NoooGa

وحيده على طول مخنوقه لبعض الوقت

فى البدايه تسلم ايدك يا سالومى حلو اوى الموضوع ده انت مين؟ لما اعرف هقولك بتحب ايه؟ معنتش بحب حاجه عندك هوايات؟ايه هيه؟ هواياتى انى بقعد مع نفسى واقرا قصص واتعلم منها بتقرا ؟ بتقرا ايه؟ هههههه اه وبحب كتب القصص واتعلمت من فتره صغير احب علم النفس بالنسبه ليك القراءه مهمه ولا؟ اه طبعا اهم من اى شئ على الاقل فى الفتره الاخيره مين اكتر حد بتحبه وليه؟ ربنا لانه كبير اوى ايه اكتر حاجه بتأثر فيك و مين اكتر حد بتتأثر بيه ؟ انى الاقى حد زعلان منى وانا مقصدش صديق عزيز عليا عندك مثل اعلى؟لو عندك مين هوه؟ ولو معندكش طب ليه؟ عندى والغريب انه ولد واكبر منى بسنين صغيره ومش شرط يكون المثل الاعلى راجل كبير او ام كبيره مين الشخصيه الى اثرت فيك اوى مش لازم تكون مشهوره بس مش قادر تنساها سابت جواك حاجه ؟ شخصيه محترمه خسرتها بس مش هقدر اقول اسمه وفعلا مش قادره انساه وسابت جوايا حاجات مش حاجه حاسس بالامان مطمن ولا قلقان؟ قبل شهر كنت فى امان دلوقتى معتقدش فكرك بكره هيبقى احلى ولا انت شايف ان النهرده كويس؟ لا اللى جاى هيكون احسن راضى عن نفسك ؟ مش اوى طب ليه؟ علشان حاجه كده بتحلم تشتغل ايه؟ مش محتاجه شغل تفتكر هتقدر تحقق الحلم ده ولا صعب؟ الحمد لله عندى المقدره اشتغل فى اى مكان انت طموح؟نفسك توصل لحد فين؟ نفسى فى الامان بس فى زمن بقى الامان مش موجود التلفيزيون بياثر فيك وفى افكارك ولا لا؟وليه؟ لا خالص لانى عارفه انه تمثيل وضحك على بعض ايه رايك فى السينيما؟ فين السينما اصل بتفيدك ولا مبتفرقش معاك؟ خالص انا اخر مره دخلت سينما الشهر اللى فات وندمت بصراحه على الفيلم ده الفن بالنسبه ليك مهم ولا تضييع وقت؟ انا بكره بصراحه الفن وخصوصا اللى بيغنوا مش عارفه ازاى عايشين بفلوس حرام ايه صفات البنت الى تحب تتجوزها؟ الولد بقى اخلاق رجوله والباقى مقدور عليه تفتكر الناس لسه فيها خير ؟ اكيد طبعا بش مش كتير وياريت اللى يلاقى حد فيه الخير يمسك فيه انت عايش ليه ايه هدفك فى الحياه ويترى بتسعى عشان تحققه ولا نايم؟ اكيد ليا هدف وهوصله ان شاء الله

أتمنى الايام ترجع بيا شهر واحد بس لان الشهر ده اسعد شهر فى حياتى

انا عايشه بس عشان ايه حقيقى مش عارفه والسبب فى ده ان مش ناقصى حاجه بس من وقت قريب بدات احس بطعم جديد بس انا انسانه طيبه

1- ايه هى الحرية فى نظرك وهل انت حر ؟ اللى انا بعمله ده هو الحريه بجد بخرج محدش بيقولى كنتى فين وبدخل نفس الوضع بس الحمد لله انا عارفه نفسى كويس وده مش عيب وانا فى الجامعه ومع ذلك مش ليا اصحاب يدوب على قد المحاضرات والسكاشن وبس اركب العربيه وارجع البيت حتى النت مش بفتحه غير نادرا 2 - فى حد قبل كده ادخل فى حياتك وقرر عنك ولا انت بتقرر كل امورك بنفسك ؟ بنفسى طبعا بس بحتاج المشوره مع الناس القريبه منى 3 - بتؤمن بالحب من النظره الاولى ؟ مجربتش بصراحه لانى محبتش غير مره واحده ومع ذلك بشوف ناس كتير ومش بتشد لحد 4 - اسرارك بتقولها لمين ؟ لاخويا ولصديق ليا 5 - هل انت مؤمن بمقولة ان الحب اعمى ؟ اكيد -6 - وللبنات لو قلتلك اتخلي عن حاجه من دول هتختارى ايه الزواج - المال - الجمال - الحب - الدين - الاطفال هتخلي عن المال طبعا -7 لو حسيت ان نفسيتك تعبانه ممكن تروح لدكتور نفسانى ولا هتخاف الناس تقول عليك مجنون ؟ لا بصراحه مش هخاف بس مش هروح لان انا عارفه برتاح واتكلم مع مين ربنا يخليه 8 - لو اتعرضت للخيانه ممكن تعمل ايه ؟ مش هعمل حاجه انا مش بيفرق معايا اى حد لانى مش محتاجه حاجه من حد 9 - هل انت ممكن تمشي على الموضه حتى لو كانت غريبه على مجتمعك ؟ لا والله انا بلبس اللى بشوف نفسى فيه 10 - لو حبيبك او حبيبتك مش عاجبه حاجات كتير فيك هتغير نفسك عشانه ولا يحبك زى مانت يا اما تسيبه ؟ هو فعلا مش عاجبه فيا حاجه واحده بس انى مرتاحه ماديا عنه بس انا اعمل ايه 11 - ايه اكبر خلاف بينك وبين اسرتك للاسف معرفش معنى الاسره بالمفهوم العادى والدتى متوفيه ووالدى مسافر ومفيش غير اخ واخت هما كل حاجه ليا مع خالى عشان كده مفيش خلاف 12 - هل شخصيتك ادام الناس هى شخصيتك الحقيقيه ؟ اكيد ومش بحب اتغير وناس كتير اوى مش عاجبها نظامى بس انا مرتاحه كده 13 - ايه اكتر حاجه بتحبها فى نفسك ؟ بحاول ارد المعروف 14 - وايه اكتر حاجه بتكرهها فى نفسك انى مش قادره انسى