المشتاقون الى رضوان الله 5

[virus_dead_5]

بسم الله الرحمن الرحيم

بسم الله والصلاه والسلام على المصطفى حبيب الله محمد بن عبدالله..يعنى آخر حلقه كنا بنتكلم عن حب الله تبارك وتعالى احنا برضو فى الحلقه دى هنتكلم عن الحب ..بس يا ترى هنحب مين النهارده..النهارده هيكون اول يوم فى حب مين؟؟...

(حب الرسول الكريم) عليه افضل الصلاه واتم التسليم

وهنبدأ بسؤال..يا ترى انت بتحب رسول الله(عليه افضل الصلاه وازكى السلام)؟ يا ترى مين اغلى شخص عندك فى الحياه دى؟؟يا ترى الحبيب محمد ده قدوتك؟ مين الى تحطه ادام عينيك تقول هو ده قدوتى .اه فى الموقف ده كان بيعمل كذا والموقف ده كان بيعمل كده..يا ترى هو ولا عيالك..يا ترى هو ولا فلوسك يا ترى هو ولاحبيبتك..لا..هو..صعب ..بس لكن يكون هو...بس شرط قبل ما هكلمك عنه تفتح قلبك عيب نكون بنتكلم عن النبى وانت قافل قلبك كده ..ماشى..هو بيتكلم عن نفسه بيقول ايه (( لا يؤمن احدكم حتى اكون احب ايه من اهله وولده ونفسه وماله)) لا يؤمن هنا مش معناها تبقى كافر لا لا..معناها انك مش هيكتمل ايمانك إلا لما يكون الرسول عليه الصلاه والسلام احب اليك من الاربعه دول..وقبل الاربعه دول لسه مش اكتمل ايمانك..تفتكروا ممكن واحد يدخل الجنه وإيمانه ناقص او داخل بنص إيمان..لا لا..مره كان النبى ماشى فى الطريق ومعه سيدنا عمر بن الخطّاب..فا النبى عليه الصلاه والسلام له لفتات كده رقيقه ترقق القلوب فا النبى مسك ايد عمر بن الخطاب فا المسكه دى عملت فى قلب سيدنا عمر بن الخطاب حاجات كتيره اوى فا لوحد كده قال عمر بن الخطاب((والله يا رسول الله إنى احبك)) فسأله النبى(( اكثر من مالك يا عمر)) فقال((نعم يا رسول الله))فقال سيد الخلق(( اكثر من ولدك يا عمر)) قال ((نعم يا رسول الله))قال عليه الصلاه والسلام((اكثر من أهلك يا عمر)) فقال ((نعم يا رسول الله)) قال الحبيب((أكثر من نفسك يا عمر))فقال((لا يا رسول الله)) فقال عليه الصلاه والسلام((لا يا عمر لا يكتمل إيمانك حتى اكون احب إليك من نفسك)) عبد الله بن عمر بيحكى فبيقول فخرج أبى وجلس يفكر ونظر للنبى صلّى الله عليه وسلم وقال له(( والله يا رسول الله انت الآن أحب إلى من نفسلى)) فنظر إليه النبى وقال له((الآن يا عمر الآن يا عمر))يعنى الآن اكتمل إيمانه..فتحير عبد الله بن عمر وقال لأبيه ماذا فعلت لتجعل النبى احب اليك من نفسك فقال يا بنى ((سألت نفسى إلى من تحتاج اكثر يا عمر؟؟إلى نفسك ام الى رسول الله؟؟)) فوجدت ((انى كنت فى الضلاله وما اخرجنى الله الى النور إلا برسول الله ووجدت ان جاء يوم القيامه وانى داخل الجنه ولكن لا ادخل الفردوس الاعلى إلا برسول الله فوجدت أنى احتاج إليه أكثر من نفسى فاحببته أكترمن نفسى)) على فكره احنا محتاجنله جدا يا جماعه والله محتاجنله..لو عرفت انت محتاجله اد ايه يوم القيامه هتحبه حب غير عادى..تخيل انك يوم القيامه ويوم شديد الحر والتعب ووسط كل ده ..النبى يدعى امته ويقول ((أ متى أمتى)) وينصب الحوض(حوض النبى صلى الله عليه وسلم) فيسقيك النبى بيده الشريفه شربه هنيئه لا تظمأ بعدها أبدا..انت شايفه وشايف الحوض فا تجرى عشان تشرب باديك يقولك لا ..لا تشرب حتى اسقيك انا بيدى..الالطف من كده ان كل الانبياء يوم القيامه يقولون ((يا رب سلّم يا رب سلّم)) الوحيد الى بقول كلام مختلف هو الحبيب المصطفى عليه افضل الصلاه وازكى التسليم يقول((يا رب أمتى يا رب أمتى ))..يبكى النبى ذات ليله بكاء حارا..فينزل جبريل ما الذى يبكيك يا رسول الله ((يقول أمتى أمتى))فقال الله عزّ وجلّ(( إنا لن نسؤك فى امتك ابدا يا محمد))..طيب..تفسير الآيه((ولسوف يعطيك ربك فترضى)) تلاقو ان دى من اجمل الايات الى نزلت فى القرآن..ليه ؟..دىآيه اتالت للنبى هنديلك كل الى انت عايزه ويرضيك..طيب دى علاقتها ايه انها تطمنا فى القرآن..يقولك اصل النبى لا يرضى وواحد من امته فى النار..تلاقى مثلا إمرأه مات ابوها وابنها وزوجها فى غزوه احد..طلعت إشاعه ان النبى مات فى غزوه احد ..فا وهى ماشيه فا ناس قابلتها وقالتلها ((مات زوجك فى أحد)) تقولهم ايه((ما فعل برسول الله)) فيقولون ((انه بخير)) فتقول (( لا حتى أراه بعينىّ)) فا تتقدم شويه ويقوللها ((ابوكى مات)) تقول ((ماذا فعل برسول الله))يقولون ((بخير)) وتقول ((لا حتى أراه بعينىّ)) وتتقد شويه فا يقوللها(( مات ابنك)) فتقول ((ماذا فعل برسول الله))فيقولون ((بخير)) تقول ((لا حتى أراه بعينى)) ..فا تشوف النبى وتقول ايه((كل مصيبه بعدك هينه يا رسول الله))طالما انت بخير كل مصيبه بعدك هينه يا رسول الله..فى احدى الغزوات قريش عرفت ان الرسول فى النطقه دى فا ألقت السهام عليه من كل ناحيه..فا صحابى اسمه ابو دجانه انا مش متذكر الاسم بالظبط..راح مترس على النبى,,يعنى اخد النبى فى حضنه كده وحلّق عليه..يقولوا السهام رشقت فى ظهره حتى كان مثل القنفد من كثره السهام..طيب النبى مش موجود نعمل ايه؟؟؟.هل سنته غاليه عليك ..بتحرص انك تتطبقها فى حركتك فى سكونك فى صلاتك وهكذا؟؟..شوف انت بقه غالى على النبى إزاى..النبى مره بص للصحابه وقال لهم ..((أى الناس اعجب إيمانا)) قالوا ((الملائكه)) فقال ((كيف لا يؤمنون وهم عند ربهم))..قالوا ((الانبياء)) فقال ((كيف لا يؤمنون وهم يوحى إليهم)) قالوا ((فنحن)) فقال ((فكيف لا تومنون وانا بين ظهرانيكم)) فقالوا ((من يا رسول الله)) فقال ((قوم يأتون من بعدى ويؤمنون بى ولم يرونى))ده الى هو احنا يا جماعه..مره النبى جالس مع الصحابه وبكر فقالوا(( ما الذى يبكيك يا رسول الله)) فقال (( اشتقت الى اخوانى))قالوا ((او لسنا إخوانك يا رسول الله))فقالوا ((لا انتم اصاحبى))((اما اخوانى فقوم يأتون من بعدى يؤمنون بى ولم يرونى))شفت انتوا غاليين على النبى عليه الصلاه والسلام إزاى العملء يقولا فى اربع حاجات لو عملتها تحب النبى عليه الصلاه والسلام,,,,,

1_كثره الصلاه عليه(عليه الصلاه والسلام)

2_دراسه سيرته

3_اتباع سنته

4_زياره مدينتهوالله ثم والله كل طريق إلا طريق محمد مسدود وظلام ..انت من غير سنه محمد متنفعش..يعنى ده الى انا قولته مش يجى حاجه فى الى عمله محمد من اجلنا كلنا عشان نبقى مسلمين..يا ترى المجهود الى عمله النبى انت بذلت ربعه حب للرسول..طيب اسمععوا بقه الجزء الى يخيلك تبكى كده ويحببك فى الرسول الكريم ((اللحظات الاخيره فى حياته))...انتوا عارفين حجه الوداع طبعا والنبى فى الحج ده أنزل الله قوله((اليوم اكملت لكم دينكم واتممت عليكم نعمتى))فبكى ابو بكر الصديق فقال ما الذى يبكيك فقال((هذا نعى رسول الله)) ورجع النبى وقبل الوفاه بتسع ايام نزلت آخر آيه فى القرآن((أتقوا يوما ترجعون فيه إلى الله))...,بدأ الوجع يبان على النبى..فقال أريد ان أزور شهداء احد..فا راح وهو راجع بكى الى انا لسه قايله فقالوا(( ما الذى يبكيك يا رسول الله)) فقال((اشتقت الى أخوانى....ألخ))..فا اشتد الوجع وكان فى بيت السيده ميمونه فقال ((اجمعوا زوجاتى)) فقال لزوجاته ((اتأذنون لى ان أمرض فى بيت عائشه)) شوفوا الزوج الى بتعامل مع زوجاته بكل احترام وجمال ورقه فقلن((أذنا لك يا رسول الله)) ايه الحنيه دى والاحساس ده..فا جاء على بن ابى طالب والفضل بن العباس فحملوا النبى فا اول لما خرجوا الصحابه شافوه واول مره يشوفوا النبى حد شايله..يا جماعه كلنا هنموت..يبدأ النبى وهو فى بيت السيده عائشه يعرق يعرق قالت عائشه كنت أخد يد النبى وامسح بها وجهه..طيب ما تمسحيها انتى ..تقول يد النبى اكرم واطيب من يدى..وتسمعه يقول لا إله إلا الله إن الموت لسكرات والنبى سامع ضوضاء فقال ما الامر ..فقالوا إ ن الصحابه فى المسجد ومجتمعون يريدون الاطمأنان عليك فقال انى ذاهب اليهم فلم يستطع القيام فصبوا عليه سبع قرب من ماء..فقام النبى وصعد على المنبر (آخر خطبه للنبى) ..اسمع الجمال بقه .يا ترى هيقول ايه((أيها الناس كأنكن تخافون علىّ))فقالوا((نعم))فقال((ايها الناس موعدكم مع ليس الدنيا موعدكم مع عند الحوض والله لكأنى انظر اليه من مقامى هذا)) ((أيها الناس والله لا الفقر اخشى عليكم ولكنى اخشى عليكم الدنيا ان تتنافسوها كما تنافسها الذين من قبلكم فتهلككم كما اهلكتهم)) ثم قال ((أيها الناس الله الله فى الصلاه))يا ناس يالى مش بتصلّوا بقالكو عشرين سنه الرسول حلفكم بالصلاه ثم قال((أيها الناس اتقوا الله فى النساء))..واكمل خطبته..وذهب الى البيت محمولا بردو ..فدخل عبد الرحمن بن ابو بكر وايده سواك..فنظر النبى الى السواك مش قادر يقول انا عايز السواك..فا السيده عائشه بتقول فهمت نظرته فاخذت الواك من عبد الرحمن ووضعته فى فمى لكى الينه حتى يكون لين يعنى..واعطيته لرسول الله صلاه ربى وتسليمه عليه فتقول كان آخر شئ دخل الى جوف النبى هو ريقى فمن فضل الله علىّ ان جمع بين ريقى وريق النبى شوفوا العاطفه ..علاقه زوجيه والله ما حد يعرف يقرأ العلاقه دى فى احلى الروايات الرومانسيه...تقول السيده عائشه ثم دخلت فاطمه فلما دخلت بكت ليه؟؟اصل هى متعوده اول لما تدخل على النبى النبى عليه الصلاه والسلام يقبّلها بين عينيها لكن مش قدر يقوم..فقال لها النبى ادنى منى يا فاكمه وقالها على حاجه فى ودنها فا بكت زياده وقال مره اخرى ادنى منى يا فكمه وقالها على حاجه فى ودنها فا ضحكت فلما مات النبى مات سالوها هو النبى قالك ايه؟؟قالت ((قال يا فاطمه إنى ميت الليله فبكيت)) والمره الثانيه((لما راى بكائى قال انتى اول اهلى إلحاقا بى فضحكت))فقال النبى اخرجوا من عندى فى البيت وقال ادنى منى يا عائشه ووضع الرسول الكريم رأسه على صدرالسيده عائشه..ايه ده يعنى يا رب هى دى الموته الى انت اختارتها لنبيك ..اه يموت وهو وفى صدر زوجته..ايه العاطفه الى فى الاسلام دى والله ما فى حاجه اجمل من كده..فدخل ملك الموت وقال السلام عليك يا رسول الله ارسلنى الله اخيرك بين البقاء فى الدنيا وبين ان تلحق بالله فقال النبى بل الرفيق الاعلى فا وقف ملك الموت عند رأس النبى زى ما هيقف عند رأس كل واحد مننا ايتها الروح الطيبه روح محمد بن عبد الله اخرجى الى رضا من الله ورضوان ورب راضى غير غضبان..تقول السيده عائشه فسقطت يد النبى وصقلت رأس النبى على صدرى..وذهبت للمسجد وتقول رسول الله مات رسول الله مات..فانفجر المسجد بالبكاء فهذا على بن ابى طالب مش قادر يقف من الهول..وهذا عثمان بن عفان كالصبى يؤخد بيده يمنه ويسرى وهذا عمر بن الخطاب يرفع سيفه ويقول من قال انه قد مات قطعت رأسه ولكن ذهب للقاء ربه كما ذهب موسى الى ربه وسيعود..اما ابو بكر فكان اثبت الناس فدخل على النبى وقال وآخليلاه آخليلاه وآحبيباه آنبياه ثم قبّل رأس النبى وقال له طبت حيا وميتا..مش عارف اقولكم ايه لو لسه مش بتحبوه ..يا ترى منزلته فى قلبك دلوقتى عليت لما حكيتلك ولا لسه .دى بس كده مقتطفات من حياته بالك سيرته عليه افضل الصلاه والسلام...يبقى هنخرج بدعوه(على طريقك يا رسول الله ولن نخيب ظنك ابدا)..استغفروا الله يغفر لى ولكم