JOeEe قام بنشر March 11, 2007 Share قام بنشر March 11, 2007 أحمد فؤاد نجم البطل الثائر ملهم الجماهير الفاجومي الشاعر الحبيب حفظه الله وامد في عمره احمد فؤاد نجم قال عنه الشاعر الفرنسي الكبير لويس اراجون ان فيه قوه تسقط الاسوار واسماه الدكتورعلي الراعي الشاعر البندقيه الرئيس الراحل السادات يسميه الشاعر البذيء ولقب بآخر الصعاليك المحترمين وبشاعر تكدير الامن العام من مواليد مصر شرقيه 1929 ولد عام بسبب شعره سجن ثمانيه عشر عاما رابط هذا التعليق شارك More sharing options...
go3lesa قام بنشر March 11, 2007 Share قام بنشر March 11, 2007 سقطت سايغون أبجد هوز .. حطي كلمن إقلب صفحة .. امسك قلم ٌ اكتب زي الناس ما بتنطق سقطت سايغون رفعوا العلم ٌ .......... طلعت شمس اليوم ده أغاني كل ما نسمع نعشق تاني طلعت شمس اليوم ده حريقة تكوي الجرح و تبري الالم ٌ ..... سايغون عادت للثوار فوق الدم و تحت النار جدّوا فوجدوا .. زرعوا فحصدوا و إحنا إيدينا للسمسار و إللي قالوه السمسارجية و اللي حكاه السمساردار لما قروه القرونجية بالمستعجل و المندار هشت و نشت يعزم الصوت عن أمريكا و هول أمريكا زعموا الفانتوم حامل موت سقط الكوت بعلم أمريكا جاتكو فضيحة يا طبقة سطيحة و عاملة فصيحة و جايبة العار فصحانجية و كلمانجية و سمسارجية و سمسار دار كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
JOeEe قام بنشر March 11, 2007 الكاتب Share قام بنشر March 11, 2007 يا عرب يا عرب .. يا عرب .. يا عرب في أي مصر يا عرب .. يا عرب .. اسمعوا صوت شعب مصر أحفظوا لمصر المكان .. و احنا عالعهد اللي كان مصر أوفى من الزمان .. و انتو عارفين شعب مصر يا عرب يا عرب يا أهل مصر ---------------------------- اللي خانوا العهد بينا .. و استباحوا كل حاجة و استهانوا بالعروبة .. و استكانوا للخواجة مستحيل حيكونوا منا .. نحنا حاجة و هما حاجة هما باعوا الجلابية .. و الوطن و البندقية و ا حنا أصحاب القضية .. احنا ما بنبيعش مصر يا عرب يا عرب يا أهل مصر ---------------------------- يطلع الدجال بزيفو .. يملا وادي النيل ضباب ينزل الجلاد بسيفو ... يزرع الموت و الخراب يطول الليل زي كيفو .... الصباح له ألف باب و احنا بوصلتنا بإيدينا .. ما تخافوش من الليل علينا مهما غبتو عن عينينا .. انتو جوا بقلب مصر يا عرب يا عرب يا أهل مصر ------------------------- سينا و لا .. يافا و لا .. حيفا ولا ... دير ياسين اسألوا الشمس اللي هالة .. عللي صحيوا مبدرين يزرعوها نور و غلة .. دول جدودنا و لا مين ؟ حقنا و حتما ً يُعاد .. بس لو بانت سعاد و البيان ده لوه معاد ... و المعاد حيكون في مصر يا عرب يا عرب يا أهل مصر رابط هذا التعليق شارك More sharing options...
go3lesa قام بنشر March 11, 2007 Share قام بنشر March 11, 2007 اتجمعوا العشاق اتجمعوا العشاق في سجن القلعة ... اتجمعوا العشاق في باب الخلق و الشمس غنوة من الزنازن طالعة .. و مصر غنوة مفرعة في الحلق تجمعوا العشاق بالزنزانة .... مهما يطول السجن مهما القهر مهما يزيد الفجر بالسجانة .. مين اللي يقدر ساعة يحبس مصر ............... تجمعوا و العشق نار في الدم ..... نار تحرق الجوع و الدموع و الهم نار تشتعل لما القدم ينضم .... لما الايادي تفور في لم اللحم و اللحم متنتور في رملة سينا .... و الكدب بيحجز على أيادينا قدم العدو غارسة في لحم ترابي ... و الكدب عشش مخبرين على بابي و المخبرين خارجين كلاب سعرانة ... بيجمعوا العشاق في الزنزانة ............... مصر النهار يطلقنا في الميادين .. مصر البكا .. مصر الغنا و الطين مصر الشموس الهالة من الزنزانين .. هالة و طارحة بدمنا بسا تين مصر الجناين طرحة مين يقطفها .. مصر الجناين للي يرفع سيفها مهما يطول السجن مهما القهر .. مهما يزيد الفجر بالسجانة مين اللي يقدر ساعة يحبس مصر كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
JOeEe قام بنشر March 11, 2007 الكاتب Share قام بنشر March 11, 2007 غابة غابة كلابها ديابــــا ... و نازلين في الناس هـم و اللي ينام في الغابة ... رح يتاكل هــــــــم و اللي يدور وشـــــو ... في غمضة عين يتهــــــم و اللي يغيب عن جحرو .. لاجل القوت و المم يتخان من ورا ظهرو ... او يتاخد خم غابة بتاكل ميتة ... غابة بتشرب دم غابة كلابها ديابا ... نازلين بالناس هم غابة و ناسها غلابة .. خيخة لا ناب و لا فم متكلين عالصدفة .... متاكلين بالهم و احنا يا ملح الغابة .. هم يحرك هم ضايعين و سط ديابا .. مش فاضيين نهتم فاهمين و بنتغابا ... مش راضيين نتلم رابط هذا التعليق شارك More sharing options...
go3lesa قام بنشر March 11, 2007 Share قام بنشر March 11, 2007 برولوج ---------------------------------------- يا ليل يا عين ما اعرفش اكدب طب و اكدب ليه عدم المؤاخذة لنا باكتب و لا أبصر إيه لا انا احترافي اشتراكية و لا عندي نزعة رجعيّة لكني شايف بعنيّه يا فلاحين يا صنايعية بر الأمان بان و المركب راح ترسي عليه و انا حاكدب ليه 1971 كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
JOeEe قام بنشر March 11, 2007 الكاتب Share قام بنشر March 11, 2007 نكسون شرفت يانكسون بابا يا بتاع الوترغيت عملولك ايمة وسيمة سلاطين الفول و الزيت فرشولك اوسع سكة من راس التين على مكة وهناك تنفد على عكا ويقولوا عليك حجيت ____________________________________ عزموك فقالوا تعالا تاكل بابمبون وهريسة امت لانك مهيف سدءت انحنا فريسة هات وشك خودلك تفة طبعا شلا يا صحاب البيت ___________________________________ خد منى كلام يبئالك ولونك موش حتعيش لاحؤول أهلا ولا جهلا ولاتجى ولا ماتجيش بيقولوا اللحم المصرى مطرح مابيسرى بيهرى ودا كولوا من تاثير الكوشرى والفول أبو سوس بزيت رابط هذا التعليق شارك More sharing options...
go3lesa قام بنشر March 11, 2007 Share قام بنشر March 11, 2007 هما مين و إحنا مين ... هما مين و إ حنا مين .. ؟ هما الأمرا و السلاطين .. هما المال و الحكم معاهم .. و إحنا الفقرا المحرومين حزر فزر شغّـل مخك شوف مين فينا بيحكم مين ؟!! .............. إحنا مين و هما مين .. إحنا الفعلا البنايين إحنا السنة و إحنا الفرض إحنا الناس بالطول و العرض من عافيتنا تقوم الارض .. و عرقنا يخضر بساتين حزر فزر شغل مخك شوف مين فينا بيخدم مين ..؟؟!! ................ هما مين و إحنا مين ؟؟ هما الامرا و السلاطين هما الفيلا و العربية و النساوين المتنقية حيوانات استهلاكية شغلتهم حشو المصارين حزر فزر شغل مخك شوف مين فينا بياكل مين ..؟؟!!! .................... إحنا مين و هما مين إحنا قرنفل على ياسمين إحنا الحرب : حطبها و نارها و إحنا الجيش اللي يحررها و إحنا الشهدا بكل مدارها منكسرين أو منتصرين حزر فزر شغل مخك شوف مين فينا بيقتل مين ..؟؟!!! ................ هما مين و إحنا مين هما الامرا و السلاطين هما مناظر بالمزيكا و الزفة و شغل البوليتيكا و دماغهم طبعاً استيكا بس البركة بالميازين حزر .. فزر شغل مخك شوف مين فينا بيخدع مين ..؟؟؟!!! ..................... هما مين و إحنا مين هما الامرا و السلاطين هما بيلبسوا أخر موضة و إحنا بنسكن سبعة في أوضة هما بياكلوا حمام و فراخ و إحنا الفول دوخنا و داخ هما بيمشوا بطيارات و إحنا نموت بالاوتوبيسات هما حياتهم بامب جميلة هما فصيلة و إحنا فصيلة حادي يا بادي يا عبد الهادي يا اللي عليك قصد الغنوادي ( الغنوة دي أو هذه الاغنية ) لما الشعب يقوم و ينادي يا إحنا يا هما في الدنيا دي حزر فزر .. شغل مخك شوف مين فينا حيغلب مين كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
JOeEe قام بنشر March 11, 2007 الكاتب Share قام بنشر March 11, 2007 القواد الفصيح ------------------------------ القواد : سلمى يا عزيزة على الأستاذ فنان اليوم و المستقبل محمود محمود محمود الباز بنتي السنيورة الأمورة على فكرة بترقص ممتاز ارقصي يا عزيزة ما تنكسفيش محمد بقى منا خلاص و لا فيش يا عزيزة النيزة كوا النيزه كان ممكن تطلعي مركيزة المطيباتية : تكي تم تكي تم تكي تم تم تم الرقص النقص يزيح الهم تكي تم تكي تم تكي تم تم تم و يمشي الحال و يجري الدم تكي تم تكي تم تكي تم تم تم **** القواد : على فكره يا كابتن محمود و برغم الكبت الموجود انا راجل ثوري و متحرر و عزيزة بتلعب ع العود إلعبي يا عزيزة ما تنكسفيش محمود بقى منا خلاص و لا فيش يا عزيزة النيزه كوا النيزه كان لازم تطلعي مركيزه ***** المطيباتية : ترى لم ترى لم ترى لم لم لم العود النود بيزيح الهم ترى لم ترى لم ترى لم لم لم و يخلي القعدة شهية يا عم ترى لم ترى لم ترى لم لم لم القواد : أنا رأيي يا سيد محمود و برغم الصمت المقصود انك فنان المستقبل و نشيد العصر المنشود قربي يا عزيزة من الاستاذ محمود مبقاش محمود الباز محمود بقى منا خلاص و لا فيش قربي يا عزيزة ما تتأخريش يا عزيزة النيزة كوا النيزة انا رأيي إنك مركيزة المطيباتية : هلا لم هلا لم هلا لم لم لم محمود النود بقى نازل هم هلا لم هلا لم هلا لم لم لم و عزيزة النيزة تحب الهم هلا لم هلا لم هلا لم لم لم رابط هذا التعليق شارك More sharing options...
go3lesa قام بنشر March 11, 2007 Share قام بنشر March 11, 2007 دلي الشكارة دلي الشكارة جنب الشكارة و اقعد يا حفني ولعلك سيجارة فكّـر شوية .. بالعيشة دية إيه القضية إيه العبارة من صغر سني شقيان لكني ما لط سني غير البصارة .... و دخلت حارة من جوة حارة و فكل حارة عليت عمارة و سط المعامل بنا و مناول بس المقاول كلني بشطارة و لا خلى صرة و لا لقمة حرة و العيشة مرة .. أخر مرارة كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
JOeEe قام بنشر March 11, 2007 الكاتب Share قام بنشر March 11, 2007 عالمحطة عالمحطة … عالمحطة واللي شفته أنا عالمحطة طلعت الخفة أم شنطة سلم الأوتوبيس … بنطة حتة ملعب (بضم الميم ، أي ذات لعب ودلال) … والأكاده (أي بالتأكيد) في الأوام (القوام) والحسن بطة هيه خشت درجة أولى والكراسي بإت (بقت أي أصبحت) منطة سابوا تانية … وغلب تانية والأطيع (القطيع) على أولى خطى اللي يهبش في الجونيلا واللي يعلى … واللي يوطى بص واحد ماللي ( من الذين) هما دمهم فلفل وشطة شاف صنايعي في البريمو آل له خش هناك يا أسطى تانية أنسب للي زيك دي الحقيقة بلاش مغالطة الأسطى آل له … ياعم روق (بتشديد الواو) دي الحياة تحب المباسطة وانت شايف … مش مغمض حاجة ملبن … حاجة إشطة (قشدة) والا يعني الكون حيخرب لو فقير يلهط له لهطة ؟ رابط هذا التعليق شارك More sharing options...
go3lesa قام بنشر March 11, 2007 Share قام بنشر March 11, 2007 البحر بيضحك ليه البحر بيضحك ليه وانا نازله ادلع املا القلل البحر غضبان ما بيضحكش أصل الحكاية ما تضحكش البحر جرحه ما بيدبلش وجرحنا ولا عمره دبل مساكين بنضحك من البلوة زي الديوك و الروح حلوة سارقاها من السكين حموة و لسة جوا القلب أمل قللنا فخارها إناوي بتقول حكاوي و غناوي يا قلة الذل أنا ناوي ما شرب و لو في المية عسل والبحر بيضحك ليه … ليه وانا نازلة ادلع املا القلل ياما ملينا وملينا لغيرنا وعطشنا ساقينا صابرين وبحر ما يروينا شايلين بدال العلة علل والبحر بيضحك ليه … ليه وانا نازلة ادلع املا القلل في بالي ياما وعلى بالي واللي بيعشق ما يبالي ما يهمنيش من عزالي يا حلوة لو مرسالي وصل والبحر بيضحك ليه ليه وانا نازلة ادلع املا القلل بيني وبينك سور ورا سور وانا لا مارد ولا عصفور في إيدي عود قوال وجسور وصبحت انا في العشق مثل والبحر بيضحك ليه وانا نازله ادلع املا القلل كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
JOeEe قام بنشر March 11, 2007 الكاتب Share قام بنشر March 11, 2007 كلمتين ( إلى مصر ) ............................ كل عين تعشق حليوة و إنتي حلوة في كل عين يا حبيبتي أنا قلبي عاشق و اسمحيلي بكلمتين كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين .......................... شابة يا أم الشعر ليلي و الجبين شق النهار و العيون بحرين أماني و الخدود عسل و نار و اللوالي ( اللؤلؤ) بابتسامتك يحكوا أسرار المحار يللي ساكنة القصر عالي إيمتى يهنالي المزار كلميني يا صبية طال علي َّ الانتظار كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين ..................... قصرك المسحور غيلانو أغبى من دود الغيطان بعد مص الغصن الاخضر ينحتوا عضم العيدان و اللي خلى الارض خضرا و اللي خلى الدار آمان عاش بجور ملو جوفه مات بخوفه من الغيلان طوّع الغلبان ما قالش عن شقا العمر اللي كان كلمتين بمصر يبقوا هما أخر كلمتين حد ضامن يمشي آمن أو مِـآمن يمشي فين .................... أدي كلمة من عذابي قلتهالك باقي كلمة من حنيني صنتهالك في الضلوع من دنيا ظلمة كنت خايف يلمحوها يقتلوها في سكة ظلمة سقسقت و النور بشاير بشاير زهرة الصبار يا سلمى يا نسيم الشوق يا طاير يا طاير خد لمصر في الصبح كلمة طول ما يبقى الركب ساير بالبصاير و العينين يبقى ضامن يمشي آمن يبقى عارف يمشي فين رابط هذا التعليق شارك More sharing options...
go3lesa قام بنشر March 11, 2007 Share قام بنشر March 11, 2007 .... فاليري جيسكار ديستان ... فاليري جيسكار ديستان والست بتاعه كمان حيجيب الديب من ديله ويشبع كل جعان ياسلاملم يا جدعان ع الناس الجنتلمان داحناحنتمنجه واصل وحتبقى العيشه جنان التلفزيون حيلون والجمعيات تتكون والعربيات حتمون بدل البنزين برفان وحتحصل نهضه عظيمه وحتبقى علينا القيمه فى المرسح أو فى السيما أو فى جنينة الحيوان وحتبقى الأشيا زلابيه ولاحوجه لسوريا وليبيا وحنعمل وحده أرابيا مع لندن والفاتيكان والفقرا حيكلوا بطاطا وحيمشوا بكل ألاطه وبدال ما يسوا شلاطه حيسموا عبالهم جان ودا بفضل صديكي ( صديقي) ديستان الرومنتيكى ولاحدش فيكو شريكى فى المسكن والسكان كل اللى بيحصل فى حياتنا او يوم عشناه هتدور تلقاه فى السنه وكتاب الله ربنا مخلقناش كده تايهين وهدانا بسنه وشرع ودين بيهم راجعين بيهم عايشين دى حياتنا فى دينا ودينا حياه رابط هذا التعليق شارك More sharing options...
JOeEe قام بنشر March 11, 2007 الكاتب Share قام بنشر March 11, 2007 الممنوعات ممنوع من السفر ممنوع من الغنا ممنوع من الكلام ممنوع من الاشتياق ممنوع من الاستياء ممنوع من الابتسام وكل يوم فى حبك تزيد الممنوعات وكل يوم باحبك اكتر من اللى فات حبيبتى يا سفينه متشوقه و سجينه مخبر فى كل عقده عسكر فى كل مينا يمنعنى لو أغير عليكى أو أطير بحضنك أوأنام فى حجرك الوسيع وقلبك الربيع اعود كما الرضيع بحرقة الفطام حبيبتى يا مدينه متزوقه وحزينه فى كل حاره حسره وف كل قصر زينه ممنوع من انى اصبح بعشقك او ابات ممنوع من المناقشه ممنوع من السكات وكل يوم فى حبك تزيد الممنوعات وكل يوم بحبك اكتر من اللى فات القاهرة /1976 رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان