BeAuTy AnGel قام بنشر March 14, 2007 قام بنشر March 14, 2007 طريقه تدميس الفول البيتى المقادير كوب فول مصري نقوا الفول الكبير ويكون لونه فاتح مش بنى غامق نصف كوب فول مقشور (( اللى هوا الفول المتقشر ومقسوم نصين مش عارفه بتشموه ايه )) احنا بنسميه مدشوش ربع كوب عدس احمر مغسول ومصفى ماء نصف ليمونه طريقه التحضير يغسل الفول والفول المجروش جيدا وينقع لمده يوم كامل او لحد ما الفول ينفش نصفى الفول المنقوع جيدا ونضعه فى دماسه فول ومعه العدس واليمون والماء نتركه يغلى على النار وبعد الغليان ننقله على سخان كهربائى صغير وهادئى الحراره ومغلف بورق فويل ونترك الفول الى ان ينضج جيدا والنضج على حسب رغبه وذوق كل شخص وهوا غالبا بياخد من 4 الى 5 ساعات
BeAuTy AnGel قام بنشر March 14, 2007 الكاتب قام بنشر March 14, 2007 فول اسكندراني المقادير مقدار من الفول المدمس السابق او علبه فول مصفيه ومغسوله طحينه بيضا كمون وكزبره وملح وليمون وشطه حمره حسب الرغبه بقدونس وطماطم وبصل اخضر مفرومين زيت ذره او عباد الشمس الطريقه سخنى الفول جيدا ضيفى كل المكونات وقلبى جيدا واهرسى الفول حسب الرغبه وبالف هنا وعافيه
BeAuTy AnGel قام بنشر March 14, 2007 الكاتب قام بنشر March 14, 2007 الحبشتكنــــــــــات المقادير المقادير حسب عدد الافراد مقدار من الفول الاسكندراني بيض مسلوق ومقطع حلقات بالقطاعه طعميه مقليه دوائر ضغيره كميه من المخللات مقطعه صغير خبز حبوب كامله مش شامى كل رغيف مقسم نصفين اذا كان حجمه صغير طريقه التحضير نخلط جميع المكونات على بعضها ( الفول الاسكندرانى على المقالى على المخلل على الطعميه على البيض ) ممكن يقدم فى طبق وممكن نعمل منه سندويتشات بحشو انصاف الخبز وعند التقديم تسخن السندويتشات فى الفرن الكهربائى او الميكروويف وبالف هنا وعافيه
BeAuTy AnGel قام بنشر March 14, 2007 الكاتب قام بنشر March 14, 2007 الفول بالطماطم المقادير علبه فول مغسوله جيدا طماطم مكعبات ملعقتان معجون طماطم خمس فصوص ثوم مدقوقين بصله مقطعه جوانج فلفل اخضر رومى جوانج فلفل قرون حار قرنينن اختيارى كمون وكزبره قرفه ناعمه فلفل اسود ملح فلفل احمر حار زيت ذره بقدونس وكزبره خضراء مفرومه بيض مسلوق مقطع حلقات للتزين طريقه التحضير فى طاسه كبيره نحمر نصف البصل وبعدين نضع الفلفل وبعدين الثوم لحد ما ريحته تطلع ويصفر ثم نضع الطماطم المكعبات والمعجون ونصف كوب ماء والتوابل كلها وباقى البصل يغلى قليلا ثم نضيف الفول ونقلب جيدا ونغطى ونتركه يتسبك خمس دقائق ثم نضع البقدونس والكزبره الخضراء ونقلب ثم نضعه فى طبق التقديم ونزينه بالبيض المسلوق وبالهنا
BeAuTy AnGel قام بنشر March 14, 2007 الكاتب قام بنشر March 14, 2007 فول بالطحينه رقم واحد المقادير فول مدمس ساااخن طحينه زيت ذره ملح وليمون وكمون وكزبره وشطه مطحونه بقدونس مفروم وطماطم طريقه التحضير نخلط كل المقادير ونهرسسسسسسسسسسسه
BeAuTy AnGel قام بنشر March 14, 2007 الكاتب قام بنشر March 14, 2007 بالطحينه رقم2 بالحمص وزيت الزيتون والطحينه والثوم المقادير فول مدمس ساخن+حمص مسلوق ثوم مهروس زيت زيتون او زيت ذره ملح وليمون وكمون وكزبره وشطه مطحونه الطريقه نخلط كل المقادير وما ينهرس
BeAuTy AnGel قام بنشر March 14, 2007 الكاتب قام بنشر March 14, 2007 ِملحوظة اسرار نجاح الفول والحصول على الطعم المظبوط اهم حاجه فى الفول التوووووووابل لازم نهتم بيها كويس جدا اولا اساسيات الفول الكزبره والكمون لازم تشتريهم حصى وبعدين فى البيت تحمصى الكزبره جيدا لحد ما ريحتها تطلع وتتحمص وبعدين تطحنيها وكذلك الكمون الشطه الحمرا المطحونه برضوا ضروريه فى الفول وهيا عموما مش بتبقى حاره اوى وبتشتريها مطحونه جاهزه انواع الزيوت الاساسى زيت الذره او عباد الشمس او الزيت الحار اما زيت الزيتون ليه بعض طرق مخصوصه مثل الفول بالحمص والثوم فى ِِانواع الفول اللى بالزبد او السمن ِ لااااااازم سمن بلدى طبيعى او زبده طبيعيه ما ينفعش اى نوع تانى غييييييييير الثوم لازم يدق بالهون مايتعملش فى الخلاط او هراسه الثوم اليدويه البصل كذلك لازم يتقطع باليد مش بالقطاعه او المبشره ِ
Recommended Posts