BoKa™ قام بنشر February 10, 2017 Share قام بنشر February 10, 2017 عيش باشا عيش باشا، آه يا باشا، الدنيا مرة واحدة متعاشة طب نندم ع اللي عدى ليه؟ طب م الندم هناخد ايه؟ Delete لناسنا الغشاشة هكبر دماغي وهفكني وأسهر واحب وهعيش واكتّر شلة صحابي وحبايبي واللي ميعكننيش اللي حبيبي يا ناس هجري عليه وابوسه واللي يعاديني خلاص لو حتى مين هدوسه! قصر الكلام يا ناس، وفايدته وخلوصه أنا بعد نفسي ميهمنيش! عيش باشا، آه يا باشا، الدنيا مرة واحدة متعاشة طب نندم ع اللي عدى ليه؟ طب م الندم هناخد ايه؟ Delete لناسنا الغشاشة عيش باشا، آه يا باشا، الدنيا مرة واحدة متعاشة حلوة الحياة والدنيا Peace، عايز انبسط وافرح واهيص سمعني غنوة عيش باشا هدوّر حياتي وزماني تاني، وانسى اللي بعيد عني واتصور مطلع لساني صورة سيلفي للي غيران مني اللي حبيبي يا ناس هجري عليه وابوسه واللي يعاديني خلاص لو حتى مين هدوسه! قصر الكلام يا ناس، وفايدته وخلوصه أنا بعد نفسي ميهمنيش! وهيا مالها وهيا مالها ان كنت مرتاح ولا تعبان بعدها مش اللي بيقول كلمة لازم كلمته يكون قدها مهتمة ليه بأخباري يعني؟ مش اتفقنا على الفراق؟ وكل واحد راح لحاله، قولولها ترحم نفسها قالت كلام يوجع كتير، وقلت برضو مانا الكبير حاولت مخسرهاش وطلعت هيا ملهاش فيا خير بقى دي اللي كانت بين ايديا؟ دي اللي لسه مغمضة؟ كانت شايلة فين القسوة ديا؟ مكانش ليها ف كل ده! ولما داقت بُعدي رجعت، بس مش هعمل كده قالت كلام يوجع كتير، وقلت برضو مانا الكبير حاولت مخسرهاش وطلعت هيا ملهاش فيا خير حنية الدنيا اللي فيها في ثانية راحت منها مش دي اللي متعود عليها، دي لأ يادوب تشبهلها! يا خسارة الحب اللي كنت بحبهولها، كرهتها قالت كلام يوجع كتير، وقلت برضو مانا الكبير حاولت مخسرهاش وطلعت هيا ملهاش فيا خير استكتروك استكتروك عليا الدنيا والزمن استكتروك عليا ودفعت انا التمن حاسس كإن الدنيا سرقت مني روحي عايش ما بين ألمي وبين جرحي ودموع عيني فاكرين بعادك عني جرح شبه جروحي ميعرفوش معنى اللي كان بينك وما بيني هو الزمان ده والحياة دي معودينني كل اللي حبتهم أوي بيضيعوا مني طول عمري واخد ألف ضربة من زماني بس اللي قسم الضهر بعدك انت عني صوتك وصورتك لسه ماليين الأماكن عمرك ما غبت حبيبي يوم دايماً على بالي يمكن بعيد عني لكن في القلب ساكن أول ما توحشني أوي ببكي على حالي ببكي على القلب اللي جرحه صرخ ونادى قلبي اللي مش ناقص ألم وعذاب زيادة قلبي اللي قلبك ردله الروح والأماني قلبي اللي عاش طول عمره محروم م السعادة عارف حبيبي انا ايه آلمني وايه واجعني؟ شايف الحياة بعدك خلاص معدلهاش معنى انت اللي كنت حاسسني، فاهمني وسامعني دلوقتي انا وقلبي اما نبكي مين هيسمعنا؟ دانا كنت بهرب من عذابي معاك وخوفي دانا كنت بيك بتحدى أيامي وظروفي رجّعت عيني تشوف ليالي الفرح تاني وبعدت عني بعد ما ردتلي شوفي بنت الأصول بنت الأصول، وعنيها الحلوة دول ده اكيد من كوكب تاني ولّا جاية من خيالي حنيّة ايه، قلبها يا سلام عليه اللي انا شايفه بعيوني حاجة ولا تخطر في بال كل المزايا فيها عارفة ايه اللي ليها وكمان اللي عليها، تحفة والله العظيم هادية وصوتها واطي، زي النسمة في حياتي لو دي متبقاش مراتي، يبقى عقلي مش سليم! دوا للعذاب، واللي عنده اكتئاب.. أول ما يشوف عينيها يهدى و ف ثانية يروق بالها طويل، صبرها دايماً جميل لو حتى جيت عليها دايماً تتعامل بذوق كل المزايا فيها عارفة ايه اللي ليها وكمان اللي عليها، تحفة والله العظيم هادية وصوتها واطي، زي النسمة في حياتي لو دي متبقاش مراتي يبقى عقلي مش سليم! مشيت طريق انت مشيت طريق، بعت ومفكرتش في شئ تجرحني، تدبح بالبطئ، وكإنه عادي! قال حاسس بضيق، لايق عليك دور البرئ ملاك ده ايه بحق وحقيق واقف قصادي الناس قالولي حبيبك خان، وانا قلت لا فرقنا زمان بكدب واخاف على جرحي يبان، واكتم في قلبي الآه بقى بعد ده كله راجع ليه؟ مستني مني اقولك ايه! قلبي اللي كنت بتلعب بيه كتر الوجع قساه انت مشيت طريق، بعت ومفكرتش في شئ تجرحني، تدبح بالبطئ، وكإنه عادي! قال حاسس بضيق، لايق عليك دور البرئ ملاك ده ايه بحق وحقيق واقف قصادي متقوليش ياريت، بالنسبة ليا انت انتهيت وزي ما نسيت اتنسيت، من بعدي ضايع استحملتك كتير وقلت عنك كل خير لو فيك يادوب ريحة الضمير متقولش راجع! الناس قالولي حبيبك خان، وانا قلت لا فرقنا زمان بكدب واخاف على جرحي يبان، واكتم في قلبي الآه بقى بعد ده كله راجع ليه؟ مستني مني اقولك ايه! قلبي اللي كنت بتلعب بيه كتر الوجع قساه حلم السنين أجمل ليالي العمر معاك، حلم السنين انا حققته من قد ايه وانا بستناك، يا أحلي قلب انا صدقته كل اللى فات من عمري ده ليك، حتى اللي جاي شايلهولك مبقتش بحلم بقى غير بيك، وحلم عمري شايلهولك أنا نفسي بس اقولك بحبك بس مش كفاية أنا نفسي كلمة تانية توصفلك قد ايه هوايا أنا أصلي بموت في حبك وحبك واصل للنهاية ومش لاقي أي كلام أنا من يوم ماشفتك حبيبي الدنيا شكل تاني خدني أدوب ف حضنك وسيبني، نفسي أعيش ثواني ننسى الكون دا كله بحاله، دا جوه عنيك مكاني عيشني أحلي غرام ضحكة عيونك وانا وياك، لما عينيك تيجي في عينيا وانا بين ايديك يا أرق ملاك بتاخدني من كل الدنيا انا من الليلادي هكمل بيك أيامي وسنيني الجاية هعيش حياتي أحب انا فيك، وحياتي ليك برضو شوية أنا نفسي بس اقولك بحبك بس مش كفاية أنا نفسي كلمة تانية توصفلك قد ايه هوايا أنا أصلي بموت في حبك وحبك واصل للنهاية ومش لاقي أي كلام أنا من يوم ماشفتك حبيبي الدنيا شكل تاني خدني أدوب ف حضنك وسيبني، نفسي أعيش ثواني ننسى الكون دا كله بحاله، دا جوه عنيك مكاني عيشني أحلي غرام اسيبك ليه اسيبك ليه؟ غريبة ان انت تسألني هسيبك ليه واقولك ايه؟ معادش مابينّا شئ يا حبيبي نبكي عليه بقولهالك عشان لو بعدي حبيت حد مفيش حبيبين بيتفقوا على فراقهم ويرتاحوا وآدينا اتنين في سكة بُعد واحدة بنفسهم راحوا هيتقابلوا ومش هيبصوا في عيون بعض لو حتي بعدك قلبي ضاع ميهمنيش بس انت سيبه ف حاله متجيش ناحيته وانا لو هموت مكانش حد قدر يعيش لو كل واحد حب جرحه موّته حبيبك ايه؟ بلاش تناديني بكلام انت مش حاسه وعارف ليه؟ في شئ جوايا مجروح انت مش لامسه ودي كفاية مفيش داعي بقى لدموع متحلفليش، ده أسلوبك وعارف مش هيتغير ومتحوشنيش عشان حبك ده غلطة مش هتتكرر هسبهالك ونمشي ونقفل الموضوع لو حتي بعدك قلبي ضاع ميهمنيش بس انت سيبه ف حاله متجيش ناحيته وانا لو هموت مكانش حد قدر يعيش لو كل واحد حب جرحه موّته ايه يا دنيا معرفش ايه اللي جرالنا بقينا ناس تانية غيرتي فينا كل حاجة حلوة يا دنيا قوليلي الناس بقى مالها، ماتت فيها آمالها اللي انا ياما جريت ف وريده، سابني غريق وممدش ايده واللي انا قايد شمعة عيده قادلي جراحي بدالها قوليلي ازاي أحبابنا مبقتش تخبط بابنا محدش بقى بيحس التاني كله حاسبها لعبها أناني حتى أعز الناس يا زماني عاشقة وحابة عذابنا كل ما سنة من عمري تعدي، الناس بتقيدلي شموع أفضل أمثل دور الفرحة وقلبي بيبكي دموع قوليلي ايه اللي جرالنا؟ وازاي للحال ده وصلنا القادرين كانوا دايماً يعفوا، والغلبان بنحس بضعفه كنا بندي الخير ونضاعفه للي يمد وصالنا بقي كله خلاص مش هامّه، بيدوس على ناس من دمه كله يا دنيا عايشها براحته والكداب بنحيي صراحته واللي يلاقي معاك مصلحته بتبقى يا عم عمه كل ما يوم من عمري يعدي، و كل ما يوم بيروح الاقيك جاي يا بكرة جايبلي ألم وهموم وجروح أنا حاسس اني ماشيكي زايل متغرب فيكي وشايف الدنيا اتقلبت غابة، كل مافيكي وحوش وديابة غاوية تعلي ف ناس كدابة وبتوطي اللي شاريكي بقوا كل الناس الخاينة مبادئهم واضحة وباينة بيموتوا اللي اختشوا م العيبة، ويعيشوا الخونة اللعيبة كتر الشر وغلب الطيبة وتحيا العشرة الهاينة حتى اللي صديقي وصاحبي، واعرفه من وقت مابحبي كان مقاسمني ف عيشي وملحي، كان ملازمني ف ألمي وفرحي لما زماني بلاني بجرحي، أول واحد طاح بي بقى سهل نبيع ضمايرنا، ومبنقدرش كبيرنا محدش بقى بيهمه العشرة، اللي دهب بقى فالصو وقشرة مهما نقيد صوابعنا العشرة، كله بينكر خيرنا بقيت كل اللي بقابله بيشكي ويحكي ويبكي جراح كل كلامنا زماننا ألمنا، سرق أيامنا وراح نص عمري لو يرجع بيا العمر واعيش تاني اللي انا عشته لو ينفع اقابل كل اللي انا في حياتي خسرته انا مش هتنازل عن احساسي دلوقت احتاجته أيام الواحد لما يكون في بداية حلمه وفي ناس حواليه عارفاه لله في لله وبتحبه ناس كده م النوع اللي الواحد يلاقيهم سنده أدفع نص عمري والاقي زي الناس دي تاني أجمل وقت عشته وذكريات دايماً وحشاني دانا بالإسم فاكر كل واحد واللي عمله عشاني دايماً على بالي الناس اللي انا مبقتش بشوفهم سايبنلي علامة كبيرة ف عمري وكتّر خيرهم على كل نصيحة اتقالت ليا وبيها فاكرهم دانا مهما بقابل ولّا يفوت العمر ويجري على قد صوابع ايدي الواحدة عرفت ف عمري اللي بيخلصلي بقلبه ومش عايز حاجة مني أدفع نص عمري والاقي زي الناس دي تاني أجمل وقت عشته وذكريات دايماً وحشاني دانا بالإسم فاكر كل واحد واللي عمله عشاني عجيب يا زمن عجيب يا زمن، أمرك غريب بقى فيك الغدر عادي وفيك الحب عيب عجيب يا زمن، أمرك غريب واللي حنين وطيب ع الأرض مالوش نصيب كنت حنين عليهم وجرحوني بايديهم والجرح ياناس بيوجع لما يكون م الحبيب ليلي ياه، عيني ياه، ياليل ياعيني ياليلي يا ياما شيلت جوة ف حضني ياما ضميت ايديا وكنت اواسي دمعهم بدموع عينيا أتاريني جوة ف قلبهم مشطوب عليا شافو مني حب كتير وانا شفت جرح كتير وانا ليا رب كبير يهون عليا ليلي ياه، عيني ياه، ياليل ياعيني ياليلي يا خسارة، حبة قلوب منظر يادوب، وفي الأساس فاضية ما البحر شكله يشد لكن ضربته بقاضية عشقت ناس كانوا م الأساس ملهمش ف العشرة منورين من برة بس من جواهم قشرة يارب انا نفسي اسامح، أنا اتغدر بيا اوقات الواحد بيحس أوقات الواحد بيحس، انه مالوش نفس لأي حاجة وكتير الواحد يتهز ويعانده الحظ ف كل حاجة الخير في الشر اتلخبط ومحدش بيقول بغلط، ونبيع ونخوِّن مبقاش في زماننا ملايكة ومابينّا أسلاك شايكة، ويا مهون هوِّن وبنعدي وبنقول يلا، يلا وكله على الله وبنعدي وبنقول يلا، يلا وكله على الله أوقات الواحد بيحس، انه مالوش نفس لأي حاجة وكتير الواحد يتهز ويعانده الحظ ف كل حاجة مين فينا عايش ع الفِطرة؟ والناس من فترة لفترة كده ليه بتتحول على طول بيخوننا ذكاءنا نرجع مطرح ما بدأنا، ونعيد م الأول وبنعدي وبنقول يلا، يلا وكله على الله وبنعدي وبنقول يلا، يلا وكله على الله أوقات الواحد بيحس، انه مالوش نفس لأي حاجة وكتير الواحد يتهز ويعانده الحظ ف كل حاجة شكك شكك شكك شكك قول واتلكك، كل ده علشان تسمع مني ان انا من غيرك متدربك، وغيابك لو ساعة جنني عيب يا حبيبي ده كتير كده لأ، العبد لله ده ياما ياما دادا لأ لا مش انا اللي ف يوم يتقالي اني بقضي يومين اللي غاصبني ومخليني اطول، ده انت ياعيني بتحب تهول ده انت حبيبي أكتر م الأول، اهمد بقى دقيقتين! شكك شكك قول واتلكك، كل ده علشان تسمع مني ان انا من غيرك متدربك، وغيابك لو ساعة جنني صدقني انا قاري وبعدي واداري، اتقل واسأل واتدلع وانا هفضل ادادي اكتر م العادي واكمني بحبك هعمل ايه بسلامتك جيت، ملك التثبيت يظهر بقى بابه مخلع واياك تتغرّ احنا على البر، اتقي شر اللي تقلت عليه عيب يا حبيبي ده كتير كده لأ، العبد لله ده ياما ياما دادا لأ لا مش انا اللي ف يوم يتقالي اني بقضي يومين اللي غاصبني ومخليني اطول، ده انت ياعيني بتحب تهول ده انت حبيبي أكتر م الأول، اهمد بقى دقيقتين! شكك شكك قول واتلكك، كل ده علشان تسمع مني ان انا من غيرك متدربك، وغيابك لو ساعة جنني من الليلة معاك م الليلة معاك يا حبيبي، ولقيت وياك يا نصيبي كل الأحلام قدامي و ف غمضة عين هنعيش أيام وليالي، شوق، حب، غرام تعالالي وهقول للناس ده الغالي في عيني الإتنين يا حبيبي انت كل الناس والغُنا بإحساس و انت أحلى سنين وبكلمة قلبي داب في هواك، شاف قصاده ملاك طب هبص لمين! م الليلة معاك يا حبيبي، ولقيت وياك يا نصيبي كل الأحلام قدامي و ف غمضة عين احنا الاتنين أهو جينا راسمين قلبين في ايدينا ويارب لا يوم بقى ييجي ونكون في بعاد قربت بعيد وناديته وحلمنا ببيت وبنيته كملها كمان، الفرحة بشموع تتقاد يا حبيبي انت كل الناس والغُنا بإحساس و انت أحلى سنين وبكلمة قلبي داب في هواك، شاف قصاده ملاك طب هبص لمين! Lord Of MuSic رابط هذا التعليق شارك More sharing options...
ahmaed_verde قام بنشر February 10, 2017 Share قام بنشر February 10, 2017 مجهود رائع رابط هذا التعليق شارك More sharing options...
Admin Yogioh قام بنشر February 11, 2017 Admin Share قام بنشر February 11, 2017 Great Work I Believe In My Power رابط هذا التعليق شارك More sharing options...
Nuor El-Din Osman قام بنشر February 13, 2017 Share قام بنشر February 13, 2017 Nice Work رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان