------------------------------------------- الواجب العملى للزوج 1- يجوز لبس الشراب ذو الفردتين المختلفتين عل ألا يكون الاثنان شمال أو يمين والله أعلم ولكن لا يجوز لبس الحذاء فردة وفردة إلا فى حالة واحدة إذا جاكسون أو ديور سبقك إليها فتصبح سنة يمدحك الناس إذا فعلتها 2- اشتر شراباتك كلها من نوع واحد ولون واحد تجنباً للمشاكل 3- البس تى شيرت من أم رقبة مخنوقة دى بدون أزرار برضو تجنبا للمشاكل 4- ماتخلفش توأم إلا لو عندك شغالة فليبينية شديدة التحمل تتجوزها وتسيب المدام تتفرغ للأطفال 5- ماتتجوزش إالا لما تعرف تبعات الجواز وتسمع لمن سبقك اللي بيرجع من شغله يسهر بالعيال واللي مايلاقيش لقمة ياكلها واللي مايلاقيش حاجة يلبسها واللى مايلاقيش معلقة نضيفة فى المطبخ ولا كوباية يشرب فيها مثل هذه الحواديت تخليك تتوقع الأسوأ فتحمد الله على ماتلقاه أو تضرب عن الجواز أو تقطع الخلف 6- إذا كان عندك موروثات ثقافية جاهلية فلا تتزوج إلا من تقتنع بها تماما وما تبهدلش فى بنات الناس وتهين بنات الأكرمين 7- إياك والتهم المطلقة -عمرك ما هتبقي كذا – أو نفسى مرة تعملي كذا – فهذا خطير جداً خليك موضوعي وحدد أسباب المشكلة لأن التهم المطلقة تصيب الطرف الآخر بالإحباط وهى من أنواع الظلم الذى نهى الله عنه والزوجة والأولاد بشر زى باقى البشر الذين نهى الله عن ظلمهم (الظلم ظلمات يوم القيامة ) 8- إياك والزعط على الصبح اقتباس: (الزعط هو الشخط والتوبيخ بدون سابق إنذار ) أما الشخط فهو الأمر بصوت مرتفع منفعل – لأن الزعط يورث الإنفهاش والإحساس بالظلم فلا تأمن أن تدعو عليك الزوجة دعوة ليس بينها وبين الله حجاب وبعدين لما تزعطها على الصبح إنت هتنزل وتروح وتيجي وتنسى في زحمة الحياة لكن هي الغلبانة هتاكل فى نفسها وتقعد تمخمخلك لغاية لما ترجع واللى عملته فيها بط بط هتطلعه عليك وز وز ياحلو ده غير إنها هتفش غلها فى العيال 9- لا تترك المشكلة تأخذ من حياتكما أكثر من دقائق زعقت وهى اعتذرت انه الموضوع وصالحها ماتتخانقوش على الصبح ولا بالليل وتناموا زعلانين حددوا يوم للخناق وإذا مالقيتوش حاجة تتخانقو عليها ابعتوا لي أرسل لكم مددا أوله عندكم وآخره عندي وعلى ماييجي يوم الخناق العالمي تكونوا نسيتوا هو كان إيه 10- لا تعير زوجتك بأمر قد قدره الله عليها فلا تعيرها بأهلها لأن ماحدش بيختار أهله ومن الأول مش عاجبك أهلها ماتتجوزهاش ولا تعيرها بقبحها فلا يختار أحدناشكله وإتجوزتها ليه لما هى وحشه ولا تعيرها بانتمائها لمدينة او محافظة معينة لأن ماحدش بيختار المكان اللى إتولد فيه وفى النهاية لا تعيرها بأى شىء فتفقدها الثقة فى نفسها وفاقد الشىء لا يعطيه هتربي عيال واثقين فى نفسهم إزاى وهي فاقدة ذلك (شديدة دي مش كده بتقولى حكم ياماما) 11- هل تعلم أن زوجتك بحاجة إليك كما أنك بحاجة إليها وأنها تنتظر منك لمسة حانية تعينها وتصبرها وتثبتها على تربية أولادك هيجرى إيه لو تقول لها إنت بتتعبي قوي يا حياتي ربنا يجعله فى موازينك أو تشكرها على كل شىء حضرتلك الغداء قول لها جزاك الله خيرا وامتدح أكلها (الكذب واجب فى هذه الحالة ) جابتلك كوباية شاى أو ماء برضو اشكرها ناولتك القميص حتى لو كان بدون زراير برضو اشكرها والله هتشوف أيام جميلة 12- وأخيرا حتى لو زوجتك طقت فى دماغها وقالت تلئنى ماتتلئهاش سيب لها فرصة تفكر لكن لا تترك البيت ولا السرير ولا ترد عليها الإساءة بالإساءة وماتمضيش على حاجة إنت مش مقتنع بيها وخد عبرة مما حصل لكريم. كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
!! SiLeNcE !! قام بنشر June 28, 2007 Share قام بنشر June 28, 2007 والله ما عارف اقول غيرربنا يكرمك علي القصة والنصايح الجميلة دي تسلم إيديكي رابط هذا التعليق شارك More sharing options...
~MIDOZ~ قام بنشر July 3, 2007 Share قام بنشر July 3, 2007 بجد تحفة تسلم ايديك ياجوعليصة بس القصة كبيرة اوى اية دا رابط هذا التعليق شارك More sharing options...
go3lesa قام بنشر July 9, 2007 الكاتب Share قام بنشر July 9, 2007 السلام عليكم ورحمه الله وبركاته انا اللى مش عارفه اقول ايه بعد الدعا الجميل ده ربنا يخليك يا حماده ويارب نستفيد كلنا تسلم على ردك ومرورك نورت القصه كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
go3lesa قام بنشر July 9, 2007 الكاتب Share قام بنشر July 9, 2007 السلام عليكم ورحمه الله وبركاته معلش يا ميدو محدش بياكلها بالساهل تسلم يا ميدو على ردك ومرورك نورت القصه يا جميل كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
CRAZY GURL قام بنشر July 16, 2007 Share قام بنشر July 16, 2007 والله انتى تمام ومفيش كلمة قولتيها لط بجد انت اكيد زوجة فوق الوصف انا لو كنت ولد كنت هطلب ايدك علطول تسلم ايديك قصة بجد جامدة Signature Deleted By Broken_Heart ! رابط هذا التعليق شارك More sharing options...
jaleo قام بنشر July 16, 2007 Share قام بنشر July 16, 2007 شكرا علي النصايح توبيك جميل كالعادة رابط هذا التعليق شارك More sharing options...
go3lesa قام بنشر July 18, 2007 الكاتب Share قام بنشر July 18, 2007 السلام عليكم ورحمه الله وبركاته يا نهار ابيض يا منه على كلامك زوجه فوق الوصف؟ ربنا يخليكى يا جميله انتى اللى هتبقى ان شاء الله زوجه وام فوق الوصف انا بتعلم زيى زيك بالظبط من القصص دى ويلا انا مستنياكى تيجى تشربى الشاى مع بابا تسلمى يا مننون على ردك ومرورك نورتى القصه يا جميله كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
go3lesa قام بنشر July 18, 2007 الكاتب Share قام بنشر July 18, 2007 السلام عليكم ورحمه الله وبركاته جاليوووووووووووووو العفو احنا نحب نخدم بس تسلمى على ردك ومرورك نورتى القصه يا جميله كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
cutegirl_296 قام بنشر July 20, 2007 Share قام بنشر July 20, 2007 قصة ولا أروع Go3lesa تسلمى رابط هذا التعليق شارك More sharing options...
nor_el3omr قام بنشر July 21, 2007 Share قام بنشر July 21, 2007 thx ya go3lesa 3ala el qesa el gamela awy de teslam edek ya 2amar رابط هذا التعليق شارك More sharing options...
go3lesa قام بنشر July 21, 2007 الكاتب Share قام بنشر July 21, 2007 السلام عليكم ورحمه الله وبركاته تسلمى كيوت على ردك ومرورك نورتى القصه تسلمى نور على ردك ومرورك نورتى القصه يا جميله كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
Recommended Posts