[salumy]

طبعا كلنا كنا شاهدين علي الثورة العظيمه اللي حصلت في مصر واللي قدرت ترجع لمصر الحياه من تاني وحسستنا ان لسه في امل
ولان الثورة دي تاريخيه، لازم كل حاجه حصلت تتوثق وتفضل دايما موجوده عشان اللي يجوا بعدنا يقروا عنها وعن اللي حصل
الموضوع دة هايتثب هنا فى السايت واتمنى ما يتمسحش ابدا
علشان نفضل فاكرين قد ايه الشعب المصري كله ابطال وقد ايه الثورة دي كانت عظيمه وقدرت ترجع لمصر شبابها تاني
وبدأت تحطنا علي اول طريق الحريه والديموقراطيه والحياه الكريمه
باختصار شديد، التوبيك انا على قد ماهقد هاجع لكم ومن البدية احداث الثورة وهادمج معاهم المواضيع اللى بعض الاعضاء عملوها
وياريت اى حد عندو اى خبر اى صورة اى فيدو يدخل ويحطو فى التوبيك دة
واخيرا، ربنا يحمي مصر ويحفظها من كل سوء

[salumy]

اولا

دعوة 25 يناير تنتشر بسرعة البرق وتتنبأ بسقوط مبارك






دعوة 25 يناير التى حمل لواءها مجموعه من شباب مصر على ما يبدو بدأت فى تجاوز الخطوط الحمراء لأى دعوه سابقه

تلك الدعوه التى حمل لواءها مجموعه من الشباب بعضهم ينتمى لحركة 6 أبريل وحزب الكرامه والغد واخرون لا ينتمون لأى حركات سياسيه
المميز بها أنها حركه شبابيه لا ينتمى لها اصحاب المصالح او الحسابات الخاصه

وقد تم توجيه الدعوه قبل أسبوع مضى لمظاهرات واسعه فى كافة أرجاء مصر بغرض إسقاط النظام المصرى والرئيس حسنى مبارك على حد تعبير موجهى الدعوات
مستلهمين خطواتهم من الثوره التونسيه ..ثورة الياسمين

إلا أن السلطات المصريه واجهت هذا الخبر فى بداية الأمر بأستهزاء على أنه مظاهره كغيرها من التظاهرات إلا أن الدعوه بدأت فى الأنتشار مثل النار فى الهشيم
ليس فقط لزيادة عدد المتضامنين عبر موقع الفيس بوك والذى قارب ال 100 الف مشترك

ولكن أيضا بسبب رودو الأفعال العالميه والمحليه

فيبدو ان الشارع المصرى والمواطن الادى راضى عن هذه التحركات بشده ويثق فى هؤلاء الشباب فلا يوجد حزب او مجموعه سياسيه أو جماعه حازت على أتفاق جميع طوائف الشعب المصرى كما فعلت ذلك مجموعة 25 يناير

وقد بدأت الصحافه العالميه فى صفحاتها الأولى تكتب عن مظاهرة 25 يناير وبدأت التكهنات والتحليلات السياسيه

وفى ظل غياب رسمى لجماعة الإخوان المسلمين التى اعتذرت عن المشاركه فى مظاهرات يوم 25 يناير وتعللت بعدم الأستعداد لهذه الخطوه أكد أحد المنسقين لهذه التظاهرات أن شباب جماعة الإخوان سيشاركون فى التظاهرات بصفه شخصيه رغم أمتناع الجماعه رسميا

وقد أمتنع كل من حزبى الوفد والتجمع من المشاركه فى المظاهره إلا أن بعض أعضاء الحزبين قد خرجا عن طوع القياده الحزبيه وأعلنا أنضمامهم لمظاهرات 25 يناير فيما يبشر بثوره على القيادات القديمه الباليه حتى فى الأحزاب المعارضه والجماعات السياسيه

وقد صرح المناضل المصرى السيد حمدين صباحى بأنه يؤيد قلبا وقالبا شباب 25 يناير وقال بأن مصر لن يحررها إلا شبابها
وصرح بان على المصريين الا يشعلوا النار فى أنفسهم ولكن عليهم أن يشعلوا النار فى النظام الفاسد وأن يسقطوه يوم 25 يناير وقد اعلن عبر مدونته الخاصه أنه مع الشباب يوم 25 يناير

وفى مقدمة المتضامنين يأتى الصحفى المصرى إبراهيم عيسى الذى اعلن عن تأيده لأحداث 25 يناير القادم

وقد بدأ بعض الشباب توزيع بيانات على الانترنت وفى الشوارع تدعو جموع المصريين للخروج يوم 25 يناير فى مظاهرات فى كافة محافظات مصر

وقد حدد المتظاهرون يوم 25 يناير الذى هو يوم عيد الشرطه ليكون يوم أسود على الشرطه على حد تعبيرهم
والأكثر تحديا هو مكان المظاهره الأساسى وهو أمام مقر وزارة الداخليه المصريه مما يشكل تحديا كبيرا للأمن المصرى

وقد بدأت قوات الأمن فى الأنتشار فى الجامعات وفى الميادين منذ اليوم اى قبل التظاهرات بحوالى أربع أيام مما يشكل تحسبا ورعبا وقد بدأت مجموعات من رجال الأمن فى إزالة صور السيد جمال مبارك من اكبر ميدان فى مصر وهو ميدان التحرير
تحسبا للأعتداء عليها وحرقها من قبل المتظاهرين

وفى سياق متصل حذر محافظ البحيره من أى تظاهرات فى المحافظه حيث أستيقظتت المحافظه لتجد ملصقات وكتابات ملأت جدران الشوارع كلها ضد النظام الحاكم وكلها دعوات ليوم 25 يناير وقد حظر المحافظ من أى أعمال شغب وطلب مزيدا من الإمدادت الأمنيه لمحافظه البحيره حيث ان المحافظه تعيش حاله من الأحتقان منذ احداث دمنهور إثر إقامة مولد أبو حصيره وحملة الأعتقالات التى شهدتها المحافظه

وقد توقع محللون سياسيون ان تحدث أحداث خطيره يوم 25 يناير قد تهز النظام المصرى وقالوا بأن دعوة 25 يناير خرجت عن نطاق السيطره وان احدا لم يكن ليتوقع أن تحقق كل هذا الأنتشار فهى لم تصبح مجرد دعوه وجهها مجموعه من الشباب العاديين عبر مواقع مواقع إلكترونيه بل أضحت قلق لا يجعل النظام ينام
وأضحى الشعب المصرى كله ينتظر يوم 25 يناير بترقب حتى أن المواطنين العاديين قل اهتمامهم بمتابعة مباريات كرة القدم وأخبار الفن وأضحوا أكثر دخولا على المواقع السياسيه أكثر من أى وقت مضى وكأن يوم 25 يناير هو يوم الفصل

وكان مجموعه صغيره من الشباب لا يمتلكون أى إمكانيات قد ينجحوا فيما فشلت فيه الأحزاب المعارضه خلال سنوات وما عجزت جماعة الإخوان المسلمين عن تحقيقه طوال عشرات السنين وربما السبب الأصلى هو ان الدعوه من شباب لا يدفعهم إلا حب الوطن

[salumy]

ثانيا

ملحمة الثورة

[salumy]

ثالثا


لافيتات وتعليقات

[salumy]

رابعا

شهداء الحرية
ابدا كلامى بحزن حقيقه وبكلمه
لماذا هولاء ...؟ اتطرق بها لانها كلمه اخجل بها من هولاء الابطال الذى ضحوا بارواحهم فداء لمطالبهم البسيطه والبكم ما يلى :
هذه صوره توجز ضحايا نكسه النظام وفرحه ثروه الشباب شباب 25 يناير



الشهيد سيف الله مصطفى

١٦ سنة ـ لم يشارك فى المظاهرات، ولكنه أصيب بعيار نارى فى ٢٨ يناير خلال اقتحام قسم شرطة أول مدينة نصر، وتوفى يوم ١ فبراير الشهيد كريم بنونة

٢٩ سنة ـ مهندس ـ أب لطفلين: عمر ومريم

أصيب بطلقة من بندقية قناص بميدان التحرير فى ٣ فبراير




الشهيد مصطفى الصاوى
أصيب بالرصاص فى الصدر والرقبة بميدان التحرير




الشهيد أحمد بسيونى

٣١ سنة

مدرس بكلية التربية الفنية - جامعة حلوان

أب لطفلين: سلمى وآدم ـ قُتل فى ميدان التحرير





الشهيدة سالى زهران

كانت فى طريقها لميدان التحرير حين اعترضها «بلطجية» وضربوها بـ«الشوم» على رأسها. توفيت متأثرة بنزيف فى المخ




الشهيد محمد محروس
٢٩ سنة مهندس ديكور قٌتل رميا بالرصاص أمام قسم شرطة الخليفة.



الشهيد إسلام محمد عبدالقادر بكير
٢٢ سنة ـ حاصل على ليسانس آداب قسم الحضارات الأوروبية توفى بعد إصابته بالرصاص الحى خلال «جمعة الغضب» يوم ٢٨ يناير


الشهيد محمد عبدالمنعم حسين
٢٠ سنة توفى يوم الجمعة ٢٨ يناير بعد إصابته بالرصاص فى الرأس والصدر



الشهيد حسين طه
١٩ سنة طالب فى كلية الحقوق استشهد فى الإسكندرية يوم ٢٨ يناير





الشهيد محمد عماد حسين
٢٣ سنة قٌتل بالرصاص يوم الجمعة ٢٨ يناير فى منطقة جسر السويس بالقاهرة، أصيب بثلاث طلقات فى كتفه وصدره، ورأسه


الشهيد أحمد إيهاب
٢٥ سنة ـ مهندس

تزوج منذ شهرين، وُأصيب بالرصاص فى ٢٨ يناير وتوفى فى المستشفى يوم ٣ فبراير

[salumy]

خامسا
التنحى

بقلم الكاتب الجميل / بـلال فضـل


لم أنتظر حتى يكمل اللواء عمر سليمان خطابه التاريخى الوحيد،

ما إن سمعت كلمة « يتخلى » حتى جريت إلى البلكونة قبل أن أعرف تخلى عن إيه أصلا،

وأخذت أهتف « الله أكبر .. تحيا مصر .. غار فى داهية .. الله أكبر .. تحيا مصر »،

رفع رجل كان يمر فى الشارع رأسه نحوى بتشكك من لم يفارقه قرف الخطاب الأخير وسألنى « غار على فين ؟ »،

وأنا وجدت أن السؤال غير مناسب،

ولذلك واصلت هتافى الهستيرى وأنا أحتضن زوجتى وكدنا نسقط سويا من البلكونة من شدة الفرحة،

لكى نرحل سويا مع رحيل عهد مبارك، ونحقق أمنيتنا فى أن نموت سويا فى يوم واحد توفيرا للأحزان والمصاريف.



ابنتى ذات الأربعة أعوام والنصف رفعت فجأة سقف مطالبها بعد رحيل مبارك،

هى منذ بداية الثورة مقموعة ومبعدة عن التليفزيون الذى اختفى منه الكرتون وحلت الأخبار بالأمر،

كانت كل يوم فى الصباح وفور أن تصحو تنظر إلىّ كأنها مستغربة

« بابا إنت اتأخرت على المظاهرة .. ممكن تنزل عشان أتفرج على الكرتون »،

عندما رأت فرحتنا الجنونية قالت لى بثبات انفعالى لا يليق بطفلة « مبارك مشى ؟ »،

قلت لها « أيوه يا حبيبتى »، سألتنى بنفس الثبات « اتسجن ؟ »،

مت من الضحك وهى استغلت الفرصة وقالت لى « طيب ممكن نجيب الكرتون بقى ».

ابنتى الكبرى ذات الثمانية أعوام كانت أعقل من أختها بحكم السن،

كانت طيلة أيام الثورة تكتب منشورات بالقلم الرصاص مكونة من شعار وحيد « حسنى يا خاربها .. ارحل ياله وسيبها »،

ثم تقذفها من البلكونة إلى الشارع، ومع ذلك فقد قالت لى « مبارك صعبان علىّ يا بابا .. هيشتغل إيه دلوقتى ؟ »، وأنا لم أجد إجابة مناسبة.




فى يوم من أيام 1999 كنت مع أخى حمدى عبد الرحيم نستجم من وعثاء البهدلة بحثا عن لقمة العيش بعد أن شردنا مبارك وأغلق علينا صحيفة « الدستور »،

سألنى حمدى : لو مات مبارك دلوقتى هتكتب عنه مقالة عنوانها إيه ؟

قلت له هاكتب مقالة كلها على بعضها من كلمة واحدة : غـــــار،

أخذ حمدى نفسا من سيجارته وقال لى بعد تفكير : تفتكر الرقابة هتعديها ؟

كنا أيامها نعمل فى الصحف الصادرة بتراخيص أجنبية، والتى تخضع للرقابة فى أزهى عصور الحريات،

وبعد مداولات عديدة حول مدى أخلاقية هذا العنوان وملاءمته للمعايير الإنسانية

انفضت الندوة بتوصية واحدة هى أن هذا الرجل لن يموت إلا بعد أن يقضى علينا نحن أولا.



شوف يا أخى كرم ربنا، ها هو مبارك يرحل حيا ورغما عنه عن كرسى الحكم،

لكى يتيح لى أن أقولها بملء الفم : غار، نعم لقد غار، وغارت معه كل الأوهام التى ساهمت طريقته فى الحكم والتفكير والحياة فى إشاعتها عن هذا الشعب العظيم :

" شعب طائفى همه على بطنه مامنوش فايدة لا يهش ولا ينش خانع فوضوى وبق على الفاضى "

غار وأخذ معه ركوده ورتابته وملله الذى جعل المعانى كلها تنتحر،

غار فصرت أنا الذى كنت أرى علمنا القديم أجمل، أعشق هذا العلم إلى حد الجنون وأبكى كلما حملته أو رأيت طفلا يلوح به،

أنا الذى كنت أبكى مع أصدقائى كلما سمعنا « حلوة بلادى السمرا بلادى الحرة » ونخشى أن يتهمنا أحد بالهطل،

أصبحنا نبكى كل يوم فى ميدان التحرير ونحن نغنيها مع الآلاف ونحن فرحون لأننا نبكى كالرجال فرحاً بوطن حررناه بأيدينا،

لم نستعد وطننا وحده، بل كل الأشياء استعادت معانيها :

ألوان العلم وكلمات الأغانى الوطنية والعاطفية والميم والصاد والراء والكتب والأشعار والبلاغة

والنكتة والدموع والحرية والكلام الكبير والمبالغات الدرامية والتاريخ والسياسة والفلسفة،

كل شىء عاد كما خلقه الله، كأنه خلقه أمام أعيننا، كأن مصر خرجت من رحم المجهول ثانية وتلقيناها على أيادينا،

صارت الأم العظيمة ابنة لنا، وبات علينا أن نحياها بجد قبل أن نموت وتحيا هى إلى الأبد.



مشاهد كثيرة تتداخل فى ذاكرتى وأنا أكتب كوكتيل الرحيل هذا،

أوضحها وأكثرها إلحاحا مشهد لا يفارقنى منذ جمعة الشهداء العظيمة لرجل مصرى أحسبه كريم العنصرين،

قدم مع مظاهرة إمبابة العظيمة التى سأموت ناقص عمر لو لم أخلدها فى فيلم ملحمى سيكون أهم فيلم كوميدى عن الثورة فى تاريخ السينما،

كان يرتدى ترينج سوت كرنبى، ويمسك بصلة يشمها ثم يقول لصاحبه الذى كان يدلدق علينا الخل من زجاجة فى يده

لكى نفيق قليلا من أثر الغازات المسيلة للدموع التى كادت تقتلنا خنقا عند كوبرى الجلاء

« اللى زى ده مالوش جدة .. ده مايروحش جدة أبدا .. ده بعد ما نخلعه ييجى يقعد فى لعبة »،

نظر إليه شاب روش مندهشا وسأله من خلف الكمامة « لعبة إيه .. ده لازم يتحاكم ؟ ».

قال حمدى عبدالرحيم للرجل لكى يقرب الفوارق الدلالية بينهما « معلهش اعذره أصله من بتوع الفيس بوك »،

تفهم الرجل موقف الشاب وأخذ شمة عميقة من البصلة ثم قال

« لعبة دى فى بشتيل بعيد عنك يا باشمهندس .. أنا عايزه بقى بعد ما يتخلع نجيبه هو وعياله يقعد معانا هناك .. يعيش فى شقة تلاتين متر حمامها متر فى متر ..

وياكل عيش من اللى بنطفحه .. وينزل هو وعياله يملوا ميه كل يوم من الحنفية .. عشان يعرف كنا عايشين إزاى .. اللى زى ده مالوش جدة أبدا »،

جريت على صديقنا الإمبابى وأخذته بالحضن وقلت له « والله لاكتبها .. والله لاكتبها »،

نظر إلىّ وظن بى السوء، وبعد أن تحقق من هويتى قال لى « مش كده برضه والنبى يا باشا ؟ ».


تحـيــا مـصــر

[salumy]

سادسا







مقدم اركان حرب حسين شريف قائد المجموعة 64 قتال من القوات الخاصة
الصفحة دي للأعتذار ليه و لأسرته عن حالة التهكم اللي حاصلت ضده و للي عاوزين نبلغه أسفنا الشديد ،،، كل أحترمنا لكل فرد في قواتنا المسلحة اللي شرفونا و حامونا في الحرب و السلام
يقول الله تعالى : " يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ "

[salumy]

سابعا





دموعه كانت أبلغ تعبير عن صدقه.. كلماته لم تكن بحاجة لأدلة.. بساطته وحواره التلقائي كان عنوانه.. فأبكى المصريين جميعًا.. واستحق أن يكن ما لم يحب أن يصف نفسه به '' بطلاً''.

وائل سعيد عباس غنيم.. شاب مصري يحب بلده.. لم تسعفه الكلمات ليقدم أسفه وتعازيه لكل أهالي شهداء ثورة الغضب.. ولم تسعفه أيضًا في تقديم اعتذاره للمصريين عن أضرار لحقت بمصالحهم.. قال إنه وغيره لا يتحملوا مسئوليتها..

نحن أصحاب حق، ولست بطلا أو رمزًا أو فارسًا، أنا بطل '' كي بورد أو لوحة مفاتيح الكمبيوتر'' .. ولست خائنًا.. أو مدفوعًا من قبل أحد.. هكذا صمّم أن يتحدث عن نفسه .. متوجهًا لشباب ميدان التحرير بأنهم من يستحقوا البطولة.. لأنهم من قبلوا التضحية في الوقت الذي كان لا يمتلك فيها حريته عندما اختطفه أمن الدولة ليلة الشرارة الأولى للمظاهرات..

انهياره في البكاء عند رؤيته لصور شباب الشهداء لأول مرة.. وعدم استكماله لحلقة برنامج العاشرة مساءا على قناة دريم .. جعل جميع من يشاهدونه لا يمتلكون أن يمنعوا دموعهم من الفرار ...

'' أنا عاوز أقول لكل أب وأم أنا آسف، بس مش غلطتي، دي غلطة كل واحد كان ماسك في السلطة ومتبت فيها''.. كانت أولى الكلمات التي نطق بها وائل غنيم في حواره مع الإعلامية منى الشاذلي، عقب الإفراج عنه من مقر أمن الدولة، بعد اختطافه ليلة الخميس 25 يناير من قبل 4 من مخبري أمن الدولة.

مؤسس صفحة '' كلنا خالد سعيد'' أو وائل غنيم، أكد في حديثه إنه لم يتعرض لأي نوع من أنواع التعذيب البدني، في أمن الدولة، ولكنهم قاموا فور اعتقاله بتعصيب عينيه، فلم يرى من يحدثونه، أو حتى عرف أي معلومات عن ما حدث بعد مظاهرة 25 يناير، حتى التحقيق الأخير قبيل ميعاد الإفراج عنه.

لم يكن ذلك تأكيده فقط، بل شدد على أنه ليس خائنًا، أو تحركه هو ومن يعرفه من شباب مصر، أي أجندات خارجية، أو جماعات أو أحزاب سياسية، كما تصور أمن الدولة، وحاول أن ينتزع منه اعتراف بذلك، إلى أن اقتنعوا بأنه شاب مصري يريد الخير لبلده - حسبما قال وائل-.

وائل قال إنه قابل اللواء محمود وجدي، وزير الداخلية الجديد، قبيل الإفراج عنه، وتحدث معه حول مشكلتين أساسيتين.. الأولى .. لا يوجد حوار بين الشباب والنظام في مصر، الثانية .. انعدام الثقة بين الطرفين، إضافة الى التضليل الذي يمارسه الإعلام المصري


وائل غنيم ماسوني ولا مش ماسوني ..!


بدايه .. خلينا متفقين .. ان في ميه وتلاتين الف واحد - ان مكانوش ميه واربعين - .. هيقولي ..

انصحك بانك تخش تقرا البروتوكلات الصهيونيه .. وتقرا عن الماسونيه .. وهيتهمني بالتخلف.

----------

بعد الثوره المصريه بتاعت 25 يناير .. انتشرت الكثير من الصور علي الفيس بوك ..

الحق وائل غنيم ماسوني .. الحق ده لابس تشرتات .. الحق ده لابس حظاظات .. الحق بتاع البيت الابيض هو راخر لابس حظاظات !..

ارجع كام يوم للوراء كده .. واتفرج علي التلفزيون المصري اثناء الثوره .. الحق اجندات .. الحق اخوان .. الحق كنتاكي ..

الحق ..عناصر اجنبيه - بالمناسبه كان في عناصر اجنبيه بالفعل .. بس كانوا الصحفيين الي بيغطوا الخبر .. اصلهم مبينجموش -

الماسوونيه .. السيطره علي العااالم .. اليهوووود .. فووقوا يا مصر !!! ..

----------

خلينا انا وانت كده عزيزي القارئ .. قاعدين علي القهوه وبنتناقش .. ومعانا واحد رخم انا وانت مبنحبهوش

الصور الي علي الفيس .. بتدل علي ان وائل غنيم ماسوني !! .. حلو. ..

وكمان قالك في خبر من ويكيليكس - المشروع العجيب الي كنت بثق فيه الاول - قالك ان امريكا جندت وائل غنيم عشان يسقط النظام ..!! حلو كده ..

استرجع معايا كام نقطه ..

يعني وائل غنيم .. بالصلاة علي النبي كده .. كان قاعد في امريكا .. ولما حصلت حادثه خالد سعيد .. راحت امريكا قالتله ايه ..



السيناريو الاولاني

" خد يا واد يا وائل .. بص يا سيدي .. اعمل صفحه .. وسميها كلنا خالد سعيد .. واقعد نمي فيها .. وكبرها .. وعليها .. خليها زي بنتك ..

حافظ عليها .. وان شاء الله استني لما تونس تخلع بن علي .. وابقي هيج الشعب واسقط النظام .. بس متتأخرش يا ولا !! "


السيناريو التاني

" خد يا واد يا وائل .. بص يا سيدي .. بما ان الشعب اسقط النظام في تونس .. وانت صفحتك ما شاء الله كبيره وفيها ناس حلوين ..

فاحنا هنجندك .. عشان تسقط النظام عندكوا انتوا كمان .. وابقي خد معاك كام واحد كده .. عمرو سلامه علي محمد دياب ..

وابقوا قدوه للشباب يا حبيبي .. واد يا وائل .. امريكا بتعتمد عليكوا يا ولاد !! ..

وائل راح قايل : حاضر يا طنت "


السيناريو الثالث

" واد يا وائل .. انت عارف يا حبيبي انك ماسوني .. وان امريكا ماسونيه هي رخرا ..

وانت عاااارف يا حبيبيي .. نظام مبارك وحش ..

مش رادي يتعاون علي اسرائيل .. قاطع عنهم الغاز والميه والنور ..

ومش راضي يقفل المعبر .. ولا يبني جدار مع اسرائيلين عشان يساعد الفلسطينيين الوحشين ..

ووضعنا في اسرائيل متأزم اوي يا واد .. خد يا حبيبي الناس الي عندك علي الصفحه .. واسقطوا النظام ..

عشان نجيب واحد حلو مع اسرائيل .. في ظرف عشرين يوم تسقطوه يا ولا .. متتأخرش !! ..

حاضر يا طنت "


ولك عزيزي القارئ تخيل اي سيناريو انت عايزه ..

حيث ان امريكا واسرائيل كانوا متضايقين جدا من نظام مبارك الوحش الكخه الي مكانش متعاون معاهم ..

فجابولنا وائل .. عشان يسقط النظام ويضحك علي الشعب ويجيبوا واحد يخدم اسرائيل وامريكا.

يا صديقي القارئ .. بالله عليك كده .. امريكا هتهم لأمرنا بتاع ايه ؟؟؟...

يعني هتستفيد ايه لما النظام في مصر .. يكون ديمقراطيه .. يكون حاجه محترمه .. تحقق مطالب الشعب الي بينادي بيها بقالها تلاتين سنه

يعني مثلا .. وائل غنيم ده .. جاب مطالب من دولابهم الي في اسرائيل .. بافتراض انه ماسوني يعني ؟؟؟...

يعني مثلا .. الغاء قانون الطوارئ .. وان الفتره الانتخابيه تكون فترتين اقصاهم .. وتشيل الشروط التعجيزيه عشان الريس يترشح ..

دي مطالب اسرائيل مثلا .. وقالت لوائل اعمل كده يا وائل ؟؟؟؟

بلاش دي .. خد دي .. كرامتك الي كانت بتتهان مع الشرطه كل يوم .. في اي مصلحه .. مصالح البلد الي كانت واقعه ..

المليارات الي اتسرقت .. الي تشكل ميزانيه دوله .. هل ده كان شيء بيزعل اسرائيل وامريكا والماسونيه فراحوا قايلين لوائل ..

يا واد يا وائل .. عايزين نعمل البلد حلوه .. ونرفع راس وكرامه المصري عشان نعرف نسيطر عليه ؟؟؟



بافتراض افتراض خيالي علمي جاي من توم وجيري .. وائل ماسوني .. ها .. وبعدين .. اقصى حاجه ممكن يعملها ايه ؟؟

- وراعي برده انه كان مؤسس فكره خمسه وعشرين يناير او احد المساهمين فيها -

ها .. هيعمل ايه .. هيقولنا مثلا .. يا جماعه .. اقلبوا ماسونيين .. واحنا نقول .. سمعا وطاعه يا وائل !!

هيقولنا مثلا .. يا جماعه .. اتفرقوا .. وكسروا في بعض .. واعملوا مشاحنات .. ومتنضفوش الشارع !!! ..

سمعا وطاعه يا وائل ؟؟

يعني مثلا مثلا .. اقصى حاجه ممكن يعملها ايه .. اقصى اقصى حاجه .. هيقولهم يا جماعه البسوا حظاظات ؟؟



الشخص الرخم الي كان معانا في القهوه : طب بص يا سيدي .. تفسر بايه الحظاظات والتشرتات ادي واحد

تفسر بايه .. ان انت بتقول .. التلفزيون المصري كان بيقول اجندات .. واهو دلوقتي مفيش حكومه ..

الحكومه بردو الي بتقول علي وائل انه ماسوني ؟؟ .. ادي اتنين

يااااابني ..- ولازم يطول فيها كده - .. فووق بقي .. وائل ده ماسوني .. ماسووني .. يعني عايز يسيطر علي البلد عشان اسرائيل تحتلنا !!

انتا مبتقراش بروتوكولات صهيونيه ؟؟

----------

الحظاظات كل لون بيرمز لرمز .. يعني الاخضر الي كان وائل لابسه .. بيدل علي السلام وسلام البيئه ..

رمز بيستخدمه .. زي علامه النصر كده V ..

التيشيرت .. الماركه ماركه عالميه معروفه .. شبيهه بعلامه البوجو - مش بيجوه عشان بتقولوها غلط - ..

علي كده الي راكب عربيه بوجو وعليها الاسد اياه .. يبقي ماسوني كافر زنديق !!



الجمله الاخيره والمطلوب انك تستوعبها كويس :

وانا اسف يا وائل ان كنت بتقرا هذا الكلام .. ولكن لو افترضنا فرض ان وائل ماسوني

الشعب المصري مش شعب متخلف .. احنا شعب قمنا بالثوره في عشرين يوم .. نعرف نفرق .. اذا كان الشخص في مصلحتنا ولا لا ..

محناش قطيع غنم .. لو واحد قالنا روحو هنروح .. وارجوا هنرجع ..

عمر ما كانت الديمقراطيه وكرامه المصري خدمه لمصلحه اسرائيل

النظام السابق .. كان اكبر خادم وحامي لاسرائيل ..

وتأكد .. انه لو مكانش حامي وخادم لاسرائيل .. مكانش قعد 30 سنه .. زي صدام كده .. راحوا وجابوه

اسلوب التفرقه .. وتخوين الجميع .. هو احد الاساليب الاسرائيليه فعلا ..

لما تلاقي الصحافه والاذاعات الاسرائيليه ..عماله تقول في اخبار عشان توقع بين ده وبين ده

هي دي اساليبهم .. هتلر كان بيحرق فيهم عشان كده .. كان هتلر ينتصر .. يقولوا هتلر خسر

كان كل شيء .. عكسه ..

----------

اكرر مقولتي الاخيره ..

نحن ليس بقطيع غنم .. عشان حد يتحكم فينا

وائل ماسوني مش ماسوني ..- وبالمناسبه فكره ان يكون في احتمال انه ماسوني دي تدل علي عدم الوعيي .. وعدم الوعيي الي احنا فيه هو اكبر خادم لاسرائيل - مش هيفرق معانا ..

ولا حد هيتحكم فينا .. ولا احنا هننساق ورا اي رأي .. فاحنا عندنا عقل .. بنحكم بيه ..

غياب العقل .. هو الفكره الي عايزه تطبقها اسرائيل علينا ..

[salumy]

واخيرا وليس اخرا

كيف ترى مصر الأن؟




بعد أن مرت مصر بفترة عصيبة منذ 25 يناير حتى 11 فبراير 2011 كيف ترى مصر؟
السؤال موجه لجميع شباب مصر كيف ترى دورك في بلدك الأن
هل ستشارك في حياة سياسية؟
هل غيرت الثورة من بعض مفاهيمك القديمة ؟
هل جعلت الثورة منك شخصا جديدا؟
كيف تشاهد المشهد المصري الأن؟
هل شاركت في الثورة؟
هل تعاطفت معها؟
هل تختلف مع أهداف الثورة؟
ما هي أهم السلبيات و الإيجابيات من وجهة نظرك في الثورة الأخيرة؟ ماذا تريد أن تفعل لصالح وطنك؟
أنه حوار مفتوح بينا .. كيف ترى مصر و مستقبل مصر الأن؟
واخيرا وزى ماقولت فوق هنا كل مايخص الثورة اى حد عايز يضيف او يدمج حاجة يتفضل بس ياريت تجاوبو على الاسئلة الاخيرة دىوشكرا

[Neno]

tasl eadk ya a7la saloma we bagad edteny shawat ma3lomat


bas 3andy t3le2 baset


3ala



الشهيدة سالى زهران

كانت فى طريقها لميدان التحرير حين اعترضها «بلطجية» وضربوها بـ«الشوم» على رأسها. توفيت متأثرة بنزيف فى المخ




لا يا سلومى دى مش ماتت كده دى انتحرت من الدور التاسع لما ولدتها مردتش تنزلها التحرير
بس



[b]
واستناكى تانى فى حاجه خير ان شاء الله[/b]

[Rana_Roro]

nano2, فى 02 April 2011 - 03:06 PM, يقول:

tasl eadk ya a7la saloma we bagad edteny shawat ma3lomat


bas 3andy t3le2 baset


3ala



الشهيدة سالى زهران

كانت فى طريقها لميدان التحرير حين اعترضها «بلطجية» وضربوها بـ«الشوم» على رأسها. توفيت متأثرة بنزيف فى المخ

اه انا كمان قريت كدة واخوها قال كدة في كذا حتة عموما برضه تسلمي يا سلمى على مجهودك الكبير ده


لا يا سلومى دى مش ماتت كده دى انتحرت من الدور التاسع لما ولدتها مردتش تنزلها التحرير
بس



[b]
واستناكى تانى فى حاجه خير ان شاء الله[/b]

[refai]

Teslamy ya 2mr gamed eltopic
W ana l7d delw2t moktn3 en elsawra egabitha akter
(25 jan 2011)

[shoka]

bgad tslam edk ya saloma 3ala el Maghod da

[emz]

مجهود رائع جداااا بجد
تسلم الايادي