littlejay قام بنشر July 13, 2006 Share قام بنشر July 13, 2006 (معدل) مش هطول عليكم دى اغنيه انا اللى مألفهاوالكلام بتاعها هابط وعامى بنسبة 150% بس هاخد من وقتك تلت دقايق بس تصحصح عايزك رايق لو فكرت تظبط واحده لازم تكون بياع كلام وتقول احلام اوهام وتعيش فأمان وكلام جاى من اى مكان متخبيش اللى جواك طلع من قلبك قول اهواك لو خبيت اللى جواك كلها يومين وتكون قلباك , انا مش هؤلك انى واد خطير بس على الاقل نزلت البير صدقنى الحب اسراره كتير صحصح نفسك وكون خطير وعلى فكرا الحريم انواع فى المؤدب وفى البياع فى القنوع وفى المفجوع لاء مش هعد دا فى ميت نوع بس اللى هقولو بصوت مسموع اختار بعقلك قبل الوقوع .................................................... فى حاجه تانيه وعايز اتكلم فيها اوعى تسلم قلبك ليها طبعا فهمنى حاول تلويها لو حسيت انها قلباك طظ فيها متلزمنيش والبنات كتير واهو بردو هعيش صدقنى الحب دى كلمه عبيطه كل اللى شافوه بيلبسو بورنيطه خليك على الموضه واقعد فالاوضه شـــيت مع موزه واضرب زغروطه بس اوعى تكون وانت بتتكلم وشك يحمر ويبقى زى الاوطه .............................. ( قلبتك اقلبها انت كمان ........ حبتك عيشها فأمان بس اوعى تدى لنفسك فرصه انها تؤلك سلام ) (قلبتك اقلبها بردو لعــــــــبتك العب بيها بلياردو .. بس اوعى تدى لقلبك فرصه انو يدوس على كرامته ) وانا كل كلامى كان عالبنات بس انا مش بألف وبقول اشاعات يعنى ايه الواد يكون مقلوب وال ايه فالحب كان دايب دوب والبنت تكون عادى وفرحانه وهو اللى زى مايكون فحضانه انا بقول رأيىى وبأمانه بس مفيش اوحش من الخيانه وعلى العموم دى اصغر الدروس ولسه كتير وياما هدوس بس اوعى تيئس وتكون متعوس وحتى لو كانت الصدمه كبيره متعش كتير وتشربلى البيرا , كلها اسبوع شهرين وتلاته والموضوع يتنسى وتعيش فسعاده ( قلبتك اقلبها انت كمان ........ حبتك عيشها فأمان بس اوعى تدى لنفسك فرصه انها تؤلك سلام ) (قلبتك اقلبها بردو لعــــــــبتك العب بيها بلياردو .. بس اوعى تدى لقلبك فرصه انو يدوس على كرامته ) تم تعديل July 25, 2006 بواسطه ! Sweet Girl رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان