terraram

تسلم ايديكى يا ايمز على المعلومات الغريبه دى اطول اسم لمكان,يتكون من 167 حرفا وهو krungthep mahanakhon bovorn ratanakosin mahintharayutthaya mahadilokpop noparatratchathani burirom udomratchanivet mahasathan amornipiman avatransathit sakkathattiyavisnukarmprasit والتي تعرف رسميا بمدينه (بانكوك)بتايلاند بس هى دى غريبه خالص

الواحد هايقول حسبى الله ونعم الوكيل انما ما باليد حيله يعنى عملنا مقاطعه وايه اللى حصل واتعملت مظاهرات واستنكارات كتير ولا حياة فيمن تنادى وكانك تصرخ ف وادى الحلول ف ايد القيادات الشعوب مش هاتغير حاجه وعلى فكره ده من علامات يوم القيامه ان تتكالب الامم على امة الاسلام كما تتكالب الاكله على قصعتها كلو عايز ينهش ف المسلمين ويبهدلهم واحنا بنتفرج بس ارجع واقول ان الناس هاتعمل ايه اذا كان اللى بالى بالك قاعد حاطط ايده ف الميه البارده وعمال يستنكر وخلاص

تسلم ايديكى يا قمر بجد القصص تحفه اوى ملحوظه..انا بعد كده هاقراها الصبح لكن مش دلوقتى خالصانا بخاف ومستنيين باقى القصه

وااااااااااااو تسلمى يا سالومى توبيك هايل بجد ومجهود رائع ربنا يهدى الجميع يارب

السلام عليكم ورحمة اللة وبركاتة جابوا بس بصراحة عايزة اشوف ربنا معاكوا 1- ايه هى الحرية فى نظرك وهل انت حر ؟ الحريه بالنسبه لى هىحرية التفكيروالراى واتخاذ القرارات يعنى ان الواحد يحس انه كيان وله ذاته وده طبعا ف حدود المجتمع والدين يعنى مبنيه على اسس صح اه الحمد لله انا حره 2 - فى حد قبل كده ادخل فى حياتك وقرر عنك ولا انت بتقرر كل امورك بنفسك ؟ لا الحمد لله حياتى لحد دلوقتى انا اللى مقرراها محدش فرض عليا حاجه 3 - بتؤمن بالحب من النظره الاولى ؟ لا يعنى عمره مبيبقى حب بيبقى اعجاب شديد شويه بس لو الظروف سمحت انك تقابلى الشخص اكتر من مره ممكن يقلب حب غير كده لا 4 - اسرارك بتقولها لمين ؟ لاصحابى بس فى نسبه منها بتبقى مع نفسى بردو 5 _ هل انت مؤمن بمقولة ان الحب اعمى ؟ اؤمن بيها لو القصد منها التغاضى عن بعض العيوب البسيطه انما عمى كلى عن اى عيب اياكان لا يبقى لازم الواحد يشغل عقله شويه بس مانكرش انها موجوده يعنى تلاقيه مفيهوش حاجه عدله وعندها قمر القرد ف عين امه -6 - وللبنات لو قلتلك اتخلي عن حاجه من دول هتختارى ايه الزواج - المال - الجمال - الحب - الدين - الاطفال هما كلهم طبعا مهمين والمال والبنون زينة الحياه بس لو هانرتبهم يبقى المال اخر حاجه ممكن القليل منه يكفى -7 لو حسيت ان نفسيتك تعبانه ممكن تروح لدكتور نفسانى ولا هتخاف الناس تقول عليك مجنون ؟ لا معنديش مانع خالص انا حتى كنت بادور على واحد من فتره كنت مكتابه 8 - لو اتعرضت للخيانه ممكن تعمل ايه ؟ حسبى الله ونعم الوكيل هو الوحيد اللى ياخدلى حقى انما انا باسامح فيها بس التمادى ف الخيانه يخلينى استحاله اسامح او اعرف الانسان ده تانى 9 - هل انت ممكن تمشي على الموضه حتى لو كانت غريبه على مجتمعك ؟ لا خالص لان ليا عليها تحفظات كتير 10 - لو حبيبك او حبيبتك مش عاجبه حاجات كتير فيك هتغير نفسك عشانه ولا يحبك زى مانت يا اما تسيبه ؟ انا ممكن اغير طباع فيا انما اغير طريقة تفكير دى صعبه شويه بس لو هو تفكيره اصح وانا اقتنعت بيه ممكن غير كده لا 11 - ايه اكبر خلاف بينك وبين اسرتك لا الحمد لله مفيش خلاف ظاهر يعنى انما هى المشاكل العاديه يعنى طول اليوم باتشاكس انا وماما ف المطبخ والبيت وكده ده غير اختلاف الاراءانما موصلتش لانها تبقى مشكله محدده واعانى منها يعنى 12 - هل شخصيتك ادام الناس هى شخصيتك الحقيقيه ؟ اه الحمد لله 13 - ايه اكتر حاجه بتحبها فى نفسك ؟ انى طيبه والناس بتحبنى الحمد لله عندى مساحه ف قلبى وعقلى للناس اللى حواليا استوعب مشاكلهم 14 - وايه اكتر حاجه بتكرهها فى نفسك العصبيه ...وانا عصبيه مبعرفش حد هى الطيبه بردو ومتقوليليش ازاى بس ده يمكن عشان فيه ناس بتفهمها غلط تسلم ايديكى يا سالومى توبيك لذيذ اوى

هههههههههههههههههههههه والله الخبر ده المفروض ينزل مع النكت ولا حاجه هى الناس دى عايزه تجننا ولا ايه ؟قال السرقه الاضخم؟ تسلم ايديك ياباشا على الخبر

تسلم ايديكى يا سالومى نايس توبيك :Mazakonia (92): انا رايى ان السعاده عمرها مهتكون ف الارتباط مفيش سعاده ف حاجه تغضب ربنا ولو ان دى بقت فكره مقبوله ف زمن مبيجيش غير بكده يعنى كل واحده لاقيه الظروف اللى حواليها زى العنوسه اللى بتقولى عليها وكده وكمان الفرص قلت فتقوللك هو ده الحل انما لو فضلت ارفض اكلم اى حد يبقى هاعنس واقعد جنب امى اولا بقى الموضوع ده قسمه ونصيب يعنى كل بنت لازم تقتنع ان نصيبها هايجيلها لحد باب بيتها يعنى لو مكتوبلها انها تعنس لو عملت قرد بردو هاتفضل قاعده جنب امها وثانيا ان الولد مهما كان متفتح ومودرن وكده برضو لما ييجى يدوربيدور على البنت المحترمه اللى معرفتش قبلو هو اول واحد يعنى من الاخرالبنت لما تطيع ربها وتلتزم بدينها وادبها احسن ليها وده يديها امتيازات كتيره اوى عن غيرها المحترمه دلوقتى عمله نادره ف ليه متبقيش نادره ف دنيتك دى معلش طولت عليكى بس اتمنى المعنى يكون وصل

جزاك الله خيرا ياننوسه اللهم امين ويبلغنا رمضان على خير

سبحان الله تسلمى ياننوسه على الخبر يلا ربنا يهدهم يمكن يبعدو عن دينا ويسيبوه ف حاله

تسلم ايديكى يا سالومى نايس توبيكبصى انا هاجمع الاجابات كلها ف راى واحد انا رايي ان الصراحه حاجه حلوه اوى وهى مريحه فعلا بس ف حدود ليها هى مش مطلقه وهى سلاح ذو حدين زى المجاملات بالظبط لو ما استخدمتيهوش صح هايضرك انا رايي انو لو هاصارحك بعيب فيكى او تصرف غلط بتعمليه ولازم يتعدل هى هنا ممكن تجرح شعورك او تضايقك منى بس لازم اصارحك يعنى صراحه بناءه للافضل وساعتها لو معلقتش على تصرفك ابقى باجاملك او لو سالتينى ايه رايه ف اللى عملته وداريت عليكى رايي تبقى هى دى المجامله او النفاق يعنى انما لو هاصارحك بعيب موجود فيكى انتى ملكيش يد فيه مستوى اجتماعى او ظروف حياه مفروضه عليكى دى فيها جرح للشعور وساعتها الصراحه ملهاش لازمه دى حاجه خارجه عن الاراده والمجامله هنا اعتقد انها تلطف الموقف وتقرب المسافه بين الاصحاب انا عارفه انى طولت عليكى بس يارب يكون المعنى وصل انا عن نفسى اعتقد انى صريحه ف الوقت المناسب وماحبش المجاملات خالص انا احب انك تصارحينى بعيوبى

يا خبر ابيض انا اول مره اعرف الكلام ده تسلم ايديك والله على المعلومه الجامده دى

تسلمى يا ترررررررم على المرور ودايما منوره التوبيك كده

بسم الله الرحمن الرحيم لقد نقلت هذا الموضوع عن احدي الكتب وذلك لانه موضوع مهم جدا وهو عبارة عن اخطاء يقع فيها المصلين فلا تتجاهلوا الموضوع واقراوا الاخطاء بعناية وحاولا اجتنابها حتي يتقبل الله جل وعلي صلاتنا : فهذه أخطاء يقع فيها المصلين أحببنا التحذير من الوقوع فيها لأن العبادة مبنية على ما ورد في الكتاب والسنة وما خالفها فهو مردود على صاحبه لقول النبي صلى الله عليه وسلم { من عمل عملاً ليس عليه أمرنا فهو رد } رواه مسلم 1. قول بعض الناس نويت أن أصلى كذا وهذا خطأ لأن النية محلها القلب والتلفظ بها بدعه . 2. قول بعض الناس في الصلاة الجهرية عند قول الأمام { إياك نعبد وإياك نستعين } استعنا بالله . 3. قول بعض الناس إذا انتهى الإمام من القراءة في الصلاة الجهرية صدق الله العظيم . 4. قول بعضهم إذا قرأ الإمام { ولا الضالين } اللهم اغفر لي ولوالدي ضناً منه أن الناس يؤمنون على دعائه . 5- رفع السبابة في القيام من الركوع . 6. مسح الوجه بعد رفع اليدين من الركوع . 7. زيادة بعضهم في تكبيرات الانتقال الله اكبر كلمة ولله الحمد . 8. الإشارة بالسبابتين اليمنى واليسرى في التشهد وإنما المشروع اليمنى فقط . 9. رفع اليدين عند إرادة التسليم من الصلاة . 10. المصافحة مع السلام بعد انتهاء الصلاة . 11. مسابقة بعض المصلين الإمام في الركوع والسجود وهذا ورد فيه الوعيد . 12. دخول بعض المصلين إلى المسجد مسرعاً في أثناء الركوع وقوله للإمام إن الله مع الصابرين . 13. عدم التراص في الصفوف وترك أماكن فراغ وهذا مخالف للأمر بتسوية الصف . 14. الالتفات في الصلاة ورفع البصر إلى السماء وقد ورد النهي عن ذلك 15. مدافعة الأخبثين في الصلاة .والاولي ان تبدا بهما ثم تصلي بخشوع . 16. تكرار الفاتحة مرتين أو أكثر في الصلاة . 17. تغطية الفم والسدل في الصلاة . 18. الصلاة خلف صف فيه فرجه . 19. سحب احد المصلين من منتصف الصف بعد اكتماله للصلاة معه . 20. وضع اليد اليمنى على اليسرى تحت الصدر . 21. نقر الصلاة والإسراع في أدائها . 22. تغميض العينين لغير الضرورة . 23. النظر إلى ما يلهي عن الصلاة والواجب النظر إلى موضع السجود . 24. التخصر في الصلاة . 25. تحريك الهواء أثناء الصلاة بمروحة هوائية يدوية وغيرها . 26. تشبيك الأصابع وفرقعتها لقول النبي صلى الله عليه وسلم { لا تفقع إصبعك وأنت في الصلاة } 27. عدم إقامة الصلب في الركوع والسجود والنبي صلى الله عليه وسلم يقول { لا تجزيء صلاة لمن لم يقيم صلبه في الركوع والسجود } 28. عدم تمكين الأعضاء السبعة من السجود قال النبي صلى الله عليه وسلم {امرنا لنسجد على سبعة أعظم } رواه البخاري 29. الدعاء بعد الانتهاء من الصلاة والصواب أن المشروع هو التسبيح والتكبير والتحميد والدعاء إنما يكون في الصلاة نفسها في موضعين احدهما السجود لقوله صلى الله عليه وسلم { اقرب ما يكون العبد من ربه وهو ساجد فاكثروا من الدعاء } رواه مسلم الثاني بعد التشهد لقوله صلى الله عليه وسلم { إذا تشهد أحدكم فليستعذ بالله من أربع يقول اللهم إني أعوذ بك من عذاب جهنم ومن عذاب القبر ومن فتنة المحيا والممات ومن فتنة المسيح الدجال } رواه مسلم وفي حديث آخر { فليتخير من الدعاء أعجبه } وبعد هذا الكم من الاخطاء فارجوا من الله ان يبعدنا جميعا عنها وان يتقبل صلاتنا

لا حول ولا قوة الا بالله حتى الاطفال مسبوهمش ف حالهم

جزاك الله خيرا يا ننوسه قصه حلوه مووووووووووووووت وهو فعلا صلاة العشاء ساعات بتتقل شويه على الواحد بس ان شاء الله متتقلش خالص علينا بعد كده