'' MEGO '' قام بنشر September 9, 2011 Share قام بنشر September 9, 2011 :blush: فيسبوكي انا ماليش اكونت على الفيس بوك اسمع من مكى خلو بالكو م اللى بيعمل فيس بوكه انه فيس بوكى حاول تحلقلو تنفضله فكك منه او فكى مهما قالك و حلفلك و بعتلك سكه او سوكي نازل م البيت بليل اجيب فول بيض ذبادى وفينو العشا الرسمى ف مصر طبعا كلنا عرفينه قابلت واد فاقد من الحته وفقرى واسمه نينو معمي ميه ودخان وبيهزي يخرب بيت سنينه قالى ينفع يا مكى على الفيس بوك اعملك اد انا واحمد معتز و طارق و بك بك وعماد وانت تنفضلنا التنفيضة السوده دى خد ياض اعملنااااااا اد اعملناااااااااا اد مش مهم معتز و طارق المهم انا و عماد قلتلو يابنى انت بتهزى ولا بتتكلم جد انا من زمان بينى و بين الفيس بوك ميت سد وسد اخرى كان الهاى فايف يمكن و الـicq هاتقولى عندك فيس بوك هقولك داااااام يو خدنى من ايدى البيت يورينى اصل الموضوع قام فاتح الفيس بوك فلقيت 30 اكونت مصنوع حطين صورتى و كاتبين اسمى و عاملين نفسهم انا وكل واحد فيهم بيكلم الاف ف السنة هموت و اعرف بيقولو ايه الناس على لسانى دي حاجة تخوف ترعب حط نفسك مكانى لسة مفوفتش من الصدمة قام نينو ورانى حاجة تانى فتحلى ع الفيس بوك فان بيج مية الف فانز كاتبين كلام جميل خلى قلبى مرفرف فرحان شكرا لكل الي كتب ان كان ليدى او مان ملحقتش افرح راحت الفرحة بقيت قاعد غضبان اصل لاحظت ان اللى عمل الصفحة عيل كتيان متقمصنى و بيتكم زى دبور فى فيلم مرجان كبر جيهك روق ديهك اخبط ديى يا مان سلاطتك بابا غنوجك و اضربلك خابور كمان ركزت انا في كل اللى كتبه الواد ده لقته هباب دخلت فى لحظة كتبت في كل الصفحة ده واد نصاب مسح اللى كتبتة بسرعة رد وقال هو الكداب فجاة الكل افش كشر كان ناقص يرمونى قبقاب وبعتلى شتيمة عملى بلوك و طردنى طرد كلاب يقطع النت على النتيت على ع ينتتوا عليه دورت اكتر و لقيت صفحات على النت باسمي كتيره كل اما افتح صفحة القيها مليانه فتاوى كبيرة اخبار حصرى على لسانى مكي اصلو اداني التاشيرة وعلاقتى بالناس زى دي زي علاقة الدولارات بالليرة معرفش عنهم حاجة ولا حتى بتجمعنا الجيرة ربنا يشفيهم دول ناس عيانه مش ناس شريرة كل ساعة بتصريح متفبرك ليا وكله حماسة ايشى فن وايشي اخبار شخصية و فتى ف دين و سياسة الاغرب انى بلاقى ناس عقلة كبيرة وبتصدق وبتاخد كل اخبارى المكذوبة منهم وبتفرق والفتية بتفضل تكبر تنتشر تضخم تترستق تتذوق تتروق وتترقى لاشاعة و تتصدق تانى يوم بلاقيها تتاكد اخبار فنية اتشل فاوقفت مع نفسى واقفة طويلة ولقيت الحل قررت اعلن ف اغنية انى مليش اكونت او سايت لو قابلك اي مكى على النت قوله جود نايت انا ماليش اكونت على الفيس بوك اسمع من مكى خلو بالكم اللى بيعمل فيس بوكه انه فيس بوكى حاول تحلقلو تنفضله فكك منه او فكى مهما قالك و حلفلك و بعتلك سكه او سوكي الويب سايت الوحيد اللى فعلا بتاعي www.mekky4real.com اى حاجه تانية عالنت حماده بالجنزبيل مكييييييي ؟ بويستي بوي؟ ايه اللي جابك هو انت فعلا هتعمل فيلم اسمه ثعبان البحر .... اللى هو بالانجليزى سيس؟؟ ايه ده انت جبته منين؟ فيييييس بوك؟ الله يخرب بيتك على بيت الفيس بوك طيب ياعم ما تزعلش ممكن اغني الكورس؟ اتنيل جو شاوتي ... الشبكشي جو شاوتي ... برده الشبكشي شبكشي؟ وبعدين الكورس ده مش بتاعى دا بتاع Fifty Cent (فيفتي سنت) اه صحيح .. تصدق معاك حق؟ طب خد دي انا ماليش اكونت على الفيس بوك اسمع من مكى خلو بالكو م اللى بيعمل فيس بوكه انه فيس بوكى حاول تحلقلو تنفضله فكك منه او فكى مهما قالك و حلفلك و بعاتلك سكه او سوكي It's right show >> Ooh baby http://www.youtube.com/watch?v=ttPzezkcpjU&feature=player_embedded lazeeeeeeeeeeeza elsongaya d gamda seti ;) :P 1 رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان