the_night_light قام بنشر November 16, 2006 Share قام بنشر November 16, 2006 عجبى عجبى اه عجبى عجبى عليك عجبى عليك يا زمن يا ابو البدع يا مبكى عينى دماَ ازاى انا اختار لروحى طريق و انا اللى داخل فى الحياه مرغماً عجبى حاسب من الاحزان و حاسب لها حاسب على رقابيك من حبلها حاسب من الاحزان و حاسب لها حاسب على رقابيك من حبلها راح تنتهى و لابد راح تنتهى مش انتهت احزان من قبلها عجبى مرغم عليك يا صبح مغصوب يا ليل لادخلتها برجليه ولا كان لى ميل شايلنى شيل دخلت انا فى الحياه و بكره هخرج منها شايلنى شيل عجبى ياسك و صبرك بين ايديك و انت حر تياس ما تياس الحياه راح تمر ياسك و صبرك بين ايديك و انت حر تياس ما تياس الحياه راح تمر انا دقت من ده و من ده عجبى لقيت الصبر مر و بردك الياس مر يا باب أيا مقفول إمتى الدخول صبرت ياما و اللي يصبر ينول دقيت سنين و الرد يرجع لي مين لو كنت عارف مين أنا كنت أقول عجبى Track 02 دخل الشتا وقفل البيبان ع البيوت وجعل شعاع الشمس خيط عنكبوت دخل الشتا وقفل البيبان ع البيوت وجعل شعاع الشمس خيط عنكبوت وحاجات كتير بتموت في ليل الشتا لكن حاجات أكتر بترفض تموت ترفض تموت عجبى Track 03 دخل الربيع يضحك لقانى حزين نده الربيع على اسمى لم قولت مين حتى الربيع ازهاره جنبى و راح و ايش تعمل الازهار للميتين عجبى الدنيا من غير الربيع ميته ورقة شجر ضعفانه و مفتته الدنيا من غير الربيع ميته ورقة شجر ضعفانه و مفتته لا يا جدع غلطان تأمل وشوف زهر الشتا طالع في عز الشتا عجبى Track 04 انا شاب لاكن عمرى ولا الف عام وحيد ولاكن بين ضلوعى زحام خايف ولاكن خوفى منى انا اخرس ولكن قلبى مليان كلام عجبى لو فيه سلام في الأرض وطمان و أمن لو كان مفيش و لا فقر و لا خوف و جبن لو فيه سلام في الأرض وطمان و أمن لو كان مفيش و لا فقر و لا خوف و جبن لو يملك الانسان مصير كل شئ ده انا كنت اجيب للدنيا ميت ألف ابن عجبى Track 05 سهير ليالي و ياما لفيت و طُفت و ف ليه راجع في الضلام قمت شفت الخوف كأنه كلب سد الطريق و كنت عاوز أقتله بس خفت عجبى ولدي نصحتك لما صوتي اتنبح ما تخفش من جني و لا من شبح ولدي نصحتك لما صوتي اتنبح ما تخفش من جني و لا من شبح و ان هب فيك عفريت قتيل إسأله ما دافعش ليه عن نفسه يوم ما اندبح عجبى Track 06 يا طير يا عالي في السما طظ فيك ما تفتكرشي ربنا مصطفيك برضك بتاكل دود و للطين تعود تمص فيه يا حلو و يمص فيك عجبى انا قولت كلمه و كان لها معنين كما بطنت واحده و تؤامين زين شين انا قولت كلمه و كان لها معيين كما بطنت واحده و تؤامين زين شين لو دنيا شر التؤام الخير يموت ولو دنيا خير الشر هيعيش منين عجبى عجبى Track 07 لا تجبر الانسان ولا تخيره تكفيه ما فيه من عقل بيحيره اللى انهارده يطلبه يرضاه هوه اللى بكره هيشتهى يغيره عجبى عبسا بقول و اقرا فى سوره عبس متلومشى حد ان ابتسم او عبس عبسا بقول و اقرا فى سوره عبس متلومشى حد ان ابتسم او عبس فى ناس تقول الهزل يطلع جد وناس تقول الجد يطلع عبس عبس عبس عبس عبس عبس عبس عجبى يا عندليب متخفش من غنوتك قول شكوتك و احكى على بلوتك الغنوه مش هتموتك انما كتم الغنا هوه اللى هيموتك عجبى Track 08 تسلم يا غصن الخوخ يا عود الحطب ييجي الربيع تطلع زهورك عجب تسلم يا غصن الخوخ يا عود الحطب ييجي الربيع تطلع زهورك عجب و انا ليه بيمضي ربيع وييجي ربيع و انا ليه بيمضي ربيع وييجي ربيع و لسه برضك قلبي حتة خشب عجبى Track 09 كرباج سعاده وقلبي منه انجلد رمح كأنه حصان و لف البلد و رجع لي اخر الليل و سألني ليه خجلان تقول انك سعيد يا ولد عجبى غمست سنك في السواد يا قلم عشان ما تكتب شعر يقطر ألم غمست سنك في السواد يا قلم عشان ما تكتب شعر يقطر ألم مالك جرالك إيه يا مجنون و ليه رسمت ورده وبيت و قلب و علم عجبى Track 10 قالوا الشقيق بيمص دم الشقيق والناس ما هياش ناس بحق وحقيق قلبي رميته وجبت غيره حجر داب الحجر ورجعت قلبي رقيق عجبى ياللي انت بيتك قش مفروش بريش تقوي عليه الريح يصبح ما فيش ياللي انت بيتك قش مفروش بريش تقوي عليه الريح يصبح ما فيش عجبي عليك حواليك مخالب كبار و مالكش غير منقار و قادر تعيش عجبى Track 11 إنشد يا قلبي غنوتك للجمال و ارقص في صدري من اليمين للشمال ما هوش بعيد تفضل لبكره سعيد ده كل يوم فيه الف الف احتمال عجبى اهوا الهوا و همس الهوا فى العيون وبسمه المغرم و دمعه الحنون اهوا الهوا و همس الهوا فى العيون وبسمه المغرم و دمعه الحنون وزلزلات الهوا نهد الصبى اكون انا المحبوب او لا اكون عجبى Track 12 جالك أوان ووقفت موقفت وجود يا تجود بده با قلبي يا بده تجود ما حد يقدر يبقى على كل شئ مع إن عجبي كل شئ موجود عجبى أنا اللي بالأمر المحال اغتوى شفت القمر نطيت لفوق ف الهوا أنا اللي بالأمر المحال اغتوى شفت القمر نطيت لفوق ف الهوا طلته ما طلتوش إيه انا يهمنى وليه ما دام بالنشوة قلبي ارتوى عجبى أنا اللي بالأمر المحال اغتوى شفت القمر نطيت لفوق ف الهوا طلته ما طلتوش إيه انا يهمنى وليه ما دام بالنشوة قلبي ارتوى عجبى أنا اللي بالأمر المحال اغتوى شفت القمر نطيت لفوق ف الهوا أنا اللي بالأمر المحال اغتوى شفت القمر نطيت لفوق ف الهوا طلته ما طلتوش إيه انا يهمنى وليه ما دام بالنشوة قلبي ارتوى عجبى Track 13 غمض عينيك و ارقص بخفة خفه و دلع الدنيا هيه هيه الشابة و انت انت الجدع غمض عينيك و ارقص بخفة خفه و دلع الدنيا هيه هيه الشابة و انت انت الجدع تشوف رشاقة خطوتك تعبدك لكن انت لو بصيت لرجليك تـقع عجبى :Mazakonia (95): :Mazakonia (95): رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان