go3lesa قام بنشر April 7, 2007 Share قام بنشر April 7, 2007 أمجد في العباسية!! أمجد وريهام تزوجا عن حب وتكافؤ ريهام مني عينها ان تسعد أمجد ولا تتصور في لحظة انها ممكن تكون سببا في إيذائه ولكن أمجد اليوم نزيل الدور السادس في مستشفي العباسية أول أوضة في الممر الشمال إسعاف أحكي لكم الموقف من أوله أمجد رجع من شغله قبل الميعاد خبط على الباب على واحدة ونص وفي منتهي السعادة احتضن ريهام وأخدها من ايدها يلف بها في البيت وهو يرقص بها من السعادة خلاص ياريري وداعاً للفقر النهاردة تحولت من مجرد مندوب مبيعات الف طول النهار على كعبي عشان آخذ نسبة إلى محاسب متعين في الشركة بمرتب ممتاز أخرج ورقة من جيبه شوفي يا روحي المدير العام طالع معاش بكرة ومضي قرار تعييني النهاردة بكرة أقدمها في شئون الموظفين وأكمل إجراءات تعييني فرصة عمري ياريري خلاص عيشتنا هتتغير خالص تصرخ في سعادة ألف مبروك ياحبيبي أنت تستاهل كل خير ربنا يجعلني دايما قدم السعد عليك .. فين وليد ..نايم شوفي يا حياتي أنا عاوز أحتفل معاك أنت ووليد ياللا نتغدى برة لا خلليها لما تستلم الوظيفة فعلاً أنا طابخة لك غدا تاكل صوابعك وراه وأنا النهاردة ورايا غسيل ..ادخل نام شوية ودخل أمجد ينام قليلا حتى تنهي زوجته الغداء وتكمل الغسيل وهو يحلم ببكرة لما ياخد القرار لشئون الموظفين ويستلم شغله ياسلام صحي أمجد وجد مفاجأة في انتظاره كانت سبباً في دخوله مستشفي المجانين ياترى ريهام عملت إيه تسبب في كده أيقظت ريهام أمجد بعد ساعة ياللا يا حبيبي الأكل جاهز ياللا بلاش كسل ياحضرة المحاسب يقوم معها يجلسون للغداء مع وليد الذي يقبل بابا الجميع في حالة من السعادة يضع أمجد قطعة من اللحم في فم ريهام.. وهو يقول مش عارف من غيرك كانت حياتي تبقي إزاي عمرك ما حسستيني إن ناقصنا حاجة ربنا يقدرني وأسعدك وأهنيك ياحبيبي سعادتي في رضاك عني مش في الفلوس اسكتي بمناسبة الفلوس وأنا نايم جالي هاجس إن المدير الجديد لغي قرار المدير الأولاني بحجة أنه مضاه بعد خروجه على المعاش وريني كده الورقة أما أشوف هو ماضيها بتاريخ النهارده واللا امبارح تقوم وتغسل يديها تنادي عليه هي فين الورقة يا أمجد وهو يمضغ الطعام عندك في جيب القميص على الشماعة لحظات من الهدوووووووووووووء والسكون ريهام ريهام فيه إيه في ارتباك مفيش ترتدي طرحتها وعلى البلكووونة تأتي بالقميص تفتش فيه أمجد أمجد لم يستطع أمجد أن ينظر اليها وقف الطعام في حلقه وجحظت عيناه فيييييييييح ايييييييح فيه إيه بس وهو شرقان وخايف الورقة كانت في القميص وغسلته ما أخدتش بالي أصل الكلور والغسالة أم روحين لم يبق من الورقة إلا فرفوتة صغيرة فيها حرفين أمجد من النوع الصبور الذي يتقي الله في زوجته لم يتكلم أمجد أنا آسفة سيبيني لوحدي دلوقتي بعد قليل خرج أمجد بعد أن أجرى عدة اتصالات خبط على باب المدير في بيته ومعه زميل قريب للمدير شرح له الموقف ضحك المدير يااااااااه أنت رجعتني 30 سنة لورا نفس الموقف ده حصل معايا آدي يا سيدي قرار ممضي بس خللي بالك المرة دي أنا ماضيه بتاريخ قبل نهاية خدمتي بيومين بكرة الجمعة السبت تروح بدري تديه رقم صادر قبل ما يستلم المدير الجديد أنا مش عارف أشكرك إزاي يافندم سلم لي على المدام وقل لها تفتش الهدوم كويس قبل ما تحطها في الغسيل روح أمجد متأخراً ريهام في إنتظاره أنت لسه صاحية وهو أنا أعرف أنام وانت زعلان مني تقبله حقك عليّ يا حبيبي أنا غلطانة حصل خير ملحوقة حكي لها الموقف وناما في سعادة ولم ينس أمجد أن يفرغ جيوبه بنفسه الجمعة وصلاة الجمعة نزل أمجد للصلاة مرتديا قفطانه النظيف المكوي ولم ينس وهو راجع كيس الفاكهة ماهي فرجت وهو راجع وجد وليد في الشباك لم يكن هناك خوف على وليد لأن الشباك مؤمن بالحديد وليد نادي بابا عاوز عثافير الجنة ماشي يا وليد نزلت العثافير على بابا لفت نظره فيها إمضاء المدير المميز وقعت الفاكهة من يد أمجد ودخل وهو في حالة هياج ريهام ريهام كانت تأخذ حمام ووليد يعيث فساداً في كل شيء خرجت ريهام في عجلة فيه إيه فيه إيه وجدت أمجد يضع كفيه على رأسه ويصرخ حرام والله حرام اللي بيتعمل فيا ده حرام أدركت ريهام اللي حصل صبت غضبها على وليد ارتدى أمجد هدومه ونزل ورزع الباب وإنخرطت ريهام في بكاء عنيف أمجد مشي يلف على رجليه مش متخيل فيه إيه ليه قوة خفية بتحاول تحطم أحلامه كان شكله في الشارع ماشي يكلم نفسه الساعة التاسعة مساء التقي زميله قريب المدير كان أمجد في حالة مزرية تصعب على الكافر إستطاع صديقه أن يحصل له على ورقة جديدة المرة دي لايلدغ المؤمن من جحر مرتين روح أمجد على والدته شكله يدل على حال غير طبيعي حاولت والدته ان تفهم ماذا به لم يجبها تعاهد أمجد وزوجته ألا يعلم احد من بره البيت عنهما شيء فقط طلب أن يبيت ليلته عندها دخل لينام في قميصه وبنطلونه شخطت فيه والدته هتنام كده ليه رد واجما أنا عاوز كده لا اقلع والبس البيجامة نام أمجد محتضنا القميص والبنطلون متشبثاً بهم الحاجة ما كدبتش خبر اتصلت بريهام فين أمجد خرج يا ماما فيه حاجة بينكم أبدا ياماما هيكون فيه إيه طيب دلوقتي هو بايت عندي تعالي أنت ووليد باتو معانا وهاتي له معاك قميص مكوي ونضيف وبنطلون كمان مش معقول هيروح شغله الصبح بالقميص المزيت ده نفذت ريهام نصيحة ماما وباتت عندها بس بدون مايشعر بها أمجد الصبح أيقظته ماما وأمرته أن يدخل ياخد حمام ويحلق دقنه وهو شكله كده زي المساجين أطاعها في انكسار وأخد هدومه معاه لكن ماما زعقتله وامرته ان لا يتصرف زي المجانين ريهام وبحرص شديد أفرغت محتويات جيوب زوجها ووضعت الهدوم المكوية النظيفة ليلبسها خرج أمجد من الحمام وقد شعر أنه فااااااق أثناء خروجه لاحظ ماما بتتكلم في التلفون تاخد وصفة أكل من صاحبتها وبتكتب على ورقة وبتقطع الجزء اللي كتبت فيه في لحظة رأي أمجد هذا المنظر ورأي ملابسه في يد ريهام ووليد يجري من أمامه لم يدر أمجد بما حدث بعدها وحتى الآن يمكنكم زيارة أمجد في العباسية الدور السادس أول أوضة في الممر الشمال إسمه أمجد قمصان الدكتور بيقول ان حالته مستعصية عنده شعور بالإضطهاد يرفض أن يخلع القميص ويفتش بين لحظة وأخري عن ورقة في جيبه ويصرخ ريهااااااام الورقة القميص ملحوظة العباسية مافيهاش دور سادس ومفيش ممر شمال الدروس المستفادة 1- تقديم المشيئة في كل أمورنا (أمجد ما قال إن شاء الله) 2- الزوج والزوجة كيان واحد كل ماهو مهم لأحدهما مهم للآخر 3- الزوجة العاقلة المدبرة تدبر أمور البيت دائماً بما هو متاح ليست كثيرة الطلبات صبورة غير مسرفة 3- مشاكل الزوجين لاتخرج برة الأربع حيطان (أمجد لم يشكو لمامته) 4- الزوجة الصالحة لاتنام أبدا وزوجها عنها غير راض حتى لو لم تكن غلطانة (صبرني يارب) الواجب العملي : للزوجة : 1- أفرغي جيوب زوجك جيداً قبل الغسيل واهو يبقي حج وتجارة فبكده هتعرفي محتويات جيوبه أولاً بأول بدل ما أنت نايمة على ودانك وهو متجوز عرفي 2- إذا كنت من مستخدمي الغسالة ام روحين (بأكرهها )يبقي تفتشي الغسيل قبل الغسيل وقبل العصير عشان تلحقي اللي ممكن يتلحق 3- لا تستخدمي الكلور في غسيل الأوراق الحكومية بالذات اللي عليها أختام اسأليني أنا 4- القمصان نشريها من الياقة عشان لو في جيوبها حاجة ما تقعش في الشارع والبنطلونات نشريها من وسطها لنفس السبب 5- خللي دايماً الأوراق المهمة بعيداً عن متناول الأطفال في مكان مرتفع او درج بمفتاح 6- غرفة بابا مكان مقدس وكذلك حاجات بابا وماما مايفتحش الطفل شنطة ولا درج ولا يمسك ورقة بدون إذن (ابقي قابليني لو سمع كلامك) 7- اذا كنت مندمجة في كتابة وصفة من صديقة في التلفون أو القلم معصلج معاك بتجربيه في ورقة بلاش ورقة زوجك المهمة ابوس إيدك للزوج : 1- لازم يكون عندك فرصة لتقبل أخطاء زوجتك الغير مقصودة فكلنا بشر يخطيء ويصيب 2- في حالة تكرار الخطأ تعلم أن تقول قدر الله وماشاء فعل كل شيء نصيب ماحدش عارف الخير فين واهو كله تكفير سيئات 3- اذاتكرر ان غسلت زوجتك ملابسك بمحتوياتها ماتزعلش افرغ محتوياتها بنفسك وضعها في مكان بعيد عن الأطفال 4- إذا وصل الأطفال لها أو أخذت زوجتك الملابس قبل أن تفرغها فاتخذ لنفسك غرفة مخصوص بمفتاح محدش له دعوة بيها 5- اذا لم تنجح الرابعة ممكن تسكن في شقة لوحدك وتزورهم من وقت للتاني 6- إذا لم تنجح الخامسة ممكن نشوفلك عقد مع عمك الحاج برة لأن ده أضمن حل واسأل مجرب وفي النهاية أبنائي وبناتي الغسالة الاوتوماتيك مابتبوظش الأوراق ولا الفلوس عن تجربة بس بتطلعها نظيفة ممكن تتكوي ونحل المشكلة أبشركم ان أمجد اكتشف أن الورقة اللي مامته كانت بتكتب عليها مش هي ورقته (برضو الخبرة عليها عامل) وهو دلوقتي بيستمتع بالوظيفة وربنا يكرمه ويهدي سره حلو كده توتة توتة فرغت الحدوتة. كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
! M@fiA_M@sTeR ! قام بنشر April 7, 2007 Share قام بنشر April 7, 2007 تسلم ايدك على التوبك الجميل دا رابط هذا التعليق شارك More sharing options...
LoVe AnGeL قام بنشر April 7, 2007 Share قام بنشر April 7, 2007 هما دايما لستات اس البلى هههههههههههههههههههههههههه بجد رائعه من روائعك تسلم ايديكي يا حبي رابط هذا التعليق شارك More sharing options...
CRAZY GURL قام بنشر April 8, 2007 Share قام بنشر April 8, 2007 تسلم ايديك ياقمر قصة جامدة الله يكون فى عون انجد Signature Deleted By Broken_Heart ! رابط هذا التعليق شارك More sharing options...
go3lesa قام بنشر April 8, 2007 الكاتب Share قام بنشر April 8, 2007 السلام عليكم ورحمه الله وبركاته تسلم يا مافيا على ردك ومرورك نورت القصه كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
go3lesa قام بنشر April 8, 2007 الكاتب Share قام بنشر April 8, 2007 السلام عليكم ورحمه الله وبركاته ههههههههههههههههه تسلمى يا انجولتى على ردك ومرورك نورتى القصه بقى الستات اس البلى؟ ده انتى مننا وعلينا برضه هنحرمك من دخول رابطه الستات المفتريه ولو مرجعتيش عن التمرد هنتحد عليكى شكرا ليكى يا حبى نورتى كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
go3lesa قام بنشر April 8, 2007 الكاتب Share قام بنشر April 8, 2007 السلام عليكم ورحمه الله وبركاته تسلمى يا منه على ردك ومرورك نورتى القصه يا قمر وربنا فى عون الكل هو امجد اللى اعصابه ضعيفه هههههههههههههههههههههه شكرا يا قمر كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
nomo7070 قام بنشر April 8, 2007 Share قام بنشر April 8, 2007 ايه الجمال ده بجد القصة رووووووووووعة ومفيدة اوى اوى تسلم ايديكى يا قمر بجد جيلة جدا رابط هذا التعليق شارك More sharing options...
go3lesa قام بنشر April 8, 2007 الكاتب Share قام بنشر April 8, 2007 السلام عليكم ورحمه الله وبركاته تسلمى يا نومو على ردك ومرورك نورتى القصه يا قمر ربنا يخليكى يا حبيبتى انتى اللى جميله وكلامك اجمل انا بحب القصص دى جدا فى افاده فظيعه والله بس فى اطار كوميدى نورتينى يا قمر كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
Recommended Posts