محاكمة شرين عبد الوهاب بتهمة الاسائه لمصر ,شرين البلهارسي ,تفاصيل فيديو وصور

[Titanic_Ahmed]

محاكمة شرين عبد الوهاب بتهمة الاسائه لمصر ,شرين البلهارسي ,تفاصيل فيديو وصور

 

حددة محكمة جنح عابدين 23 /12/ 2017 أولى جلسات محاكمة المطربة شيرين بتهمة بث دعايات مثيرة، بعد قيام المحامي هانى جاد جنحة مباشرة، اختصم فيها كل من المطربة شيرين عبد الوهاب ونقابة المهن الموسيقية . وأشار جاد فى دعواه إلى أنه فى إحدى حفلات المطربة شيرين طلبت إحدى الحضور من المدعية عليها سماع اغنية "ماشربتش من نيلها" إلا أن المطربة ردت عليها قائلة"هيجيلك بلهارسيا" بل أضافت اشربى مياه "ايفيان أحسن"

 

فيديو شرين عبد الوهاب وهي ترد علي طلب احدي الحضور بعد طلب سماع اغنية مشربتش من نيلها: قائلههيجيلك بلهارسيا اشربي ايفيان

 

https://www.youtube.com/watch?v=81xgzfrMWCg

 

وهي تقصد بايفيان مياه معدنية شهيره بيتم استيرادها من فرنسا

محاكمة شرين عبد الوهاب بتهمة الاسائه لمصر ,شرين البلهارسي ,تفاصيل

وأضافت الدعوى أنه فى الوقت الذى تعمل فيه أجهزة الدولة على تنشيط السياحة، تهكمت المطربة بأسلوب فظ، الأمر الذى أضحك الجمهور بصورة تعنى إهانة للدولة المصرية .
وطالب مقيم الدعوى بتطبيق نص المادة 102 مكرر أ من قانون العقوبات والمضافة بموجب القانون رقم 122 لسنة 1957 والتى عدلت بقانون رقم 34 لسنة 70، والتى تنص على "يعاقب بالحبس وبالغرامة كل من أذاع عمدا أخبارا او بيانات او بث دعايات مثيرة، كان من شأن ذلك تكدير الأمن العام وإلحاق الضرر بالمصلحة العامة وتكون العقوبة السجن"

محاكمة شرين عبد الوهاب بتهمة الاسائه لمصر ,شرين البلهارسي ,تفاصيل

وشنت الفنانة الاستعراضية سما المصرى، هجوما عنيف على الفنانة شيرين عبد الوهاب عبر حسابها على انستجرام وكتبت :إن كنتوا نسيتوا اللى جرى، الله يرحم أيام الكحرتة، الأخت الفنانة شيرين فى واحدة فى حفلة طلبت منها أغنية (ماشربتش من نيلها) فردت عليها وقالت لها (هيجيلك بهارسيا)، اشربى (مياه افيان أحسن). ونشرت سما صورة لشيرين فى بداية مشوارها الفنى، قائلة: "دى صورة الأخت الفنانة شيرين أيام ما كان عندها بلهارسيا، أيام ماكانت بتشرب من ميه النيل قبل ماتتعلم انجليزى وتعرف تقول اسم الميه المعدنيه بالإنجليزى، فاكره؟".

محاكمة شرين عبد الوهاب بتهمة الاسائه لمصر ,شرين البلهارسي ,تفاصيل

وتابعت سما: اللهم يرحم كنتى زمان، وكنتى فاكرة الكريسماس آيس كريم انتى اللى قلتيلى كده

"بصى أنا مش هقولك مصر اللى عملتك ولا مصر اللى نضفتك زى ناس كتير ماهتقولك كده لا سمح الله، لا أنا هقولك ميه البلهارسيا دى بتاعت مصر، عارفه يعنى إيه مصر ولا مش عارفه؟، هى المياه دى اللى خلتك شيرين والعيب مش عليكى العيب على اللى لسه بيقول عليكى فنانة ونجمة وانتى طايحه فى خلق الله، مرة عمرو دياب ومرة شريف مدكور وصوتى لعساف ضد أحمد جمال ابن بلدك".
وأضافت سما: "بصى يابنتى أنا عارفة إنك بتحبى لبنان عشان ماعندهمش بلهارسيا زينا، ريحينا منك ومن لسانك على الناس وعلى مصر اللى بقى يقل أدبه حتى على مصر اللى ربتك وروحى عيشى فى لبنان والله هنكسر وراكى زير، بلد البلهارسيا ماتنفعش تعيش فيها واحدة زيك بتاعت مياه معدنيه وفساتين براندات وبارفانات وحاجات، سيبى دا للغلابة، فاكره مطعم .... اللى فى المنيل اللى نصر محروس اخدك منه وانتى بتغنى هناك بالشبشب أبو ورده؟، لسه موجود المطعم ويشهد انك كنتى مش لاقيه حتى تشربى ميه البلهارسيا لا انتى عارفه كنتى بتشربى مياه إيه".

وتابعت: "أيوه هى المياه الصفرا دى هى دى للى كنتى بتشربيها اللى كلها أملاح دى، دى فعلا اللى تليق ليكى، ياتروحى لبنان ياترجعى تشربى المياه الصفراء المملحه يا تعتذرى لمصر، مصر اللى عملت منك فنانه وتعتذرى للمصريين كلهم، ملعون أبو الشهره ياشيخه اللى نستك أصلك وأهلك وبلدك، دا انتى مفيش دم ولا إحساس ولا أى حاجة".

واستطردت سما: "مصر بتمسى عليكى بصورتك القديمة دى وبتقولك اوعى تنسى نفسك لانك لو نسيتى المصريين مابينسوش ، سبحان العاطى الوهاب بعد الشبشب والقبقاب يابنت عبد الوهاب، لو مش عاجبك البلهارسيا عشان انتى ماتستحقيش تقعدى فى مصر، طبعا الحبيبة هيقولوا لى بصى للبسك الأول، أيوه بلبس كل حاجه وحشه فى نظركم بس لا أهين بلدى واللى يهين بلدى أقطع له لسانه حتى لو آه ياليل، ليل أسود ياشيخه عليكى لما تتريقى على بلدك، اخس على الفلوس اللى بتغير النفوس".

 

محاكمة شرين عبد الوهاب بتهمة الاسائه لمصر ,شرين البلهارسي ,تفاصيل

قال المحامي سمير صبرى، إنه تقدم ببلاغ ضد المطربة شيرين عبد الوهاب، اليوم الثلاثاء، لإهانة مصر والإضرار بالاقتصاد المصرى.
وأوضح صبرى، فى مداخلته مع الإعلامى أحمد موسى، من خلال برنامجه "على مسئوليتى"، عبر فضائية "صدى البلد"، "أنه فى حال تقديم المطربة للمحاكمة أمام القضاء المصرى، لما صدر منها من إضرار بالاقتصاد القومى، وترويع السائحين والإضرار بالسياحة المصرية، فسوف تكون أقل عقوبة لهذه التهمة الحبس 5 سنوات.

[ahmaed_verde]

شكرا